“Cara½ sam±hito n±go, tiµµhantopi sam±hito”ti.–

“Idampi vacana½ suvutta½ hot²”ti vadanti, tesampi vuttados±n±tivatti, µhitalakkhaº±rammaºat±ya ca at²t±n±gatasammutidhamm±na½ tadabh±vato, ekadesavisayameva bhagavato ñ±ºa½ siy±. Tasm± saki½yeva ñ±ºa½ pavattat²ti na yujjati.

Atha kamena sabbasmi½ visaye ñ±ºa½ pavattat²ti? Evampi na yujjati. Na hi j±tibh³misabh±v±divasena dis±desak±l±divasena ca anekabhedabhinne ñeyye kamena gayham±ne tassa anavasesapaµivedho sambhavati apariyantabh±vato ñeyyassa. Ye pana “atthassa avisa½v±danato ñeyyassa ekadesa½ paccakkha½ katv± sesepi evanti adhimuccitv± vavatth±panena sabbaññ³ bhagav±, tañca ñ±ºa½ na anum±nika½ sa½say±bh±vato. Sa½say±nubaddhañhi loke anum±nañ±ºan”ti vadanti, tesampi na yutta½. Sabbassa hi apaccakkhabh±ve atthassa avisa½v±danena ñeyyassa ekadesa½ paccakkha½ katv± sesepi evanti adhimuccitv± vavatth±panassa asambhavato. Yañhi ta½ sesa½, ta½ apaccakkhanti. Atha tampi paccakkha½, tassa sesabh±vo pana na siy±ti sabbameta½ ak±raºa½. Kasm±? Avisayavic±rabh±vato. Vuttañheta½ bhagavat±–
“Buddhavisayo, bhikkhave, acinteyyo, na cintetabbo; yo cinteyya, umm±dassa vigh±tassa bh±g² ass±”ti (a. ni. 4.77).
Ida½ panettha sanniµµh±na½– ya½kiñci bhagavat± ñ±tu½ icchita½ sakalamekadeso v±, tattha appaµihatavuttit±ya paccakkhato ñ±ºa½ pavattati, niccasam±dh±nañca vikkhep±bh±vato, ñ±tu½ icchitassa sakalassa avisayabh±vato tassa ±kaªkh±paµibaddhavuttit± na siy±, ekanteneva s± icchitabb± “sabbe dhamm± buddhassa bhagavato ±vajjanapaµibaddh±, ±kaªkh±paµibaddh±, manasik±rapaµibaddh±, cittupp±dapaµibaddh±”ti (mah±ni. 69; c³¼ani. moghar±jam±ºavapucch±niddesa 85) vacanato. At²t±n±gatavisayampi bhagavato ñ±ºa½ anum±n±gamanatakkaggahaºavirahitatt± paccakkhameva.
Nanu ca etasmimpi pakkhe yad± sakala½ ñ±tu½ icchita½, tad± sakimeva sakalavisayat±ya anir³pitar³pena bhagavato ñ±ºa½ pavatteyy±ti vuttados±n±tivattiyev±ti? Na, tassa visodhitatt±. Visodhito hi so buddhavisayo acinteyyoti. Aññath± pacurajanañ±ºasamavuttit±ya buddh±na½ bhagavant±na½ ñ±ºassa acinteyyat± na siy±, tasm± sakaladhamm±rammaºampi ta½ ekadhamm±rammaºa½ viya suvavatth±piteyeva te dhamme katv± pavattat²ti idamettha acinteyya½. Y±vataka½ ñeyya½, t±vataka½ ñ±ºa½, y±vataka½ ñ±ºa½, t±vataka½ ñeyya½, ñeyyapariyantika½ ñ±ºa½, ñ±ºapariyantika½ ñeyyanti evamekajjha½ visu½ visu½ saki½ kamena ca icch±nur³pa½ samm± s±mañca sabbadhamm±na½ buddhatt± samm±sambuddho bhagav±. Ta½ samm±sambuddha½.
Dve vitakk±ti dve samm± vitakk±. Tattha vitakkenti etena, saya½ v± vitakketi, vitakkanamattameva v±ti vitakko. Sv±ya½ ±rammaº±bhiniropanalakkhaºo, ±hananapariy±hananaraso, ±rammaºe cittassa ±nayanapaccupaµµh±no. Visayabhedena pana ta½ dvidh± katv± vutta½ “dve vitakk±”ti. Samud±carant²ti sama½ samm± ca uddhamuddha½ mariy±d±ya caranti. Mariy±dattho hi ayam±k±ro, tena ca yogena “tath±gata½ arahanta½ samm±sambuddhan”ti ida½ s±mi-atthe upayogavacana½. Ida½ vutta½ hoti– tath±gatassa arahato samm±sambuddhassa attano visaye sama½ samm± ca aññamañña½ mariy±da½ anatikkamant± uddhamuddha½ bahula½ abhiºha½ caranti pavattant²ti.
Ko pana nesa½ visayo, k± v± mariy±d±, kathañca ta½ anatikkamitv± te uddhamuddha½ bahula½ abhiºha½ nicca½ pavattant²ti? Vuccate– khemavitakko, pavivekavitakkoti ime dve vitakk±yeva. Tesu khemavitakko t±va bhagavato visesena karuº±sampayutto, mett±mudit±sampayuttopi labbhateva, tasm± so mah±karuº±sam±pattiy± mett±disam±pattiy± ca pubbaªgamo sampayutto ca veditabbo. Pavivekavitakko pana phalasam±pattiy± pubbaªgamo sampayutto ca, dibbavih±r±divasen±pi labbhateva. Iti nesa½ vitakko visayo, tasm± ekasmi½ sant±ne bahula½ pavattam±n±nampi k±lena k±la½ savisayasmi½yeva caraºato natthi mariy±d±, na saªkarena vutti.
Tattha khemavitakko bhagavato karuºokkaman±din± vibh±vetabbo, pavivekavitakko sam±patt²hi. Tatr±ya½ vibh±van±– “aya½ loko sant±paj±to dukkhapareto”ti-±din± r±gaggi-±d²hi lokasanniv±sassa ±dittat±di-±k±radassanehi mah±karuº±sam±pattiy± pubbabh±ge sam±pattiyampi paµhamajjh±navasena vattabbo. Vuttañheta½ (paµi. ma. 1.117-118)–
“Bah³hi ±k±rehi passant±na½ buddh±na½ bhagavant±na½ sattesu mah±karuº± okkamati, ±ditto lokasanniv±soti passant±na½ buddh±na½ bhagavant±na½ sattesu mah±karuº± okkamati. Uyyutto, pay±to, kummaggapaµipanno, upan²yati loko addhuvo, at±ºo loko anabhissaro, assako loko, sabba½ pah±ya gaman²ya½, ³no loko atitto taºh±d±so.
“At±yano lokasanniv±so, aleºo, asaraºo, asaraº²bh³to, uddhato loko av³pasanto, sasallo lokasanniv±so viddho puthusallehi, avijjandhak±r±varaºo kilesapañjaraparikkhitto, avijj±gato lokasanniv±so aº¹abh³to pariyonaddho tant±kulakaj±to kul±guºµhikaj±to muñjapabbajabh³to ap±ya½ duggati½ vinip±ta½ sa½s±ra½ n±tivattat²ti passant±na½, avijj±visadosasa½litto kilesakalal²bh³to, r±gadosamohajaµ±jaµito.
“Taºh±saªgh±µapaµimukko, taºh±j±lena otthaµo, taºh±sotena vuyhati, taºh±sa½yojanena sa½yutto, taºh±nusayena anusaµo, taºh±sant±pena santappati, taºh±pari¼±hena pari¹ayhati.
“Diµµhisaªgh±µapaµimukko, diµµhij±lena otthaµo, diµµhisotena vuyhati, diµµhisa½yojanena sa½yutto, diµµh±nusayena anusaµo, diµµhisant±pena santappati, diµµhipari¼±hena pari¹ayhati.
“J±tiy± anugato, jar±ya anusaµo, by±dhin± abhibh³to, maraºena abbh±hato, dukkhe patiµµhito.
“Taºh±ya o¹¹ito, jar±p±k±raparikkhitto, maccup±saparikkhitto, mah±bandhanabaddho, lokasanniv±so, r±gabandhanena, dosamohabandhanena, m±nadiµµhikilesaduccaritabandhanena baddho, mah±samb±dhapaµipanno, mah±palibodhena palibuddho, mah±pap±te patito, mah±kant±rapaµipanno, mah±sa½s±rapaµipanno, mah±vidugge samparivattati, mah±palipe palipanno.
“Abbh±hato lokasanniv±so, ±ditto lokasanniv±so r±gaggin±, dosaggin±, mohaggin± j±tiy±…pe… up±y±sehi, unn²tako lokasanniv±so haññati niccamat±ºo pattadaº¹o takkaro, vajjabandhanabaddho ±gh±tanapaccupaµµhito, an±tho lokasanniv±so paramak±ruññata½ patto, dukkh±bhitunno cirarattap²¼ito, niccagadhito niccapip±sito.
“Andho, acakkhuko, hatanetto, apariº±yako, vipathapakkhando, añjas±paraddho, mahoghapakkhando.
“Dv²hi diµµhigatehi pariyuµµhito, t²hi duccaritehi vippaµipanno, cat³hi yogehi yojito, cat³hi ganthehi ganthito, cat³hi up±d±nehi up±d²yati, pañcagatisam±ru¼ho, pañcahi k±maguºehi rajjati, pañcahi n²varaºehi otthaµo, chahi viv±dam³lehi vivadati, chahi taºh±k±yehi rajjati, chahi diµµhigatehi pariyuµµhito, sattahi anusayehi anusaµo, sattahi sa½yojanehi sa½yutto, sattahi m±nehi unnato, aµµhahi lokadhammehi samparivattati, aµµhahi micchattehi niyato, aµµhahi purisadosehi dussati, navahi ±gh±tavatth³hi ±gh±tito, navahi m±nehi unnato, navahi taºh±m³lakehi dhammehi rajjati, dasahi kilesavatth³hi kilissati, dasahi ±gh±tavatth³hi ±gh±tito, dasahi akusalakammapathehi samann±gato, dasahi sa½yojanehi sa½yutto, dasahi micchattehi niyato, dasavatthuk±ya diµµhiy± samann±gato, dasavatthuk±ya antagg±hik±ya diµµhiy± samann±gato, aµµhasatataºh±papañcehi papañcito, dv±saµµhiy± diµµhigatehi pariyuµµhito lokasanniv±soti sampassant±na½ buddh±na½ bhagavant±na½ sattesu mah±karuº± okkamati.
“Ahañcamhi tiººo, loko ca atiººo. Ahañcamhi mutto, loko ca amutto. Ahañcamhi danto, loko ca adanto. Ahañcamhi santo, loko ca asanto. Ahañcamhi assattho, loko ca anassattho. Ahañcamhi parinibbuto, loko ca aparinibbuto. Pahomi khv±ha½ tiººo t±retu½, mutto mocetu½, danto dametu½, santo sametu½ assattho ass±setu½, parinibbuto pare ca parinibb±petunti passant±na½ buddh±na½ bhagavant±na½ sattesu mah±karuº± okkamat²”ti (paµi. ma. 1.117-118).
Imin±va nayena bhagavato sattesu mett±-okkamanañca vibh±vetabba½. Karuº±visayassa hi dukkhassa paµipakkhabh³ta½ sukha½ sattesu upasa½harant² mett±pi pavattat²ti idha aby±p±da-avihi½s±vitakk± khemavitakko. Pavivekavitakko pana nekkhammavitakkoyeva, tassa dibbavih±ra-ariyavih±resu pubbabh±gassa paµhamajjh±nassa paccavekkhaº±ya ca vasena pavatti veditabb±. Tattha ye te bhagavato devasika½ va¼añjanakavasena catuv²satikoµisatasahassasaªkh± sam±pattivih±r±, yesa½ purecaraºabh±vena pavatta½ sam±dhicariy±nugata½ ñ±ºacariy±nugata½ ñ±ºa½ catuv²satikoµisatasahassasam±pattisañc±rimah±vajirañ±ºanti vuccati, tesa½ vasena bhagavato pavivekavitakkassa bahula½ pavatti veditabb±. Ayañca attho mah±saccakasuttenapi veditabbo. Vuttañhi tattha bhagavat±–
“So kho aha½, aggivessana, tasmi½yeva purimasmi½ sam±dhinimitte ajjhattameva citta½ saºµhapemi, sannis±demi, yena suda½ niccakappa½ vihar±m²”ti (ma. ni. 1.387).
Idañhi bhagav± “samaºo gotamo abhir³po p±s±diko suphusita½ dant±varaºa½, jivh± tanuk±, madhura½ vacana½, tena parisa½ rañjento maññe vicarati, citte panassa ekaggat± natthi, yo eva½ saññattibahulo carat²”ti saccakena nigaºµhaputtena vitakkite avassa½ saho¹ha½ cora½ gaºhanto viya “na aggivessana tath±gato parisa½ rañjento saññattibahulo vicarati, cakkav±¼apariyant±yapi paris±ya dhamma½ deseti, asall²no anupalitto ekatta½ ekavih±risuññat±phalasam±pattiphala½ anuyutto”ti dassetu½ ±hari.
Bhagav± hi yasmi½ khaºe paris± s±dhuk±ra½ deti, dhamma½ v± paccavekkhati, tasmi½ khaºe pubbabh±gena k±la½ paricchinditv± phalasam±patti½ ass±sav±re pass±sav±re sam±pajjati, s±dhuk±rasaddanigghose avicchinneyeva dhammapaccavekkhaº±ya ca pariyos±ne sam±pattito vuµµh±ya µhitaµµh±nato paµµh±ya dhamma½ deseti. Buddh±nañhi bhavaªgapariv±so lahuko, ass±sav±re pass±sav±re sam±pattiyo sam±pajjanti. Eva½ yath±vuttasam±patt²na½ sapubbabh±g±na½ vasena bhagavato khemavitakkassa pavivekavitakkassa ca bahulappavatti veditabb±.
Tattha yassa by±p±davihi½s±vitakk±disa½kilesappah±nassa aby±p±davitakkassa avihi½s±vitakkassa ca ±nubh±vena kutocipi bhay±bh±vato ta½samaªg² khemappatto ca viharati, tato ca sabbassapi sabbad±pi khemameva hoti abhayameva. Tasm± duvidhopi ubhayesa½ khemaªkaroti khemavitakko. Yassa pana k±mavitakk±disa½kilesapah±nassa nekkhammavitakkassa ±nubh±vena k±yaviveko, cittaviveko, upadhivivekoti tividho; tadaªgaviveko, vikkhambhanaviveko, samucchedaviveko, paµippassaddhiviveko, nissaraºavivekoti pañcavidho ca viveko p±rip³ri½ gacchati. So yath±raha½ ±rammaºato sampayogato ca pavivekasahagato vitakkoti pavivekavitakko. Ete ca dve vitakk± eva½ vibhattavisay±pi sam±n± ±dikammik±na½ aññamaññ³pak±r±ya sambhavanti. Yath± hi khemavitakkassa pavivekavitakko anuppannassa upp±d±ya uppannassa bhiyyobh±v±ya vepull±ya hoti, eva½ pavivekavitakkassapi khemavitakko. Na hi v³pakaµµhak±yacitt±namantarena mett±vih±r±dayo sambhavanti by±p±d±dippah±nena ca vin± cittavivek±d²na½ asambhavoyev±ti aññamaññassa bah³pak±r± ete dhamm± daµµhabb±. Bhagavato pana sabbaso pah²nasa½kilesassa lokahitatth±ya eva½ khemavitakko ca pavivekavitakko ca ass±sav±ramattepi hitasukham±vahantiyev±ti. Khemo ca vitakko paviveko ca vitakkoti sambandhitabba½.
Eva½ uddiµµhe dve vitakke niddisitu½ “aby±pajjh±r±mo”ti-±dim±ha. Tattha aby±pajjhana½ kassaci adukkhana½ aby±pajjho, so ±ramitabbato ±r±mo etass±ti aby±pajjh±r±mo. Aby±pajjhe rato sevanavasena niratoti aby±pajjharato. Esev±ti eso eva. Iriy±y±ti kiriy±ya, k±yavac²payogen±ti attho. Na kañci by±b±dhem²ti h²n±d²su kañcipi satta½ taºh±tas±diyogato tasa½ v± tadabh±vato pah²nasabbakilesavipphanditatt± th±vara½ v± na b±dhemi na dukkh±pemi. Karuºajjh±sayo bhagav± mah±karuº±sam±pattibahulo attano paramarucitakaruºajjh±say±nur³pamevam±ha. Tena avihi½s±vitakka½ aby±p±davitakkañca dasseti. Ida½ vutta½ hoti– ‘aha½ im±ya iriy±ya im±ya paµipattiy± eva½ samm± paµipajjanto eva½ sam±pattivih±rehi viharanto eva½ puññatthikehi kat±ni sakk±ragaruk±ram±nanavandanap³jan±ni adhiv±sento sattesu na kañci by±b±dhemi, apica kho diµµhadhammikasampar±yikaparamatthappabheda½ hitasukhameva nesa½ paribr³hem²’ti.
Ya½ akusala½, ta½ pah²nanti ya½ diya¹¹hakilesasahassabheda½ aññañca ta½sampayutta½ anantappabheda½ akusala½, ta½ sabba½ bodhim³leyeva mayha½ pah²na½ sam³hatanti. Imin± pavivekesu muddhabh³tena saddhi½ nissaraºavivekena samucchedappaµippassaddhiviveke dasseti. Keci panettha tadaªgavikkhambhanavivekepi uddharanti ¾gaman²yapaµipad±ya hi saddhi½ bhagavat± attano kilesakkhayo idha vuttoti.
Iti bhagav± aparimitakappaparicitta½ attano pavivekajjh±saya½ saddhi½ nissaraºajjh±sayena id±ni matthaka½ p±petv± µhito tamajjh±saya½ phalasam±patti½ sam±pajjitv± attano kilesappah±napaccavekkhaºamukhena vibh±veti. Yadattha½ panettha satth± ime dve vitakke uddhari, id±ni tamattha½ dassento “tasm±tiha, bhikkhave”ti-±dim±ha. Bhagav± hi imassa vitakkadvayassa attano bahulasamud±c±radassanamukheneva tattha bhikkh³ nivesetu½ ima½ desana½ ±rabhi.
Tattha tasm±ti yasm± aby±pajjhapavivek±bhiratassa me khemapavivekavitakk±yeva bahula½ pavattanti, tasm±. Tih±ti nip±tamatta½. Aby±pajjh±r±m± viharath±ti sabbasattesu mett±vih±rena karuº±vih±re na ca abhiramant± viharatha. Tena by±p±dassa tadekaµµhakiles±nañca d³r²karaºam±ha. Tesa½ voti ettha voti nip±tamatta½. Pavivek±r±m± viharath±ti k±y±divivekañceva tadaªg±divivekañc±ti sabbaviveke ±ramitabbaµµh±na½ katv± viharatha. Im±ya mayanti-±di yath± nesa½ khemavitakkassa pavattan±k±radassana½, eva½ ki½ akusalanti-±di pavivekavitakkassa pavattan±k±radassana½. Tattha yath± anavajjadhamme parip³retuk±mena ki½kusalagavesin± hutv± kusaladhammapariyesan± k±tabb±va, s±vajjadhamme pajahituk±men±pi akusalapariyesan± k±tabb±ti ±ha “ki½ akusalan”ti-±di. Abhiññ±pubbik± hi pariññ±pah±nasacchikiriy±bh±van±. Tattha ki½ akusalanti akusala½ n±ma ki½, sabh±vato kimassa lakkhaºa½, k±ni v± rasapaccupaµµh±napadaµµh±n±n²ti akusalassa sabh±vakicc±dito paccavekkhaºavidhi½ dasseti. ¾dikammikavasena cesa vitakko ±gato, ki½ appah²na½ ki½ pajah±m±ti ida½ padadvaya½ sekkhavasena. Tasm± ki½ appah²nanti k±mar±gasa½yojan±d²su akusalesu ki½ akusala½ amh±ka½ maggena asamucchinna½? Ki½ pajah±m±ti ki½ akusala½ samuggh±tema? Atha v± ki½ pajah±m±ti v²tikkamapariyuµµh±n±nusayesu ki½ vibh±ga½ akusala½ id±ni maya½ pajah±m±ti attho. Keci pana “ki½ appah²nan”ti paµhanti. Tesa½ diµµhisa½yojan±divasena anekabhedesu akusalesu ki½ katama½ akusala½, kena katamena pak±rena, katamena v± maggena amh±ka½ appah²nanti vutta½ hoti. Sesa½ vuttanayameva.
G±th±su buddhanti catunna½ ariyasacc±na½ avipar²ta½ sayambhuñ±ºena buddhatt± paµividdhatt± buddha½ saccavinimuttassa ñeyyassa abh±vato. Tath± hi vutta½–
“Abhiññeyya½ abhiññ±ta½, bh±vetabbañca bh±vita½;
pah±tabba½ pah²na½ me, tasm± buddhosmi br±hmaº±”ti. (Su. ni. 563; ma. ni. 2.399).
Ýhapetv± mah±bodhisatta½ aññehi sahitu½ vahitu½ asakkuºeyyatt± asayhassa sakalassa bodhisambh±rassa mah±karuº±dhik±rassa ca sahanato vahanato, tath± aññehi sahitu½ abhibhavitu½ dukkaratt± asayh±na½ pañcanna½ m±r±na½ sahanato abhibhavanato, ±say±nusayacariy±dhimutti-±divibh±g±vabodhena yath±raha½ veneyy±na½ diµµhadhammikasampar±yikaparamatthehi anus±sanasaªkh±tassa aññehi asayhassa buddhakiccassa sahanato vahanato, tattha v± s±dhuk±ribh±vato asayhas±hina½. Samud±caranti nanti ettha nanti nip±tamatta½, na½ tath±gatanti v± attho.
Sakaparasant±nesu tamasaªkh±ta½ mohandhak±ra½ nudi khip²ti tamonudo. P±ra½ nibb±na½ gatoti p±ragato. Atha v± “mutto moceyyan”ti-±din± nayena pavattitassa mah±bhin²h±rassa sakalassa v± sa½s±radukkhassa sabbaññuguº±na½ p±ra½ pariyanta½ gatoti p±ragato, ta½ tamonuda½ p±ragata½. Tato eva pattipatta½ buddha½, s²l±di½ dasabalañ±º±diñca samm±sambuddhehi pattabba½ sabba½ pattanti attho. Vasimanti jh±n±d²su ±kaªkh±paµibaddho paramo ±vajjan±divasibh±vo, ariyiddhisaªkh±to anaññas±dh±raºo cittavasibh±vo ca assa atth²ti vasim±, ta½ vasima½, vasinanti attho. Sabbesa½ k±m±sav±d²na½ abh±vena an±sava½. K±yavisam±dikassa visamassa vantatt± v± visasaªkh±ta½ sabba½ kilesamala½ taritv± v± visa½ sakalavaµµadukkha½ saya½ taritv± t±raºato visantaro ta½ visantara½. Taºhakkhaye arahattaphale nibb±ne v± vimutta½, ubhayamhi gamanato monasaªkh±tena ñ±ºena k±yamoneyy±d²hi v± s±tisaya½ samann±gatatt± muni½. Mun²ti hi ag±riyamuni, anag±riyamuni, sekkhamuni, asekkhamuni, paccekamuni, munimun²ti anekavidh± munayo. Tattha gih² ±gataphalo viññ±tas±sano ag±riyamuni, tath±r³po pabbajito anag±riyamuni, satta sekkh± sekkhamuni, kh²º±savo asekkhamuni, paccekabuddho paccekamuni, samm±sambuddho munimun²ti. Ayameva idh±dhippeto. ¾yati½ punabbhav±bh±vato antima½, pacchima½ deha½ k±ya½ dh±ret²ti antimadehadh±r², ta½ antimadehadh±ri½. Kilesam±r±d²na½ sammadeva pariccattatt± m±rañjaha½. Tato eva jar±hetusamucchedato anup±disesanibb±nappattivasena p±kaµajar±disabbajar±ya p±ragu½. Jar±s²sena cettha j±timaraºasok±d²na½ p±ragamana½ vuttanti daµµhabba½. Ta½ eva½bh³ta½ tath±gata½ duve vitakk± samud±carant²ti br³m²ti sambandho.
Iti bhagav± paµhamag±th±ya vitakkadvaya½ uddisitv± tato dutiyag±th±ya pavivekavitakka½ dassetv± id±ni khemavitakka½ dassetu½ “sele yath±”ti tatiyag±tham±ha. Tattha sele yath± pabbatamuddhaniµµhitoti sele sil±maye ekagghanapabbatamuddhani yath± µhito. Na hi tattha µhitassa uddha½ g²vukkhipanapas±raº±dikicca½ atthi. Tath³pamanti tappaµibh±ga½ selapabbat³pama½. Aya½ panettha saªkhepattho– yath± selapabbatamuddhani µhito cakkhum± puriso samantato janata½ passeyya, evameva sumedho, sundarapañño sabbaññutaññ±ºena samantacakkhu bhagav± dhammamaya½ paññ±maya½ p±s±dam±ruyha saya½ apetasoko sok±vatiººa½ j±tijar±bhibh³tañca janata½ sattak±ya½ avekkhati upadh±rayati upaparikkhati. Aya½ panettha adhipp±yo– yath± hi pabbatap±de samant± mahanta½ khetta½ katv± tattha ked±rap±¼²su kuµiyo katv± ratti½ aggi½ j±leyya, caturaªgasamann±gatañca andhak±ra½ bhaveyya, athassa pabbatassa matthake µhatv± cakkhumato purisassa bh³mippadesa½ olokayato neva khetta½, na ked±rap±¼iyo, na kuµiyo, na tattha sayitamanuss± paññ±yeyyu½, kuµ²su pana aggij±lamattameva paññ±yeyya, eva½ dhammamaya½ p±s±dam±ruyha sattak±ya½ olokayato tath±gatassa ye te akatakaly±º± satt±, te ekavih±re dakkhiºapasse nisinn±pi buddhañ±ºassa ±p±tha½ n±gacchanti, ratti½ khittasar± viya honti. Ye pana katakaly±º± veneyyapuggal±, te evassa d³repi µhit± ±p±tha½ ±gacchanti, so aggi viya himavantapabbato viya ca vuttampi ceta½–
“D³re santo pak±senti, himavantova pabbato;
asantettha na dissanti, ratti½ khitt± yath± sar±”ti. (Dha. pa. 304; netti. 11).
Evametasmi½ sutte g±th±su ca bhagav± att±na½ para½ viya katv± dassesi.

Paµhamasuttavaººan± niµµhit±.