8. Titthiyavatthu

Na monen±ti ima½ dhammadesana½ satth± jetavane viharanto titthiye ±rabbha kathesi.
Te kira bhuttaµµh±nesu manuss±na½ “khema½ hotu, sukha½ hotu, ±yu va¹¹hatu, asukaµµh±ne n±ma kalala½ atthi, asukaµµh±ne n±ma kaºµako atthi, evar³pa½ µh±na½ gantu½ na vaµµat²”ti-±din± nayena maªgala½ vatv± pakkamanti. Bhikkh³ pana paµhamabodhiya½ anumodan±d²na½ ananuññ±tak±le bhattagge manuss±na½ anumodana½ akatv± pakkamanti. Manuss± “titthiy±na½ santik± maªgala½ suº±ma, bhaddant± pana tuºh²bh³t± pakkamant²”ti ujjh±yi½su. Bhikkh³ tamattha½ satthu ±rocesu½. Satth±, “bhikkhave, ito paµµh±ya bhattagg±d²su yath±sukha½ anumodana½ karotha, upanisinnakatha½ karotha, dhamma½ katheth±”ti anuj±ni. Te tath± kari½su. Manuss± anumodan±d²ni suºant± uss±happatt± bhikkh³ nimantetv± sakk±ra½ karont± vicaranti. Titthiy± pana “maya½ munino mona½ karoma, samaºassa gotamassa s±vak± bhattagg±d²su mah±katha½ kathent± vicarant²”ti ujjh±yi½su.
Satth± tamattha½ sutv± “n±ha½, bhikkhave, tuºh²bh±vamattena ‘mun²’ti vad±mi. Ekacce hi aj±nant± na kathenti, ekacce avis±radat±ya, ekacce ‘m± no ima½ atisayattha½ aññe j±ni½s³’ti maccherena. Tasm± monamattena muni na hoti, p±pav³pasamena pana muni n±ma hot²”ti vatv± im± g±th± abh±si–
268. “Na monena mun² hoti, m³¼har³po aviddasu;
yo ca tula½va paggayha, varam±d±ya paº¹ito.
269. “P±p±ni parivajjeti, sa mun² tena so muni;
yo mun±ti ubho loke, muni tena pavuccat²”ti.
Tattha na monen±ti k±mañhi moneyyapaµipad±saªkh±tena maggañ±ºamonena muni n±ma hoti, idha pana tuºh²bh±va½ sandh±ya “monen±”ti vutta½. M³¼har³poti tucchar³po. Aviddas³ti aviññ³. Evar³po hi tuºh²bh³topi muni n±ma na hoti. Atha v± monena muni n±ma na hoti, tucchasabh±vo pana aviññ³ ca hot²ti attho. Yo ca tula½va pagayh±ti yath± hi tula½ gahetv± µhito atireka½ ce hoti, harati. Ðna½ ce hoti pakkhipati. Evameva yo atireka½ haranto viya p±pa½ harati parivajjeti, ³nake pakkhipanto viya kusala½ parip³reti. Evañca pana karonto s²lasam±dhipaññ±vimuttivimuttiñ±ºadassanasaªkh±ta½ vara½ uttamameva ±d±ya p±p±ni akusalakamm±ni parivajjeti. Sa mun²ti so muni n±m±ti attho. Tena so mun²ti kasm± pana so mun²ti ce? Ya½ heµµh± vuttak±raºa½, tena so mun²ti attho. So mun±ti ubho loketi yo puggalo imasmi½ khandh±diloke tula½ ±ropetv± minanto viya “ime ajjhattik± khandh±, ime b±hir±”ti-±din± nayena ime ubho atthe mun±ti. Muni tena pavuccat²ti tena k±raºena mun²ti vuccatiyev±ti attho.
Desan±vas±ne bah³ sot±pattiphal±d²ni p±puºi½s³ti.

Titthiyavatthu aµµhama½.