Uttar±nandam±t±vatthu

262. Pañcame jh±y²nanti jh±n±bhirat±na½ up±sik±na½, uttar± nandam±t±, agg±ti dasseti. S± kira padumuttarabuddhak±le ha½savatiya½ kulagehe nibbatt± satthu dhammakatha½ suºant² satth±ra½ eka½ up±sika½ jh±n±bhirat±na½ aggaµµh±ne µhapenta½ disv± adhik±rakamma½ katv± ta½ µh±nantara½ patthesi. S± kappasatasahassa½ devamanussesu sa½saritv± imasmi½ buddhupp±de r±jagahanagare sumanaseµµhi½ niss±ya vasantassa puººas²hassa n±ma bhariy±ya kucchismi½ paµisandhi½ gaºhi, uttar±tiss± n±ma½ aka½su.
Athekasmi½ nakkhattamahadivase r±jagahaseµµhi puººa½ pakkos±petv± ±ha– “t±ta puººa, nakkhatta½ v± uposatho v± duggatassa ki½ karissati, eva½ santepi vadehi ‘ki½ nakkhattaparibbaya½ gahetv± nakkhatta½ k²¼issasi, balavagoºe ca ph±lañca naªgalañca gahetv± kasissas²”’ti. “Mama bhariy±ya saddhi½ mantetv± j±niss±mi, ayy±”ti ta½ katha½ bhariy±ya ±rocesi. “Seµµhi n±ma ayyo issaro, tassa tay± saddhi½ kathentassa kath± sobhati, tva½ pana attano kasikamma½ m± vissajjes²”ti ±ha. So tass± vacana½ sutv± kasibhaº¹a½ ±d±ya kasitu½ gato.
Ta½divasañca s±riputtatthero nirodhasam±pattito vuµµh±ya “kassa ajja may± saªgaha½ k±tu½ vaµµat²”ti ±vajjento imassa puººassa upanissaya½ disv± bhikkh±c±ravel±ya pattac²varam±d±ya puººassa kasanaµµh±na½ gacchanto avid³re att±na½ dassesi. Puººo thera½ disv± kasi½ µhapetv± therassa santika½ gantv± pañcapatiµµhitena vandi. Thero ta½ oloketv± udakasabh±ga½ pucchi. Tassa etadahosi– “ayyo mukha½ dhovituk±mo bhavissat²”ti. Tato vegena gantv± dantakaµµha½ ±haritv± kappiya½ katv± therassa ad±si. There dantakaµµha½ kh±dante pattena saddhi½ dhammakaraºa½ n²haritv± udakassa p³retv± ±hari. Thero mukha½ dhovitv± bhikkh±c±ramagga½ paµipajji. Puººo cintesi– “thero aññesu divasesu ima½ magga½ na paµipajjati, ajja pana mayha½ saªgahatth±ya paµipanno bhavissati. Aho vata me bhariy± mamatth±ya ±haraºaka½ ±h±ra½ therassa patte patiµµhapeyy±”ti.
Athassa bhariy± “ajja nakkhattadivaso”ti p±tova attano labhanakaniy±mena kh±dan²yabhojan²ya½ sa½vidh±ya gahetv± s±mikassa kasanaµµh±na½ ±gacchant² antar±magge thera½ disv± cintesi– “aññesu divasesu mayha½ thera½ disv± deyyadhammo na hoti, deyyadhamme santepi mama ayya½ na pass±mi, ajja pana dvinnampi sammukh²bh±vo j±to. Mama s±mikassa puna samp±detv± ±hariss±mi, ima½ t±va ±h±ra½ therassa dass±m²”ti t²hi cetan±hi sampayutta½ katv± ta½ bhojana½ s±riputtattherassa patte patiµµhapetv± “eva½vidh± duggataj²vit± mucc±m²”ti ±ha. Theropi “tava ajjh±sayo p³rat³”ti tass±numodana½ katv± tato nivattitv± vih±ra½ agam±si.
S±pi puna attano geha½ gantv± s±mikassa ±h±ra½ samp±detv± ±d±ya kasanaµµh±na½ gantv± s±mikassa kujjhanabh±vato bh²t± “s±mi, ajja ekadivasa½ tava mana½ sandh±reh²”ti ±ha. Ki½ k±raº±ti? Aha½ ajja t±va ±h±ra½ ±harant² antar±magge thera½ disv± tava bh±gabhatta½ therassa patte patiµµhapetv± puna geha½ gantv± ±h±ra½ pacitv± ±d±ya ±gat±mh²ti. Man±pa½ te, bhadde, kata½, may±pi p±tova therassa dantakaµµhañca mukhodakañca dinna½. Ajja amh±ka½ suppabh±ta½, sabbampi therassa amh±ka½ santakameva j±tanti dvinnampi jan±na½ ekasadisameva citta½ ahosi. Atha puººo ±h±rakicca½ katv± bhariy±ya ³rumhi s²sa½ katv± muhutta½ nipajji. Athassa nidd± okkami. So thoka½ nidd±yitv± pabuddho kasitaµµh±na½ olokesi, olokitolokitaµµh±na½ mah±kos±takipupphehi samparikiººa½ viya ahosi. So bhariya½ ±ha– “bhadde, kinn±meta½ ajja ida½ kasitaµµh±na½ suvaººavaººa½ hutv± kh±yat²”ti. Ayya ajja te sakaladivasa½ kilantat±ya akkh²ni maññe bhamant²ti. Bhadde, mayha½ assaddahant² saya½ olokeh²ti. Tasmi½ k±le s± oloketv± sabh±va½ ayya, kathesi, evameta½ bhavissat²ti.
Puººo uµµh±ya eka½ kaµµhi½ gahetv± naªgalas²se pahari, gu¼apiº¹o viya naªgalas²se all²yitv± aµµh±si. So bhariya½ pakkositv± ±ha– “bhadde, aññesa½ vapitab²ja½ n±ma t²hi v± cat³hi v± m±sehi phala½ deti, amh±ka½ pana ayyassa s±riputtattherassa antare ropitena saddh±b²jena ajjeva avassa½ phala½ dinna½. Imasmi½ kar²samatte padese ±malakamattopi pa½supiº¹o asuvaººo n±ma natth²”ti. Id±ni ki½ kariss±ma, ayy±ti? “Bhadde, ima½ ettaka½ suvaººa½ thenetv± kh±ditu½ n±ma na sakk±”ti bhariya½ tasmi½ µh±ne µhapetv± bhattassa p³retv± ±bhata½ p±ti½ suvaººassa p³retv± gantv± rañño ±roc±pesi– “eko manusso suvaººap±ti½ gahetv± µhito”ti. R±j± ta½ pakkos±petv± “kaha½ te, t±ta, laddhan”ti pucchi. “Deva, mayha½ eka½ kasitaµµh±na½ sabba½ suvaººameva j±ta½, pahiºitv± ±har±peth±”ti ±ha. Tva½ kinn±mos²ti? Puººo n±ma aha½, dev±ti. Gacchatha, bhaºe, sakaµ±ni yojetv± puººassa kasitaµµh±nato suvaººam±harath±ti.
Sakaµehi saddhi½ gatar±japuris± “rañño puññan”ti vatv± suvaººapiº¹e gaºhanti, gahitagahitampi kasitale¹¹uyeva hoti. Te gantv± rañño ±rocesu½. Tena hi bhaºe gantv± “puººassa puññan”ti vatv± gaºhath±ti. Gahitagahita½ suvaººameva hoti. Te sabbampi ta½ suvaººa½ ±haritv± r±jaªgaºe r±si½ aka½su. R±si ubbedhena t±lappam±ºo ahosi. R±j± v±ºije pakkos±petv± “kassa gehe ettaka½ suvaººa½ atth²”ti pucchi. Natthi, deva, kassac²ti. Ettakassa pana dhanassa s±mino ki½ k±tu½ vaµµat²ti? Dhanaseµµhi½ n±ma na½ k±tu½ vaµµati, dev±ti? Tena hi puººa½ imasmi½ nagare dhanaseµµhi½ n±ma karoth±ti sabba½ ta½ suvaººa½ tasseva datv± ta½divasa½yevassa seµµhiµµh±na½ ad±si. So seµµhi maªgala½ karonto satt±ha½ buddhappamukhassa bhikkhusaªghassa mah±d±na½ ad±si. Sattame divase dasabalassa bhatt±numodan±ya puººaseµµhipi bhariy±pi dh²t±pi sabbe sot±pattiphale patiµµhahi½su.
Aparabh±ge r±jagahaseµµhi “puººaseµµhino vayappatt± d±rik± atth²”ti sutv± attano puttassa k±raº± tassa geha½ pesesi. So tassa s±sana½ sutv± “n±ha½ dh²tara½ dass±m²”ti paµis±sana½ pesesi. Sumanaseµµhipi puna pesesi– “tva½ mama geha½ niss±ya vasitv± id±ni ekappah±reneva issaro hutv± mayha½ d±rika½ na des²”ti. Tato puººaseµµhi ±ha– “ima½ t±va tumh±ka½ seµµhi sabh±vameva kathesi puriso n±ma sabbak±le eva½vidhoyev±ti na sallakkhetabbo. Ahañhi id±ni t±dise purise d±se katv± gahetu½ sakkomi, tuyha½ pana j±ti½ v± gotta½ v± na kopemi. Apica kho mama dh²t± sot±pann± ariyas±vik± devasika½ kah±paºagghanakehi pupphehi p³ja½ karoti, tamaha½ tumh±disassa micch±diµµhikassa geha½ na pesess±m²”ti. Eva½ puººaseµµhissa paµib±hakabh±va½ ñatv± r±jagahaseµµhi puna s±sana½ pesesi– “por±ºaka½ viss±sa½ m± bhindatu, aha½ mayha½ suºis±ya devasika½ dvinna½ kah±paº±na½ andhanak±ni pupph±ni sajj±pess±m²”ti. So “s±dh³”ti sampaµicchitv± dh²tara½ tassa ghara½ pesesi.
Athekadivasa½ s± puººaseµµhino dh²t± uttar± attano s±mika½ evam±ha– “aha½ attano kulagehe m±sassa aµµha divas±ni nibaddha½ uposathakamma½ karomi, id±nipi tumhesu sampaµicchantesu uposathaªg±ni adhiµµhaheyyan”ti. So “na sakk±”ti ta½ na sampaµicchi. S± ta½ saññ±petu½ asakkont² tuºh² ahosi. Puna antovasse “uposathik± bhaviss±m²”ti tad±pi ok±sa½ k±rent² neva alattha. S± antovasse a¹¹hatiyesu m±sesu atikkantesu a¹¹ham±se avasiµµhe m±t±pit³na½ s±sana½ pesesi– “aha½ tumhehi c±rake pakkhitt± ettake addh±ne ekadivasampi uposathaªg±ni adhiµµh±tu½ na labh±mi, pañcadasa me kah±paºasahass±ni peseth±”ti. Te dh²tu s±sana½ sutv± “ki½k±raº±”ti apucchitv±va pahiºi½su. Uttar± te kah±paºe gaºhitv± tasmi½ nagare sirim± n±ma gaºik± atthi, ta½ pakkos±petv± “amma sirime, aha½ ima½ a¹¹ham±sa½ uposathaªg±ni adhiµµhahiss±mi, tva½ im±ni pañcadasa kah±paºasahass±ni gahetv± ima½ a¹¹ham±sa½ seµµhiputta½ paricar±h²”ti. S± “s±dhu, ayye”ti sampaµicchi. Tato paµµh±ya seµµhiputto “aha½ sirim±ya saddhi½ modiss±m²”ti uttar±ya a¹¹ham±sa½ uposathakamma½ sampaµicchi.
S± tena sampaµicchitabh±va½ ñatv± divase divase p±tova d±sigaºaparivut± satthu sahatth± kh±dan²yabhojan²ya½ sa½vidahitv± satthari bhattakicca½ katv± vih±ra½ gate uposathaªg±ni adhiµµh±ya p±s±davara½ ±ruyha attano s²l±ni ±vajjam±n± nis²dati. Eva½ a¹¹ham±sa½ v²tin±metv± uposatha½ vissajjanadivase p±tova y±gukhajjak±d²ni sa½vidahant² vicarati. Tasmi½ samaye seµµhiputto sirim±ya saddhi½ uparip±s±davaragato j±lav±tap±na½ vivaritv± antaravatthu½ olokento aµµh±si. Uttar±, v±tap±nacchiddena uddha½ olokesi. Seµµhiputto uttara½ oloketv± “nerayikaj±tik± vat±ya½ eva½vidha½ n±ma sampatti½ pah±ya ukkhalikamasimakkhit± hutv± nikk±raº± d±s²na½ antare vicarat²”ti sita½ ak±si. Uttar±, tassa pam±dabh±va½ ñatv± “aya½ b±lo n±ma attano sampatti sabbak±la½ th±var±ti saññ² bhavissat²”ti sayampi sita½ ak±si. Tato sirim± “aya½ ceµik± mayi µhit±ya eva½ mama s±mikena saddhi½ sita½ karot²”ti kupit± vegena otari. Uttar±, tass± ±gaman±kappeneva “aya½ b±l± a¹¹ham±samatta½ imasmi½ gehe vasitv± mayhameveta½ gehantisaññ² j±t±”ti ñatv± taªkhaºaññeva mett±jh±na½ sam±pajjitv± aµµh±si. Sirim±pi d±s²na½ antarena ±gantv± u¼uªka½ gahetv± p³vapacanaµµh±ne pakkuthitatelassa p³retv± uttar±ya matthake ±siñci, mett±jh±nassa vipph±rena uttar±ya matthake ±sitta½ pakkuthitatela½ padumapatte ±sitta-udaka½ viya vinivattitv± gata½.
Tasmi½ khaºe sirim±ya sam²pe µhit± d±siyo ta½ oloketv±, “bho je, tva½ amh±ka½ ayy±ya hatthato m³la½ gahetv± ±gat± imasmi½ gehe vasam±n± amh±ka½ ayy±ya sadis± bhavitu½ v±yamas²”ti sammukhaµµh±ne ta½ paribh±si½su. Tasmi½ khaºe sirim± attano ±gantukabh±va½ aññ±si. S± tatova gantv± uttar±ya p±desu patitv±, “ayye, anupadh±retv± me kata½, khamatha mayhan”ti ±ha. Amma sirime, n±ha½ tava imasmi½ µh±ne khamiss±mi, aha½ sapitik± dh²t±, dasabale khamanteyeva khamiss±m²ti.
Satth±pi kho bhikkhusaªghapariv±ro ±gantv± uttar±ya nivesane paññatt±sane nis²di. Sirim± gantv± satthu p±desu patitv±, “bhante, may± ayy±ya uttar±ya antare eko doso kato, tumhesu khamantesu khamiss±m²ti vadati, khamatha mayha½ bhagav±”ti. Kham±mi te sirimeti. S± tasmi½ k±le gantv± uttara½ kham±pesi. Ta½divasañca sirim± dasabalassa bhatt±numodana½ sutv±–
“Akkodhena jine kodha½, as±dhu½ s±dhun± jine;
jine kadariya½ d±nena, saccen±likav±dinan”ti. (Dha. pa. 223)–

G±th±pariyos±ne sot±pattiphale patiµµhit± dasabala½ nimantetv± punadivase mah±d±na½ ad±si. Evameta½ vatthu samuµµhita½. Aparabh±ge pana satth± jetavane nis²ditv± up±sik±yo µh±nantaresu µhapento uttara½ nandam±tara½ jh±y²na½ aggaµµh±ne µhapes²ti.