2. Cittalat±vaggo

1. D±sivim±navaººan±

Dutiyavagge api sakkova devindoti d±sivim±na½. Tassa k± uppatti? Bhagavati jetavane viharante s±vatthiv±s² aññataro up±sako sambahulehi up±sakehi saddhi½ s±yanhasamaya½ vih±ra½ gantv± dhamma½ sutv± paris±ya vuµµhit±ya bhagavanta½ upasaªkamitv± “ito paµµh±ya aha½, bhante, saªghassa catt±ri niccabhatt±ni dass±m²”ti ±ha. Atha na½ bhagav± tadanucchavika½ dhammakatha½ kathetv± vissajjesi. So “may±, bhante, saªghassa catt±ri niccabhatt±ni paññatt±ni. Sve paµµh±ya ayy± mama geha½ ±gacchant³”ti bhattuddesakassa ±rocetv± attano geha½ gantv± d±siy± tamattha½ ±cikkhitv± “tattha tay± niccak±la½ appamatt±ya bhavitabban”ti ±ha. S± “s±dh³”ti sampaµicchi. Pakatiy±va s± saddh±sampann± puññak±m± s²lavat², tasm± divase divase k±lasseva uµµh±ya paº²ta½ annap±na½ paµiy±detv± bhikkh³na½ nis²danaµµh±na½ susammaµµha½ suparibhaº¹aka½ katv± ±san±ni paññ±petv± bhikkh³ upagate tattha nis²d±petv± vanditv± gandhapupphadh³pad²pehi p³jetv± sakkacca½ parivisati.
Athekadivasa½ bhikkh³ katabhattakicce upasaªkamitv± vanditv± evam±ha “katha½ nu kho, bhante, ito j±ti-±didukkhato parimutti hot²”ti. Bhikkh³ tass± saraº±ni ca pañca s²l±ni ca datv± k±yasabh±va½ pak±setv± paµik³lamanasik±re niyojesu½, apare aniccat±paµisa½yutta½ dhammakatha½ kathesu½. S± so¼asa vass±ni s²la½ rakkhant² antarantar± yoniso manasikaront² ekadivasa½ dhammassavanasapp±ya½ labhitv± ñ±ºassa ca paripakkatt± vipassana½ va¹¹hetv± sot±pattiphala½ sacch±k±si. S± aparena samayena k±la½ katv± sakkassa devarañño vallabh± paric±rik± hutv± nibbatti. S± saµµhit³riyasahassehi paricariyam±n± acchar±satasahassaparivut± mahanta½ dibbasampatti½ anubhavant² pamud± modam±n± sapariv±r± uyy±n±d²su vicarati. Ta½ ±yasm± mah±moggall±no heµµh± vuttanayeneva disv±–
157. “Api sakkova devindo, ramme cittalat±vane;
samant± anupariy±si, n±r²gaºapurakkhat±;
obh±sent² dis± sabb±, osadh² viya t±rak±.
158. “Kena tet±diso vaººo, kena te idha mijjhati;
uppajjanti ca te bhog±, ye keci manaso piy±.
159. “Pucch±mi ta½ devi mah±nubh±ve,
manussabh³t± kimak±si puñña½;
ken±si eva½ jalit±nubh±v±,
vaººo ca te sabbadis± pabh±sat²”ti.– Pucchi.
160. “S± devat± attaman±, moggall±nena pucchit±;
pañha½ puµµh± viy±k±si, yassa kammassida½ phala½”.
161. “Aha½ manussesu manussabh³t±, d±s² ahosi½ parapessiy± kule;
162. “up±sik± cakkhumato, gotamassa yasassino;
tass± me nikkamo ±si, s±sane tassa t±dino.
163. “K±ma½ bhijjatuya½ k±yo, neva atthettha saºµhana½;
sikkh±pad±na½ pañcanna½, maggo sovatthiko sivo.
164. “Akaºµako agahano, uju sabbhi pavedito;
nikkamassa phala½ passa, yathida½ p±puºitthik±.
165. “¾mantanik± raññomhi, sakkassa vasavattino;
saµµhi t³riyasahass±ni, paµibodha½ karonti me.
166. “¾lambo gaggaro bh²mo, s±dhuv±d² ca sa½sayo;
pokkharo ca suphasso ca, v²º±mokkh± ca n±riyo.
167. “Nand± ceva sunand± ca, soºadinn± sucimhit±;
alambus± missakes² ca, puº¹ar²k±ti d±ruº².
168. “Eº²phass± suphass± ca, subhadd± muduv±din²;
et± caññ± ca seyy±se, acchar±na½ pabodhik±.
169. “T± ma½ k±lenup±gantv±, abhibh±santi devat±;
handa nacc±ma g±y±ma, handa ta½ ramay±mase.
170. “Nayida½ akatapuññ±na½, katapuññ±namevida½;
asoka½ nandana½ ramma½, tidas±na½ mah±vana½.
171. “Sukha½ akatapuññ±na½, idha natthi parattha ca;
sukhañca katapuññ±na½, idha ceva parattha ca.
172. “Tesa½ sahabyak±m±na½, kattabba½ kusala½ bahu½;
katapuññ± hi modanti, sagge bhogasamaªgino”ti.– Devat± vissajjesi.
157. Tattha api sakkova devindoti apisaddo sambh±van±ya½, ivasaddo ik±ralopa½ katv± vutto upam±ya½, tasm± yath± n±ma sakko dev±namindoti attho. Sakkasamabh±vo tiss± devat±ya pariv±rasampattidassanattha½ vutto. Keci “ap²ti nip±tamattan”ti vadanti. Cittalat±vaneti citt±ya n±ma devadh²t±ya puññ±nubh±vena nibbatte, citt±na½ v± vicittapupphaphal±divisesayutt±na½ sant±nakavalli-±d²na½ tattha yebhuyyat±ya cittalat±vananti laddhan±me devuyy±ne.
161. Parapessiy±ti paresa½ kule tasmi½ tasmi½ kicce pesaniy±, paresa½ veyy±vaccak±r²ti attho.
162. Tass± me nikkamo ±si, s±sane tassa t±dinoti tass± d±siy±pi sam±n±ya pañcahi cakkh³hi cakkhumato buddhassa bhagavato up±sik± hutv± so¼asa vass±ni s²la½ rakkhantiy± kammaµµh±nañca manasi karontiy± manasik±r±nubh±vena me mayha½ uppajjam±ne sattati½sabodhipakkhiyadhammasaªkh±te iµµh±d²su t±dilakkhaºasampattiy± t±dino satthu s±sane tappariy±pannoyeva sa½kilesapakkhato nikkamanena “nikkamo”ti laddhan±mo samm±v±y±mo ±si ahosi uppajji.
163-4. Tassa pana nikkamassa pubbabh±gassa pavatt±k±ra½ dassetu½ “k±ma½ bhijjatuya½ k±yo, neva atthettha saºµhananti vutta½. Tassattho yadipi me aya½ k±yo bhijjatu vinassatu, tattha kiñcimattampi apekkha½ akaront² ettha etasmi½ kammaµµh±n±nuyoge neva atthi, me v²riyassa saºµhana½ sithil²karaºanti v²riya½ samuttejent² vipassana½ ussukk±pesinti.
Id±ni tath± vipassana½ ussukk±petv± paµiladdhaguºa½ dassent²–
“Sikkh±pad±na½ pañcanna½, maggo sovatthiko sivo;
akaºµako agahano, uju sabbhi pavedito;
nikkamassa phala½ passa, yathida½ p±puºitthik±”ti.– ¾ha.
Tatr±ya½ saªkhepattho– yo niccas²lavasena sam±dinn±na½ pañcanna½ sikkh±pad±na½ sikkh±koµµh±s±na½ upanissayabh±vena laddhatt± tesa½ parip³ritatt± ca sikkh±pad±na½ pañcanna½ sambandh²bh³to, yasmi½ sant±ne uppanno, tassa sabb±k±rena sotthibh±vasamp±danato sundaratthabh±vato ca sovatthiko sotthiko, sa½kilesadhammehi anupaddutatt± khemappattihetut±ya ca sivo, r±gakaºµak±d²na½ abh±vena akaºµako, kilesadiµµhiduccaritagahanasamucchedanato agahano, sabbajimhavaªkakuµilabh±v±pagamahetut±ya uju, buddh±d²hi sappurisehi pak±sitatt± sabbhi pavedito ariyamaggo, ta½ yath± yena up±yabh³tena itthik± dvaªgulabahalabuddhik±pi sam±n± p±puºi½, tassa nikkamassa yath±vuttav²riyassa ida½ phala½ pass±ti sakka½ ±lapati.
165. ¾mantanik± raññomhi, sakkassa vasavattinoti saya½vas²bh±vena vattanato, dv²su devalokesu attano vasa½ issariya½ vattet²ti v± vasavatt², tassa vasavattino sakkassa devarañño ±mantanik± ±l±pasall±payogg±, k²¼anak±le v± tena ±mantetabb± amhi, nikkamassa v²riyassa phala½ pass±ti yojan±. ¾tatavitat±dibhedena pañca t³riyaªg±ni dv±dasahi p±ºibh±gehi ekato pavajjam±n±ni saµµhi honti, t±ni pana sahassamatt±ni payirup±sanavasena upaµµhit±ni sandh±y±ha “saµµhi t³riyasahass±ni, paµibodha½ karonti me”ti. Tattha paµibodhanti p²tisomanass±na½ pabodhana½.
166-8. ¾lamboti-±di t³riyav±dak±na½ devaputt±na½ ekadesato n±maggahaºanti vadanti, t³riy±na½ paneta½ n±maggahaºa½. V²º±mokkh±dik± devadh²t±. Sucimhit±ti suddhamihit±, n±mameva v± eta½. Muduv±din²ti mudun±va vadat²ti muduv±din², muduka½ ativiya v±danas²l±, n±mameva v±. Seyy±seti seyyatar±. Acchar±nanti acchar±su saªg²te p±sa½satar±. Pabodhik±ti pabodhanakar±.
169. K±len±ti yuttappattak±lena. Abhibh±sant²ti abhimukh±, abhirat± v± hutv± bh±santi. Yath± ca bh±santi, ta½ dassetu½ “handa nacc±ma g±y±ma, handa ta½ ramay±mase”ti vutta½.
170. Idanti ida½ may± laddhaµµh±na½. Asokanti iµµhakantapiyaman±p±na½yeva r³p±d²na½ sambhavato visoka½. Tato eva sabbak±la½ pamodasa½vaddhanato nandana½. Tidas±na½ mah±vananti t±vati½sadev±na½ mahanta½ mahan²yañca uyy±na½.
171. Evar³p± dibbasampatti n±ma puññakammavasenev±ti odissakanayena vatv± panu anodissakanayena dassent² “sukha½ akatapuññ±nan”ti g±tham±ha.
172. Puna attan± laddhassa dibbaµµh±nassa parehi s±dh±raºak±mat±vasena dhamma½ kathent² “tesa½ sahabyak±m±nan”ti os±nag±tham±ha. Tesanti t±vati½sadev±na½. Sahabyak±m±nanti sahabh±va½ icchantehi, kattu-atthe hi ida½ s±mivacana½. Saha v±ti pavattat²ti sahavo, tassa bh±vo sahabya½ yath± v²rassa bh±vo v²riyanti.
Eva½ thero devat±ya attano puññakamme ±vikate tass± sapariv±r±ya dhamma½ desetv± devalokato ±gantv± ta½ pavatti½ bhagavato ±rocesi. Bhagav± tamattha½ aµµhuppatti½ katv± sampattaparis±ya dhamma½ desesi. S± desan± sadevakassa lokassa s±tthik± ahos²ti.

D±sivim±navaººan± niµµhit±.