5. Padh±nakammikatissattheravatthu

Uµµh±nak±lamh²ti ima½ dhammadesana½ satth± jetavane viharanto padh±nakammikatissatthera½ ±rabbha kathesi.
S±vatthiv±sino kira pańcasat± kulaputt± satthu santike pabbajitv± kammaµµh±na½ gahetv± arańńa½ agama½su. Tesu eko tattheva oh²yi. Avases± arańńe samaŗadhamma½ karont± arahatta½ patv± “paµiladdhaguŗa½ satthu ±rocess±m±”ti puna s±vatthi½ agama½su. Te s±vatthito yojanamatte ekasmi½ g±make piŗ¹±ya carante disv± eko up±sako y±gubhatt±d²hi patim±netv± anumodana½ sutv± punadivasatth±yapi nimantesi. Te tadaheva s±vatthi½ gantv± pattac²vara½ paµis±metv± s±yanhasamaye satth±ra½ upasaŖkamitv± vanditv± ekamanta½ nis²di½su. Satth± tehi saddhi½ ativiya tuµµhi½ pavedayam±no paµisanth±ra½ ak±si.
Atha nesa½ tattha oh²no sah±yakabhikkhu cintesi– “satthu imehi saddhi½ paµisanth±ra½ karontassa mukha½ nappahoti, mayha½ pana maggaphal±bh±vena may± saddhi½ na katheti, ajjeva arahatta½ patv± satth±ra½ upasaŖkamitv± may± saddhi½ kath±pess±m²”ti. Tepi bhikkh³, “bhante, maya½ ±gamanamagge ekena up±sakena sv±tan±ya nimantit±, tattha p±tova gamiss±m±”ti satth±ra½ apalokesu½. Atha nesa½ sah±yako bhikkhu sabbaratti½ caŖkamanto nidd±vasena caŖkamakoµiya½ ekasmi½ p±s±ŗaphalake pati, ³ruµµhi bhijji. So mah±saddena viravi. Tassa te sah±yak± bhikkh³ sadda½ sańj±nitv± ito cito ca upadh±vi½su. Tesa½ d²pa½ j±letv± tassa kattabbakicca½ karont±na½yeva aruŗo uµµhahi, te ta½ g±ma½ gantu½ ok±sa½ na labhi½su. Atha ne satth± ±ha– “ki½, bhikkhave, bhikkh±c±rag±ma½ na gamitth±”ti. Te “±ma, bhante”ti ta½ pavatti½ ±rocesu½. Satth± “na, bhikkhave, esa id±neva tumh±ka½ l±bhantar±ya½ karoti, pubbepi ak±siyev±”ti vatv± tehi y±cito at²ta½ ±haritv±–
“Yo pubbe karaŗ²y±ni, pacch± so k±tumicchati;
varuŗakaµµhabhańjova, sa pacch± manutappat²”ti. (J±. 1.1.71)–

J±taka½ vitth±resi. Tad± kira te bhikkh³ pańcasat± m±ŗavak± ahesu½, kus²tam±ŗavako aya½ bhikkhu ahosi, ±cariyo pana tath±gatova ahos²ti.

Satth± ima½ dhammadesana½ ±haritv±, “bhikkhave, yo hi uµµh±nak±le uµµh±na½ na karoti, sa½sannasaŖkappo hoti, kus²to so jh±n±dibheda½ visesa½ n±dhigacchat²”ti vatv± ima½ g±tham±ha–
280. “Uµµh±nak±lamhi anuµµhah±no,
yuv± bal² ±lasiya½ upeto;
sa½sannasaŖkappamano kus²to,
pańń±ya magga½ alaso na vindat²”ti.
Tattha anuµµhah±noti anuµµhahanto av±yamanto. Yuv± bal²ti paµhamayobbane µhito balasampannopi hutv± alasabh±vena upeto hoti, bhutv± sayati. Sa½sannasaŖkappamanoti t²hi micch±vitakkehi suµµhu avasannasamm±saŖkappacitto. Kus²toti nibb²riyo. Alasoti mah±-alaso pańń±ya daµµhabba½ ariyamagga½ apassanto na vindati, na paµilabhat²ti attho.
Desan±vas±ne bah³ sot±pattiphal±d²ni p±puŗi½s³ti.

Padh±nakammikatissattheravatthu pańcama½.