5. Vis±khapañc±laputtattherag±th±vaººan±

Na ukkhipe no ca parikkhipe pareti ±yasmato vis±khassa pañc±laputtassa g±th±. K± uppatti? Ayampi purimabuddhesu kat±dhik±ro tattha tattha bhave vivaµµ³panissaya½ puñña½ upacinanto ito cuddase kappe paccantag±me daliddakule nibbattitv± viññuta½ patto ekadivasa½ phalapariyesana½ carantehi tasmi½ g±me manussehi saddhi½ arañña½ gato tattha eka½ paccekabuddha½ disv± pasannam±naso valliphala½ ad±si. So tena puññakammena devamanussesu sa½saranto imasmi½ buddhupp±de magadharaµµhe maº¹alikar±jakule nibbattitv± vis±khoti laddhan±mo pañc±lar±jadh²tuy± puttabh±vato pacch± pañc±laputtoti paññ±yittha. So pitari mate rajja½ k±rento satthari attano g±masam²pagate satthu santika½ gantv± dhamma½ sutv± paµiladdhasaddho pabbajitv± satth±r± saddhi½ s±vatthi½ gato vipassana½ paµµhapetv± nacirasseva cha¼abhiñño ahosi. Tena vutta½ apad±ne (apa. thera 1.39.31-36)–
“Sabbe jan± sam±gamma, agami½su vana½ tad±;
phalamanvesam±n± te, alabhi½su phala½ tad±.
“Tatthaddas±si½ sambuddha½, sayambhu½ apar±jita½;
pasannacitto sumano, valliphalamad±saha½.
“Catuddase ito kappe, ya½ phalamadadi½ tad±;
duggati½ n±bhij±n±mi, phalad±nassida½ phala½.
“Kiles± jh±pit± mayha½…pe… kata½ buddhassa s±sanan”ti;
cha¼abhiñño pana hutv± thero ñ±t²na½ anukamp±ya j±tibh³mi½ agam±si; tattha manuss± thera½ upasaªkamitv± k±lena k±la½ dhamma½ suºant± ekadivasa½ “katihi nu kho, bhante, aªgehi samann±gato dhammakathiko hot²”ti dhammakathikalakkhaºa½ pucchi½su; thero tesa½ dhammakathikalakkhaºa½ kathento–
209. “na ukkhipe no ca parikkhipe pare, na okkhipe p±ragata½ na eraye;
na cattavaººa½ paris±su by±hare, anuddhato sammitabh±ºi subbato.
210. “Susukhumanipuºatthadassin±, matikusalena niv±tavuttin±;
sa½sevitabuddhas²lin±, nibb±na½ na hi tena dullabhan”ti.–

G±th±dvaya½ abh±si.

Tattha na ukkhipeti att±na½ na ukkhipeyya, j±ti-±d²hi b±husacc±d²hi ca attukka½sana½ na kareyya. No ca parikkhipe pareti pare parapuggale teheva j±ti-±d²hi no parikkhipe paricchinditv± na khipeyya guºaparidha½sanavasena v± na khipeyya. Na okkhipe pare icceva½ sambandho. Pare ojjh±panavasena na okkhipe heµµhato katv± pare na olok±peyya, na ojjh±peyy±ti attho. “Na ukkhipe”ti keci paµhanti, so evattho. P±ragatanti sa½s±rap±ra½ viya vijj±ya p±ra½ gata½ kh²º±sava½ tevijja½ cha¼abhiñña½ v± na eraye na ghaµµaye na ±s±deyya. Na cattavaººa½ paris±su by±hareti attano vaººa½ guºa½ l±bhasakk±rasiloka½ nik±mayam±no khattiyaparis±d²su na bh±seyya. Anuddhatoti uddhaccarahito. Uddhatassa hi vacana½ n±diyanti. Sammitabh±º²ti sammadeva mitabh±º², k±lena s±padesa½ pariyantavati½ atthasañhitameva v±ca½ bh±sanas²loti attho. Ito aññath± vadantassa vacana½ agahaº²ya½ hoti. Subbatoti sundaravato s²lasampanno. “Siy±”ti kiriy±pada½ ±netv± yojetabba½.
Eva½ thero saªkhepeneva dhammakathikalakkhaºa½ vatv± tesa½ guº±na½ attani labbham±nata½ adhimuccitv± bhiyyosomatt±ya abhippasanna½ mah±jana½ ñatv± “eva½vidhassa dhammakathikassa vimutt±yatanasannissitassa na nibb±na½ dullabha½, atha kho sulabhamev±”ti dassento “susukhumanipuºatthadassin±”ti dutiyag±tham±ha. Tassattho heµµh± vuttoyeva.

Vis±khapañc±laputtattherag±th±vaººan± niµµhit±.