9. M±gaº¹iyasuttavaººan±

842. Disv±na taºhanti m±gaº¹iyasutta½. K± uppatti? Eka½ samaya½ bhagav± s±vatthiya½ viharanto pacc³sasamaye buddhacakkhun± loka½ volokento kur³su kamm±sadhammanigamav±sino m±gaº¹iyassa n±ma br±hmaºassa sapaj±patikassa arahatt³panissaya½ disv± t±vadeva s±vatthito tattha gantv± kamm±sadhammassa avid³re aññatarasmi½ vanasaº¹e nis²di suvaººobh±sa½ muñcam±no. M±gaº¹iyopi taªkhaºa½ tattha mukhadhovanattha½ gato suvaººobh±sa½ disv± “ki½ idan”ti ito cito ca pekkham±no bhagavanta½ disv± attamano ahosi. Tassa kira dh²t± suvaººavaºº±, ta½ bah³ khattiyakum±r±dayo v±rayant± na labhanti. Br±hmaºo eva½laddhiko hoti “samaºasseva na½ suvaººavaººassa dass±m²”ti. So bhagavanta½ disv± “aya½ me dh²t±ya sam±navaººo, imassa na½ dass±m²”ti citta½ upp±desi. Tasm± disv±va attamano ahosi. So vegena ghara½ gantv± br±hmaºi½ ±ha– “bhoti bhoti may± dh²t±ya sam±navaººo puriso diµµho, alaªkarohi d±rika½, tassa na½ dass±m±”ti. Br±hmaºiy± d±rika½ gandhodakena nh±petv± vatthapupph±laªk±r±d²hi alaªkarontiy± eva bhagavato bhikkh±c±ravel± sampatt±. Atha bhagav± kamm±sadhamma½ piº¹±ya p±visi.
Tepi kho dh²tara½ gahetv± bhagavato nisinnok±sa½ agama½su. Tattha bhagavanta½ adisv± br±hmaº² ito cito ca vilokent² bhagavato nisajjaµµh±na½ tiºasanth±raka½ addasa. Buddh±nañca adhiµµh±nabalena nisinnok±so padanikkhepo ca aby±kul± honti. S± br±hmaºa½ ±ha– “esa, br±hmaºa, tassa tiºasanth±ro”ti? “¾ma, bhot²”ti. “Tena hi, br±hmaºa, amh±ka½ ±gamanakamma½ na sampajjissat²”ti. “Kasm± bhot²”ti? “Passa, br±hmaºa, aby±kulo tiºasanth±ro, neso k±mabhogino paribhutto”ti. Br±hmaºo “m±, bhoti maªgale pariyesiyam±ne avamaªgala½ abhaº²”ti ±ha. Punapi br±hmaº² ito cito ca vicarant² bhagavato padanikkhepa½ disv± br±hmaºa½ ±ha “aya½ tassa padanikkhepo”ti? “¾ma, bhot²”ti. “Passa, br±hmaºa, padanikkhepa½, n±ya½ satto k±mesu gadhito”ti. “Katha½ tva½ bhoti j±n±s²”ti ca vutt± attano ñ±ºabala½ dassent² ±ha–
“Rattassa hi ukkuµika½ pada½ bhave,
duµµhassa hoti anuka¹¹hita½ pada½;
m³¼hassa hoti sahas±nup²¼ita½,
vivaµµacchadassa idam²disa½ padan”ti. (A. ni. aµµha. 1.1.260-261; dha. pa. aµµha. 1.2 s±m±vat²vatthu; visuddhi. 1.45).
Ayañcarahi tesa½ kath± vippakat±, atha bhagav± katabhattakicco tameva vanasaº¹a½ ±gato. Br±hmaº² bhagavato varalakkhaºakhacita½ by±mappabh±parikkhitta½ r³pa½ disv± br±hmaºa½ ±ha– “esa tay±, br±hmaºa, diµµho”ti? “¾ma bhot²”ti. “¾gatakamma½ na sampajjissateva, evar³po n±ma k±me paribhuñjissat²ti neta½ µh±na½ vijjat²”ti. Tesa½ eva½ vadant±naññeva bhagav± tiºasanth±rake nis²di. Atha br±hmaºo dh²tara½ v±mena hatthena gahetv± kamaº¹alu½ dakkhiºena hatthena gahetv± bhagavanta½ upasaªkamitv± “bho, pabbajita, tvañca suvaººavaººo ayañca d±rik±, anucchavik± es± tava, im±ha½ bhoto bhariya½ pos±vanatth±ya damm²”ti vatv± bhagavato santika½ gantv± d±tuk±mo aµµh±si. Bhagav± br±hmaºa½ an±lapitv± aññena saddhi½ sallapam±no viya “disv±na taºhan”ti ima½ g±tha½ abh±si.
Tassattho– ajap±lanigrodham³le n±n±r³p±ni nimminitv± abhik±mam±gata½ m±radh²tara½ disv±na taºha½ arati½ ragañca chandamattampi me methunasmi½ n±hosi, kimevida½ imiss± d±rik±ya muttakar²sapuººa½ r³pa½ disv± bhavissati sabbath± p±d±pi na½ samphusitu½ na icche, kutonena sa½vasitunti.
843. Tato m±gaº¹iyo “pabbajit± n±ma m±nusake k±me pah±ya dibbak±matth±ya pabbajanti, ayañca dibbepi k±me na icchati, idampi itthiratana½, k± nu assa diµµh²”ti pucchitu½ dutiya½ g±tham±ha. Tattha et±disa½ ce ratananti dibbitthiratana½ sandh±ya bhaºati, n±rinti attano dh²tara½ sandh±ya. Diµµhigata½ s²lavata½ nu j²vitanti diµµhiñca s²lañca vatañca j²vitañca. Bhav³papattiñca vadesi k²disanti attano bhav³papattiñca k²disa½ vadas²ti.
844. Ito par± dve g±th± visajjanapucch±nayena pavattatt± p±kaµasambandh±yeva. T±su paµhamag±th±ya saªkhepattho– tassa mayha½, m±gaº¹iya, dv±saµµhidiµµhigatadhammesu nicchinitv± “idameva sacca½, moghamaññan”ti eva½ ida½ vad±m²ti samuggahita½ na hoti natthi na vijjati. Ki½k±raº± Ahañhi passanto diµµh²su ±d²nava½ kañci diµµhi½ aggahetv± sacc±ni pavicinanto ajjhatta½ r±g±d²na½ santibh±vena ajjhattasantisaªkh±ta½ nibb±nameva addasanti.
845. Dutiyag±th±ya saªkhepattho– y±nim±ni diµµhigat±ni tehi tehi sattehi vinicchinitv± gahitatt± vinicchay±ti ca attano paccayehi abhisaªkhatabh±v±din± nayena pakappit±ni c±ti vuccanti. Te tva½ muni diµµhigatadhamme aggahetv± ajjhattasant²ti yametamattha½ br³si, ±cikkha me, katha½ nu dh²rehi pavedita½ katha½ pak±sita½ dh²rehi ta½ padanti.
846. Athassa bhagav± yath± yena up±yena ta½ pada½ dh²rehi pak±sita½, ta½ up±ya½ sapaµipakkha½ dassento “na diµµhiy±”ti g±tham±ha. Tattha “na diµµhiy±”ti-±d²hi diµµhisuti-aµµhasam±pattiñ±ºab±hiras²labbat±ni paµikkhipati. “Suddhim±h±”ti ettha vutta½ ±ha-sadda½ sabbattha nak±rena saddhi½ yojetv± purisabyattaya½ katv± “diµµhiy± suddhi½ n±ha½ kathem²”ti evamattho veditabbo. Yath± cettha, eva½ uttarapadesupi. Tattha ca adiµµhiy± n±h±ti dasavatthuka½ samm±diµµhi½ vin± na kathemi. Tath± assutiy±ti navaªga½ savana½ vin±. Añ±º±ti kammassa katasacc±nulomikañ±ºa½ vin±. As²lat±ti p±timokkhasa½vara½ vin±. Abbat±ti dhutaªgavata½ vin±. Nopi ten±ti tesu ekamekena diµµhi-±dimatten±pi no kathem²ti evamattho veditabbo. Ete ca nissajja anuggah±y±ti ete ca purime diµµhi-±dibhede kaºhapakkhiye dhamme samuggh±takaraºena nissajja, pacchime adiµµhi-±dibhede sukkapakkhiye atammayat±pajjanena anuggah±ya. Santo aniss±ya bhava½ na jappeti im±ya paµipattiy± r±g±div³pasamena santo cakkh±d²su kañci dhamma½ aniss±ya ekampi bhava½ apihetu½ apatthetu½ samattho siy±, ayamassa ajjhattasant²ti adhipp±yo.
847. Eva½ vutte vacanattha½ asallakkhento m±gaº¹iyo “no ce kir±”ti g±tham±ha. Tattha diµµh±d²ni vuttanay±neva. Kaºhapakkhiy±niyeva pana sandh±ya ubhayatr±pi ±ha. ¾ha-sadda½ pana nocekira-saddena yojetv± “no ce kir±ha no ce kira kathes²”ti eva½ attho daµµhabbo. Momuhanti atim³¼ha½, mohana½ v±. Paccent²ti j±nanti.
848. Athassa bhagav± ta½ diµµhi½ niss±ya puccha½ paµikkhipanto “diµµhiñca niss±y±”ti g±tham±ha. Tassattho– tva½, m±gaº¹iya, diµµhi½ niss±ya punappuna½ puccham±no y±ni te diµµhigat±ni samuggahit±ni, tesveva samuggah²tesu eva½ pamoha½ ±gato, ito ca may± vutta-ajjhattasantito paµipattito dhammadesanato v± aºumpi yuttasañña½ na passasi, tena k±raºena tva½ ima½ dhamma½ momuhato passas²ti.
849. Eva½ samuggahitesu pamohena m±gaº¹iyassa viv±d±patti½ dassetv± id±ni tesu aññesu ca dhammesu vigatappamohassa attano nibbiv±data½ dassento “samo vises²”ti g±tham±ha. Tassattho yo eva½ tividham±nena v± diµµhiy± v± maññati, so tena m±nena t±ya diµµhiy± tena v± puggalena vivadeyya. Yo pana amh±diso im±su t²su vidh±su avikampam±no, samo vises²ti na tassa hoti, na ca h²noti p±µhaseso.
850. Kiñca bhiyyo– saccanti soti g±th±. Tassattho– so evar³po pah²nam±nadiµµhiko m±diso b±hitap±patt±din± nayena br±hmaºo “idameva saccan”ti ki½ vadeyya ki½ vatthu½ bhaºeyya, kena v± k±raºena bhaºeyya, “mayha½ sacca½, tuyha½ mus±”ti v± kena m±nena diµµhiy± puggalena v± vivadeyya? Yasmi½ m±dise kh²º±save “sadisohamasm²”ti pavattiy± sama½ v±, itaradvayabh±vena pavattiy± visama½ v± maññita½ natthi, so sam±n±d²su kena v±da½ paµisa½yujeyya paµipphareyy±ti. Nanu eka½seneva evar³po puggalo– oka½ pah±y±ti g±th±?
851. Tattha oka½ pah±y±ti r³pavatth±diviññ±ºassa ok±sa½ tatra chandar±gappah±nena cha¹¹etv±. Aniketas±r²ti r³panimittaniket±d²ni taºh±vasena asaranto. G±me akubba½ muni santhav±n²ti g±me gihisanthav±ni akaronto. K±mehi rittoti k±mesu chandar±g±bh±vena sabbak±mehi puthubh³to. Apurekkhar±noti ±yati½ attabh±va½ anabhinibbattento. Katha½ na viggayha janena kayir±ti janena saddhi½ vigg±hikakatha½ na katheyya. So evar³po– yehi vivittoti g±th±.
852. Tattha yeh²ti yehi diµµhigatehi. Vivitto vicareyy±ti ritto careyya. Na t±ni uggayha vadeyya n±goti “±gu½ na karot²”ti-±din± (c³¼ani. bhadr±vudham±ºavapucch±niddesa 70; p±r±yan±nug²tig±th±niddesa 102) nayena n±go t±ni diµµhigat±ni uggahetv± na vadeyya. Jalambujanti jalasaññite ambumhi j±ta½ kaºµakan±¼a½ v±rija½, padumanti vutta½ hoti. Yath± jalena paªkena ca n³palittanti ta½ paduma½ yath± jalena ca paªkena ca anupalitta½ hoti, eva½ muni santiv±do agiddhoti eva½ ajjhattasantiv±do muni gedh±bh±vena agiddho. K±me ca loke ca an³palittoti duvidhepi k±me ap±y±dike ca loke dv²hipi lepehi anupalitto hoti.
853. Kiñca bhiyyo– na vedag³ti g±th±. Tattha na vedag³ diµµhiy±yakoti catumaggavedag³ m±diso diµµhiy±yako na hoti, diµµhiy± gacchanto v±, ta½ s±rato paccento v± na hoti. Tattha vacanattho– y±yat²ti y±yako, karaºavacanena diµµhiy± y±t²ti diµµhiy±yako. Upayogatthe s±mivacanena diµµhiy± y±t²tipi diµµhiy±yako. Na mutiy± sa m±namet²ti mutar³p±dibhed±ya mutiy±pi so m±na½ na eti. Na hi tammayo soti taºh±diµµhivasena tammayo hoti tappar±yaºo, aya½ pana na t±diso. Na kammun± nopi sutena neyyoti puññ±bhisaªkh±r±din± kammun± v± sutasuddhi-±din± sutena v± so netabbo na hoti. An³pan²to sa nivesanes³ti so dvinnampi upay±na½ pah²natt± sabbesu taºh±diµµhinivesanesu an³pan²to. Tassa ca eva½vidhassa– saññ±virattass±ti g±th±.
854. Tattha saññ±virattass±ti nekkhammasaññ±pubbaªgam±ya bh±van±ya pah²nak±m±disaññassa. Imin± padena ubhatobh±gavimutto samathay±niko adhippeto. Paññ±vimuttass±ti vipassan±pubbaªgam±ya bh±van±ya sabbakilesehi vimuttassa. Imin± sukkhavipassako adhippeto. Saññañca diµµhiñca ye aggahesu½, te ghaµµayant± vicaranti loketi ye k±masaññ±dika½ sañña½ aggahesu½, te visesato gahaµµh± k±m±dhikaraºa½, ye ca diµµhi½ aggahesu½, te visesato pabbajit± dhamm±dhikaraºa½ aññamañña½ ghaµµent± vicarant²ti. Sesamettha ya½ avutta½, ta½ vutt±nus±reneva veditabba½. Desan±pariyos±ne br±hmaºo ca br±hmaº² ca pabbajitv± arahatta½ p±puºi½s³ti.

Paramatthajotik±ya khuddaka-aµµhakath±ya

Suttanip±ta-aµµhakath±ya m±gaº¹iyasuttavaººan± niµµhit±.