10-11. Samaºasutt±divaººan±

241-2. Dasame sesapadesup²ti “idha dutiyo samaºo”ti-±d²su sesapadesupi. Yath± hi “vivicceva k±meh²”ti (d². ni. 1.226; ma. ni. 1.271, 287, 297; sa½. ni. 2.152; a. ni. 4.123) ettha kato niyamo “vivicca akusaleh²”ti etth±pi katoyeva hoti s±vadh±raºa-atthassa icchitabbatt±, evamidh±p²ti. Ten±ha “dutiy±dayopi h²”ti-±di. S±maññaphal±dhigamavasena nippariy±yato samaºabh±voti tesa½ vasenettha catt±ro samaº± desit±. Imasmiñhi µh±ne catt±ro phalaµµhakasamaº±va adhippet± samitap±pasamaºaggahaºato. Kasm± panettha mah±parinibb±ne viya maggaµµh± tadatth±ya paµipann±pi na gahit±ti? Veneyyajjh±sayato. Tattha hi magg±dhigamatth±ya vipassan±pi ito bahiddh± natthi, kuto maggaphal±n²ti dassentena bhagavat± “ñ±yassa dhammassa padesavatt², ito bahiddh± samaºopi natth²”ti (d². ni. 2.214) vutta½. Idha pana niµµh±nappattameva ta½ta½samaºabh±va½ gaºhantena phalaµµhakasamaº±va gahit±, maggaµµhato phalaµµho savisesa½ dakkhiºeyyoti. Sv±yamattho dv²su suttesu desan±bhedeneva viññ±yat²ti. Ritt±ti vivitt±. Tucch±ti niss±r± paµipannakas±r±bh±vato.
Pavadanti eteh²ti pav±d±. Diµµhigatik±na½ n±n±diµµhid²pakasamay±ti ±ha “catt±ro sassatav±d±”ti-±di. Tattha catt±ro sassatav±d±ti l±bhivasena tayo, takkivasena ekoti eva½ catt±ro sassatav±d±. Pubbeniv±sañ±ºal±bh² titthiyo mandapañño anekaj±tisatasahassamatta½ anussarati, majjhapañño dasa sa½vaµµavivaµµakapp±ni, tikkhapañño catt±l²sa sa½vaµµavivaµµakapp±ni, na tato para½. So eva½ anussaranto “sassato att± ca loko c±”ti abhivadati, takk² pana takkapariy±hata½ v²ma½s±nucarita½ saya½paµibh±na½ “sassato att± ca loko c±”ti abhivadati. Tena vutta½ “l±bhivasena tayo, takkivasena ekoti eva½ catt±ro sassatav±d±”ti.
Sattesu saªkh±resu ca ekacca½ sassatanti pavatto v±do ekaccasassatav±do. So pana brahmak±yikakhi¹¹±padosikamanopadosikattabh±vato cavitv± idh±gat±na½ takkino ca uppajjanavasena catubbidhoti ±ha “catt±ro ekaccasassatav±d±”ti.
Catt±ro ant±nantik±ti ettha amati gacchati ettha vos±nanti anto, mariy±d±. Tappaµisedhena ananto. Anto ca ananto ca ant±nanto s±maññaniddesena, ekasesena v± “n±mar³papaccay± sa¼±yatanan”ti-±d²su (ma. ni. 3.126; ud±. 1) viya. Ant±nantasahacarito v±do ant±nanto yath± “kunt± carant²”ti. Ant±nantasannissayo v± yath± “mañc± ghosant²”ti. So etesa½ atth²ti ant±nantik±. “Antav± att± ca loko ca, anantav± att± ca loko ca, antav± ca anantav± ca att± ca loko ca, nevantav± n±nantav±”ti eva½ pavattav±d± catt±ro. Ava¹¹hitakasiºassa ta½ kasiºa½ att±ti ca lokoti ca gaºhantassa vasena paµhamo vutto, dutiyo va¹¹hitakasiºassa vasena vutto, tatiyo tiriya½ va¹¹hetv± uddhamadho ava¹¹hitakasiºassa, catuttho takkivasena vutto. Ettha ca yutta½ t±va purim±na½ tiººa½ v±d±na½ antañca anantañca ant±nantañca ±rabbha pavattav±datt± ant±nantikatta½, pacchimassa pana tadubhayanisedhanavasena pavattav±datt± kathamant±nantikattanti? Tadubhayappaµisedhanavasena pavattav±datt± eva. Ant±nantikappaµisedhav±dopi hi ant±nantavisayo eva ta½ ±rabbha pavattatt±.
Na marat²ti amar±. K± s±? “Evantipi me no”ti-±din± (d². ni. 1.62) nayena pariyantarahit± diµµhigatikassa diµµhi ceva v±c± ca. Vividho khepoti vikkhepo, amar±ya diµµhiy±, v±c±ya v± vikkhepoti amar±vikkhepo, so etassa atth²ti amar±vikkhepiko. Atha v± amar± n±ma macchaj±ti, s± ummujjan±divasena udake sandh±vam±n± g±ha½ na gacchati, evameva½ ayampi v±do ito cito ca sandh±vati, g±ha½ na upagacchat²ti amar±vikkhepoti vuccati, so etesa½ atth²ti amar±vikkhepik±. Sv±ya½ v±do mus±v±d±nuyogachandar±gabhayamohabh±vahetukat±ya catudh± pavattoti ±ha “catt±ro amar±vikkhepik±”ti.
Adhicca yathicchaka½ ya½ kiñci k±raºa½ kassaci buddhipubba½ v± vin± samuppannoti attalokasaññit±na½ khandh±na½ adhicca pavatti-±k±r±rammaºa½ dassana½ tad±k±rasannissayena pavattito tad±k±rasahacaritat±ya ca “adhiccasamuppannan”ti vuccati yath± “mañc± ghosanti”, “kunt± carant²”ti ca. Ta½ etesa½ atth²ti adhiccasamuppannik±. L±bhivasena takkivasena ca “dve adhiccasamuppannik±”ti vutta½.
Saññ²ti pavatto v±do saññiv±do, so etesa½ atth²ti saññiv±d±. R³picatukka½ ekantasukhacatukkanti imesa½ catunna½ catukk±na½ vasena so¼asa saññiv±d±. Imesuyeva purim±na½ dvinna½ catukk±na½ vasena aµµha saññiv±d±, aµµha nevasaññin±saññiv±d± veditabb±. Kevalañhi tattha “saññ² att±”ti gaºhant±na½ t± diµµhiyo, idha asaññ²ti ca nevasaññ²n±saññ²ti ca.
Satta ucchedav±d±ti manussattabh±ve k±m±vacaradevattabh±ve r³p±vacarattabh±ve catubbidh±r³pattabh±ve ca µhatv± sattassa ucchedapaññ±panavasena satta ucchedav±d±.
Pañca diµµhadhammanibb±nav±d±ti pañcak±maguºa-upabhogavasena catubbidhar³pajjh±nasukhaparibhogavasena ca diµµhadhamme nibb³tipaññ±panav±d±. Diµµhadhammoti paccakkhadhammo vuccati, tattha tattha paµiladdhattabh±vasseta½ adhivacana½. Diµµhadhamme nibb±na½ diµµhadhammanibb±na½, imasmi½yeva attabh±ve dukkhav³pasamanti attho. Ta½ vadant²ti diµµhadhammanibb±nav±d±.
ѱyati kamati paµivijjhat²ti ñ±yo, so eva nibb±nasamp±pakahetut±ya dhammoti ±ha “ñ±yassa dhammass±”ti. Ito bahiddh± samaºopi natth²ti-±d²su kasm± panete aññattha natth²ti? Akkhettat±ya. Yath± hi na ±ragge s±sapo tiµµhati, na udakapiµµhe aggi jalati, na piµµhip±s±ºe b²j±ni viruhanti, evameva½ b±hiresu titth±yatanesu na ime samaº± uppajjanti, imasmi½yeva s±sane uppajjanti. Kasm±? Sukkhettat±ya. S± pana nesa½ akkhettat± sukkhettat± ca ariyamaggassa abh±vato bh±vato ca veditabb±. Ten±ha bhagav±–
“Yasmi½ kho, subhadda, dhammavinaye ariyo aµµhaªgiko maggo na upalabbhati, samaºopi tattha na upalabbhati, dutiyopi tattha samaºo na upalabbhati, tatiyopi tattha samaºo na upalabbhati, catutthopi tattha samaºo na upalabbhati. Yasmiñca kho, subhadda, dhammavinaye ariyo aµµhaªgiko maggo upalabbhati, samaºopi tattha upalabbhati, dutiyopi tattha… tatiyopi tattha… catutthopi tattha samaºo upalabbhati. Imasmi½ kho, subhadda, dhammavinaye ariyo aµµhaªgiko maggo upalabbhati. Idheva, subhadda, samaºo, idha dutiyo samaºo, idha tatiyo samaºo, idha catuttho samaºo, suññ± parappav±d± samaºebhi aññeh²”ti (d². ni. 2.214).
Ariyamaggassa ca abh±vo bh±vo ca suparisuddhassa s²lassa suparisuddh±ya samathavipassan±bh±van±ya abh±vato bh±vato ca veditabbo. Tadubhayañca durakkh±tasv±kkh±tabh±vahetuka½ So ca asamm±sambuddhappaveditatt±. Yasm± titth±yatana½ akkhetta½, s±sana½ khetta½, tasm± yath± surattahatthap±do bh±surakesarabh±ro s²ho migar±j± na sus±ne v± saªk±rak³µe v± paµivasati, tiyojanasahassavitthata½ pana himavanta½ ajjhog±hetv± maºiguh±yameva vasati, yath± ca chaddanto n±gar±j± na gocariyahatthikul±d²su navasu kulesu uppajjati, yath± ca val±hako assar±j± na gadrabhakule v± ghoµakakule v± uppajjati, sindhut²re pana sindhavakuleyeva uppajjati, yath± ca sabbak±madada½ manohara½ maºiratana½ na saªk±rak³µe v± pa½supabbat±d²su v± uppajjati, vipulapabbatabbhantareyeva uppajjati, yath± ca timirapiªgalo macchar±j± na khuddakapokkharaº²su uppajjati, catur±s²tiyojanasahassagambh²re mah±samuddeyeva uppajjati, yath± ca diya¹¹hayojanasatiko supaººar±j± na g±madv±re eraº¹avan±d²su paµivasati, mah±samudda½ pana ajjhog±hetv± simbalidahavaneyeva paµivasati, yath± ca dhataraµµho suvaººaha½so na g±madv±re ±v±µak±d²su paµivasati, navutiha½sasahassapariv±ro pana hutv± cittak³µeyeva paµivasati, yath± ca catudd²pissaro cakkavattir±j± na n²cakule uppajjati, asambhinnaj±tiyakhattiyakuleyeva pana uppajjati, evameva½ imesu samaºesu ekasamaºopi na aññattha titth±yatane uppajjati, ariyamaggaparikkhate pana buddhas±saneyeva uppajjati. Ten±ha bhagav±– “idheva, bhikkhave, samaºo…pe… suññ± parappav±d± samaºebhi aññeh²”ti (ma. ni. 1.139-140; a. ni. 4.241). Ek±dasame natthi vattabba½.

Samaºasutt±divaººan± niµµhit±.

Kammavaggavaººan± niµµhit±.