11. Soŗakuµikaŗŗattherag±th±vaŗŗan±

Upasampad± ca me laddh±ti-±dik± ±yasmato soŗassa kuµikaŗŗassa g±th±. K± uppatti? Aya½ kira padumuttarassa bhagavato k±le ha½savat²nagare vibhavasampanno seµµhi hutv± u¼±r±ya issariyasampattiy± µhito ekadivasa½ satth±ra½ satasahassakh²ŗ±savaparivuta½ mahatiy± buddhal²¼±ya mahantena buddh±nubh±vena nagara½ pavisanta½ disv± pasannam±naso vanditv± ańjali½ katv± aµµh±si. So pacch±bhatta½ up±sakehi saddhi½ vih±ra½ gantv± bhagavato santike dhamma½ suŗanto satth±ra½ eka½ bhikkhu½ kaly±ŗav±kkaraŗ±na½ aggaµµh±ne µhapenta½ disv± sayampi ta½ µh±na½ patthetv± mah±d±na½ datv± paŗidh±na½ ak±si. Satth± tassa anantar±yata½ disv± “an±gate gotamassa n±ma samm±sambuddhassa s±sane kaly±ŗav±kkaraŗ±na½ aggo bhavissat²”ti by±k±si.
So tattha y±vaj²va½ puńń±ni katv± devamanussesu sa½saranto vipassissa bhagavato k±le s±sane pabbajitv± vattapaµivatt±ni p³rento ekassa bhikkhuno c²vara½ sibbitv± ad±si. Puna buddhasuńńe loke b±r±ŗasiya½ tunnav±yo hutv± ekassa paccekabuddhassa c²varakoµi½ chinna½ ghaµetv± ad±si. Eva½ tattha tattha puńń±ni katv± imasmi½ buddhupp±de avantiraµµhe kuraraghare mah±vibhavassa seµµhino putto hutv± nibbatti. Soŗotissa n±ma½ aka½su. Koµi-agghanakassa kaŗŗapi¼andhanassa dh±raŗena “koµikaŗŗo”ti vattabbe kuµikaŗŗoti pańń±yittha.
So anukkamena va¹¹hitv± kuµumba½ saŗµhapento ±yasmante mah±kacc±ne kulaghara½ niss±ya pavattapabbate viharante tassa santike dhamma½ sutv± saraŗesu ca s²lesu ca patiµµh±ya ta½ cat³hi paccayehi upaµµhahi. So aparabh±ge sa½s±re sańj±tasa½vego therassa santike pabbajitv± kicchena kasirena dasavagga½ saŖgha½ sannip±tetv± upasampajjitv± katipayak±la½ therassa santike vasitv±, thera½ ±pucchitv± satth±ra½ vanditu½ s±vatthi½ upagato, satth±r± ekagandhakuµiya½ v±sa½ labhitv± pacc³sasamaye ajjhiµµho so¼asa-aµµhakavaggiy±na½ uss±raŗena s±dhuk±ra½ datv± bh±sit±ya “disv± ±d²nava½ loke”ti (ud±. 46; mah±va. 258) ud±nag±th±ya pariyos±ne vipassana½ va¹¹hetv± arahatta½ p±puŗi. Tena vutta½ apad±ne (apa. thera 2.44.26-34)–
“Padumuttaro n±ma jino, ±hut²na½ paµiggaho;
vas²satasahassehi, nagara½ p±vis² tad±.
“Nagara½ pavisantassa, upasantassa t±dino;
ratan±ni pajjoti½su, nigghoso ±si t±vade.
“Buddhassa ±nubh±vena, bher² vajjumaghaµµit±;
saya½ v²ŗ± pavajjanti, buddhassa pavisato pura½.
“Buddhaseµµha½ namass±mi, padumuttaramah±muni½;
p±µih²rańca passitv±, tattha citta½ pas±dayi½.
“Aho buddho aho dhammo, aho no satthu sampad±;
acetan±pi t³riy±, sayameva pavajjare.
“Satasahassito kappe, ya½ sańńamalabhi½ tad±;
duggati½ n±bhij±n±mi, buddhasańń±yida½ phala½.
“Kiles± jh±pit± mayha½…pe… kata½ buddhassa s±sanan”ti;
arahatte pana patiµµhito attano upajjh±yena ±cikkhitaniy±mena paccantimesu janapadesu vinayadharapańcamena gaŗena upasampad±, dhuvanh±na½, cammattharaŗa½, guŗaŖguŗ³p±hana½, c²varavippav±soti pańca vare y±citv± te satthu santik± labhitv± punadeva attano vasitaµµh±na½ gantv± upajjh±yassa tamattha½ ±rocesi; ayamettha saŖkhepo; vitth±ro pana ud±naµµhakath±ya½ ±gatanayena veditabbo; aŖguttaraµµhakath±ya½ (a. ni. aµµha. 1.1.206) pana “upasampanno hutv± attano upajjh±yassa santike kammaµµh±na½ gahetv± vipassana½ va¹¹hetv± arahatta½ p±puŗ²”ti vutta½;
so aparabh±ge vimuttisukhena viharanto attano paµipatti½ paccavekkhitv± somanassaj±to ud±navasena–
365. “upasampad± ca me laddh±, vimutto camhi an±savo;
so ca me bhagav± diµµho, vih±re ca sah±vasi½.
366. “Bahudeva ratti½ bhagav±, abbhok±setin±mayi;
vih±rakusalo satth±, vih±ra½ p±vis² tad±.
367. “Santharitv±na saŖgh±µi½, seyya½ kappesi gotamo;
s²ho selaguh±ya½va, pah²nabhayabheravo.
368. “Tato kaly±ŗav±kkaraŗo, samm±sambuddhas±vako;
soŗo abh±si saddhamma½, buddhaseµµhassa sammukh±.
369. “Pańcakkhandhe parińń±ya, bh±vayitv±na ańjasa½;
pappuyya parama½ santi½, parinibbissatyan±savo”ti.–

Im± pańca g±th± abh±si.

Tattha upasampad± ca me laddh±ti y± s± kicchena dasavagga½ bhikkhusaŖgha½ sannip±tetv± attan± laddh± upasampad±. Y± ca pana varad±navasena sabbapaccantimesu janapadesu vinayadharapańcamena gaŗena satth±r± anuńń±t± upasampad±, tadubhaya½ sandh±y±ha. Ca-saddo samuccayattho, tena itarepi satthu santik± laddhavare saŖgaŗh±ti. Vimutto camhi an±savoti aggamaggena sakalakilesavatthuvimuttiy± vimutto ca amhi. Tato eva k±m±sav±d²hi an±savo amh²ti yojan±. So ca me bhagav± diµµhoti yadattha½ aha½ avantiraµµhato s±vatthi½ gato, so ca bhagav± may± adiµµhapubbo diµµho. Vih±re ca sah±vasinti na kevala½ tassa bhagavato dassanameva may± laddha½, atha kho vih±re satthu gandhakuµiya½ satth±r± k±raŗa½ sallakkhetv± v±sentena saha avasi½. “Vih±reti vih±rasam²pe”ti keci.
Bahudeva rattinti paµhama½ y±ma½ bhikkh³na½ dhammadesan±vasena kammaµµh±nasodhanavasena ca, majjhima½ y±ma½ dev±na½ brahm³nańca kaŖkhacchedanavasena bhagav± bahudeva ratti½ abbhok±se atin±mayi v²tin±mesi. Vih±rakusaloti dibbabrahma-±neńja-ariyavih±resu kusalo. Vih±ra½ p±vis²ti ativela½ nisajjacaŖkamehi uppannaparissamavinodanattha½ gandhakuµi½ p±visi.
Santharitv±na saŖgh±µi½, seyya½ kappes²ti catugguŗa½ saŖgh±µi½ pańń±petv± s²haseyya½ kappesi. Ten±ha “gotamo s²ho selaguh±ya½va pah²nabhayabheravo”ti. Tattha gotamoti bhagavanta½ gottena kitteti. S²ho selaguh±ya½v±ti selassa pabbatassa guh±ya½. Yath± s²ho migar±j± tejussadat±ya pah²nabhayabheravo dakkhiŗena passena p±de p±da½ acc±dh±ya seyya½ kappesi, eva½ cittutr±salomaha½sanachambhitattahet³na½ kiles±na½ samucchinnatt± pah²nabhayabheravo gotamo bhagav± seyya½ kappes²ti attho.
Tatoti pacch±, s²haseyya½ kappetv± tato vuµµhahitv± “paµibh±tu ta½ bhikkhu dhammo bh±situn”ti (ud±. 46) satth±r± ajjhesitoti attho. Kaly±ŗav±kkaraŗoti sundaravac²karaŗo, lakkhaŗasampannavacanakkamoti attho. Soŗo abh±si saddhammanti so¼asa aµµhakavaggiyasutt±ni soŗo kuµikaŗŗo, buddhaseµµhassa samm±sambuddhassa sammukh±, paccakkhato abh±s²ti thero att±nameva para½ viya avoca.
Pańcakkhandhe parińń±y±ti pańcup±d±nakkhandhe t²hipi parińń±hi parij±nitv± te parij±nantoyeva, ańjasa½ ariya½ aµµhaŖgika½ magga½ bh±vayitv±, parama½ santi½ nibb±na½ pappuyya p±puŗitv± µhito an±savo. Tato eva id±ni parinibbissati anup±disesanibb±navasena nibb±yissat²ti.

Soŗakuµikaŗŗattherag±th±vaŗŗan± niµµhit±.