9. V±sijaµasuttavaººan±

101. Navame seyyath±pi, bhikkhave, kukkuµiy± aº¹±n²ti im± kaºhapakkhasukkapakkhavasena dve upam± vutt±. T±su kaºhapakkha-upam± atthassa as±dhik±, itar± s±dhik±ti. Sukkapakkha-upam±ya eva½ attho veditabbo– seyyath±ti opammatthe nip±to, ap²ti sambh±vanatthe. Ubhayen±pi seyyath± n±ma, bhikkhaveti dasseti. Kukkuµiy± aº¹±ni aµµha v± dasa v± dasa v± dv±dasa v±ti ettha pana kiñc±pi kukkuµiy± vuttappak±rato ³n±dhik±nipi aº¹±ni honti, vacanasiliµµhat±ya pana eva½ vutta½. Evañhi loke siliµµhavacana½ hoti. T±nass³ti t±ni assu, t±ni bhaveyyunti attho. Kukkuµiy± samm± adhisayit±n²ti t±ya ca janettiy± kukkuµiy± pakkhe pas±retv± tesa½ upari sayantiy± samm± adhisayit±ni. Samm± parisedit±n²ti k±lena k±la½ utu½ gaºh±pentiy± suµµhu samantato sedit±ni usm²kat±ni. Samm± paribh±vit±n²ti k±lena k±la½ suµµhu samantato bh±vit±ni, kukkuµagandha½ g±h±pit±n²ti attho. Kiñc±pi tass± kukkuµiy±ti tass± kukkuµiy± imin± tividhakiriy±karaºena appam±da½ katv± kiñc±pi na eva½ icch± upajjeyya. Atha kho bhabb±va teti atha kho te kukkuµapotak± vuttanayena sotthin± abhinibbhijjitu½ bhabb±va. Te hi yasm± t±ya kukkuµiy± eva½ t²h±k±rehi t±ni aº¹±ni parip±liyam±n±ni na p³t²ni honti, yo nesa½ allasineho, sopi pariy±d±na½ gacchati, kap±la½ tanuka½ hoti, p±danakhasikh± ca mukhatuº¹akañca khara½ hoti, sayampi pariº±ma½ gacchanti, kap±lassa tanutt± bahi ±loko anto paññ±yati, tasm± “cira½ vata maya½ saªkuµitahatthap±d± samb±dhe sayimh±, ayañca bahi ±loko dissati, ettha d±ni no sukhavih±ro bhavissat²”ti nikkhamituk±m± hutv± kap±la½ p±dena paharanti, g²va½ pas±renti, tato ta½ kap±la½ dvedh± bhijjati. Atha te pakkhe vidhunant± ta½khaº±nur³pa½ viravant± nikkhamantiyeva, nikkhamitv± ca g±makkhetta½ upasobhayam±n± vicaranti.
Evameva khoti ida½ opammasampaµip±dana½. Ta½ eva½ atthena sa½sanditv± veditabba½– tass± kukkuµiy± aº¹esu tividhakiriy±karaºa½ viya hi imassa bhikkhuno bh±v±nuyoga½ anuyuttak±lo, kukkuµiy± tividhakiriy±samp±danena aº¹±na½ ap³tibh±vo viya bh±van±nuyogamanuyuttassa bhikkhuno tividh±nupassan±samp±danena vipassan±ñ±ºassa aparih±ni, tass± tividhakiriy±karaºena allasinehapariy±d±na½ viya tassa bhikkhuno tividh±nupassan±samp±danena bhavattay±nugatanikantisinehapariy±d±na½, aº¹akap±l±na½ tanubh±vo viya tassa bhikkhuno avijjaº¹akosassa tanubh±vo, kukkuµapotak±na½ p±danakhasikhamukhatuº¹ak±na½ thaddhakharabh±vo viya bhikkhuno vipassan±ñ±ºassa tikkhakharavippasanna s³rabh±vo, kukkuµapotak±na½ pariº±mak±lo viya bhikkhuno vipassan±ñ±ºassa pariº±mak±lo va¹¹hitak±lo gabbhaggahaºak±lo, kukkuµapotak±na½ p±danakhasikh±ya v± mukhatuº¹akena v± aº¹akosa½ pad±letv± pakkhe papphoµetv± sotthin± abhinibbhid±k±lo viya tassa bhikkhuno vipassan±ñ±ºagabbha½ gaºh±petv± vicarantassa tajj±tika½ utusapp±ya½ v± bhojanasapp±ya½ v± puggalasapp±ya½ v± dhammassavanasapp±ya½ v± labhitv± ek±sane nisinnasseva vipassana½ va¹¹hentassa anupubb±dhigatena arahattamaggena avijjaº¹akosa½ pad±letv± abhiññ±pakkhe papphoµetv± sotthin± arahattapattak±lo veditabbo. Yath± pana kukkuµapotak±na½ pariºatabh±va½ ñatv± m±t±pi aº¹akosa½ bhindati, eva½ tath±r³passa bhikkhuno ñ±ºaparip±ka½ ñatv± satth±pi–
“Ucchinda sinehamattano, kumuda½ s±radika½va p±ºin±;
santimaggameva br³haya, nibb±na½ sugatena desitan”ti. (Dha. pa. 285)–

¾din± nayena obh±sa½ pharitv± g±th±ya avijjaº¹akosa½ paharati. So g±th±pariyos±ne avijjaº¹akosa½ bhinditv± arahatta½ p±puº±ti. Tato paµµh±ya yath± te kukkuµapotak± g±makkhetta½ upasobhayam±n± tattha vicaranti, eva½ ayampi mah±kh²º±savo nibb±n±rammaºa½ phalasam±patti½ appetv± saªgh±r±ma½ upasobhayam±no vicarati.

Palagaº¹ass±ti va¹¹hakissa. So hi olambakasaªkh±ta½ pala½ dh±retv± d±r³na½ gaº¹a½ harat²ti palagaº¹oti vuccati. V±sijaµeti v±sidaº¹akassa gahaºaµµh±ne. Ettaka½ vata me ajja ±sav±na½ kh²ºanti pabbajitassa hi pabbajj±saªkhepena uddesena paripucch±ya yoniso manasik±rena vattapaµipattiy± ca niccak±la½ ±sav± kh²yanti. Eva½ kh²yam±n±na½ pana tesa½ “ettaka½ ajja kh²ºa½, ettaka½ hiyyo”ti evamassa ñ±ºa½ na hot²ti attho. Im±ya upam±ya vipassan±y±nisa½so d²pito. Hemantiken±ti hemantasamayena. Paµippassambhant²ti thirabh±vena parih±yanti.
Evameva khoti ettha mah±samuddo viya s±sana½ daµµhabba½, n±v± viya yog±vacaro, n±v±ya mah±samudde pariy±d±na½ viya imassa bhikkhuno ³napañcavassak±le ±cariyupajjh±y±na½ santike vicaraºa½, n±v±ya mah±samuddodakena khajjam±n±na½ bandhan±na½ tanubh±vo viya bhikkhuno pabbajj±saªkhepena uddesaparipucch±d²hi ceva sa½yojan±na½ tanubh±vo, n±v±ya thale ukkhittak±lo viya bhikkhuno nissayamuccakassa kammaµµh±na½ gahetv± araññe vasanak±lo, div± v±t±tapena sa½sussana½ viya vipassan±ñ±ºena taºh±snehasa½sussana½, ratti½ himodakena temana½ viya kammaµµh±na½ niss±ya uppannena p²tip±mojjena cittatemana½, rattindiva½ v±t±tapena ceva himodakena ca parisukkhaparitint±na½ bandhan±na½ dubbalabh±vo viya ekadivasa½ utusapp±y±d²ni laddh± vipassan±ñ±ºap²tip±mojjehi sa½yojan±na½ bhiyyosomatt±ya dubbalabh±vo, p±vussakamegho viya arahattamaggañ±ºa½ meghavuµµhi-udakena n±v±ya bandhe p³tibh±vo viya ±raddhavipassakassa r³pasattak±divasena vipassana½ va¹¹hentassa okkh±yam±ne pakkh±yam±ne kammaµµh±ne ekadivasa½ utusapp±y±d²ni laddh± ekapallaªkena nisinnassa arahattaphal±dhigamo, p³tibandhan±v±ya kañci k±la½ µh±na½ viya kh²ºasa½yojanassa arahato mah±jana½ anuggaºhantassa y±vat±yuka½ µh±na½, p³tibandhan±v±ya anupubbena bhijjitv± apaººattikabh±v³pagamo viya kh²º±savassa up±diººakkhandhabhedena anup±dises±ya nibb±nadh±tuy± parinibbutassa apaººattikabh±v³pagamoti im±ya upam±ya sa½yojan±na½ dubbalat± d²pit±. Navama½.