9. Gandhaj±tasuttavaººan±

80. Navame m³le, m³lassa v± gandho m³lagandhoti ±ha “m³lavatthuko gandho”ti. M³la½ vatthu etass±ti m³lavatthuko. Id±ni m³la½ gandhayogato gandhoti imamattha½ dassento “gandhasampanna½ v± m³lameva m³lagandho”ti ±ha. Pacchimoyevettha atthavikappo yuttataroti dassetu½ “tassa hi gandho”ti-±dim±ha. Vassikapupph±d²nanti sumanapupph±d²na½.

Gandhaj±tasuttavaººan± niµµhit±.

10. C³¼anik±suttavaººan±

81. Dasame aruºavatisuttanta-aµµhuppattiyanti “bh³tapubba½, bhikkhave, r±j± ahosi aruºav± n±ma. Rañño kho pana, bhikkhave, aruºavato aruºavat² n±ma r±jadh±n² ahosi. Aruºavati½ kho pana, bhikkhave, r±jadh±ni½ sikh² bhagav± araha½ samm±sambuddho upaniss±ya vih±si. Sikhissa kho pana, bhikkhave, bhagavato arahato samm±sambuddhassa abhibh³sambhava½ n±ma s±vakayuga½ ahosi agga½ bhaddayuga½. Atha kho, bhikkhave, sikh² bhagav± araha½ samm±sambuddho abhibhu½ bhikkhu½ ±mantes²”ti-±din± brahmasa½yutte (sa½. ni. 1.185) ±gatassa aruºavatisuttantassa aµµhuppattiya½. Atippagoti ativiya pago, ativiya p±toti attho, na t±va kulesu bhatta½ niµµh±t²ti vutta½ hoti.
Ujjh±yant²ti avajh±yanti, heµµh± katv± cintenti, l±makato cintenti. Anekavihita½ iddhivikubbana½ katv±ti “pakativaººa½ vijahitv± n±gavaººa½ v± dasseti, supaººavaººa½ v± dasset²”ti-±din± (paµi. ma. 3.13) nayena ±gata½ anekappak±ra½ iddhivikubbana½ katv±. Sahassilokadh±tunti cakkav±¼asahassa½. G±th±dvaya½ abh±s²ti thero kira “katha½ desit± kho dhammadesan± sabbesa½ piy± man±p±”ti cintetv± “sabbepi p±saº¹± sabbe devamanuss± attano attano samaye purisak±ra½ vaººayanti, v²riyassa avaººav±d² n±ma natthi, v²riyappaµisa½yutta½ katv± desess±mi. Evamassa dhammadesan± sabbesa½ piy± bhavissati man±p±”ti ñatv± t²su piµakesu vicinitv± “±rambhatha nikkamath±”ti (sa½. ni. 1.186) ida½ g±th±dvaya½ abh±si.
Ki½ ±loko ayanti kassa nu kho aya½ ±lokoti. Vicinant±nanti cintent±na½. Sabbeti lokadh±tuya½ sabbe dev± ca manuss± ca. Osaµ±ya paris±y±ti dhammassavanattha½ samosaµ±ya parimitaparicchinn±ya paris±ya. Atthopi nesa½ p±kaµo ahos²ti na kevala½ te saddameva assosu½, atha kho atthopi tesa½ pakatisavan³pac±re viya p±kaµo ahosi. Tena sahassa½ lokadh±tu½ viññ±pet²ti adhipp±yo.
Pariharant²ti sineru½ dakkhiºato katv± parivattenti. Virocam±n±ti attano jutiy± dibbam±n±, sobham±n± v±. T±va sahassadh± lokoti yattako candimas³riyehi obh±siyam±no lokadh±tusaªkh±to ekeko loko, tattakena pam±ºena sahassadh± loko, imin± cakkav±¼ena saddhi½ cakkav±¼asahassanti attho. Kasm± panes± ±n²t±ti es± c³¼anik± lokadh±tu kasm± bhagavat± ±n²t±, desit±ti attho. Majjhimik±ya lokadh±tuy± paricchedadassanatthanti dvisahassilokadh±tuy± parim±ºadassanattha½.
Sahassilokadh±tuy± sahass² dvisahassilokadh±tu, s± cakkav±¼agaºan±ya dasasatasahassacakkav±¼aparim±º±. Ten±ha “sahassacakkav±¼±ni sahassabh±gena gaºetv±”ti-±di. Kampanadevat³pasaªkaman±din± j±tacakkav±¼ena saha yogakkhema½ µh±na½ j±tikkhetta½. Tattak±ya eva j±tikkhettabh±vo dhammat±vaseneva veditabbo, “pariggahavasen±”ti keci. Sabbesampi buddh±na½ eva½ j±tikkhetta½ tanniv±s²na½yeva ca devat±na½ dhamm±bhisamayoti vadanti. Paµisandhiggahaº±d²na½ sattanna½yeva gahaºa½ nidassanamatta½ mah±bhin²h±r±dik±lepi tassa pakampanassa labbhanato.
Sahassa½ sahassadh± katv± gaºita½ majjhimikanti-±din± majjhimik±ya lokadh±tuy± sahassa½ tisahassilokadh±tu, s±yeva ca mah±sahassilokadh±t³ti dasseti. Saraseneva ±º±pavattana½ ±º±kkhetta½, ya½ ekajjha½ sa½vaµµati vivaµµati ca. ¾º± pharat²ti tanniv±sidevat±na½ siras± sampaµicchanena vattati, tañca kho kevala½ buddh±nubh±veneva, adhipp±yavasena ca pana “y±vat± pana ±kaªkheyy±”ti (a. ni. 3.81) vacanato buddh±na½ avisayo n±ma natthi, visayakkhettassa pam±ºaparicchedo n±ma natthi. Visamoti s³riyuggaman±d²na½ visamabh±vato visamo. Tenev±ha “ekasmi½ µh±ne s³riyo uggato hot²”ti-±di. Sesamettha suviññeyyameva.

C³¼anik±suttavaººan± niµµhit±.

¾nandavaggavaººan± niµµhit±.