10. S±midattattherag±th±vaŗŗan±

Pańcakkhandh± parińń±t±ti ±yasmato s±midattattherassa g±th±. K± uppatti? Ayampi purimabuddhesu kat±dhik±ro atthadassissa bhagavato k±le kulagehe nibbattitv± vińńuta½ patto satthari parinibbute tassa th³pe pupphehi chatt±tichatta½ katv± p³ja½ ak±si. So tena puńńakammena devaloke nibbattitv± apar±para½ puńń±ni katv± devamanussesu sa½saranto imasmi½ buddhupp±de r±jagahe ańńatarassa br±hmaŗassa putto hutv± nibbatti, s±midattotissa n±ma½ ahosi. So anukkamena vińńuta½ patto buddh±nubh±va½ sutv± up±sakehi saddhi½ vih±ra½ gato satth±ra½ dhamma½ desenta½ disv± pasannam±naso ekamanta½ nis²di. Satth± tassa ajjh±saya½ oloketv± tath± dhamma½ desesi, yath± saddha½ paµilabhi sa½s±re ca sa½vega½. So paµiladdhasaddho sa½vegaj±to pabbajitv± ń±ŗassa aparipakkatt± katipayak±la½ alasabahul² vih±si. Puna satth±r± dhammadesan±ya samuttejito vipassan±ya kammaµµh±na½ gahetv± tattha yuttappayutto viharanto nacireneva arahatta½ p±puŗi. Tena vutta½ apad±ne (apa. thera 1.15.1-4)–
“Parinibbute bhagavati, atthadass²naruttame;
chatt±tichatta½ k±retv±, th³pamhi abhiropayi½.
“K±lena k±lam±gantv±, namassi½ lokan±yaka½;
pupphacchadana½ katv±na, chattamhi abhiropayi½.
“Sattarase kappasate, devarajjamak±rayi½;
manussatta½ na gacch±mi, th³pap³j±yida½ phala½.
“Kiles± jh±pit± mayha½, bhav± sabbe sam³hat±;
n±gova bandhana½ chetv±, vihar±mi an±savo.
“Sv±gata½ vata me ±si, buddhaseµµhassa santike;
tisso vijj± anuppatt±, kata½ buddhassa s±sanan”ti;
so aparabh±ge bhikkh³hi “ki½ tay±, ±vuso, uttarimanussadhammo adhigato”ti puµµho s±sanassa niyy±nikabh±va½ attano ca dhamm±nudhammappaµipatti½ tesa½ pavedento ańń±by±karaŗavasena–
90. “pańcakkhandh± parińń±t±, tiµµhanti chinnam³lak±;
vikkh²ŗo j±tisa½s±ro, natthi d±ni punabbhavo”ti.– G±tha½ abh±si.
Tattha pańcakkhandh± parińń±t±ti may± ime pańcup±d±nakkhandh± “ida½ dukkha½, ettaka½ dukkha½, na tato bhiyyo”ti t²hi parińń±hi paricchinditv± ń±t± vidit± paµividdh±. Tiµµhanti chinnam³lak±ti tath± parińń±tatt±yeva m³labh³tassa samudayassa sabbaso pah²natt± te id±ni y±va carimakacittanirodho tiµµhanti chinnam³lak±, carimakacittanirodhena pana appaµisandhik±va nirujjhanti. Ten±ha– “vikkh²ŗo j±tisa½s±ro, natthi d±ni punabbhavo”ti. Tassattho heµµh± vuttoyeva.

S±midattattherag±th±vaŗŗan± niµµhit±.

Navamavaggavaŗŗan± niµµhit±.