10. Attadatthattheravatthu

Attadatthanti ima½ dhammadesana½ satth± jetavane viharanto attadatthatthera½ ±rabbha kathesi.
Satth±r± hi parinibb±nak±le, “bhikkhave, aha½ ito catum±saccayena parinibb±yiss±m²”ti vutte uppannasa½veg± sattasat± puthujjan± bhikkh³ satthu santika½ avijahitv± “ki½ nu kho, ±vuso, kariss±m±”ti sammantayam±n± vicaranti. Attadatthatthero pana cintesi– “satth± kira catum±saccayena parinibb±yissati, ahañcamhi av²tar±go, satthari dharam±neyeva arahattatth±ya v±yamiss±m²”ti. So bhikkh³na½ santika½ na gacchati. Atha na½ bhikkh³ “kasm±, ±vuso, tva½ neva amh±ka½ santika½ ±gacchasi, na kiñci mantes²”ti vatv± satthu santika½ netv± “aya½, bhante, eva½ n±ma karot²”ti ±rocayi½su. So satth±r±pi “kasm± eva½ karos²”ti vutte “tumhe kira, bhante, catum±saccayena parinibb±yissatha, aha½ tumhesu dharantesuyeva arahattappattiy± v±yamiss±m²”ti. Satth± tassa s±dhuk±ra½ datv±, “bhikkhave, yassa mayi sineho atthi, tena attadatthena viya bhavitu½ vaµµati. Na hi gandh±d²hi p³jent± ma½ p³jenti, dhamm±nudhammapaµipattiy± pana ma½ p³jenti. Tasm± aññenapi attadatthasadiseneva bhavitabban”ti vatv± ima½ g±tham±ha–
166. “Attadattha½ paratthena, bahun±pi na h±paye;
attadatthamabhiññ±ya, sadatthapasuto siy±”ti.
Tassattho– gihibh³t± t±va k±kaºikamattampi attano attha½ sahassamatten±pi parassa atthena na h±paye. K±kaºikamatten±pi hissa attadatthova kh±dan²ya½ v± bhojan²ya½ v± nipph±deyya, na parattho. Ida½ pana eva½ akathetv± kammaµµh±nas²sena kathita½, tasm± “attadattha½ na h±pem²”ti bhikkhun± n±ma saªghassa uppanna½ cetiyapaµisaªkharaº±dikicca½ v± upajjh±y±divatta½ v± na h±petabba½. ¾bhisam±c±rikavattañhi p³rentoyeva ariyaphal±d²ni sacchikaroti, tasm± ayampi attadatthova. Yo pana acc±raddhavipassako “ajja v± suve v±”ti paµivedha½ patthayam±no vicarati, tena upajjh±yavatt±d²nipi h±petv± attano kiccameva k±tabba½. Evar³pañhi attadatthamabhiññ±ya “aya½ me attano attho”ti sallakkhetv± sadatthapasuto siy±ti tasmi½ sake atthe uyyuttapayutto bhaveyy±ti.
Desan±vas±ne so thero arahatte patiµµhahi, sampattabhikkh³nampi s±tthik± dhammadesan± ahos²ti.

Attadatthattheravatthu dasama½.

Attavaggavaººan± niµµhit±.

Dv±dasamo vaggo.