B±kulattheravatthu

226. Catutthe app±b±dh±nanti nir±b±dh±na½. B±kuloti dv²su kulesu va¹¹hitatt± eva½laddhan±mo thero.
Tassa pańhakamme ayamanupubbikath±– aya½ kira at²te ito kappasatasahass±dhike asaŖkhyeyyamatthake anomadassidasabalassa nibbattito puretarameva br±hmaŗakule paµisandhi½ gaŗhitv± vaya½ ±gamma uggahitavedo vedattaye s±ra½ apassanto “sampar±yikattha½ gavesiss±m²”ti pabbatap±de isipabbajja½ pabbajitv± pańc±bhińń±-aµµhasam±pattil±bh² hutv± jh±nak²¼it±ya v²tin±mesi. Tasmi½ samaye anomadass² bodhisatto sabbańńuta½ patv± ariyagaŗaparivuto c±rika½ carati. T±paso “t²ŗi ratan±ni uppann±n²”ti sutv± satthu santika½ gantv± dhamma½ sutv± desan±pariyos±ne saraŗesu patiµµhito, attano µh±na½ pana vijahitu½ n±sakkhi. So k±lena k±la½ satthu dassan±ya ceva gacchati, dhammańca suŗ±ti.
Athekasmi½ samaye tath±gatassa udarav±to uppajji. T±paso satthu dassanatth±ya ±gato “satth± gil±no”ti sutv± “ko, bhante, ±b±dho”ti. “Udarav±to”ti vutte “aya½ k±lo mayha½ puńńa½ k±tun”ti pabbatap±da½ gantv± n±n±vidh±ni bhesajj±ni samodh±netv± “ida½ bhesajja½ satthu upaneth±”ti upaµµh±kattherassa ad±si. Saha bhesajjassa upayogena udarav±to paµippassambhi. So satthu ph±sukak±le gantv± evam±ha– “bhante, yadida½ mama bhesajjena tath±gatassa ph±suka½ j±ta½, tassa me nissandena nibbattanibbattabhave gadd³hanamattampi sar²re by±dhi n±ma m± hot³”ti. Idamassa tasmi½ attabh±ve kaly±ŗakamma½.
So tato cuto brahmaloke nibbattitv± eka½ asaŖkhyeyya½ devamanussesu sa½saranto padumuttarabuddhak±le ha½savat²nagare kulagehe paµisandhi½ gahetv± satth±ra½ eka½ bhikkhu½ app±b±dh±na½ aggaµµh±ne µhapenta½ disv± adhik±rakamma½ katv± ta½ µh±nantara½ patthesi. So y±vat±yuka½ kusala½ katv± devamanussesu sa½saranto vipass²dasabalassa nibbattito puretarameva bandhumat²nagare br±hmaŗakule nibbatto purimanayeneva isipabbajja½ pabbajitv± jh±nal±bh² hutv± pabbatap±de vasati.
Vipass²bodhisattopi sabbańńuta½ patv± aµµhasaµµhibhikkhusatasahassapariv±ro bandhumat²nagara½ upaniss±ya pitu mah±r±jassa saŖgaha½ karonto kheme migad±ye viharati. Ath±ya½ t±paso dasabalassa loke nibbattabh±va½ ńatv± ±gantv± satthu dhammakatha½ sutv± saraŗesu patiµµh±si, attano pabbajja½ jahitu½ n±sakkhi, k±lena k±la½ pana satthu upaµµh±na½ gacchati.
Athekasmi½ samaye µhapetv± satth±rańceva dve aggas±vake ca himavati pupphit±na½ visarukkh±na½ v±tasamphassena sesabhikkh³na½ matthakarogo n±ma udap±di. T±paso satthu upaµµh±na½ ±gato bhikkh³ sas²sa½ p±rupitv± nipanne disv±– “ki½, bhante, bhikkhusaŖghassa aph±sukan”ti pucchi. Bhikkh³na½ tiŗapupphakarogo, ±vusoti. T±paso cintesi– “aya½ k±lo mayha½ bhikkhusaŖghassa k±yaveyy±vatikakamma½ katv± puńńa½ nibbattetun”ti attano ±nubh±vena n±n±vidh±ni bhesajj±ni sa½ka¹¹hitv± yojetv± ad±si. Sabbabhikkh³na½ rogo ta½khaŗa½yeva v³pasanto.
So y±vat±yuka½ µhatv± brahmaloke nibbattitv± ekanavutikappe devamanussesu sa½saranto kassapabuddhak±le b±r±ŗasiya½ kulagehe nibbatto ghar±v±sa½ vasanto “mayha½ vasanageha½ dubbala½, paccanta½ gantv± dabbasambh±ra½ ±haritv± geha½ kariss±m²”ti va¹¹hak²hi saddhi½ gacchanto antar±magge eka½ jiŗŗa½ mah±vih±ra½ disv± “tiµµhatu t±va mayha½ gehakamma½, na ta½ may± saddhi½ gamissati, ya½kińci katv± pana saddhi½ gamanakammameva puretara½ k±tu½ vaµµat²”ti teheva va¹¹hak²hi dabbasambh±ra½ g±h±petv± tasmi½ vih±re uposath±g±ra½ k±resi, bhojanas±la½ aggis±la½ d²ghacaŖkama½ jant±ghara½ kappiyakuµi½ vaccakuµi½ ±rogyas±la½ k±resi, ya½kińci bhikkhusaŖghassa upabhogaparibhoga½ bhesajja½ n±ma sabba½ paµiy±detv± µhapesi.
So y±vaj²va½ kusala½ katv± eka½ buddhantara½ devamanussesu sa½saranto amh±ka½ dasabalassa nibbattito puretarameva kosambiya½ seµµhigehe paµisandhi½ gaŗhi. Tassa paµisandhiggahaŗadivasato paµµh±ya ta½ seµµhikula½ l±bhaggayasaggappatta½ ahosi. Athassa m±t± putta½ vij±yitv± cintesi– “aya½ d±rako puńńav± kat±dhik±ro, yattaka½ k±la½ arogo d²gh±yuko hutv± tiµµhati, tattaka½ amh±ka½ sampattid±yako bhavissati. J±tadivaseyeva mah±yamun±ya nh±tad±rak± nirog± hont²”ti nh±panatth±ya na½ pesesi. “Pańcame divase s²sa½ nh±petv± nad²k²¼anatth±ya na½ peses²”ti majjhimabh±ŗak±. Tattha dh±tiy± d±raka½ nimujjanummujjanavasena k²¼±pentiy± eko maccho d±raka½ disv± “bhakkho me ayan”ti mańńam±no mukha½ vivaritv± upagato. Dh±t² d±raka½ cha¹¹etv± pal±t±, maccho ta½ gili. Puńńav± satto dukkha½ na p±puŗi, sayanagabbha½ pavisitv± nipanno viya ahosi. Maccho d±rakassa tejena tattaph±la½ gilitv± ¹ayham±no viya vegena ti½sayojana½ gantv± b±r±ŗasinagarav±sino macchabandhassa j±la½ p±visi. Mah±macch± n±ma j±lena baddh± m±riyam±n±va maranti, aya½ pana d±rakassa tejena j±lato n²haµamattova mato. Macchabandh± ca mah±maccha½ labhitv± ph±letv± vikkiŗanti, ta½ pana d±rakassa ±nubh±vena aph±letv± sakalameva k±jena haritv± “sahassena dem±”ti vadant± nagare vicari½su, koci na gaŗh±ti.
Tasmi½ pana nagare aputtaka½ as²tikoµivibhava½ seµµhikula½ atthi. Tassa dv±ram³la½ patv± “ki½ gahetv± deth±”ti vutt± “kah±paŗan”ti ±ha½su. Tehi kah±paŗa½ datv± gahito. Seµµhibhariy±pi ańńesu divasesu macche na ke¼±yati, ta½divasa½ pana maccha½ phalake µhapetv± sayameva ph±lesi. Macchańca n±ma kucchito ph±lenti, s± pana piµµhito ph±lent² macchakucchiya½ suvaŗŗavaŗŗa½ d±raka½ disv± “macchakucchiya½ me putto laddho”ti n±da½ naditv± d±raka½ ±d±ya s±mikassa santika½ agam±si. Seµµhi t±vadeva bheri½ car±petv± d±rakam±d±ya rańńo santika½ gantv± “macchakucchiya½ me, deva, d±rako laddho, ki½ karom±”ti ±ha. Puńńav± esa, yo macchakucchiya½ ±rogo vasi, posehi nanti
Assosi kho itara½ kula½ “b±r±ŗasiya½ kira eka½ seµµhikula½ macchakucchiya½ d±raka½ labh²”ti. Te tattha agama½su. Athassa m±t± d±raka½ alaŖkaritv± k²¼±piyam±na½ disv± “man±po vat±ya½ d±rako”ti gahetv± pakati½ ±cikkhi. Itar± “mayha½ putto”ti ±ha. Kaha½ te laddhoti. Macchakucchiyanti. Na tuyha½ putto, mayha½ puttoti. Kaha½ te laddhoti. May± dasa m±se kucchiy± dh±rito, atha na½ nadiy± k²¼±piyam±na½ maccho gil²ti. Tuyha½ putto ańńena macchena gilito bhavissati, aya½ pana may± macchakucchiya½ laddhoti ubhopi r±jakula½ agama½su. R±j± ±ha– “aya½ dasa m±se kucchiy± dh±ritatt± am±t± k±tu½ na sakk±, maccha½ gaŗhant±pi vakkayakan±d²ni bahi katv± gaŗhant± n±ma natth²ti macchakucchiya½ laddhatt± ayampi am±t± k±tu½ na sakk±, d±rako ubhinnampi kul±na½ d±y±do hot³”ti. Tato paµµh±ya dvepi kul±ni ativiya l±bhaggayasaggappatt±ni ahesu½. Tassa dv²hi kulehi va¹¹hitatt± b±kulakum±roti n±ma½ kari½su.
Tassa vińńuta½ pattassa dv²supi nagaresu tayo tayo p±s±de k±retv± n±µak±ni paccupaµµhapesu½. Ekekasmi½ nagare catt±ro catt±ro m±se vasati. Ekasmi½ nagare catt±ro m±se vutthassa saŖgh±µan±v±su maŗ¹apa½ k±retv± tattha na½ saddhi½ n±µakehi ±ropenti. So sampatti½ anubhavam±no cat³hi m±sehi itara½ nagara½ gacchati. Ta½nagarav±s²ni n±µak±ni “dv²hi m±sehi upa¹¹hamagga½ ±gato bhavissat²”ti paccuggantv± ta½ pariv±retv± dv²hi m±sehi attano nagara½ nenti, itar±ni n±µak±ni nivattitv± attano nagarameva gacchanti. Tattha catt±ro m±se vasitv± teneva niy±mena puna itara½ nagara½ gacchati. Evamassa sampatti½ anubhavantassa as²ti vass±ni paripuŗŗ±ni.
Tasmi½ samaye amh±ka½ bodhisatto sabbańńuta½ patv± pavattitavaradhammacakko anukkamena c±rika½ caram±no kosambi½ p±puŗi, b±r±ŗasinti majjhimabh±ŗak±. B±kulo seµµhipi kho “dasabalo ±gato”ti sutv± bahu½ gandham±la½ ±d±ya satthu santika½ gantv± dhammakatha½ sutv± paµiladdhasaddho pabbaji. So satt±hameva puthujjano hutv± aµµhame aruŗe saha paµisambhid±hi arahatta½ p±puŗi. Athassa dv²su nagaresu gihik±le paric±rikam±tug±m± attano kulaghar±ni ±gantv± tattha vasam±n± c²var±ni katv± pahiŗi½su. Thero eka½ addham±sa½ kosambiv±sikehi pahita½ c²vara½ bhuńjati, eka½ addham±sa½ b±r±ŗasiv±sikeh²ti. Eteneva niy±mena dv²supi nagaresu ya½ ya½ uttama½, ta½ ta½ therasseva ±hariyati. Therassa as²ti vass±ni ag±ramajjhe vasantassa dv²haŖgulehi gandhapiŗ¹a½ gahetv± upasiŖghanamattampi k±la½ na koci ±b±dho n±ma ahosi. ¾s²time vasse sukheneva pabbajja½ upagato. Pabbajitass±pissa appamattakopi ±b±dho v± cat³hi paccayehi vekalla½ v± n±hosi. So pacchime k±le parinibb±nasamayepi pur±ŗagihisah±yakassa acelakassapassa attano k±yikacetasikasukhad²panavaseneva sakala½ b±kulasutta½ (ma. ni. 3.209 ±dayo) kathetv± anup±dises±ya nibb±nadh±tuy± parinibb±yi. Eva½ aµµhuppatti samuµµhit±. Satth± pana therassa dharam±nak±leyeva there yath± paµip±µiy± µh±nantare µhapento b±kulatthera½ imasmi½ s±sane app±b±dh±na½ aggaµµh±ne µhapes²ti.