3. S±riputtasuttavaººan±

3. Tatiye sakalamida½ bhanteti ±nandatthero s±vakap±ram²ñ±ºassa matthaka½ appattat±ya sakalampi maggabrahmacariya½ kaly±ºamittasannissayena labbhat²ti na aññ±si, dhammasen±pati pana s±vakap±ram²ñ±ºassa matthake µhitatt± aññ±si, tasm± evam±ha. Tenevassa bhagav± s±dhu s±dh³ti s±dhuk±ramad±si.

4. J±ºussoºibr±hmaºasuttavaººan±

4. Catutthe sabbasetena va¼av±bhirathen±ti sakalasetena cat³hi va¼av±hi yuttarathena. So kira sabbo sacakkapañjarakubbaro rajataparikkhitto hoti. Ratho ca n±mesa duvidho hoti– yodharatho, alaªk±rarathoti. Tattha yodharatho caturassasaºµh±no hoti n±timah± dvinna½ tiººa½ v± jan±na½ gahaºasamattho. Alaªk±raratho mah± hoti d²ghato d²gho puthulato puthulo ca, tattha chattagg±hako v±lab²janigg±hako t±lavaºµagg±hakoti eva½ aµµha v± dasa v± sukheneva µh±tu½ v± nis²ditu½ v± nipajjitu½ v± sakkonti. Ayampi alaªk±rarathoyeva.
Set± suda½ ass±ti t± va¼av± pakatiy± setavaºº±va. Set±laªk±r±ti pas±dhana½ t±sa½ rajatamaya½ ahosi. Seto rathoti rathopi vuttanayeneva rajataparikkhittatt± tattha tattha dantakammakhacitatt± ca setova. Setapariv±roti yath± aññe rath± s²hacammapariv±r±pi honti, byagghacammapariv±r±pi paº¹ukambalapariv±r±pi honti, na eva½ esa. Esa pana ghanaduk³lena pariv±rito ahosi. Set± rasmiyoti rasmiyopi rajatapan±¼isuparikkhitt±. Set± patodalaµµh²ti patodalaµµhipi rajataparikkhitt±.
Seta½ chattanti rathamajjhe uss±pitachattampi setameva ahosi. Seta½ uºh²santi aµµhaªgulavitth±ro rajatamayo uºh²sapaµµo seto. Set±ni vatth±n²ti vatth±nipi set±ni pheºapuñjavaºº±ni. Tesu niv±sana½ pañcasatagghanaka½, uttar±saªgo sahassagghanako. Set± up±han±ti up±han± n±ma magg±ru¼hassa v± honti aµavi½ v± pavisantassa. Aya½ pana ratha½ abhiru¼ho, tenassa tadanucchaviko rajatapaµisevito p±d±laªk±ro n±ma esa eva½ vuttoti veditabbo. Set±ya suda½ v±lab²janiy±ti phalikamayadaº¹±ya setacamarav±lab²janiy±. Na kevalañca ettakamevassa seta½ ahosi, so pana br±hmaºo setavilepana½ vilimpi, setam±la½ pi¼andhi, dasasu aªgul²su aªgulimuddik± kaººesu kuº¹al±n²ti evam±di alaªk±ropissa rajatamayova ahosi Pariv±rabr±hmaº±pissa dasasahassamatt± tatheva setavatthavilepanam±l±laªk±r± ahesu½.
Ya½ paneta½ s±vatthiy± niyy±yantanti vutta½, tatr±ya½ niyy±yanavibh±van±– so kira channa½ channa½ m±s±na½ ekav±ra½ nagara½ padakkhiºa½ karoti– “ito ettakehi divasehi nagara½ padakkhiºa½ karissat²”ti puretarameva ghosan± kayirati. Ta½ sutv± ye nagarato na pakkant±, te na pakkamanti. Yepi pakkant±, tepi “puññavato sirisampatti½ passiss±m±”ti ±gacchanti. Ya½ divasa½ br±hmaºo nagara½ anuvicarati, tad± p±tova nagarav²thiyo sammajjitv± v±lika½ okiritv± l±japañcamehi pupphehi vippakiritv± puººaghaµe µhapetv± kadaliyo ca dhaje ca uss±petv± sakalanagara½ dh³pitav±sita½ karonti.
Br±hmaºo p±tova s²sa½ nh±yitv± purebhatta½ bhuñjitv± vuttanayeneva setavatth±d²hi att±na½ alaªkaritv± p±s±d± oruyha ratha½ abhiruhati. Atha na½ te br±hmaº± sabbasetavatthavilepanam±l±laªk±r± setacchatt±ni gahetv± pariv±renti. Tato mah±janassa sannip±tattha½ paµhama½yeva taruºad±rak±na½ phal±phal±ni vikiranti, tadanantara½ m±sakar³p±d²ni, tadanantara½ kah±paºe vikiranti. Mah±jano sannipatati, ukkuµµhiyo ceva celukkhep± ca vattanti. Atha br±hmaºo maªgalikasovatthik±d²su maªgal±ni ceva suvatthiyo ca karontesu mah±sampattiy± nagara½ anuvicarati. Puññavant± manuss± ekabh³mik±dip±s±de ±ruyha sukapattasadis±ni v±tap±nakav±µ±ni vivaritv± olokenti. Br±hmaºopi attano yasasirisampattiy± nagara½ ajjhottharanto viya dakkhiºadv±r±bhimukho hoti. Ta½ sandh±yeta½ vutta½.
Tamena½ jano disv±ti mah±jano ta½ ratha½ disv±. Brahmanti seµµh±dhivacanameta½. Brahma½ vata bho y±nanti seµµhay±nasadisa½ vata bho y±nanti ayamettha attho. Imasseva kho etanti, ±nanda, manuss± n±ma vaººabh±ºak±na½ dhana½ datv± attano d±rik±na½ vaººag²ta½ g±y±penti “abhir³po hoti dassan²yo mahaddhano mah±bhogo”ti, na ca tena vaººabhaºanamattena abhir³p± v± honti mahaddhan± v±, evameva mah±jano br±hmaºassa ratha½ disv±– “brahma½ vata bho y±nan”ti kiñc±pi eva½ vaººa½ bhaºati, na paneta½ y±na½ vaººabhaºanamatteneva brahmay±na½ n±ma hoti. L±makañhi eta½ chava½. Paramatthena pana imasseva kho eta½, ±nanda, ariyassa aµµhaªgikassa maggassa adhivacana½. Ayañhi sabbadosavigamena seµµho, imin± ca ariy± nibb±na½ yant²ti brahmay±na½ itipi, dhammabh³tatt± y±natt± ca dhammay±na½ itipi, anuttaratt± kilesasaªg±massa ca vijitatt± anuttaro saªg±mavijayo itipi vattu½ vaµµati.
Id±nissa niddosabh±vañceva saªg±mavijayabh±vañca dassento r±gavinayapariyos±n±ti-±dim±ha. Tattha r±ga½ vinayam±n± pariyos±peti pariyos±na½ gacchati nipphajjat²ti r±gavinayapariyos±n±. Esa nayo sabbattha.
Yassa saddh± ca paññ± c±ti yassa ariyamaggay±nassa saddh±nus±rivasena saddh±, dhamm±nus±rivasena paññ±ti ime dve dhamm± sad± dhura½ yutt±, tatramajjhattat±yuge yutt±ti attho. Hir² ²s±ti attan± saddhi½ adhiviµµhena bahiddh±samuµµh±nena ottappena saddhi½ ajjhattasamuµµh±n± hir² yassa maggarathassa ²s±. Mano yottanti vipassan±cittañca maggacittañca yotta½. Yath± hi rathassa v±k±dimaya½ yotta½ goºe ek±baddhe karoti ekasaªgahite, eva½ maggarathassa lokiyavipassan±citta½ atirekapaññ±sa, lokuttaravipassan±citta½ atirekasaµµhi kusaladhamme ek±baddhe ekasaªgahe karoti. Tena vutta½ “mano yottan”ti. Sati ±rakkhas±rath²ti maggasampayutt± sati ±rakkhas±rathi. Yath± hi rathassa ±rakkho s±rathi n±ma yoggiyo. Dhura½ v±heti yojeti akkha½ abbhañjati ratha½ peseti rathayuttake nibbisevane karoti, eva½ maggarathassa sati. Ayañhi ±rakkhapaccupaµµh±n± ceva kusal±kusal±nañca dhamm±na½ gatiyo samanvesat²ti vutt±.
Rathoti ariya-aµµhaªgikamaggaratho. S²laparikkh±roti catup±risuddhis²l±laªk±ro. Jh±nakkhoti vipassan±sampayutt±na½ pañcanna½ jh±naªg±na½ vasena jh±namaya-akkho. Cakkav²riyoti v²riyacakko, k±yikacetasikasaªkh±t±ni dve v²riy±ni assa cakk±n²ti attho. Upekkh± dhurasam±dh²ti dhurassa sam±dhi, unnatonat±k±rassa abh±vena dvinnampi yugapades±na½ samat±ti attho. Ayañhi tatramajjhattupekkh± cittupp±dassa l²nuddhaccabh±va½ haritv± payogamajjhatte citta½ µhapeti, tasm± imassa maggarathassa “dhurasam±dh²”ti vutt±. Anicch± pariv±raºanti b±hirakarathassa s²hacamm±d²ni viya imass±pi ariyamaggarathassa alobhasaªkh±t± anicch± pariv±raºa½ n±ma.
Aby±p±doti mett± ca mett±pubbabh±go ca. Avihi½s±ti karuº± ca karuº±pubbabh±go ca. Vivekoti k±yavivek±di tividhaviveko. Yassa ±vudhanti yassa ariyamaggarathe µhitassa kulaputtassa eta½ pañcavidha½ ±vudha½. Yath± hi rathe µhito pañcahi ±vudhehi sapatte vijjhati, eva½ yog±vacaropi imasmi½ lokiyalokuttaramaggarathe µhito mett±ya dosa½ vijjhati, karuº±ya vihi½sa½ k±yavivekena gaºasaªgaºika½, cittavivekena kilesasaªgaºika½, upadhivivekena sabb±kusala½ vijjhati. Tenasseta½ pañcavidha½ “±vudhan”ti vutta½. Titikkh±ti durutt±na½ dur±gat±na½ vacanapath±na½ adhiv±sanakkhanti. Cammasann±hoti sannaddhacammo. Yath± hi rathe µhito rathiko paµimukkacammo ±gat±gate sare khamati, na na½ te vijjhanti, eva½ adhiv±sanakkhantisamann±gato bhikkhu ±gat±gate vacanapathe khamati, na na½ te vijjhanti. Tasm± “titikkh± cammasann±ho”ti vutto. Yogakkhem±ya vattat²ti cat³hi yogehi khem±ya nibb±n±ya vattati, nibb±n±bhimukho gacchatiyeva, na tiµµhati na bhijjat²ti attho.
Etadattani sambh³tanti eta½ maggay±na½ attano purisak±ra½ niss±ya laddhatt± attani sambh³ta½ n±ma hoti. Brahmay±na½ anuttaranti asadisa½ seµµhay±na½. Niyyanti dh²r± lokamh±ti yesa½ eta½ y±na½ atthi, te dh²r± paº¹itapuris± lokamh± niyyanti gacchanti. Aññadatth³ti eka½sena. Jaya½ jayanti r±g±dayo sapatte jinant± jinant±.