10. M±radheyyasuttavaººan±

59. Dasamassa k± uppatti? Ekadivasa½ kira satth± sekkhabahul±ya paris±ya parivuto nisinno tesa½ ajjh±saya½ oloketv± upari vises±dhigam±ya uss±ha½ janetu½ asekkhabh³mi½ thomento ida½ sutta½ abh±si. Tattha atikkamm±ti-±d²su aya½ saªkhepattho– atikkamma atikkamitv± abhibhavitv±. M±radheyya½ m±rassa visaya½ issariyaµµh±na½. ¾diccova yath± ±dicco abbh±di-upakkilesavimutto attano iddhiy± ±nubh±vena tejas±ti t²hi guºehi samann±gato nabha½ abbhussakkam±no sabba½ ±k±sagata½ tama½ atikkamma atikkamitv± abhibhavitv± vidhamitv± virocati, obh±sati, tapati; evameva kh²º±savo bhikkhu t²hi dhammehi samann±gato sabbupakkilesavimutto m±radheyyasaªkh±ta½ tebh³makadhammappavatta½ abhibhavitv± virocat²ti.
Asekkhen±ti ettha sikkh±su j±t±ti sekkh±, sattanna½ sekkh±na½ eteti v± sekkh±, apariyositasikkhatt± sayameva sikkhant²ti v± sekkh± maggadhamm± heµµhimaphalattayadhamm± ca. Aggaphaladhamm± pana upari sikkhitabb±bh±vena na sekkh±ti asekkh±. Yattha hi sekkhabh±v±saªk± atthi, tatth±ya½ paµisedhoti lokiyadhammesu nibb±ne ca asekkhabh±v±n±patti daµµhabb±. S²lasam±dhipaññ±saªkh±t± hi sikkh± attano paµipakkhakilesehi vippayutt± parisuddh± upakkiles±na½ ±rammaºabh±vampi anupagamanato s±tisaya½ sikkh±ti vattu½ yutt±, aµµhasupi maggaphalesu vijjanti; tasm± catumaggaheµµhimaphalattayadhamm± viya arahattaphaladhamm±pi “t±su sikkh±su j±t±”ti ca, ta½sikkh±samaªgino arahato itaresa½ viya sekkhatte sati “sekkhassa ete”ti ca “sikkh± s²la½ etesan”ti ca sekkh±ti ±saªk± siyunti tad±saªk±nivattanattha½ asekkh±ti yath±vuttasekkhabh±vappaµisedha½ katv± vutta½. Arahattaphale pavattam±n± hi sikkh± pariniµµhitakiccatt± na sikkh±kicca½ karonti, kevala½ sikkh±phalabh±vena pavattanti. Tasm± t± na sikkh±vacana½ arahanti, n±pi ta½samaªgino sekkhavacana½, na ca ta½sampayuttadhamm± sikkhanas²l±. “Sikkh±su j±t±”ti evam±di-atthehi aggaphaladhamm± sekkh± na honti. Heµµhimaphalesu pana sikkh± sakad±g±mimaggavipassan±d²na½ upanissayabh±vato sikkh±kicca½ karont²ti sikkh±vacana½ arahanti, ta½samaªgino ca sekkhavacana½, ta½sampayutt± dhamm± ca sikkhanas²l±. Sekkhadhamm± yath±vuttehi atthehi sekkh± hontiyeva.
Atha v± sekkh±ti apariyositasikkh±na½ vacananti, asekkh±ti pada½ pariyositasikkh±na½ dassananti na lokiyadhammanibb±n±na½ asekkhabh±v±patti. Vu¹¹hippatt± sekkh± asekkh± ca sekkhadhammesu eva kesañci vu¹¹hippatt±na½ asekkhat± ±pajjat²ti arahattamaggadhamm± vu¹¹hippatt±. Yath±vuttehi ca atthehi sekkh±ti katv± asekkh± ±pann±ti ce? Ta½ na, sadisesu tabboh±rato. Arahattamaggato hi ninn±n±karaºa½ arahattaphala½ µhapetv± pariññ±dikiccakaraºa½ vip±kabh±vañca, tasm± te eva sekkh± dhamm± arahattaphalabh±va½ ±pann±ti sakk± vattu½. Kusalasukhato ca vip±kasukha½ santatarat±ya paº²tataranti vu¹¹hippatt±va te dhamm± hont²ti “asekkh±”ti vuccanti.
Te pana asekkhadhamme khandhavasena idha tidh± vibhajitv± tehi samann±gamena kh²º±savassa ±nubh±va½ vibh±vento bhagav± “asekkhena s²lakkhandhen±”ti-±dim±ha. Tattha s²lasaddassa attho heµµh± vutto. Khandhasaddo pana r±simhi paññattiya½ ru¼hiya½ guºeti bah³su atthesu diµµhappayogo. Tath± hi “asaªkheyyo appameyyo mah±-udakakkhandhotveva saªkhya½ gacchat²”ti-±d²su (a. ni. 4.51; 6.37) r±simhi ±gato. “Addas± kho bhagav± mahanta½ d±rukkhandha½ gaªg±ya nadiy± sotena vuyham±nan”ti-±d²su (sa½. ni. 4.241) paññattiya½. “Citta½ mano m±nasa½ hadaya½ paº¹ara½ mano man±yatana½ viññ±ºa½ viññ±ºakkhandho”ti-±d²su (dha. sa. 63, 65) ru¼hiya½. “Na kho, ±vuso vis±kha, ariyena aµµhaªgikena maggena tayo khandh± saªgahit±, t²hi ca kho, ±vuso vis±kha, khandhehi ariyo aµµhaªgiko maggo saªgahito”ti-±d²su (ma. ni. 1.462) guºe. Idh±pi guºeyeva daµµhabbo. Tasm± asekkhena s²lasaªkh±tena guºen±ti attho. Samann±gatoti sampayutto samaªg²bh³to. Sam±dahati etena, saya½ v± sam±dahati, sam±dh±nameva v±ti sam±dhi. Pak±rehi j±n±ti yath±sabh±va½ paµivijjhat²ti paññ±. S²lameva khandho s²lakkhandho. Sesesupi eseva nayo.
Tattha aggaphalabh³t± samm±v±c±, samm±kammanto, samm±-±j²vo ca sabh±veneva asekkho s²lakkhandho n±ma, tath± samm±sam±dhi asekkho sam±dhikkhandho. Tadupak±rakato pana samm±v±y±masamm±satiyo sam±dhikkhandhe saªgaha½ gacchanti. Tath± samm±diµµhi asekkho paññ±kkhandho. Tadupak±rakato samm±saªkappo paññ±kkhandhe saªgaha½ gacchat²ti evamettha aµµhapi arahattaphaladhamm± t²hi khandhehi saªgahetv± dassit±ti veditabba½.
Yassa ete subh±vit±ti yena arahat± ete s²l±dayo asekkhadhammakkhandh± subh±vit± suµµhu va¹¹hit±, so ±diccova virocat²ti sambandho. “Yassa cete”tipi paµhanti. Tesañca saddo nip±tamatta½. Evametasmi½ vagge paµhamasutte vaµµa½, pariyos±nasutte vivaµµa½, itaresu vaµµavivaµµa½ kathita½.

Dasamasuttavaººan± niµµhit±.

Paµhamavaggavaººan± niµµhit±.