14. Mah±rathavim±navaººan±

Sahassayutta½ hayav±hana½ subhanti mah±rathavim±na½. Tassa k± uppatti? Bhagav± s±vatthiya½ viharati jetavane. Tena ca samayena ±yasm± mah±moggall±no heµµh± vuttanayena devac±rika½ caranto t±vati½sabhavane gop±lassa n±ma devaputtassa attano vim±nato nikkhamitv± sahassayutta½ mahanta½ dibbaratha½ abhiruyha mahantena pariv±rena mahatiy± deviddhiy± uyy±nak²¼anattha½ gacchantassa avid³re p±turahosi. Ta½ disv± devaputto sañj±tag±ravabahum±no sahas± rathato oruyha upasaªkamitv± pañcapatiµµhitena vanditv± añjali½ sirasi paggayha aµµh±si.
Tassida½ pubbakamma½– so kira vipassi½ bhagavanta½ suvaººam±l±ya p³jetv± “imassa puññassa ±nubh±vena mayha½ bhave bhave sovaººamay± uracchadam±l± nibbattat³”ti katapaºidh±n±ya anekakappesu sugat²suyeva sa½sarantiy± kassapassa bhagavato k±le kikissa k±sirañño aggamahesiy± kucchimhi nibbatt±ya yath±paºidh±na½ suvaººam±l±l±bhena “uracchadam±l±”ti laddhan±m±ya devakaññ±sadis±ya r±jadh²t±ya ±cariyo gop±lo n±ma br±hmaºo hutv± sas±vakasaªghassa kassapassa bhagavato asadisad±n±d²ni mah±d±n±ni pavattetv± indriy±na½ aparipakkabh±vena att±na½ r±jadh²tarañca uddissa satth±r± desita½ dhamma½ sutv±pi visesa½ nibbattetu½ asakkonto puthujjanak±lakiriyameva katv± yath³pacitapuññ±nubh±vena t±vati½sesu yojanasatike kanakavim±ne nibbatti, anekakoµi-acchar±pariv±ro ahosi, sattaratanamayo cassa sahassayutto suvibhattabhittivicitto siniddhamadhuranigghoso attano pabh±samudayena avahasanto viya divaªkaramaº¹ala½ dibbo ±jaññaratho nibbatti.
So tattha y±vat±yuka½ dibbasampatti½ anubhavitv± apar±para½ devesuyeva sa½saranto imasmi½ buddhupp±de tasseva kammassa vip±k±vasesena yath±vuttasampattivibhavo gop±lo eva n±ma devaputto hutv± t±vati½sesuyeva nibbatti. Ta½ sandh±ya vutta½ “tena ca samayena ±yasm± mah±moggall±no…pe… añjali½ sirasi paggayha aµµh±s²”ti.
Eva½ pana upasaªkamitv± µhita½ ta½ devaputta½ ±yasm± mah±moggall±no im±hi g±th±hi pucchi–
1015. “Sahassayutta½ hayav±hana½ subha½, ±ruyhima½ sandana½ nekacitta½;
uyy±nabh³mi½ abhito anukkama½, purindado bh³tapat²va v±savo.
1016. “Sovaººamay± te rathakubbar± ubho, phalehi a½sehi at²va saªgat±;
suj±tagumb± narav²raniµµhit±, virocati pannaraseva cando.
1017. “Suvaººaj±l±vatato ratho aya½, bah³hi n±n±ratanehi cittito;
sunandighoso ca subhassaro ca, virocat² c±marahatthab±hubhi.
1018. “Im± ca n±bhyo manas±bhinimmit±, rathassa p±dantaramajjhabh³sit±;
im± ca n±bhyo satar±jicittit±, saterat± vijjurivappabh±sare.
1019. “Anekacitt±vatato ratho aya½, puth³ ca nem² ca sahassara½siko;
tesa½ saro suyyati vaggur³po, pañcaªgika½ t³riyamivappav±dita½.
1020. “Sirasmi½ citta½ maºicandakappita½, sad± visuddha½ rucira½ pabhassara½;
suvaººar±j²hi at²va saªgata½, ve¼uriyar±j²va at²va sobhati.
1021. “Ime ca v±¼² maºicandakappit±, ±rohakamb³ sujav± brah³pam±;
brah± mahant± balino mah±jav±, mano tavaññ±ya tatheva si½sare.
1022. “Ime ca sabbe sahit± catukkam±, mano tavaññ±ya tatheva si½sare;
sama½ vahant² muduk± anuddhat±, ±modam±n± turag±namuttam±.
1023. “Dhunanti vagganti patanti cambare, abbhuddhunant± sukate pi¼andhane;
tesa½ saro suyyati vaggur³po, pañcaªgika½ t³riyamivappav±dita½.
1024. “Rathassa ghoso api¼andhan±na ca, khurassa n±do abhihi½san±ya ca;
ghoso suvagg³ samitassa suyyati, gandhabbat³riy±ni vicitrasa½vane.
1025. “Rathe µhit±t± migamandalocan±, ±¼±rapamh± hasit± piya½vad±;
ve¼uriyaj±l±vatat± tanucchav±, sadeva gandhabbas³raggap³jit±.
1026. “T± rattarattambarap²tav±sas±, vis±lanett± abhirattalocan±;
kule suj±t± sutan³ sucimhit±, rathe µhit± pañjalik± upaµµhit±.
1027. “T± kambukey³radhar± suv±sas±, sumajjhim± ³ruthan³papann±;
vaµµaªguliyo sumukh± sudassan±, rathe µhit± pañjalik± upaµµhit±.
1028. “Aññ± suveº² susu missakesiyo, sama½ vibhatt±hi pabhassar±hi ca;
anubbat± t± tava m±nase rat±, rathe µhit± pañjalik± upaµµhit±.
1029. “¾ve¼iniyo padumuppalacchad±, alaªkat± candanas±rav±sit±;
anubbat± t± tava m±nase rat±, rathe µhit± pañjalik± upaµµhit±.
1030. “T± m±liniyo padumuppalacchad±, alaªkat± candanas±rav±sit±;
anubbat± t± tava m±nase rat±, rathe µhit± pañjalik± upaµµhit±.
1031. “Kaºµhesu te y±ni pi¼andhan±ni, hatthesu p±desu tatheva s²se;
obh±sayant² dasa sabbaso dis±, abbhuddaya½ s±radikova bh±ºum±.
1032. “V±tassa vegena ca sampakampit±, bhujesu m±l± api¼andhan±ni ca;
muñcanti ghosa½ rucira½ suci½ subha½, sabbehi viññ³hi sutabbar³pa½.
1033. “Uyy±nabh³my± ca duvaddhato µhit±, rath± ca n±g± t³riy±ni ca saro;
tameva devinda pamodayanti, v²º± yath± pokkharapattab±hubhi.
1034. “Im±su v²º±su bah³su vagg³su, manuññar³p±su hadayerita½ p²ti½;
pavajjam±n±su at²va acchar±, bhamanti kaññ± padumesu sikkhit±.
1035. “Yad± ca g²t±ni ca v±dit±ni ca, nacc±ni cim±ni samenti ekato;
athettha naccanti athettha acchar±, obh±sayant² ubhato varitthiyo.
1036. “So modasi t³riyagaºappabodhano, mah²yam±no vajir±vudhoriva;
im±su v²º±su bah³su vagg³su, manuññar³p±su hadayerita½ p²ti½.
1037. “Ki½ tva½ pure kammamak±si attan±, manussabh³to purim±ya j±tiy±;
uposatha½ ka½ v± tuva½ up±vasi, ka½ dhammacariya½ vatam±bhirocayi.
1038. “Nay²damappassa katassa kammuno, pubbe suciººassa uposathassa v±;
iddh±nubh±vo vipulo aya½ tava, ya½ devasaªgha½ abhirocase bhusa½.
1039. “D±nassa te ida½ phala½, atho s²lassa v± pana;
atho añjalikammassa, ta½ me akkh±hi pucchito”ti.
1015. Tattha sahassayuttanti sahassena yutta½, sahassa½ v± yutta½ yojita½ etasminti sahassayutta½. Kassa paneta½ sahassanti? “Hayav±hanan”ti anantara½ vuccam±natt± hay±nanti ayamattho viññ±yateva. Hay± v±hana½ etass±ti hayav±hana½. Keci pana “sahassayuttahayav±hanan”ti anun±sikalopa½ ekameva sam±sapada½ katv± vaººenti, etasmi½ pakkhe hayav±hana½ viya v±hananti attho yujjati. Hayav±hanasahassayutta½ yuttahayav±hanasahassanti hi attho. Apare pana “sahassayuttanti sahassadibb±jaññayuttan”ti vadanti. Sandananti ratha½. Nekacittanti anekacitta½ n±n±vidhavicittavanta½. Uyy±nabh³mi½ abhitoti uyy±nabh³miy± sam²pe. “Abhito”ti hi pada½ apekkhitv± s±mi-atthe eta½ upayogavacana½. Keci pana “uyy±nabh³my±”tipi paµhanti, te saddanayampi anupadh±rent± paµhanti. Anukkamanti gacchanto purindado bh³tapat²va v±savo virocas²ti sambandho.
1016. Sovaººamay±ti suvaººamay±. Teti tava. Rathakubbar± ubhoti rathassa ubhosu passesu vedik±. Yo hi rathassa sobhanatthañceva upari µhit±na½ guttatthañca ubhosu passesu vedik±k±rena parikkhepo kar²yati, tassa purimabh±ge ubhosu passesu y±va rath²s±, t±va hatthehi gahaºayoggo rathassa avayavaviseso, idha so eva kubbaroti adhippeto. Tenev±ha “ubho”ti. Aññattha pana rath²s± kubbaroti vuccati. Phaleh²ti rath³patthambhassa dakkhiºav±mabhedehi dv²hi phalehi, pariyant±vettha phal±ti vutt±. A½seh²ti kubbaraphale patiµµhitehi heµµhima-a½sehi. At²va saªgat±ti ativiya suµµhu saªgat± suphassit± nibbivar±. Idañca sippiviracite kittimarathe labbham±navisesa½ tattha ±ropetv± vutta½. So pana aporisat±ya akittimo saya½j±to kenaci aghaµitoyeva. Suj±tagumb±ti susaºµhitathambhakasamud±y±. Ye hi vedik±ya nirantara½ µhit± susaºµhitaghaµak±di-avayavavisesavanto thambhakasamud±y±, tesa½ vaseneva½ vutta½ “suj±tagumb±”ti. Narav²raniµµhit±ti sipp±cariyehi niµµh±pitasadis±. Sipp±cariy± hi attano sar²rakheda½ acintetv± v²riyabalena sippassa suµµhu vic±raºato naresu v²riyavantoti idha “narav²r±”ti vutt±. Narav²r±ti v± devaputtassa ±lapana½. Niµµhit±ti pariyosit± paripuººasobh±tisay±. “Narav²ranimmit±”ti v± p±µho, naresu dhitisampannehi nimmitasadis±ti attho. Eva½vidhakubbarat±ya aya½ tava ratho virocati. Ki½ viya? Pannaraseva cando, sukkapakkhe pannarasiya½ paripuººak±le candim± viya.
1017. Suvaººaj±l±vatatoti suvaººaj±lakehi avatato ch±dito. “Suvaººaj±l±vitato”tipi p±µho, gavacchitoti attho. Bah³h²ti anekehi. N±n±rataneh²ti padumar±gaphussar±g±din±n±vidharatanehi. Sunandighosoti suµµhu nanditabbaghoso, savan²yamadhuraninn±doti attho. Sunandighosoti v± suµµhu katanandighoso, naccan±d²na½ dassan±d²su pavattitas±dhuk±rasadd±divasena katapamodaninn±doti attho, “k±lena k±la½ ±s²v±danavasena suµµhu payuttanandighoso”ti ca vadanti. Subhassaroti suµµhu ativiya obh±sanasabh±vo, tattha v± pavattam±n±na½ devat±na½ sobhanena g²tav±ditassarena subhassaro. C±marahatthab±hubh²ti c±marahatthayuttab±h³hi ito cito ca b²jayam±na c±marakal±pehi devat±na½ bhujehi, tath±bh³t±hi devat±hi v± virocati.
1018. N±bhyoti rathacakk±na½ n±bhiyo. Manas±bhinimmit±ti “ime ²dis± hont³”ti cittena nimmitasadis±. Rathassa p±dantaramajjhabh³sit±ti rathassa p±d±na½ rathacakk±na½ antena nemin± n±n±ratanasamujjalena ar±na½ vemajjhena ca maº¹it±. Satar±jicittit±ti anekavaºº±hi anekasat±hi r±j²hi lekh±hi cittit± vicittabh±va½ gat±. Saterat± vijjuriv±ti sateratasaªkh±tavijjulat± viya pabh±sare vijjotanti.
1019. Anekacitt±vatatoti anekehi m±l±kamm±dicittehi avatato samokiººo. “Anekacitt±vitato”tipi paµhanti, soyeva attho, g±th±sukhattha½ pana d²ghakaraºa½. Puth³ ca nem² c±ti puthulanemi ca, eko ca-k±ro nip±tamatta½. Sahassara½sikoti anekasahassara½siko. “Sahassara½siyo”tipi p±¼i. Apare pana “nat± ra½siyo”ti ca paµhanti, tattha nat±ti ajiyadhanudaº¹ako viya oºat± nemippades±. Sahassara½siyoti s³riyamaº¹ala½ viya vipphurantakiraºaj±l±. Tesanti olambam±nakiªkiºikaj±l±na½ nemippades±na½.