2. Subh³tattherag±th±vaººan±

Ayogeti-±dik± ±yasmato subh³tattherassa g±th±. K± uppatti? Ayampi purimabuddhesu kat±dhik±ro tattha tattha bhave puññ±ni upacinanto kassapassa bhagavato k±le b±r±ºasiya½ gahapatimah±s±lakule nibbattitv± viññuta½ patto ekadivasa½ satthu santike dhamma½ sutv± pasannam±naso saraºesu ca s²lesu ca patiµµh±ya m±se m±se aµµhakkhattu½ catujj±tiyagandhena satthu gandhakuµi½ opuñj±pesi. So tena puññakammena nibbattanibbattaµµh±ne sugandhasar²ro hutv±, imasmi½ buddhupp±de magadharaµµhe gahapatikule nibbattitv± subh³toti laddhan±mo vayappatto, nissaraºajjh±sayat±ya ghar±v±sa½ pah±ya titthiyesu pabbajitv± tattha s±ra½ alabhanto, satthu santike upatissakolitasel±dike bah³ samaºabr±hmaºe pabbajitv± s±maññasukha½ anubhavante disv± s±sane paµiladdhasaddho pabbajitv± ±cariyupajjh±ye ±r±dhetv± kammaµµh±na½ gahetv± vivekav±sa½ vasanto vipassana½ va¹¹hetv± arahatta½ p±puºi. Tena vutta½ apad±ne (apa. thera 2.55.272-308)–
“Imamhi bhaddake kappe, brahmabandhu mah±yaso;
kassapo n±ma gottena, uppajji vadata½ varo.
“Anubyañjanasampanno, b±tti½savaralakkhaºo;
by±mappabh±parivuto, ra½sij±lasamotthaµo.
“Ass±set± yath± cando, s³riyova pabhaªkaro;
nibb±pet± yath± megho, s±garova guº±karo.
“Dharaº²riva s²lena, himav±va sam±dhin±;
±k±so viya paññ±ya, asaªgo anilo yath±.
“Tad±ha½ b±r±ºasiya½, upapanno mah±kule;
pah³tadhanadhaññasmi½, n±n±ratanasañcaye.
“Mahat± pariv±rena, nisinna½ lokan±yaka½;
upecca dhammamassosi½, amata½va manohara½.
“Dvatti½salakkhaºadharo, sanakkhattova candim±;
anubyañjanasampanno, s±lar±j±va phullito.
“Ra½sij±laparikkhitto, dittova kanak±calo;
by±mappabh±parivuto, satara½s² div±karo.
“Soºº±nano jinavaro, samaº²va siluccayo;
karuº±puººahadayo, guºena viya s±garo.
“Lokavissutakitti ca, siner³va naguttamo;
yasas± vitthato v²ro, ±k±sasadiso muni.
“Asaªgacitto sabbattha, anilo viya n±yako;
patiµµh± sabbabh³t±na½, mah²va munisattamo.
“Anupalitto lokena, toyena paduma½ yath±;
kuv±dagacchadahano, aggikkhandhova sobhati.
“Agado viya sabbattha, kilesavisan±sako;
gandham±danaselova, guºagandhavibh³sito.
“Guº±na½ ±karo v²ro, ratan±na½va s±garo;
sindh³va vanar±j²na½, kilesamalah±rako.
“Vijay²va mah±yodho, m±rasen±vamaddano;
cakkavatt²va so r±j±, bojjhaªgaratanissaro.
“Mah±bhisakkasaªk±so, dosaby±dhitikicchako;
sallakatto yath± vejjo, diµµhigaº¹aviph±lako.
“So tad± lokapajjoto, sanar±marasakkato;
paris±su nar±dicco, dhamma½ desayate jino.
“D±na½ datv± mah±bhogo, s²lena sugat³pago;
bh±van±ya ca nibb±ti, iccevamanus±satha.
“Desana½ ta½ mahass±da½, ±dimajjhantasobhana½;
suºanti paris± sabb±, amata½va mah±rasa½.
“Sutv± sumadhura½ dhamma½, pasanno jinas±sane;
sugata½ saraºa½ gantv±, y±vaj²va½ namassaha½.
“Munino gandhakuµiy±, opuñjesi½ tad± mahi½;
catujj±tena gandhena, m±se aµµha dinesvaha½.
“Paºidh±ya sugandhatta½, sar²ravissagandhino;
tad± jino viy±k±si, sugandhatanul±bhita½.
“Yo ya½ gandhakuµibh³mi½, gandhenopuñjate saki½;
tena kammavip±kena, upapanno tahi½ tahi½.
“Sugandhadeho sabbattha, bhavissati aya½ naro;
guºagandhayutto hutv±, nibb±yissatin±savo.
“Tena kammena sukatena, cetan±paºidh²hi ca;
jahitv± m±nusa½ deha½, t±vati½samagacchaha½.
“Pacchime ca bhave d±ni, j±to vippakule aha½;
gabbha½ me vasato m±t±, dehen±si sugandhit±.
“Yad± ca m±tukucchimh±, nikkham±mi tad± pur²;
s±vatthi sabbagandhehi, v±sit± viya v±yatha.
“Pupphavassañca surabhi, dibbagandha½ manorama½;
dh³p±ni ca mahaggh±ni, upav±yi½su t±vade.
“Dev± ca sabbagandhehi, dh³papupphehi ta½ ghara½;
v±sayi½su sugandhena, yasmi½ j±to aha½ ghare.
“Yad± ca taruºo bhaddo, paµhame yobbane µhito;
tad± sela½ saparisa½, vinetv± naras±rathi.
“Tehi sabbehi parivuto, s±vatthipuram±gato;
tad± buddh±nubh±va½ ta½, disv± pabbajito aha½.
“S²la½ sam±dhipaññañca, vimuttiñca anuttara½;
bh±vetv± caturo dhamme, p±puºi½ ±savakkhaya½.
“Yad± pabbajito c±ha½, yad± ca arah± ahu½;
nibb±yissa½ yad± c±ha½, gandhavasso tad± ahu.
“Sar²ragandho ca sad±tiseti me, mah±raha½ candanacampakuppala½;
tatheva gandhe itare ca sabbaso, pasayha v±y±mi tato tahi½ tahi½.
“Kiles± jh±pit± mayha½…pe… kata½ buddhassa s±sanan”ti;
arahatta½ pana patv± titthiyesu pabbajitv± attano patta½ attakilamath±nuyoga½ dukkha½, s±sane pabbajitv± patta½ jh±n±disukhañca cintetv± attano paµipattipaccavekkhaºamukhena añña½ by±karonto–
320. “ayoge yuñjamatt±na½, puriso kiccamicchako;
cara½ ce n±dhigaccheyya, ta½ me dubbhagalakkhaºa½.
321. “Abb³¼ha½ aghagata½ vijita½, ekañce ossajeyya kal²va siy±;
sabb±nipi ce ossajeyya andhova siy±, samavisamassa adassanato.
322. “Yañhi kayir± tañhi vade, ya½ na kayir± na ta½ vade;
akaronta½ bh±sam±na½, parij±nanti paº¹it±.
323. “Yath±pi rucira½ puppha½, vaººavanta½ agandhaka½;
eva½ subh±sit± v±c±, aphal± hoti akubbato.
324. “Yath±pi rucira½ puppha½, vaººavanta½ sugandhaka½;
eva½ subh±sit± v±c±, saphal± hoti kubbato”ti.–

Im± pañca g±th± abh±si.

Tattha ayogeti ayuñjitabbe asevitabbe antadvaye. Idha pana attakilamath±nuyogavasena attho veditabbo. Yuñjanti tasmi½ att±na½ yuñjanto yojento tath± paµipajjanto. Kiccamicchakoti ubhayahit±vaha½ kicca½ icchanto, tappaµipakkhato ayoge cara½ caranto ce bhaveyya. N±dhigaccheyy±ti yath±dhippeta½ hitasukha½ na p±puºeyy±ti ñ±yo. Tasm± ya½ aha½ titthiyamatavañcito ayoge yuñji½, ta½ me dubbhagalakkhaºa½ apuññasabh±vo. “Purimakammaby±mohito ayoge yuñjin”ti dasseti.
Abb³¼ha½ aghagata½ vijitanti vib±dhanasabh±vat±ya agh± n±ma r±g±dayo, agh±ni eva aghagata½, aghagat±na½ vijita½ sa½s±rappavatti, tesa½ vijayo kusaladhamm±bhibhavo. “Aghagata½ vijitan”ti anun±sikalopa½ akatv± vutta½. Ta½ abb³¼ha½ anuddhata½ yena, ta½ abb³¼h±ghagata½ vijita½ katv± eva½bh³to hutv±, kilese asamucchinditv±ti attho. Ekañce ossajeyy±ti adutiyat±ya padh±nat±ya ca eka½ appam±da½ samm±payogameva v± ossajeyya pariccajeyya ce. Kal²va so puggalo k±¼akaºº² viya siy±. Sabb±nipi ce ossajeyy±ti sabb±nipi vimuttiy± parip±cak±ni saddh±v²riyasatisam±dhipaññindriy±ni ossajeyya ce, abh±van±ya cha¹¹eyya ce, andhova siy± samavisamassa adassanato.
Yath±ti opammasampaµip±danatthe nip±to. Ruciranti sobhana½. Vaººavantanti vaººasaºµh±nasampanna½. Agandhakanti gandharahita½ p±libhaddakagirikaººikajayasuman±dibheda½. Eva½ subh±sit± v±c±ti subh±sit± v±c± n±ma tepiµaka½ buddhavacana½ vaººasaºµh±nasampannapupphasadisa½. Yath± hi agandhaka½ puppha½ dh±rentassa sar²re gandho na pharati, eva½ etampi yo sakkaccasavan±d²hi ca sam±carati, tassa sakkacca½ asam±carantassa ya½ tattha kattabba½, ta½ akubbato sutagandha½ paµipattigandhañca na ±vahati aphal± hoti. Tena vutta½ “eva½ subh±sit± v±c±, aphal± hoti akubbato”ti.
Sugandhakanti sumanacampakan²luppalapupph±dibheda½. Evanti yath± ta½ puppha½ dh±rentassa sar²re gandho pharati, eva½ tepiµakabuddhavacanasaªkh±t± subh±sit± v±c±pi yo sakkaccasavan±d²hi tattha kattabba½ karoti, assa puggalassa saphal± hoti, sutagandhapaµipattigandh±na½ ±vahanato mahapphal± hoti mah±nisa½s±. Tasm± yathov±da½ paµipajjeyya, yath±k±r² tath±v±d² ca bhaveyy±ti. Sesa½ vuttanayameva.

Subh³tattherag±th±vaººan± niµµhit±.