8. Aµµhakanip±to

1. Mah±kacc±yanattherag±th±vaººan±

Aµµhakanip±te kamma½ bahukanti-±dik± ±yasmato mah±kacc±yanattherassa g±th±. K± uppatti? Ayampi purimabuddhesu kat±dhik±ro padumuttarassa bhagavato k±le gahapatimah±s±lakule nibbattitv± vuddhippatto, ekadivasa½ satthu santike dhamma½ suºanto satth±r± sa½khittena bh±sitassa vitth±rena attha½ vibhajant±na½ aggaµµh±ne µhapiyam±na½ eka½ bhikkhu½ disv±, sayampi ta½ µh±na½ patthento paºidh±na½ katv±, d±n±d²ni puññ±ni katv±, devamanussesu sa½saranto sumedhassa bhagavato k±le vijj±dharo hutv± ±k±sena gacchanto satth±ra½ himavantapabbate ekasmi½ vanasaº¹e nisinna½ disv± pasannam±naso kaºik±rapupphehi p³ja½ ak±si.
So tena puññakammena apar±para½ sugat²suyeva parivattento kassapadasabalassa k±le b±r±ºasiya½ kulaghare nibbattitv± parinibbute bhagavati suvaººacetiyakaraºaµµh±ne satasahassagghanik±ya suvaººiµµhak±ya p³ja½ katv±, “bhagav± mayha½ nibbattanibbattaµµh±ne sar²ra½ suvaººavaººa½ hot³”ti patthana½ ak±si.
Tato y±vaj²va½ kusalakamma½ katv± eka½ buddhantara½ devamanussesu sa½saritv± imasmi½ buddhupp±de ujjeniya½ rañño caº¹apajjotassa purohitagehe nibbatti. Tassa n±maggahaºadivase m±t± “mayha½ putto suvaººavaººo, attano n±ma½ gahetv± ±gato”ti kañcanam±ºavo tveva n±ma½ ak±si. So vu¹¹himanv±ya tayo vede uggahetv± pitu accayena purohitaµµh±na½ labhi. So gottavasena kacc±yanoti paññ±yittha. Ta½ r±j± caº¹apajjoto buddhupp±da½ sutv±, “±cariya, tva½ tattha gantv± satth±ra½ idh±neh²”ti pesesi. So attaµµhamo satthu santika½ upagato. Tassa satth± dhamma½ deseti. Desan±pariyos±ne so sattahi janehi saddhi½ saha paµisambhid±hi arahatte patiµµh±si. Tena vutta½ apad±ne (apa. thera 2.54.1-27)–
“Padumuttaro n±ma jino, anejo ajita½ jayo;
satasahasse kapp±na½, ito uppajji n±yako.
“V²ro kamalapattakkho, sasaªkavimal±nano;
kanak±calasaªk±so, ravidittisamappabho.
“Sattanettamanoh±r², varalakkhaºabh³sito;
sabbav±kyapath±t²to, manuj±marasakkato.
“Sambuddho bodhaya½ satte, v±g²so madhurassaro;
karuº±nibandhasant±no, paris±su vis±rado.
“Deseti madhura½ dhamma½, catusacc³pasa½hita½;
nimugge mohapaªkamhi, samuddharati p±ºine.
“Tad± ekacaro hutv±, t±paso himav±layo;
nabhas± m±nusa½ loka½, gacchanto jinamaddasa½.
“Upecca santika½ tassa, assosi½ dhammadesana½;
vaººayantassa v²rassa, s±vakassa mah±guºa½.
“Sa½khittena may± vutta½, vitth±rena pak±saya½;
parisa½ mañca toseti, yath± kacc±yano aya½.
“N±ha½ evamidhekacca½, añña½ pass±mi s±vaka½;
tasm±tadagge esaggo, eva½ dh±retha bhikkhavo.
“Tad±ha½ vimhito hutv±, sutv± v±kya½ manorama½;
himavanta½ gamitv±na, ±hitv± pupphasañcaya½.
“P³jetv± lokasaraºa½, ta½ µh±namabhipatthayi½;
tad± mam±saya½ ñatv±, by±k±si sa raºañjaho.
“Passatheta½ isivara½, niddhantakanakattaca½;
uddhaggaloma½ p²ºa½sa½, acala½ pañjali½ µhita½.
“H±sa½ supuººanayana½, buddhavaººagat±saya½;
dhammaja½ uggahadaya½, amat±sittasannibha½.
“Kacc±nassa guºa½ sutv±, ta½ µh±na½ patthaya½ µhito;
an±gatamhi addh±ne, gotamassa mah±mune.
“Tassa dhammesu d±y±do, oraso dhammanimmito;
kacc±no n±ma n±mena, hessati satthu s±vako.
“Bahussuto mah±ñ±º², adhipp±yavid³ mune;
p±puºissati ta½ µh±na½, yath±ya½ by±kato may±.
“Satasahassito kappe, ya½ kammamakari½ tad±;
duggati½ n±bhij±n±mi, buddhap³j±yida½ phala½.
“Duve bhave sa½sar±mi, devatte atha m±nuse;
añña½ gati½ na gacch±mi, buddhap³j±yida½ phala½.
“Duve kule paj±y±mi, khattiye atha br±hmaºe;
n²ce kule na j±y±mi, buddhap³j±yida½ phala½.
“Pacchime ca bhave d±ni, j±to ujjeniya½ pure;
pajjotassa ca caº¹assa, purohitadij±dhino.
“Putto tiriµivacchassa, nipuºo vedap±rag³;
m±t± ca candim± n±ma, kacc±noha½ varattaco.
“V²ma½sanattha½ buddhassa, bh³mip±lena pesito;
disv± mokkhapuradv±ra½, n±yaka½ guºasañcaya½.
“Sutv± ca vimala½ v±kya½, gatipaªkavisosana½;
p±puºi½ amata½ santa½, sesehi saha sattahi.
“Adhipp±yavid³ j±to, sugatassa mah±mate;
µhapito etadagge ca, susamiddhamanoratho.
“Kiles± jh±pit± mayha½…pe… kata½ buddhassa s±sanan”ti;
atha satth± “etha, bhikkhavo”ti hattha½ pas±resi; te t±vadeva dvaªgulamattakesamassuk± iddhimayapattac²varadhar± vassasaµµhikatther± viya ahesu½; eva½ thero sadattha½ nipph±detv±, “bhante, r±j± pajjoto tumh±ka½ p±de vanditu½ dhammañca sotu½ icchat²”ti satthu ±rocesi; satth±, “tva½yeva, bhikkhu, tattha gaccha, tayi gatepi r±j± pas²dissat²”ti ±ha; thero satthu ±º±ya attaµµhamo tattha gantv± r±j±na½ pas±detv± avant²su s±sana½ patiµµh±petv± puna satthu santikameva gato; so ekadivasa½ sambahule bhikkh³ samaºadhamma½ pah±ya kamm±r±me saªgaºik±r±me rasataºh±nugate ca pam±davih±rino disv± tesa½ ov±davasena–
494. “kamma½ bahuka½ na k±raye, parivajjeyya jana½ na uyyame;
so ussukko ras±nugiddho, attha½ riñcati yo sukh±dhiv±ho.
495. “Paªkoti hi na½ avedayu½, y±ya½ vandanap³jan± kulesu;
sukhuma½ salla½ durubbaha½, sakk±ro k±purisena dujjaho”ti.–

Dve g±th± abh±si.

Tattha kamma½ bahuka½ na k±rayeti nav±v±sak±r±pan±di½ samaºadhammakaraºassa paribandhabh³ta½ mahanta½ navakamma½ na paµµhapeyya, khuddaka½ appasam±rambha½ khaº¹aphullapaµisaªkharaº±di½ satthu vacanapaµip³janattha½ k±tabbameva. Parivajjeyya jananti gaºasaªgaºikavasena jana½ vivajjeyya. Jananti v± y±disa½ sa½sevato bhajato payirup±sato kusal± dhamm± parih±yanti, akusal± dhamm± abhiva¹¹hanti, t±disa½ akaly±ºamittabh³ta½ jana½ parivajjeyya. Na uyyameti, paccayupp±danattha½ kulasaªgaºhanavasena na v±yameyya, yasm± so ussukko ras±nugiddho, attha½ riñcati yo sukh±dhiv±hoti yo ras±nugiddho rasataºh±vasiko bhikkhu paccayupp±danapasuto, so kulasaªgaºhanattha½ ussukko, tesu sukhitesu sukhito, dukkhitesu dukkhito, uppannesu kiccakaraº²yesu attan± yoga½ ±pajjati, yo sukh±dhiv±ho samathavipassan±maggaphalanibb±nasukh±vaho s²l±di-attho, ta½ riñcati pajahati eka½sena att±na½ tato vivecet²ti attho.
Eva½ paµhamag±th±ya “kamm±r±mata½ saªgaºik±r±mata½ paccayagedhañca vajjeth±”ti ovaditv± id±ni sakk±r±bhil±sa½ garahanto dutiya½ g±tham±ha. Tassattho– y± aya½ bhikkh±ya upagat±na½ pabbajit±na½ kulesu gehav±s²hi guºasambh±van±ya kar²yam±n± vandan± p³jan± ca, yasm± ta½ abh±vitatt±na½ os²d±panaµµhena malinabh±vakaraºaµµhena ca paªko kaddamoti buddh±dayo ariy± pavedayu½ abbhañña½su pavedesu½ v±, yasm± ca apariññ±takkhandh±na½ andhaputhujjan±na½ sakk±r±bhil±sa½ duviññeyyasabh±vat±ya p²¼±jananato anto tudanato duruddharaºato ca sukhuma½ salla½ durubbaha½ pavedayu½, tato eva sakk±ro k±purisena dujjaho duppajaheyyo tassa pah±napaµipattiy± appaµipajjanato. Sakk±r±bhil±sappah±nena hi sakk±ro pah²no hoti, tasm± tassa pah±n±ya ±yogo karaº²yoti dasseti–
496. “Na parassupanidh±ya, kamma½ maccassa p±paka½;
attan± ta½ na seveyya, kammabandh³ hi m±tiy±.
497. “Na pare vacan± coro, na pare vacan± muni;
att± ca na½ yath± vedi, dev±pi na½ tath± vid³.
498. “Pare ca na vij±nanti, mayamettha yam±mase;
ye ca tattha vij±nanti, tato sammanti medhag±.
499. “J²vate v±pi sappañño, api vittaparikkhayo;
paññ±ya ca al±bhena, vittav±pi na j²vati.
500. “Sabba½ suº±ti sotena, sabba½ passati cakkhun±;
na ca diµµha½ suta½ dh²ro, sabba½ ujjhitumarahati.
501. “Cakkhum±ssa yath± andho, sotav± badhiro yath±;
paññav±ssa yath± m³go, balav± dubbaloriva;
atha atthe samuppanne, sayetha matas±yikan”ti.–

Im± cha g±th± rañño pajjotassa ov±davasena abh±si. So kira br±hmaºe saddahitv± pasugh±tayañña½ k±reti, kamma½ asodhetv±va acore corasaññ±ya daº¹esi, aµµakaraºe ca ass±mike s±mike karoti, s±mike ca ass±mike. Tato na½ thero vivecetu½ “na parass±”ti-±din± cha g±th± abh±si.

Tattha na parassupanidh±ya, kamma½ maccassa p±pakanti parassa maccassa sattassa upanidh±ya uddissa k±raºa½ katv± p±paka½ vadhabandh±dikamma½ na seveyya, parena na k±r±peyy±ti attho. Attan± ta½ na seveyy±ti attan±pi ta½ p±paka½ na kareyya. Kasm±? Kammabandh³ hi m±tiy± ime m±tiy± macc± kammad±y±d±, tasm± attan± ca kiñci p±pakamma½ na kareyya, parenapi na k±r±peyy±ti attho.
Na pare vacan± coroti attan± coriya½ akatv± paravacan± parassa vacanamattena coro n±ma na hoti, tath± na pare vacan± muni parassa vacanamattena muni suvisuddhak±yavac²manosam±c±ro na hoti. Ettha hi pareti vibhatti-alopa½ katv± niddeso. Keci pana “paresanti vattabbe pareti sa½-k±ralopa½ katv± niddiµµhan”ti vadanti. Att± ca na½ yath± ved²ti na½ satta½ tassa att± citta½ yath± “aha½ parisuddho, aparisuddho v±”ti y±th±vato avedi j±n±ti. Dev±pi na½ tath± vid³ti visuddhidev±, upapattidev± ca tath± vid³ vidanti j±nanti, tasm± saya½ t±dis± dev± ca pam±ºa½ suddh±suddh±na½ suddh±suddhabh±vaj±nane, na ye keci icch±dosaparet± satt±ti adhipp±yo.
Pareti paº¹ite µhapetv± tato aññe, kusal±kusalas±vajj±navajja½ kamma½ kammaphala½ k±yassa asubhata½ saªkh±r±na½ aniccata½ aj±nant± idha pare n±ma. Te mayamettha imasmi½ j²valoke yam±ma uparam±ma, “satata½ samita½ maccu santika½ gacch±m±”ti na j±nanti. Ye ca tattha vij±nant²ti ye ca tattha paº¹it± “maya½ maccu sam²pa½ gacch±m±”ti vij±nanti. Tato sammanti medhag±ti evañhi te j±nant± medhag±na½ paravihi½san±na½ v³pasam±ya paµipajjanti, attan± pare ca aññe na medhanti na b±dhent²ti attho. Tva½ pana j²vitanimitta½ acore core karontopi daº¹anena s±mike ass±mike karontopi dhanaj±niy± b±dhasi paññ±vekallato. Tath± akarontopi j²vate v±pi sappañño, api vittaparikkhayo parikkh²ºadhanopi sappaññaj±tiko itar²tarasantosena santuµµho anavajj±ya j²vik±ya j²vatiyeva. Tassa hi j²vita½ n±ma. Ten±ha bhagav±– “paññ±j²vi½ j²vitam±hu seµµhan”ti (sa½. ni. 1.73, 246; su. ni. 184). Dummedhapuggalo pana paññ±ya ca al±bhena diµµhadhammika½ sampar±yikañca attha½ vir±dhento vittav±pi na j²vati garah±dipavattiy± j²vanto n±ma na hoti, anup±yaññut±ya yath±dhigata½ dhana½ n±sento j²vitampi sandh±retu½ na sakkotiyeva.
Im± kira catassopi g±th± thero supinantena rañño kathesi. R±j± supina½ disv± thera½ namassantoyeva pabujjhitv± pabh±t±ya rattiy± thera½ upasaªkamitv± vanditv± attan± diµµhaniy±mena supina½ kathesi. Ta½ sutv± thero t± g±th± paccunubh±sitv± “sabba½ suº±t²”ti-±din± dv²hi g±th±hi r±j±na½ ovadi. Tattha sabba½ suº±ti soten±ti idha sotabba½ sadda½ ±p±thagata½ sabba½ subh±sita½ dubbh±sitañca abadhiro sotena suº±ti. Tath± sabba½ r³pa½ sundara½ asundarampi cakkhun± anandho passati, ayamindriy±na½ sabh±vo. Tattha pana na ca diµµha½ suta½ dh²ro, sabba½ ujjhitunti ca nidassanamattameta½. Yañhi ta½ diµµha½ suta½ v±, na ta½ sabba½ dh²ro sappañño ujjhitu½ pariccajitu½ gahetu½ v± arahati. Guº±guºa½ pana tattha upaparikkhitv± ujjhitabbameva ujjhitu½ gahetabbañca gahetu½ arahati, tasm± cakkhum±ssa yath± andho cakkhum±pi sam±no ujjhitabbe diµµhe andho yath± assa apassanto viya bhaveyya, tath± ujjhitabbe sute sotav±pi badhiro yath± assa asuºanto viya bhaveyya. Paññav±ssa yath± m³goti vic±raºapaññ±ya paññav± vacanakusalopi avattabbe m³go viya bhaveyya. Balav± th±masampannopi akattabbe dubbaloriva, rak±ro padasandhikaro, asamattho viya bhaveyya. Atha atthe samuppanne, sayetha matas±yikanti attan± k±tabbakicce uppanne upaµµhite matas±yika½ sayetha, matas±yika½ sayitv±pi ta½ kicca½ t²retabbameva, na vir±dhetabba½. Atha v± atha atthe samuppanneti attan± akaraº²ye atthe kicce uppanne upaµµhite matas±yika½ sayetha, matas±yika½ sayitv±pi ta½ na k±tabbameva. Na hi paº¹ito ayutta½ k±tumarahat²ti eva½ therena ovadito r±j± akattabba½ pah±ya k±tabbeyeva yuttappayutto ahos²ti.

Mah±kacc±yanattherag±th±vaººan± niµµhit±.