4. Catutthavaggo

1. Migasirattherag±th±vaŗŗan±

Yato aha½ pabbajitoti ±yasmato migasirattherassa g±th±. K± uppatti? Ayampi purimabuddhesu kat±dhik±ro tattha tattha bhave puńń±ni upacinanto kassapassa bhagavato k±le br±hmaŗakule nibbattitv± vińńuta½ patto ekadivasa½ satth±ra½ disv± pasannacitto kusaµµhaka½ ad±si. So tena puńńakammena devamanussesu sa½saranto imasmi½ buddhupp±de kosalaraµµhe br±hmaŗakule paµisandhi½ gahetv± migasiranakkhattena j±tatt± migasiroti laddhan±mo vayappatto br±hmaŗ±na½ vijj±sippesu nipphatti½ gato chavas²samanta½ n±ma sikkhi, ya½ parijappetv± tivassamatthake mat±nampi s²sa½ nakhena ±koµetv± “aya½ satto asukaµµh±ne nibbatto”ti j±n±ti.
So ghar±v±sa½ anicchanto paribb±jakapabbajja½ pabbajitv± ta½ vijja½ niss±ya lokena sakkato garukato l±bh² hutv± vicaranto s±vatthi½ upagato satthu santika½ gantv± attano ±nubh±va½ pak±sento– “aha½, bho gotama, mat±na½ nibbattaµµh±na½ j±n±m²”ti vatv±, “katha½ pana tva½ j±n±s²”ti vutte, “chavas²s±ni ±har±petv± manta½ parijappetv± nakhena s²sa½ ±koµento niray±dika½ tehi tehi nibbattaµµh±na½ j±n±m²”ti kathesi. Athassa bhagav± parinibbutassa bhikkhuno s²sakap±la½ ±har±petv±, “kathehi t±va tassa gati½, yassida½ s²sakap±lan”ti ±ha. So ta½ kap±la½ manta½ parijappetv± nakhena ±koµetv± neva anta½ na koµi½ passati. Atha satth±r±, “na sakkosi paribb±jak±”ti vutte “upaparikkhiss±mi t±v±”ti vatv± punappuna½ parivattentopi na passateva. B±hirakamantena hi kh²ŗ±savassa gati½ katha½ j±nissati, athassa matthakato kacchehi ca sedo mucci. So lajjitv± tuŗh²bh³to aµµh±si. Satth± “kilamasi paribb±jak±”ti ±ha. So “±ma, kilam±mi, na imassa gati½ j±n±mi, tumhe pana j±n±th±”ti. “Aha½ eta½ j±n±mi, ito uttaritarampi j±n±m²”ti vatv± “nibb±na½ gato so”ti ±ha. Paribb±jako “ima½ vijja½ mayha½ deth±”ti ±ha. “Tena hi pabbaj±”ti vatv± ta½ pabb±jetv± paµhama½ samathakammaµµh±ne niyojetv± jh±n±bhińń±su patiµµhitassa vipassan±ya kamma½ upadisi. So vipassan±ya kamma½ karonto nacirasseva arahatta½ p±puŗi. Tena vutta½ apad±ne (apa. thera 2.48.56-60)–
“Kassapassa bhagavato, br±hmaŗassa vus²mato;
pasannacitto sumano, kusaµµhakamad±saha½.
“Imasmi½yeva kappasmi½, kusaµµhakamad±saha½;
duggati½ n±bhij±n±mi, kusaµµhakassida½ phala½.
“Kiles± jh±pit± mayha½…pe… kata½ buddhassa s±sanan”ti;
arahatta½ pana patv± ańńa½ by±karonto–
181. “yato aha½ pabbajito, samm±sambuddhas±sane;
vimuccam±no uggacchi½, k±madh±tu½ upaccaga½.
182. “Brahmuno pekkham±nassa, tato citta½ vimucci me;
akupp± me vimutt²ti, sabbasa½yojanakkhay±”ti.– G±th±dvaya½ abh±si.
Tattha yato aha½ pabbajito, samm±sambuddhas±saneti yato pabhuti aha½ pabbajito buddhassa bhagavato s±sane, pabbajitak±lato paµµh±ya. Vimuccam±no uggacchinti sa½kilesapakkhato paµhama½ t±va samathavipassan±hi vimuccam±no vod±nadhammasavanena uµµhahi½. Eva½ uggacchanto k±madh±tu½ upaccaga½ an±g±mimaggena accantameva k±madh±tu½ atikkami½.
Brahmuno pekkham±nassa, tato citta½ vimucci meti sadevakassa lokassa aggabh³tatt± seµµhaµµhena brahmuno buddhassa bhagavato mah±karuŗ±yogena “aya½ kulaputto mama s±sane pabbajitv± katha½ nu kho paµipajjat²”ti pekkhantassa tato an±g±mimagg±dhigamato pacch± aggamagg±dhigamena mama citta½ sabbasa½kilesato accantameva mucci. Akupp± me vimutt²ti, sabbasa½yojanakkhay±ti tath±vimuttacittatt± eva sabbesa½ sa½yojan±na½ khay± parikkhay± iti eva½ akupp± me vimutt²ti ańńa½ by±k±si.

Migasirattherag±th±vaŗŗan± niµµhit±.