S±riputta-moggall±nattheravatthu

189-190. Dutiyatatiyesu mah±pańń±nanti mahatiy± pańń±ya samann±gat±na½. Iddhimant±nanti iddhiy± sampann±na½. S±riputto moggall±noti tesa½ ther±na½ n±ma½.
Imesampi pańhakamme ayamanupubbikath±– ito satasahassakapp±dhike asaŖkhyeyyakappamatthake s±riputto br±hmaŗamah±s±lakule nibbatti, n±mena saradam±ŗavo n±ma ahosi. Moggall±no gahapatimah±s±lakule nibbatti n±mena siriva¹¹hanakuµumbiyo n±ma ahosi. Te ubhopi sahapa½suk²¼it±va sah±yak± ahesu½. Saradam±ŗavo pitu accayena kulasantaka½ mah±dhana½ paµipajjitv± ekadivasa½ rahogato cintesi– “aha½ idhalokattabh±vameva j±n±mi, no paralokattabh±va½, j±tasatt±nańca maraŗa½ n±ma dhuva½, may± eka½ pabbajja½ pabbajitv± mokkhadhammagavesana½ k±tu½ vaµµat²”ti. So sah±yaka½ upasaŖkamitv± ±ha– “samma siriva¹¹hana, aha½ pabbajitv± mokkhadhamma½ gavesiss±mi, tva½ may± saddhi½ pabbajitu½ sakkhissas²”ti. Na sakkhiss±mi samma, tva½yeva pabbaj±h²ti. So cintesi– “paraloka½ gacchant± sah±ye v± ń±timitte v± gahetv± gat± n±ma natthi, attan± kata½ attanova hot²”ti. Tato ratanakoµµh±g±ra½ vivar±petv± kapaŗaddhikavaŗibbakay±cak±na½ mah±d±na½ datv± pabbatap±da½ pavisitv± isipabbajja½ pabbaji. Tassa eko dve tayoti eva½ anupabbajja½ pabbajit± catusattatisahassamatt± jaµil± ahesu½. So pańc±bhińń± aµµha ca sam±pattiyo nibbattetv± tesampi jaµil±na½ kasiŗaparikamma½ ±cikkhi. Tepi sabbe pańca abhińń± aµµha ca sam±pattiyo nibbattesu½.
Tena samayena anomadass² n±ma buddho loke udap±di. Nagara½ candavat² n±ma ahosi, pit± yasavanto n±ma khattiyo, m±t± yasodhar± n±ma dev², bodhi ajjunarukkho, nisabhatthero ca anomatthero c±ti dve aggas±vak±, varuŗatthero n±ma upaµµh±ko, sundar± ca suman± c±ti dve aggas±vik±, ±yu vassasatasahassa½ ahosi, sar²ra½ aµµhapańń±sahatthubbedha½, sar²rappabh± dv±dasayojana½ phari, bhikkhusatasahassapariv±ro ahosi.
Athekadivasa½ pacc³sak±le mah±karuŗ±sam±pattito vuµµh±ya loka½ volokento saradat±pasa½ disv± “ajja mayha½ saradat±pasassa santika½ gatapaccayena dhammadesan± ca mahat² bhavissati, so ca aggas±vakaµµh±na½ patthessati, tassa sah±yako siriva¹¹hanakuµumbiyo dutiyas±vakaµµh±na½, desan±pariyos±ne cassa pariv±r± catusattatisahassajaµil± arahatta½ p±puŗissanti, may± tattha gantu½ vaµµat²”ti attano pattac²varam±d±ya ańńa½ kańci an±mantetv± s²ho viya ekacaro hutv± saradat±pasassa antev±sikesu phal±phalatth±ya gatesu “buddhabh±va½ me j±n±t³”ti tassa passantasseva saradat±pasassa ±k±sato otaritv± pathaviya½ patiµµh±si. Saradat±paso buddh±nubh±va½ ceva sar²rasampatti½ cassa disv± lakkhaŗamante sammasitv± “imehi lakkhaŗehi samann±gato n±ma ag±ramajjhe vasanto r±j± hoti cakkavatt², pabbajjanto loke vivaµµacchado sabbańńu buddho hoti, aya½ puriso nissa½saya½ buddho”ti j±nitv± paccuggamana½ katv± pańcapatiµµhitena vanditv± ±sana½ pańń±petv± ad±si. Nis²di bhagav± pańńatt±sane. Saradat±pasopi attano anucchavika½ ±sana½ gahetv± ekamanta½ nis²di.
Tasmi½ samaye catusattatisahassajaµil± paŗ²tapaŗ²t±ni ojavant±ni phal±phal±ni gahetv± ±cariyassa santika½ sampatt± buddh±nańceva ±cariyassa ca nisinn±sana½ oloketv± ±ha½su– “±cariya, maya½ ‘imasmi½ loke tumhehi mahantataro natth²’ti vicar±ma, aya½ pana puriso tumhehi mahantataro mańńe”ti. T±t±, ki½ vadatha? S±sapena saddhi½ aµµhasaµµhiyojanasatasahassubbedha½ sineru½ sama½ k±tu½ icchatha, sabbańńubuddhena saddhi½ mayha½ upama½ m± karittha puttak±ti. Atha te t±pas± “sace aya½ ittarasatto abhavissa, na amh±ka½ ±cariyo evar³pa½ upama½ ±hareyya, y±va mah± vat±ya½ puriso”ti sabbeva p±desu nipatitv± siras± vandi½su.
Atha ne ±cariyo ±ha– “t±t±, amh±ka½ buddh±na½ anucchaviko deyyadhammo natthi, satth± ca bhikkh±c±ravel±ya idh±gato, maya½ yath±bala½ deyyadhamma½ dass±ma. Tumhe ya½ ya½ paŗ²ta½ phal±phala½, ta½ ta½ ±harath±”ti. ¾har±petv± hatthe dhovitv± saya½ tath±gatassa patte patiµµh±pesi Satth±r± ca phal±phale paµiggahitamatte devat± dibboja½ pakkhipi½su. T±paso udakampi sayameva pariss±vetv± ad±si. Tato bhattakicca½ niµµh±petv± hattha½ dhovitv± nisinne satthari sabbe antev±sike pakkositv± satthu santike s±raŗ²ya½ katha½ kathento nis²di. Satth± “dve aggas±vak± bhikkhusaŖghena saddhi½ ±gacchant³”ti cintesi. Te satthu citta½ ńatv± satasahassakh²ŗ±savapariv±r± ±gantv± satth±ra½ vanditv± ekamanta½ aµµha½su.
Tato saradat±paso antev±sike ±mantesi– “t±t±, buddh±na½ nisinn±sanampi n²ca½, samaŗasatasahass±nampi ±sana½ natthi, tumhehi ajja u¼±ra½ buddhasakk±ra½ k±tu½ vaµµati, pabbatap±dato vaŗŗagandhasampann±ni pupph±ni ±harath±”ti. Kathanak±lo papańco viya hoti, iddhimant±na½ pana visayo acinteyyoti muhuttamatteneva te t±pas± vaŗŗagandhasampann±ni pupph±ni ±haritv± buddh±na½ yojanappam±ŗa½ pupph±sana½ pańń±pesu½, ubhinna½ aggas±vak±na½ tig±vuta½, sesabhikkh³na½ a¹¹hayojanik±dibheda½, saŖghanavakassa usabhamatta½ ahosi. Eva½ pańńattesu ±sanesu saradat±paso tath±gatassa purato ańjali½ paggahetv± µhito, “bhante, mayha½ d²gharatta½ hitasukhatth±ya ima½ pupph±sana½ abhiruhath±”ti ±ha.
“N±n±pupphańca gandhańca, samp±detv±na ekato;
pupph±sana½ pańń±petv±, ida½ vacanamabravi½.
“Ida½ te ±sana½ v²ra, pańńatta½ tavanucchavi½;
mama citta½ pas±dento, nis²da puppham±sane.
“Sattarattidiva½ buddho, nis²di puppham±sane;
mama citta½ pas±detv±, h±sayitv± sadevake”ti.
Eva½ nisinne satthari dve aggas±vak± ca sesabhikkh³ ca attano attano patt±sanesu nis²di½su. Saradat±paso mahanta½ pupphacchatta½ gahetv± tath±gatassa matthake dh±rayanto aµµh±si. Satth± “jaµil±na½ aya½ sakk±ro mahapphalo hot³”ti nirodhasam±patti½ sam±pajji. Satthu sam±pannabh±va½ ńatv± dve aggas±vak±pi sesabhikkh³pi sam±patti½ sam±pajji½su. Tath±gate satt±ha½ nirodhasam±patti½ sam±pajjitv± nisinne antev±sik± bhikkh±c±rak±le sampatte vanam³laphal±phala½ paribhuńjitv± sesak±le buddh±na½ ańjali½ paggayha tiµµhanti. Saradat±paso pana bhikkh±c±rampi agantv± pupphacchatta½ gahitaniy±meneva satt±ha½ p²tisukhena v²tin±mesi.
Satth± nirodhato vuµµh±ya dakkhiŗapasse nisinna½ aggas±vaka½ nisabhatthera½ ±mantesi– “nisabha sakk±rak±rak±na½ t±pas±na½ pupph±san±numodana½ karoh²”ti. Thero cakkavattirańńo santik± paµiladdhamah±l±bho mah±yodho viya tuµµham±naso s±vakap±ramiń±ŗe µhatv± pupph±san±numodana½ ±rabhi. Tassa desan±vas±ne dutiyas±vaka½ ±mantesi– “tvampi dhamma½ deseh²”ti. Anomatthero tepiµaka½ buddhavacana½ sammasitv± dhamma½ kathesi. Dvinna½ s±vak±na½ desan±ya ekassapi abhisamayo n±hosi. Atha satth± aparim±ŗe buddhavisaye µhatv± dhammadesana½ ±rabhi. Desan±pariyos±ne µhapetv± saradat±pasa½ sabbepi catusattatisahassajaµil± arahatta½ p±puŗi½su. Satth± “etha bhikkhavo”ti hattha½ pas±resi. Tesa½ t±vadeva kesamassu antaradh±yi, aµµha parikkh±r± k±ye paµimukk±va ahesu½.
Saradat±paso kasm± arahatta½ na pattoti? Vikkhittacittatt±. Tassa kira buddh±na½ dutiy±sane nis²ditv± s±vakap±ramiń±ŗe µhatv± dhamma½ desayato aggas±vakassa desana½ sotu½ ±raddhak±lato paµµh±ya “aho vat±hampi an±gate uppajjanakassa buddhassa s±sane imin±va s±vakena laddhadhura½ labheyyan”ti citta½ udap±di. So tena parivitakkena maggaphalapaµivedha½ k±tu½ n±sakkhi Tath±gata½ pana vanditv± sammukhe µhatv± ±ha– “bhante, tumh±ka½ anantar±sane nisinno bhikkhu tumh±ka½ s±sane ko n±ma hot²”ti? May± pavattita½ dhammacakka½ anuppavattet± s±vakap±ramiń±ŗassa koµippatto so¼asa pańń± paµivijjhitv± µhito mayha½ s±sane aggas±vako nisabhatthero n±ma esoti. “Bhante, yv±ya½ may± satt±ha½ pupphacchatta½ dh±rentena sakk±ro kato, aha½ imassa phalena ańńa½ sakkatta½ v± brahmatta½ v± na patthemi, an±gate pana aya½ nisabhatthero viya ekassa buddhassa aggas±vako bhaveyyan”ti patthana½ ak±si.
Satth± “samijjhissati nu kho imassa purisassa patthan±”ti an±gata½sań±ŗa½ pesetv± olokento kappasatasahass±dhika½ asaŖkhyeyya½ atikkamitv± samijjhanabh±va½ addasa. Disv± saradat±pasa½ ±ha– “na te aya½ patthan± mogh± bhavissati, an±gate pana kappasatasahass±dhika½ asaŖkhyeyya½ atikkamitv± gotamo n±ma buddho loke uppajjissati. Tassa m±t± mah±m±y± n±ma dev² bhavissati, pit± suddhodano n±ma r±j±, putto r±hulo n±ma, upaµµh±ko ±nando n±ma, dutiyas±vako moggall±no n±ma, tva½ pana tassa aggas±vako dhammasen±pati s±riputto n±ma bhavissas²”ti. Eva½ t±pasa½ by±karitv± dhammakatha½ kathetv± bhikkhusaŖghapariv±ro ±k±sa½ pakkhandi.
Saradat±pasopi antev±sikatther±na½ santika½ gantv± sah±yakassa siriva¹¹hanakuµumbikassa s±sana½ pesesi– “bhante, mama sah±yakassa vadetha ‘sah±yakena te saradat±pasena anomadassibuddhassa p±dam³le an±gate uppajjanakassa gotamabuddhassa s±sane aggas±vakaµµh±na½ patthita½, tva½ dutiyas±vakaµµh±na½ pattheh²”’ti. Evańca pana vatv± therehi puretarameva ekapassena gantv± siriva¹¹hassa nivesanadv±re aµµh±si.
Siriva¹¹hano “cirassa½ vata me ayyo ±gato”ti ±sane nis²d±petv± attan± n²c±sane nisinno “antev±sikaparis± pana vo, bhante, na pańń±yat²”ti pucchi. ¾ma samma, amh±ka½ assama½ anomadass² n±ma buddho ±gato, maya½ tassa attano balena sakk±ra½ akarimha. Satth± sabbesa½ dhamma½ desesi, desan±pariyos±ne µhapetv± ma½ ses± arahatta½ patv± pabbaji½s³ti. Tumhe kasm± na pabbajit±ti? Aha½ satthu aggas±vaka½ nisabhatthera½ disv± an±gate uppajjanakassa gotamassa n±ma buddhassa s±sane aggas±vakaµµh±na½ patthesi½, tvampi tassa s±sane dutiyas±vakaµµh±na½ pattheh²ti. Mayha½ buddhehi saddhi½ paricayo natthi, bhanteti. Buddhehi saddhi½ kathana½ mayha½ bh±ro hotu, tva½ mahanta½ adhik±ra½ sajjeh²ti.
Siriva¹¹hano saradat±pasassa vacana½ sutv± attano nivesanadv±re r±jam±nena aµµhakar²samatta½ µh±na½ samatala½ k±retv± v±luka½ okir±petv± l±japańcam±ni pupph±ni vikiritv± n²luppalacchadana½ maŗ¹apa½ k±retv± buddh±sana½ pańń±petv± sesabhikkh³nampi ±san±ni paµiy±d±petv± mahanta½ sakk±rasamm±na½ sajjetv± buddh±na½ nimantanatth±ya saradat±pasassa sańńa½ ad±si. T±paso tassa vacana½ sutv± buddhappamukha½ bhikkhusaŖgha½ gahetv± tassa nivesana½ agam±si. Siriva¹¹hano paccuggamana½ katv± tath±gatassa hatthato patta½ gahetv± maŗ¹apa½ pavesetv± pańńatt±sanesu nisinnassa buddhappamukhassa bhikkhusaŖghassa dakkhiŗodaka½ datv± paŗ²tena bhojanena parivisitv± bhattakiccapariyos±ne buddhappamukha½ bhikkhusaŖgha½ mah±rahehi vatthehi acch±detv±, “bhante, n±ya½ ±rambho appamattakaµµh±natth±ya, imin±va niy±mena satt±ha½ anukampa½ karoth±”ti ±ha. Satth± adhiv±sesi. So teneva niy±mena satt±ha½ mah±d±na½ pavattetv± bhagavanta½ vanditv± ańjali½ paggahetv± µhito ±ha– “bhante, mama sah±yo saradat±paso yassa satthu aggas±vako hom²ti patthesi, ahampi tasseva dutiyas±vako bhav±m²”ti.