Namo tassa bhagavato arahato samm±sambuddhassa.

Khuddakanik±ye

Vim±navatthu-aµµhakath±

Ganth±rambhakath±

Mah±k±ruºika½ n±tha½, ñeyyas±garap±ragu½;
vande nipuºagambh²ra-vicitranayadesana½.
Vijj±caraºasampann±, yena niyyanti lokato;
vande tamuttama½ dhamma½, samm±sambuddhap³jita½.
S²l±diguºasampanno, µhito maggaphalesu yo;
vande ariyasaªgha½ ta½, puññakkhetta½ anuttara½.
Vandan±janita½ puñña½, iti ya½ ratanattaye;
hatantar±yo sabbattha, hutv±ha½ tassa tejas±.
Devat±hi kata½ puñña½, ya½ ya½ purimaj±tisu;
tassa tassa vim±n±di-phalasampattibhedato.
Pucch±vasena y± t±sa½, vissajjanavasena ca;
pavatt± desan± kamma-phalapaccakkhak±rin².
Vim±navatthu icceva, n±mena vasino pure;
ya½ khuddakanik±yasmi½, saªg±yi½su mahesayo.
Tass±hamavalambitv±, por±ºaµµhakath±naya½;
tattha tattha nid±n±ni, vibh±vento visesato.
Suvisuddha½ asa½kiººa½, nipuºatthavinicchaya½;
mah±vih±rav±s²na½, samaya½ avilomaya½.
Yath±bala½ kariss±mi, atthasa½vaººana½ subha½;
sakkacca½ bh±sato ta½ me, nis±mayatha s±dhavoti.
Tattha vim±n±n²ti visiµµham±n±ni devat±na½ k²¼±niv±saµµh±n±ni. T±ni hi t±sa½ sucaritakamm±nubh±vanibbatt±ni yojanikadviyojanik±dipam±ºavisesayuttat±ya n±n±ratanasamujjal±ni vicittavaººasaºµh±n±ni sobh±tisayayogena visesato m±nan²yat±ya ca “vim±n±n²”ti vuccanti. Vim±n±na½ vatthu k±raºa½ etiss±ti vim±navatthu, “p²µha½ te sovaººamayan”ti-±dinayappavatt± desan±. Nidassanamattañceta½ t±sa½ devat±na½ r³pabhogapariv±r±disampattiyo ta½nibbattakakammañca niss±ya imiss± desan±ya pavattatt±. Vip±kamukhena v± kammantaram±nassa k±raºabh±vato vim±navatth³ti veditabba½.
Tayida½ kena bh±sita½, kattha bh±sita½, kad± bh±sita½, kasm± ca bh±sitanti? Vuccate idañhi vim±navatthu duvidhena pavatta½– pucch±vasena vissajjanavasena ca. Tattha vissajjanag±th± t±hi t±hi devat±hi bh±sit±, pucch±g±th± pana k±ci bhagavat± bh±sit±, k±ci sakk±d²hi, k±ci s±vakehi therehi. Tatth±pi yebhuyyena yo so kapp±na½ satasahass±dhika½ eka½ asaªkhyeyya½ buddhassa bhagavato aggas±vakabh±v±ya puññañ±ºasambh±re sambharanto anukkamena s±vakap±ramiyo p³retv±, cha¼abhiññ±catupaµisambhid±diguºavisesapariv±rassa, sakalassa s±vakap±ramiñ±ºassa matthaka½ patto dutiye aggas±vakaµµh±ne µhito iddhimantesu ca bhagavat± etadagge µhapito ±yasm± mah±moggall±no, tena bh±sit±.
Bh±santena ca paµhama½ t±va lokahit±ya devac±rika½ carantena devaloke devat±na½ pucch±vasena puna tato manussaloka½ ±gantv± manuss±na½ puññaphalassa paccakkhakaraºattha½ puccha½ vissajjanañca ekajjha½ katv± bhagavato pavedetv± bhikkh³na½ bh±sit±, sakkena pucch±vasena, devat±hi tassa vissajjanavasena bh±sit±pi mah±moggall±nattherassa bh±sit± eva. Eva½ bhagavat± therehi ca devat±hi ca pucch±vasena, devat±hi tass± vissajjanavasena ca tattha tattha bh±sit± pacch± dhammavinaya½ saªg±yantehi dhammasaªg±hakehi ekato katv± “vim±navatthu”icceva saªgaha½ ±ropit±. Aya½ t±vettha “kena bh±sitan”ti-±d²na½ pad±na½ saªkhepato s±dh±raºato ca vissajjan±.
Vitth±rato pana “kena bh±sitan”ti padassa anomadassissa bhagavato p±dam³le katapaºidh±nato paµµh±ya mah±therassa ±gaman²yapaµipad± kathetabb±, s± pana ±gamaµµhakath±su tattha tattha vitth±rit±ti tattha ±gatanayeneva veditabb±. As±dh±raºato “kattha bh±sitan”ti-±d²na½ pad±na½ vissajjan± tassa tassa vim±nassa atthavaººan±nayeneva ±gamissati.
Apare pana bhaºanti– ekadivasa½ ±yasmato mah±moggall±nassa rahogatassa paµisall²nassa eva½ cetaso parivitakko udap±di “etarahi kho manuss± asatipi vatthusampattiy± khettasampattiy± attano ca cittapas±dasampattiy± t±ni t±ni puññ±ni katv± devaloke nibbatt± u¼±rasampatti½ paccanubhonti, ya½n³n±ha½ devac±rika½ caranto t± devat± k±yasakkhi½ katv± t±hi yath³pacita½ puñña½ yath±dhigatañca puññaphala½ kath±petv± tamattha½ bhagavato ±roceyya½. Eva½ me satth± gaganatale puººacanda½ uµµh±pento viya manuss±na½ kammaphala½ paccakkhato dassento appak±nampi k±r±na½ ±yatanagat±ya saddh±ya vasena u¼±raphalata½ vibh±vento ta½ ta½ vim±navatthu½ aµµhuppatti½ katv± mahati½ dhammadesana½ pavattessati, s± hoti bahujanassa atth±ya hit±ya sukh±ya devamanuss±nan”ti So ±san± vuµµhahitv± rattadupaµµa½ niv±setv± apara½ rattadupaµµa½ eka½sa½ katv± samantato j±tihiªgulikadh±r± vijjulat± viya sañjh±pabh±nurañjito viya ca jaªgamo añjanagirisikharo, bhagavanta½ upasaªkamitv± abhiv±detv± ekamanta½ nisinno attano adhipp±ya½ ±rocetv± bhagavat± anuññ±to uµµh±y±san± bhagavanta½ abhiv±detv± padakkhiºa½ katv± abhiññ±p±daka½ catutthajjh±na½ sam±pajjitv±, tato vuµµh±ya iddhibalena taªkhaºaññeva t±vati½sabhavana½ gantv± tattha tattha t±hi t±hi devat±hi yath³pacita½ puññakamma½ pucchi, tassa t± kathesu½. Tato manussaloka½ ±gantv± ta½ sabba½ tattha pavattitaniy±meneva bhagavato ±rocesi, ta½ samanuñño satth± ahosi. Icceta½ aµµhuppatti½ katv± sampattaparis±ya vitth±rena dhamma½ deses²ti.
Ta½ paneta½ vim±navatthu vinayapiµaka½ suttantapiµaka½ abhidhammapiµakanti t²su piµakesu suttantapiµakapariy±panna½, d²ghanik±yo majjhimanik±yo sa½yuttanik±yo aªguttaranik±yo khuddakanik±yoti pañcasu nik±yesu khuddakanik±yapariy±panna½, sutta½ geyya½ veyy±karaºa½ g±th± ud±na½ itivuttaka½ j±taka½ abbhutadhamma½ vedallanti navasu s±sanaªgesu g±th±saªgaha½.
“Dv±s²ti buddhato gaºhi½, dve sahass±ni bhikkhuto;
catur±s²ti sahass±ni, ye me dhamm± pavattino”ti. (Therag±. 1027)–

Eva½ dhammabhaº¹±g±rikena paµiññ±tesu catur±s²tiy± dhammakkhandhasahassesu katipayadhammakkhandhasaªgaha½. Vaggato p²µhavaggo cittalat±vaggo p±ricchattakavaggo mañjiµµhakavaggo mah±rathavaggo p±y±sivaggo sunikkhittavaggoti satta vagg±. Vatthuto paµhame vagge sattarasa vatth³ni, dutiye ek±dasa, tatiye dasa, catutthe dv±dasa pañcame catuddasa, chaµµhe dasa, sattame ek±das±ti antaravim±n±na½ aggahaºe pañc±s²ti, gahaºe pana tev²sasata½ vatth³ni, g±th±to pana diya¹¹hasahassag±th±. Tassa vaggesu p²µhavaggo ±di, vatth³su sovaººap²µhavatthu ±di, tass±pi “p²µha½ te sovaººamayan”ti g±th± ±di.