2. Vacchagottattherag±th±vaººan±

Tevijjoha½ mah±jh±y²ti ±yasmato vacchagottattherassa g±th±. K± uppatti? Ayampi purimabuddhesu kat±dhik±ro tattha tattha bhave vivaµµ³panissaya½ kusalab²ja½ ropento vipassissa bhagavato k±le bandhumat²nagare kulagehe nibbattitv± viññuta½ patto ekadivasa½ raññ± n±garehi ca saddhi½ buddhap³ja½ katv± tato para½ devamanussesu sa½saranto imasmi½ buddhupp±de r±jagahe vibhavasampannassa br±hmaºassa putto hutv± nibbatti, tassa vacchagottat±ya vacchagottotveva samaññ± ahosi. So viññuta½ patv± br±hmaºavijj±su nipphatti½ gato vimutti½ gavesanto tattha s±ra½ adisv± paribb±jakapabbajja½ pabbajitv± vicaranto satth±ra½ upasaªkamitv± pañha½ pucchitv± tasmi½ vissajjite pasannam±naso satthu santike pabbajitv± vipassan±ya kamma½ karonto nacirasseva cha¼abhiñño ahosi. Tena vutta½ apad±ne (apa. thera 1.16.15-20)–
“Udenta½ satara½si½va, p²tara½si½va bh±ºuma½;
pannarase yath± canda½, niyyanta½ lokan±yaka½.
“Aµµhasaµµhisahass±ni, sabbe kh²º±sav± ahu½;
pariv±ri½su sambuddha½, dvipadinda½ nar±sabha½.
“Sammajjitv±na ta½ v²thi½, niyyante lokan±yake;
uss±pesi½ dhaja½ tattha, vippasannena cetas±.
“Ekanavutito kappe, ya½ dhaja½ abhiropayi½;
duggati½ n±bhij±n±mi, dhajad±nassida½ phala½.
“Ito catutthake kappe, r±j±hosi½ mahabbalo;
sabb±k±rena sampanno, sudhajo iti vissuto.
“Kiles± jh±pit± mayha½…pe… kata½ buddhassa s±sanan”ti;
cha¼abhiñño pana hutv± attano paµipatti½ paccavekkhitv± somanassaj±to ud±navasena–
112. “tevijjoha½ mah±jh±y², cetosamathakovido;
sadattho me anuppatto, kata½ buddhassa s±sanan”ti.– G±tha½ abh±si.
Tattha tevijjohanti yadipi ma½ pubbe tiººa½ ved±na½ p±ra½ gatatt± “br±hmaºo tevijjo”ti sañj±nanti, ta½ pana samaññ±matta½ vedesu vijj±kiccassa abh±vato. Id±ni pana pubbeniv±sañ±º±d²na½ tissanna½ vijj±na½ adhigatatt± paramatthato tevijjo aha½, mahantassa anavasesassa samudayapakkhiyassa kilesagaºassa jh±panato, mahantena maggaphalajh±nena mahantassa u¼±rassa paº²tassa nibb±nassa jh±yanato ca mah±jh±y². Cetosamathakovidoti cittasaªkhobhakar±na½ sa½kilesadhamm±na½ v³pasamanena cetaso sam±dahane kusalo. Etena tevijjabh±vassa k±raºam±ha. Sam±dhikosallasahitena hi ±savakkhayena tevijjat±, na kevalena. Sadatthoti sakattho ka-k±rass±ya½ da-k±ro kato “anuppattasadattho”ti-±d²su (ma. ni. 1.9; a. ni. 3.38) viya. “Sadattho”ti ca arahatta½ veditabba½. Tañhi attapaµibandhaµµhena att±na½ avijahanaµµhena attano paramatthaµµhena attano atthatt± “sakattho”ti vuccati. Sv±ya½ sadattho me may± anuppatto adhigato. Etena yath±vutta½ mah±jh±yibh±va½ sikh±patta½ katv± dasseti. Sesa½ vuttanayameva.

Vacchagottattherag±th±vaººan± niµµhit±.