5. Nagarasutta½

65. S±vatthiya½ viharati…pe… “pubbe me, bhikkhave, sambodh± anabhisambuddhassa bodhisattasseva sato etadahosi– ‘kicch± vat±ya½ loko ±panno j±yati ca j²yati ca m²yati ca cavati ca upapajjati ca. Atha ca panimassa dukkhassa nissaraºa½ nappaj±n±ti jar±maraºassa. Kud±ssu n±ma imassa dukkhassa nissaraºa½ paññ±yissati jar±maraºass±’ti? Tassa mayha½, bhikkhave, etadahosi– ‘kimhi nu kho sati jar±maraºa½ hoti, ki½paccay± jar±maraºan’ti Tassa mayha½, bhikkhave, yoniso manasik±r± ahu paññ±ya abhisamayo– ‘j±tiy± kho sati jar±maraºa½ hoti, j±tipaccay± jar±maraºa”n’ti.
“Tassa mayha½, bhikkhave, etadahosi– ‘kimhi nu kho sati j±ti hoti…pe… bhavo hoti… up±d±na½ hoti… taºh± hoti… vedan± hoti… phasso hoti… sa¼±yatana½ hoti… n±mar³pa½ hoti… ki½paccay± n±mar³pan’ti? Tassa mayha½, bhikkhave, yoniso manasik±r± ahu paññ±ya abhisamayo– ‘viññ±ºe kho sati n±mar³pa½ hoti, viññ±ºapaccay± n±mar³pan’ti. Tassa mayha½, bhikkhave, etadahosi– ‘kimhi nu kho sati viññ±ºa½ hoti, ki½paccay± viññ±ºan’ti Tassa mayha½, bhikkhave, yoniso manasik±r± ahu paññ±ya abhisamayo– ‘n±mar³pe kho sati viññ±ºa½ hoti, n±mar³papaccay± viññ±ºa”n’ti.
“Tassa mayha½, bhikkhave, etadahosi– paccud±vattati kho ida½ viññ±ºa½ n±mar³pamh± na para½ gacchati. Ett±vat± j±yetha v± j²yetha v± m²yetha v± cavetha v± upapajjetha v±, yadida½ n±mar³papaccay± viññ±ºa½; viññ±ºapaccay± n±mar³pa½; n±mar³papaccay± sa¼±yatana½; sa¼±yatanapaccay± phasso…pe… evametassa kevalassa dukkhakkhandhassa samudayo hoti. ‘Samudayo, samudayo’ti kho me, bhikkhave, pubbe ananussutesu dhammesu cakkhu½ udap±di ñ±ºa½ udap±di paññ± udap±di vijj± udap±di ±loko udap±di.
“Tassa mayha½, bhikkhave, etadahosi– ‘kimhi nu kho asati, jar±maraºa½ na hoti; kissa nirodh± jar±maraºanirodho’ti? Tassa mayha½, bhikkhave, yoniso manasik±r± ahu paññ±ya abhisamayo– ‘j±tiy± kho asati, jar±maraºa½ na hoti; j±tinirodh± jar±maraºanirodho’ti. Tassa mayha½, bhikkhave, etadahosi– ‘kimhi nu kho asati j±ti na hoti…pe… bhavo na hoti… up±d±na½ na hoti… taºh± na hoti… vedan± na hoti… phasso na hoti… sa¼±yatana½ na hoti… n±mar³pa½ na hoti. Kissa nirodh± n±mar³panirodho’ti? Tassa mayha½, bhikkhave, yoniso manasik±r± ahu paññ±ya abhisamayo ‘viññ±ºe kho asati, n±mar³pa½ na hoti; viññ±ºanirodh± n±mar³panirodho”’ti
“Tassa mayha½, bhikkhave, etadahosi– ‘kimhi nu kho asati viññ±ºa½ na hoti; kissa nirodh± viññ±ºanirodho’ti? Tassa mayha½, bhikkhave, yoniso manasik±r± ahu paññ±ya abhisamayo– ‘n±mar³pe kho asati, viññ±ºa½ na hoti; n±mar³panirodh± viññ±ºanirodho”’ti.
“Tassa mayha½, bhikkhave, etadahosi– adhigato kho my±ya½ maggo bodh±ya yadida½– n±mar³panirodh± viññ±ºanirodho; viññ±ºanirodh± n±mar³panirodho; n±mar³panirodh± sa¼±yatananirodho; sa¼±yatananirodh± phassanirodho…pe… evametassa kevalassa dukkhakkhandhassa nirodho hoti. ‘Nirodho, nirodho’ti kho me, bhikkhave, pubbe ananussutesu dhammesu cakkhu½ udap±di ñ±ºa½ udap±di paññ± udap±di vijj± udap±di ±loko udap±di.
“Seyyath±pi, bhikkhave, puriso araññe pavane caram±no passeyya pur±ºa½ magga½ pur±ºañjasa½ pubbakehi manussehi anuy±ta½. So tamanugaccheyya Tamanugacchanto passeyya pur±ºa½ nagara½ pur±ºa½ r±jadh±ni½ pubbakehi manussehi ajjh±vuµµha½ [ajjh±vuttha½ (s². sy±. ka½. p².)] ±r±masampanna½ vanasampanna½ pokkharaº²sampanna½ uddh±pavanta½ [udd±pavanta½ (s². sy±. ka½. p².)] ramaº²ya½. Atha kho so, bhikkhave, puriso rañño v± r±jamah±mattassa v± ±roceyya– ‘yagghe, bhante, j±neyy±si– aha½ addasa½ araññe pavane caram±no pur±ºa½ magga½ pur±ºañjasa½ pubbakehi manussehi anuy±ta½ tamanugacchi½. Tamanugacchanto addasa½ pur±ºa½ nagara½ pur±ºa½ r±jadh±ni½ pubbakehi manussehi ajjh±vuµµha½ ±r±masampanna½ vanasampanna½ pokkharaº²sampanna½ uddh±pavanta½ ramaº²ya½. Ta½, bhante, nagara½ m±peh²’ti. Atha kho so, bhikkhave, r±j± v± r±jamah±matto v± ta½ nagara½ m±peyya. Tadassa nagara½ aparena samayena iddhañceva ph²tañca b±hujañña½ ±kiººamanussa½ vuddhivepullappatta½. Evameva khv±ha½, bhikkhave, addasa½ pur±ºa½ magga½ pur±ºañjasa½ pubbakehi samm±sambuddhehi anuy±ta½.
“Katamo ca so, bhikkhave, pur±ºamaggo pur±ºañjaso pubbakehi samm±sambuddhehi anuy±to Ayameva ariyo aµµhaªgiko maggo, seyyathida½– samm±diµµhi…pe… samm±sam±dhi. Aya½ kho so, bhikkhave, pur±ºamaggo pur±ºañjaso pubbakehi samm±sambuddhehi anuy±to, tamanugacchi½; tamanugacchanto jar±maraºa½ abbhaññ±si½; jar±maraºasamudaya½ abbhaññ±si½; jar±maraºanirodha½ abbhaññ±si½; jar±maraºanirodhag±mini½ paµipada½ abbhaññ±si½. Tamanugacchi½; tamanugacchanto j±ti½ abbhaññ±si½…pe… bhava½ abbhaññ±si½… up±d±na½ abbhaññ±si½… taºha½ abbhaññ±si½… vedana½ abbhaññ±si½… phassa½ abbhaññ±si½… sa¼±yatana½ abbhaññ±si½… n±mar³pa½ abbhaññ±si½… viññ±ºa½ abbhaññ±si½. Tamanugacchi½; tamanugacchanto saªkh±re abbhaññ±si½; saªkh±rasamudaya½ abbhaññ±si½; saªkh±ranirodha½ abbhaññ±si½; saªkh±ranirodhag±mini½ paµipada½ abbhaññ±si½. Tadabhiññ± ±cikkhi½ bhikkh³na½ bhikkhun²na½ up±sak±na½ up±sik±na½. Tayida½, bhikkhave brahmacariya½ iddhañceva ph²tañca vitth±rika½ b±hujañña½ puthubh³ta½ y±va devamanussehi suppak±sitan”ti. Pañcama½.