10. Pilotikatissattheravatthu

Hir²nisedhoti ima½ dhammadesana½ satth± jetavane viharanto pilotikatthera½ ±rabbha kathesi.
Ekasmiñhi samaye ±nandatthero eka½ pilotikakhaº¹anivattha½ kap±la½ ±d±ya bhikkh±ya caranta½ d±raka½ disv± “ki½ te eva½ vicaritv± j²vanato pabbajj± na uttaritar±”ti vatv±, “bhante, ko ma½ pabb±jessat²”ti vutte “aha½ pabb±jess±m²”ti ta½ ±d±ya gantv± sahatth± nh±petv± kammaµµh±na½ datv± pabb±jesi. Tañca pana nivatthapilotikakhaº¹a½ pas±retv± olokento pariss±vanakaraºamattampi gayh³paga½ kañci padesa½ adisv± kap±lena saddhi½ ekiss± rukkhas±kh±ya µhapesi. So pabbajitv± laddh³pasampado buddh±na½ uppannal±bhasakk±ra½ paribhuñjam±no mahaggh±ni c²var±ni acch±detv± vicaranto th³lasar²ro hutv± ukkaºµhitv± “ki½ me janassa saddh±deyya½ niv±setv± vicaraºena, attano pilotikameva niv±sess±m²”ti ta½ µh±na½ gantv± pilotika½ gahetv± “ahirika nillajja evar³p±na½ vatth±na½ acch±danaµµh±na½ pah±ya ima½ pilotikakhaº¹a½ niv±setv± kap±lahattho bhikkh±ya caritu½ gacchas²”ti ta½ ±rammaºa½ katv± attan±va att±na½ ovadi, ovadantasseva panassa citta½ sannis²di. So ta½ pilotika½ tattheva paµis±metv± nivattitv± vih±rameva gato. So katip±haccayena punapi ukkaºµhitv± tatheva vatv± nivatti, punapi tathev±ti. Ta½ eva½ apar±para½ vicaranta½ disv± bhikkh³ “kaha½ ±vuso, gacchas²”ti pucchanti. So “±cariyassa santika½ gacch±m±vuso”ti vatv± eteneva n²h±rena attano pilotikakhaº¹ameva ±rammaºa½ katv± att±na½ nisedhetv± katip±heneva arahatta½ p±puºi. Bhikkh³ ±ha½su– “ki½, ±vuso, na d±ni ±cariyassa santika½ gacchasi, nanu aya½ te vicaraºamaggo”ti. ¾vuso, ±cariyena saddhi½ sa½sagge sati gatomhi, id±ni pana me chinno sa½saggo, tenassa santika½ na gacch±m²ti. Bhikkh³ tath±gatassa ±rocesu½– “bhante, pilotikatthero añña½ by±karot²”ti. Kim±ha, bhikkhaveti? Ida½ n±ma, bhanteti. Ta½ sutv± satth± “±ma, bhikkhave, mama putto sa½sagge sati ±cariyassa santika½ gato, id±ni panassa sa½saggo chinno, attan±va att±na½ nisedhetv± arahatta½ patto”ti vatv± im± g±th± abh±si–
143. “Hir²nisedho puriso, koci lokasmi½ vijjati;
yo nidda½ apabodheti, asso bhadro kas±miva.
144. “Asso yath± bhadro kas±niviµµho,
±t±pino sa½vegino bhav±tha;
saddh±ya s²lena ca v²riyena ca,
sam±dhin± dhammavinicchayena ca;
sampannavijj±caraº± patissat±,
jahissatha dukkhamida½ anappakan”ti.
Tattha anto uppanna½ akusalavitakka½ hiriy± nisedhet²ti hir²nisedho. Koci lokasminti evar³po puggalo dullabho, kocideva lokasmi½ vijjati. Yo niddanti appamatto samaºadhamma½ karonto attano uppanna½ nidda½ apaharanto bujjhat²ti apabodheti. Kas±miv±ti yath± bhadro asso attani patam±na½ kasa½ apaharati, attani patitu½ na deti. Yo eva½ nidda½ apabodheti, so dullabhoti attho.
Dutiyag±th±ya aya½ saªkhepattho– “bhikkhave, yath± bhadro asso pam±dam±gamma kas±ya niviµµho, ahampi n±ma kas±ya pahaµo”ti aparabh±ge ±tappa½ karoti, eva½ tumhepi ±t±pino sa½vegino bhavatha eva½bh³t± lokiyalokuttar±ya duvidh±ya saddh±ya ca catup±risuddhis²lena ca k±yikacetasikav²riyena ca aµµhasam±pattisam±dhin± ca k±raº±k±raºaj±nanalakkhaºena dhammavinicchayena ca samann±gat± hutv± tissanna½ v± aµµhanna½ v± vijj±na½, pañcadasannañca caraº±na½ sampattiy± sampannavijj±caraº± Upaµµhitasatit±ya patissat± hutv± ida½ anappaka½ vaµµadukkha½ pajahissath±ti.
Desan±vas±ne bah³ sot±pattiphal±d²ni p±puºi½s³ti.

Pilotikatissattheravatthu dasama½.