7. Mah±vaggo

1. Hiri-ottappasuttavaŗŗan±

65. Sattamassa paµhame hat³panisoti hata-upaniso chinnapaccayo. Yath±bh³tań±ŗadassananti taruŗavipassan±. Nibbid±vir±goti balavavipassan± ceva maggo ca. Vimuttiń±ŗadassananti arahattavimutti ca paccavekkhaŗ± ca.

2. Sattas³riyasuttavaŗŗan±

66. Dutiye yasm± aya½ sattas³riyadesan± tejosa½vaµµadassanavasena pavatt±, tasm± tayo sa½vaµµ±, tisso sa½vaµµas²m±, t²ŗi sa½vaµµam³l±n², t²ŗi kol±hal±n²ti aya½ t±va ±ditova imassa suttassa purec±rikakath± veditabb±. S± visuddhimagge (visuddhi. 2.403) pubbeniv±s±nussatiniddese vitth±rit±va. Etadavoc±ti aniccakammaµµh±nik±na½ pańcanna½ bhikkhusat±na½ ajjh±sayena up±dinnak±na½ anup±dinnak±na½ saŖkh±r±na½ vipattidassanattha½ eta½ “anicc±, bhikkhave, saŖkh±r±”ti-±disattas³riyopamasuttanta½ avoca. Tattha anicc±ti hutv± abh±vaµµhena anicc±. SaŖkh±r±ti up±dinnaka-anup±dinnak± saŖkh±radhamm±. Addhuv±ti eva½ aciraµµhena na dhuv±. Anass±sik±ti asassatabh±vena ass±sarahit±. Alamev±ti yuttameva.
Ajjhog±¼hoti udake anupaviµµho. Accuggatoti udakapiµµhito uggato. Devo na vassat²ti paµhama½ t±va upakappanamegho n±ma koµisatasahassacakkav±¼e ekamegho hutv± vassati, tad± nikkhantab²ja½ na puna geha½ pavisati. Tato paµµh±ya dhamakaraŗe niruddha½ viya udaka½ hoti, puna ekabindumpi devo na vassat²ti upam±nadhammakath±va pam±ŗa½. Vinassante pana loke paµhama½ av²cito paµµh±ya tuccho hoti, tato uµµhahitv± satt± manussaloke ca tiracch±nesu ca nibbattanti. Tiracch±nesu nibbatt±pi puttabh±tikesu metta½ paµilabhitv± k±lakat± devamanussesu nibbattanti. Devat± ±k±sena carantiyo ±rocenti– “na ida½ µh±na½ sassata½ na nibaddha½, metta½ bh±vetha, karuŗa½, mudita½, upekkha½ bh±veth±”ti. Te mett±dayo bh±vetv± tato cut± brahmaloke nibbattanti.
B²jag±m±ti ettha b²jag±mo n±ma pańca b²jaj±t±ni. Bh³tag±mo n±ma ya½kińci nikkhantam³lapaŗŗa½ haritaka½. Osadhitiŗavanappatayoti ettha osadh²ti osadharukkh±. Tiŗ±ti bahis±r± t±lan±¼iker±dayo. Vanappatayoti vanajeµµhakarukkh±. Kunnadiyoti µhapetv± pańca mah±nadiyo avases± ninnag±. Kusobbh±ti µhapetv± satta mah±sare avases± rahad±dayo. Dutiyo s³riyoti-±d²su dutiyas³riyak±le eko udeti, eko atthaŖgameti. Tatiyak±le eko udeti, eko atthaŖgameti, eko majjhe hoti. Catutthak±le catukulike g±me catt±ro piŗ¹ac±rik± dv±rapaµip±µiy± µhit± viya honti. Pańcam±dik±lepi eseva nayo. Palujjant²ti chijjitv± chijjitv± patanti. Neva ch±rik± pańń±yati na mas²ti cakkav±¼amah±pathav² sinerupabbatar±j± himav± cakkav±¼apabbato cha k±masagg± paµhamajjh±nikabrahmalok±ti ettake µh±ne da¹¹he acchar±ya gahetabbamatt±pi ch±rik± v± aŖg±ro v± na pańń±yati. Ko mant± ko saddh±t±ti ko tassa saddh±panatth±ya samattho, ko v± tassa saddh±t±. Ańńatra diµµhapadeh²ti diµµhapade sot±panne ariyas±vake µhapetv± ko ańńo saddahissat²ti attho.
V²tar±goti vikkhambhanavasena v²tar±go. S±sana½ ±j±ni½s³ti anusiµµhi½ j±ni½su, brahmalokasahabyat±ya magga½ paµipajji½su. Samasamagatiyoti dutiyattabh±ve sabb±k±rena samagatiko ekagatiko. Uttari metta½ bh±veyyanti paµhamajjh±nato uttari y±va tikacatukkajjh±n± paŗ²ta½ katv± metta½ bh±veyya½. Cakkhum±ti pańcahi cakkh³hi cakkhum±. Parinibbutoti bodhipallaŖkeyeva kilesaparinibb±nena parinibbuto. Eva½ aniccalakkhaŗa½ d²petv± satthari desana½ vinivaµµente pańcasat±pi te aniccakammaµµh±nik± bhikkh³ desan±nus±rena ń±ŗa½ pesetv± nisinn±sanesuyeva arahatta½ p±puŗi½s³ti.