11. N±gapetavatthuvaººan±

Puratova setena paleti hatthin±ti ida½ satthari jetavane viharante dve br±hmaºapete ±rambha vutta½. ¾yasm± kira sa½kicco sattavassiko khuraggeyeva arahatta½ patv± s±maºerabh³miya½ µhito ti½samattehi bhikkh³hi saddhi½ araññ±yatane vasanto tesa½ bhikkh³na½ pañcanna½ corasat±na½ hatthato ±gata½ maraºampi b±hitv± te ca core dametv± pabb±jetv± satthu santika½ agam±si. Satth± tesa½ bhikkh³na½ dhamma½ desesi, desan±vas±ne te bhikkh³ arahatta½ p±puºi½su. Ath±yasm± sa½kicco paripuººavasso laddh³pasampado tehi pañcahi bhikkhusatehi saddhi½ b±r±ºasi½ gantv± isipatane vih±si. Manuss± therassa santika½ gantv± dhamma½ sutv± pasannam±nas± v²thipaµip±µiy± vaggavagg± hutv± ±gantukad±na½ ada½su. Tattha aññataro up±sako manusse niccabhatte sam±dapesi, te yath±bala½ niccabhatta½ paµµhapesu½.
Tena ca samayena b±r±ºasiya½ aññatarassa micch±diµµhikassa br±hmaºassa dve putt± ek± ca dh²t± ahesu½. Tesu jeµµhaputto tassa up±sakassa mitto ahosi. So ta½ gahetv± ±yasmato sa½kiccassa santika½ agam±si. ¾yasm± sa½kicco tassa dhamma½ desesi. So muducitto ahosi. Atha na½ so up±sako ±ha– “tva½ ekassa bhikkhuno niccabhatta½ deh²”ti “An±ciººa½ amh±ka½ br±hmaº±na½ samaº±na½ sakyaputtiy±na½ niccabhattad±na½, tasm± n±ha½ dass±m²”ti. “Ki½ mayhampi bhatta½ na dassas²”ti? “Katha½ na dass±m²”ti ±ha. “Yadi eva½ ya½ mayha½ desi, ta½ ekassa bhikkhussa deh²”ti. So “s±dh³”ti paµissuºitv± dutiyadivase p±tova vih±ra½ gantv± eka½ bhikkhu½ ±netv± bhojesi.
Eva½ gacchante k±le bhikkh³na½ paµipatti½ disv± dhammañca suºitv± tassa kaniµµhabh±t± ca bhagin² ca s±sane abhippasann± puññakammarat± ca ahesu½. Eva½ te tayo jan± yath±vibhava½ d±n±ni dent± samaºabr±hmaºe sakkari½su garu½ kari½su m±nesu½ p³jesu½. M±t±pitaro pana nesa½ assaddh± appasann± samaºabr±hmaºesu ag±rav± puññakiriy±ya an±dar± acchandik± ahesu½. Tesa½ dh²tara½ d±rika½ m±tulaputtassatth±ya ñ±tak± v±resu½. So ca ±yasmato sa½kiccassa santike dhamma½ sutv± sa½vegaj±to pabbajitv± nicca½ attano m±tu-geha½ bhuñjitu½ gacchati. Ta½ m±t± attano bh±tu-dh²t±ya d±rik±ya palobheti. Tena so ukkaºµhito hutv± upajjh±ya½ upasaªgamitv± ±ha– “uppabbajiss±maha½, bhante, anuj±n±tha man”ti. Upajjh±yo tassa upanissayasampatti½ disv± ±ha– “s±maºera, m±samatta½ ±gameh²”ti. So “s±dh³”ti paµissuºitv± m±se atikkante tatheva ±rocesi. Upajjh±yo puna “a¹¹ham±sa½ ±gameh²”ti ±ha. A¹¹ham±se atikkante tatheva vutte puna “satt±ha½ ±gameh²”ti ±ha. So “s±dh³”ti paµissuºi. Atha tasmi½ antosatt±he s±maºerassa m±tul±niy± geha½ vinaµµhacchadana½ jiººa½ dubbalakuµµa½ v±tavass±bhihata½ paripati. Tattha br±hmaºo br±hmaº² dve putt± gh²t± ca gehena ajjhotthaµ± k±lamaka½su. Tesu br±hmaºo br±hmaº² ca petayoniya½ nibbatti½su, dve putt± dh²t± ca bhummadevesu. Tesu jeµµhaputtassa hatthiy±na½ nibbatti, kaniµµhassa assatar²ratho, dh²t±ya suvaººasivik±. Br±hmaºo ca br±hmaº² ca mahante mahante ayomuggare gahetv± aññamañña½ ±koµenti, abhihataµµh±nesu mahant± mahant± ghaµappam±º± gaº¹± uµµhahitv± muhutteneva pacitv± paribhedappatt± honti. Te aññamaññassa gaº¹e ph±letv± kodh±bhibh³t± nikkaruº± pharusavacanehi tajjent± pubbalohita½ pivanti, na ca titti½ paµilabhanti.
Atha s±maºero ukkaºµh±bhibh³to upajjh±ya½ upasaªkamitv± ±ha– “bhante, may± paµiññ±tadivas± v²tivatt±, geha½ gamiss±mi, anuj±n±tha man”ti. Atha na½ upajjh±yo “atthaªgate s³riye k±lapakkhac±tuddasiy± pavattam±n±ya eh²”ti vatv± isipatanavih±rassa piµµhipassena thoka½ gantv± aµµh±si. Tena ca samayena te dve devaputt± saddhi½ bhaginiy± teneva maggena yakkhasam±gama½ sambh±vetu½ gacchanti, tesa½ pana m±t±pitaro muggarahatth± pharusav±c± k±¼ar³p± ±kul±kulal³khapatitakesabh±r± aggida¹¹hat±lakkhandhasadis± vigalitapubbalohit± valitagatt± ativiya jegucchab²bhacchadassan± te anubandhanti.
Ath±yasm± sa½kicco yath± so s±maºero te sabbe gacchante passati, tath±r³pa½ iddh±bhisaªkh±ra½ abhisaªkharitv± s±maºera½ ±ha– “passasi tva½, s±maºera, ime gacchante”ti? “¾ma, bhante, pass±m²”ti. “Tena hi imehi katakamma½ paµipucch±”ti. So hatthiy±n±d²hi gacchante anukkamena paµipucchi. Te ±ha½su– “ye pacchato pet± ±gacchanti, te paµipucch±”ti. S±maºero te pete g±th±hi ajjhabh±si–
73. “Puratova setena paleti hatthin±, majjhe pana assatar²rathena;
pacch± ca kaññ± sivik±ya n²yati, obh±sayant² dasa sabbaso dis±.
74. “Tumhe pana muggarahatthap±ºino, ruda½mukh± chinnapabhinnagatt±;
manussabh³t± kimakattha p±pa½, yenaññamaññassa piv±tha lohitan”ti.
Tattha puratoti sabbapaµhama½. Seten±ti paº¹arena. Palet²ti gacchati. Majjhe pan±ti hatthi½ ±ru¼hassa sivika½ ±ru¼h±ya ca antare. Assatar²rathen±ti assatar²yuttena rathena palet²ti yojan±. N²yat²ti vah²yati. Obh±sayant² dasa sabbaso dis±ti sabbato samantato sabb± dasa dis± attano sar²rappabh±hi vatth±bharaº±dippabh±hi ca vijjotayam±n±. Muggarahatthap±ºinoti muggar± hatthasaªkh±tesu p±º²su yesa½ te muggarahatthap±ºino, bh³misaºhakaraº²y±d²su p±ºivoh±rassa labbham±natt± hatthasaddena p±ºi eva visesito. Chinnapabhinnagatt±ti muggarappah±rena tattha tattha chinnapabhinnasar²r±. Piv±th±ti pivatha.

Eva½ s±maºerena puµµh± te pet± sabba½ ta½

Pavatti½ cat³hi g±th±hi paccabh±si½su–
75. “Puratova yo gacchati kuñjarena, setena n±gena catukkamena;
amh±ka putto ahu jeµµhako so, d±n±ni datv±na sukh² pamodati.
76. “Yo yo majjhe assatar²rathena, catubbhi yuttena suvaggitena;
amh±ka putto ahu majjhimo so, amacchar² d±napat² virocati.
77. “Y± s± ca pacch± sivik±ya n²yati, n±r² sapaññ± migamandalocan±;
amh±ka dh²t± ahu s± kaniµµhik±, bh±ga¹¹habh±gena sukh² pamodati.
78. “Ete ca d±n±ni ada½su pubbe, pasannacitt± samaºabr±hmaº±na½;
maya½ pana macchar²no ahumha, paribh±sak± samaºabr±hmaº±na½;
ete ca datv± paric±rayanti, mayañca suss±ma na¼ova chinno”ti.
75. Tattha puratova yo gacchat²ti imesa½ gacchant±na½ yo purato gacchati. “Yoso purato gacchat²”ti v± p±µho, tassa yo eso purato gacchat²ti attho. Kuñjaren±ti ku½ pathavi½ j²rayati, kuñjesu v± ramati carat²ti “kuñjaro”ti laddhan±mena hatthin±. N±gen±ti, n±ssa agaman²ya½ anabhibhavan²ya½ atth²ti n±g±, tena n±gena. Catukkamen±ti catuppadena. Jeµµhakoti pubbajo.
76-77. Catubbh²ti cat³hi assatar²hi. Suvaggiten±ti sundaragamanena c±turagamanena. Migamandalocan±ti mig² viya mandakkhik±. Bh±ga¹¹habh±gen±ti bh±gassa a¹¹habh±gena, attan± laddhakoµµh±sato a¹¹habh±gad±nena hetubh³tena. Sukh²ti sukhin². Liªgavipall±sena heta½ vutta½.
78. Paribh±sak±ti akkosak±. Paric±rayant²ti dibbesu k±maguºesu attano indriy±ni ito cito ca yath±sukha½ c±renti, parijanehi v± attano puññ±nubh±vanissandena paricariya½ k±renti. Mayañca suss±ma na¼ova chinnoti maya½ pana chinno ±tape khitto na¼o viya suss±ma, khuppip±s±hi aññamañña½ daº¹±bhigh±tehi ca sukkh± visukkh± bhav±m±ti.
Eva½ attano p±pa½ sampavedetv± “maya½ tuyha½ m±tulam±tul±niyo”ti ±cikkhi½su. Ta½ sutv± s±maºero sañj±tasa½vego “evar³p±na½ kibbisak±r²na½ katha½ nu kho bhojan±ni sijjhant²”ti pucchanto–
79. “Ki½ tumh±ka½ bhojana½ ki½ say±na½, kathañca y±petha sup±padhammino;
pah³tabhogesu anappakesu, sukha½ vir±dh±ya dukkhajja patt±”ti.–

Ima½ g±tham±ha. Tattha ki½ tumh±ka½ bhojananti k²disa½ tumh±ka½ bhojana½? Ki½ say±nanti k²disa½ sayana½? “Ki½ say±n±”ti keci paµhanti, k²dis± sayan±, k²dise sayane sayath±ti attho. Kathañca y±peth±ti kena pak±rena y±petha, “katha½ vo y±peth±”tipi p±µho, katha½ tumhe y±peth±ti attho. Sup±padhamminoti suµµhu ativiya p±padhamm±. Pah³tabhoges³ti apariyantesu u¼±resu bhogesu santesu. Anappakes³ti na appakesu bah³su. Sukha½ vir±dh±y±ti sukhahetuno puññassa akaraºena sukha½ virajjhitv± vir±dhetv±. “Sukhassa vir±dhen±”ti keci paµhanti. Dukkhajja patt±ti ajja id±ni ida½ petayonipariy±panna½ dukkha½ anuppatt±ti.

Eva½ s±maºerena puµµh± pet± tena pucchitamattha½ vissajjent±–
80. “Aññamañña½ vadhitv±na, piv±ma pubbalohita½;
bahu½ vitv± na dh±t± homa, nacch±dimhase maya½.
81. “Icceva macc± paridevayanti, ad±yak± pecca yamassa µh±yino;
ye te vidicca adhigamma bhoge, na bhuñjare n±pi karonti puñña½.
82. “Te khuppip±s³pagat± parattha, pacch± cira½ jh±yare ¹ayham±n±;
kamm±ni katv±na dukhudr±ni, anubhonti dukkha½ kaµukapphal±ni.
83. “Ittarañhi dhana½ dhañña½, ittara½ idha j²vita½;
ittara½ ittarato ñatv±, d²pa½ kayir±tha paº¹ito.
84. “Ye te eva½ paj±nanti, nar± dhammassa kovid±;
te d±ne nappamajjanti, sutv± arahata½ vaco”ti.–

Pañca g±th± abh±si½su.

80-81. Tattha na dh±t± hom±ti dh±t± suhit± titt± na homa. Nacch±dimhaseti na rucc±ma, na ruci½ upp±dema, na ta½ maya½ attano ruciy± piviss±m±ti attho. Iccev±ti evameva. Macc± paridevayant²ti maya½ viya aññepi manuss± katakibbis± paridevanti kandanti. Ad±yak±ti ad±nas²l± maccharino. Yamassa µh±yinoti yamalokasaññite yamassa µh±ne pettivisaye µh±nas²l± Ye te vidicca adhigammabhogeti ye te sampati ±yatiñca sukhavisesavidh±yake bhoge vinditv± paµilabhitv±. Na bhuñjare n±pi karonti puññanti amhe viya sayampi na bhuñjanti, paresa½ dent± d±namaya½ puññampi na karonti.
82. Te khuppip±s³pagat± paratth±ti te satt± parattha paraloke pettivisaye jighacch±pip±s±bhibh³t± hutv±. Cira½ jh±yare ¹ayham±n±ti khud±dihetukena dukkhaggin± “akata½ vata amhehi kusala½, kata½ p±pan”ti-±din± vattam±nena vippaµis±raggin± pari¹ayham±n± jh±yanti, anutthunant²ti attho. Dukhudr±n²ti dukkhavip±k±ni. Anubhonti dukkha½ kaµukapphal±n²ti aniµµhaphal±ni p±pakamm±ni katv± cirak±la½ dukkha½ ±p±yikadukkha½ anubhavanti.
83-84. Ittaranti na cirak±laµµh±y², anicca½ vipariº±madhamma½. Ittara½ idha j²vitanti idha manussaloke satt±na½ j²vitampi ittara½ paritta½ appaka½. Ten±ha bhagav±– “yo cira½ j²vati, so vassasata½ appa½ v± bhiyyo”ti (d². ni. 2.91; sa½. ni. 1.145; a. ni. 7.74). Ittara½ ittarato ñatv±ti dhanadhaññ±di-upakaraºa½ manuss±na½ j²vitañca ittara½ paritta½ khaºika½ na cirassanti paññ±ya upaparikkhitv±. D²pa½ kayir±tha paº¹itoti sapañño puriso d²pa½ attano patiµµha½ paraloke hitasukh±dhiµµh±na½ kareyya. Ye te eva½ paj±nant²ti ye te manuss± manuss±na½ bhog±na½ j²vitassa ca ittarabh±va½ y±th±vato j±nanti, te d±ne sabbak±la½ nappamajjanti. Sutv± arahata½ vacoti arahata½ buddh±d²na½ ariy±na½ vacana½ sutv±, sutatt±ti attho. Sesa½ p±kaµameva.
Eva½ te pet± s±maºerena puµµh± tamattha½ ±cikkhitv± “maya½ tuyha½ m±tulam±tul±niyo”ti pavedesu½. Ta½ sutv± s±maºero sañj±tasa½vego ukkaºµha½ paµivinodetv± upajjh±yassa p±desu siras± nipatitv± evam±ha– “ya½, bhante, anukampakena karaº²ya½ anukampa½ up±d±ya, ta½ me tumhehi kata½, mahat± vatamhi anatthap±tato rakkhito, na d±ni me ghar±v±sena attho, abhiramiss±mi brahmacariyav±se”ti. Ath±yasm± sa½kicco tassa ajjh±say±nur³pa½ kammaµµh±na½ ±cikkhi. So kammaµµh±na½ anuyuñjanto nacirasseva arahatta½ p±puºi. ¾yasm± pana sa½kicco ta½ pavatti½ bhagavato ±rocesi. Satth± tamattha½ aµµhuppatti½ katv± sampattaparis±ya vitth±rena dhamma½ desesi, s± desan± mah±janassa s±tthik± ahos²ti.

N±gapetavatthuvaºaºan± niµµhit±.