2. Vibhaªgasuttavaººan±

2. Dutiyepi vuttanayeneva suttanikkhepo veditabbo. Aya½ pana viseso– paµhama½ ugghaµitaññ³puggal±na½ vasena saªkhepato dassita½, ida½ vipañcitaññ³na½ vasena vitth±ratoti. Imasmiñca pana sutte catasso vallih±rakapuris³pam± vattabb±, t± visuddhimagge vutt± eva. Yath± hi vallih±rako puriso valliy± agga½ disv± tadanus±rena m³la½ pariyesanto ta½ disv± valli½ m³le chetv± ±d±ya kamme upaneyya, eva½ bhagav± vitth±radesana½ desento paµiccasamupp±dassa aggabh³t± jar±maraº± paµµh±ya y±va m³labh³ta½ avijj±pada½, t±va desana½ ±haritv± puna vaµµavivaµµa½ desento niµµhapesi.
Tatr±ya½ jar±maraº±d²na½ vitth±radesan±ya atthanicchayo– jar±maraºaniddese t±va tesa½ tesanti aya½ saªkhepato anekesa½ satt±na½ s±dh±raºaniddesoti viññ±tabbo. Y± devadattassa jar±, y± somadattass±ti evañhi divasampi kathentassa neva satt± pariy±d±na½ gacchanti. Imehi pana dv²hi padehi na koci satto apariy±dinno hoti. Tasm± vutta½, “aya½ saªkhepato anekesa½ satt±na½ s±dh±raºaniddeso”ti. Tamhi tamh²ti aya½ gatij±tivasena anekesa½ sattanik±y±na½ s±dh±raºaniddeso. Sattanik±yeti s±dh±raºaniddesena niddiµµhassa sar³panidassana½. Jar± j²raºat±ti-±d²su pana jar±ti sabh±vaniddeso. J²raºat±ti ±k±raniddeso. Khaº¹iccanti-±dayo tayo k±l±tikkame kiccaniddes±, pacchim± dve pakatiniddes±. Ayañhi jar±ti imin± padena sabh±vato d²pit±, tenass±ya½ sabh±vaniddeso J²raºat±ti imin± ±k±rato, tenass±ya½ ±k±raniddeso. Khaº¹iccanti imin± k±l±tikkame dantanakh±na½ khaº¹itabh±vakaraºakiccato. P±liccanti imin± kesalom±na½ palitabh±vakaraºakiccato. Valittacat±ti imin± ma½sa½ mil±petv± tacavalibh±vakaraºakiccato d²pit±. Tenass± ime khaº¹iccanti-±dayo tayo k±l±tikkame kiccaniddes±. Tehi imesa½ vik±r±na½ dassanavasena p±kaµ²bh³t± p±kaµajar± dassit±. Yatheva hi udakassa v± v±tassa v± aggino v± tiºarukkh±d²na½ sa½bhaggapalibhaggat±ya v± jh±mat±ya v± gatamaggo p±kaµo hoti, na ca so gatamaggo t±neva udak±d²ni, evameva jar±ya dant±d²su khaº¹icc±divasena gatamaggo p±kaµo, cakkhu½ umm²letv±pi gayhati na ca khaº¹icc±d²neva jar±. Na hi jar± cakkhuviññeyy± hoti.
¾yuno sa½h±ni indriy±na½ parip±koti imehi pana padehi k±l±tikkameyeva abhibyatt±ya ±yukkhaya-cakkh±di-indriya-parip±kasaññit±ya pakatiy± d²pit±. Tenassime pacchim± dve pakatiniddes±ti veditabb±. Tattha yasm± jara½ pattassa ±yu h±yati, tasm± jar± “±yuno sa½h±n²”ti phal³pac±rena vutt±. Yasm± ca daharak±le suppasann±ni sukhumampi attano visaya½ sukheneva gaºhanasamatth±ni cakkh±d²ni indriy±ni jara½ pattassa paripakk±ni ±lu¼it±ni avisad±ni, o¼±rikampi attano visaya½ gahetu½ asamatth±ni honti, tasm± “indriy±na½ parip±ko”ti phal³pac±reneva vutt±.
S± pan±ya½ eva½ niddiµµh± sabb±pi jar± p±kaµ± paµicchann±ti duvidh± hoti. Tattha dant±d²su khaº¹±dibh±vadassanato r³padhammesu jar± p±kaµajar± n±ma, ar³padhammesu pana jar± t±disassa vik±rassa adassanato paµicchannajar± n±ma. Tattha yv±ya½ khaº¹±dibh±vo dissati, so t±dis±na½ dant±d²na½ suviññeyyatt± vaººoyeva, ta½ cakkhun± disv± manodv±rena cintetv± “ime dant± jar±ya pahaµ±”ti jara½ j±n±ti udakaµµh±ne baddh±ni gos²s±d²ni oloketv± heµµh± udakassa atthibh±va½ j±nana½ viya. Puna av²ci sav²c²ti evampi duvidh± hoti. Tattha maºi-kanaka-rajata-pav±¼acandas³riy±d²na½ viya mandadasak±d²su p±º²na½ viya ca pupphaphalapallav±d²su ca ap±º²na½ viya antarantar± vaººavises±d²na½ duviññeyyatt± jar± av²cijar± n±ma, nirantarajar±ti attho. Tato aññesu pana yath±vuttesu antarantar± vaººavises±d²na½ suviññeyyatt± jar± sav²cijar± n±m±ti veditabb±.
Ito para½ tesa½ tesanti-±di vuttanayeneva veditabba½. Cuti cavanat±ti-±d²su pana cut²ti cavanakavasena vuccati, ekacatupañcakkhandhas±maññavacanameta½. Cavanat±ti bh±vavacanena lakkhaºanidassana½ Bhedoti cutikkhandh±na½ bhaªguppattiparid²pana½. Antaradh±nanti ghaµasseva bhinnassa bhinn±na½ cutikkhandh±na½ yena kenaci pariy±yena µh±n±bh±vaparid²pana½. Maccu maraºanti maccusaªkh±ta½ maraºa½, tena samucchedamaraº±d²ni nisedheti. K±lo n±ma antako, tassa kiriy± k±lakiriy±. Eva½ tena lokasammutiy± maraºa½ d²peti.
Id±ni paramatthena d²petu½ khandh±na½ bhedoti-±dim±ha. Paramatthena hi khandh±yeva bhijjanti, na satto n±ma koci marati. Khandhesu pana bhijjam±nesu satto marati, bhinnesu matoti voh±ro hoti. Ettha ca catupañcavok±ravasena khandh±na½ bhedo, ekavok±ravasena ka¼evarassa nikkhepo. Catuvok±ravasena ca khandh±na½ bhedo, sesadvayavasena ka¼evarassa nikkhepo veditabbo. Kasm±? Bhavadvayepi r³pak±yasaªkh±tassa ka¼evarassa sabbh±vato. Atha v± yasm± c±tumah±r±jik±d²su khandh± bhijjanteva, na kiñci nikkhipati, tasm± tesa½ vasena khandh±na½ bhedo, manuss±d²su ka¼evarassa nikkhepo. Ettha ca ka¼evarassa nikkhepak±raºato maraºa½ “ka¼evarassa nikkhepo”ti vuttanti evamattho daµµhabbo. Iti ayañca jar± idañca maraºa½, ida½ vuccati, bhikkhaveti ida½ ubhayampi ekato katv± jar±maraºanti kath²yati.
J±tiniddese j±ti sañj±t²ti-±d²su j±yanaµµhena j±ti, s± aparipuºº±yatanavasena yutt±. Sañj±yanaµµhena sañj±ti, s± paripuºº±yatanavasena yutt±. Okkamanaµµhena okkanti, s± aº¹ajajal±bujavasena yutt±. Te hi aº¹akosañca vatthikosañca okkamant± pavisant± viya paµisandhi½ gaºhanti. Abhinibbattanaµµhena abhinibbatti, s± sa½sedaja-opap±tikavasena yutt±. Te hi p±kaµ±yeva hutv± nibbattanti. Aya½ t±va voh±radesan±.
Id±ni paramatthadesan± hoti. Khandh±yeva hi paramatthato p±tubhavanti, na satto. Tattha ca khandh±nanti ekavok±rabhave ekassa, catuvok±rabhave catunna½, pañcavok±rabhave pañcannampi gahaºa½ veditabba½. P±tubh±voti uppatti. ¾yatan±nanti ettha tatra tatra uppajjam±n±yatanavasena saªgaho veditabbo. Paµil±bhoti santatiya½ p±tubh±voyeva. P±tubhavant±neva hi t±ni paµiladdh±ni n±ma honti. Aya½ vuccati, bhikkhave, j±t²ti imin± padena voh±rato paramatthato ca desit±ya j±tiy± nigamana½ karot²ti.
Bhavaniddese k±mabhavoti kammabhavo ca upapattibhavo ca. Tattha kammabhavo n±ma k±mabhav³pagakammameva. Tañhi tattha upapattibhavassa k±raºatt± “sukho buddh±na½ upp±do (dha. pa. 194) dukkho p±passa uccayo”ti-±d²ni (dha. pa. 117) viya phalavoh±rena bhavoti vutta½. Upapattibhavo n±ma tena kammena nibbatta½ up±diººakkhandhapañcaka½. Tañhi tattha bhavat²ti katv± bhavoti vutta½. Sabbath±pi ida½ kammañca upapattiñca ubhayampetamidha “k±mabhavo”ti vutta½. Esa nayo r³p±r³pabhaves³ti.
Up±d±naniddese k±mup±d±nanti-±d²su vatthuk±ma½ up±diyanti etena, saya½ v± ta½ up±diyat²ti k±mup±d±na½, k±mo ca so up±d±nañc±ti k±mup±d±na½. Up±d±nanti da¼haggahaºa½ vuccati. Da¼hattho hi ettha upasaddo up±y±sa-upakaµµh±d²su viya. Pañcak±maguºikar±gasseta½ adhivacana½. Ayamettha saªkhepo. Vitth±rato paneta½, “tattha katama½ k±mup±d±na½? Yo k±mesu k±macchando”ti (dha. sa. 1220; vibha. 938) vuttanayeneva veditabba½.
Tath± diµµhi ca s± up±d±nañc±ti diµµhup±d±na½. Atha v± diµµhi½ up±diyati, up±diyanti v± etena diµµhinti diµµhup±d±na½. Up±diyati hi purimadiµµhi½ uttaradiµµhi, up±diyanti ca t±ya diµµhi½. Yath±ha– “sassato att± ca loko ca idameva sacca½ moghamaññan”ti-±di (ma. ni. 3.27). S²labbatup±d±na-attav±dup±d±navajjassa sabbadiµµhigatasseta½ adhivacana½. Ayamettha saªkhepo, vitth±rato paneta½, “tattha katama½ diµµhup±d±na½? Natthi dinnan”ti (dha. sa. 1221) vuttanayeneva veditabba½.
Tath± s²labbatamup±diyanti etena, saya½ v± ta½ up±diyati, s²labbatañca ta½ up±d±nañc±ti v± s²labbatup±d±na½. Gos²lagovat±d²ni hi “eva½ suddh²”ti (dha. sa. 1222; vibha. 938) abhinivesato sayameva up±d±n±n²ti. Ayamettha saªkhepo, vitth±rato paneta½, “tattha katama½ s²labbatup±d±na½? Ito bahiddh± samaºabr±hmaº±na½ s²lena suddh²”ti vuttanayeneva veditabba½.
Id±ni vadanti eten±ti v±do, up±diyanti eten±ti up±d±na½, ki½ vadanti up±diyanti v±? Att±na½. Attano v±dup±d±na½ attav±dup±d±na½. Attav±damattameva v± att±ti up±diyanti eten±ti attav±dup±d±na½. V²sativatthuk±ya sakk±yadiµµhiy± eta½ adhivacana½. Ayamettha saªkhepo, vitth±rato paneta½, “tattha katama½ attav±dup±d±na½? Idha assutav± puthujjano ariy±na½ adass±v²”ti vuttanayeneva veditabba½.
Taºh±niddese r³pataºh±…pe… dhammataºh±ti eta½ cakkhudv±r±d²su javanav²thiy± pavatt±ya taºh±ya “seµµhiputto br±hmaºaputto”ti evam±d²su pitito n±ma½ viya pitisadis±rammaºato n±ma½. Ettha ca r³p±rammaº± taºh±, r³pe taºh±ti r³pataºh±. S± k±mar±gabh±vena r³pa½ ass±dent² pavattam±n± k±mataºh±, sassatadiµµhisahagatar±gabh±vena “r³pa½ nicca½ dhuva½ sassatan”ti eva½ ass±dent² pavattam±n± bhavataºh±, ucchedadiµµhisahagatar±gabh±vena “r³pa½ ucchijjati vinassati pecca na bhavat²”ti eva½ ass±dent² pavattam±n± vibhavataºh±ti r³pataºh± eva½ tividh± hoti. Yath± ca r³pataºh±, tath± saddataºh±dayop²ti eva½ t±ni aµµh±rasa taºh±vicarit±ni honti. T±ni ajjhattar³p±d²su aµµh±rasa, bahiddh±r³p±d²su aµµh±ras±ti chatti½sa. Iti at²t±ni chatti½sa, an±gat±ni chatti½sa, paccuppann±ni chatti½s±ti eva½ aµµhasata½ taºh±vicarit±ni honti. “Ajjhattikassa up±d±ya asm²ti hoti, itthasm²ti hot²”ti (vibha. 973) v± evam±d²ni ajjhattikar³p±dinissit±ni aµµh±rasa, “b±hirassa up±d±ya imin± asm²ti hoti, imin± itthasm²ti hot²”ti (vibha. 975) v± evam±d²ni b±hirar³p±dinissit±ni aµµh±ras±ti chatti½sa, iti at²t±ni chatti½sa, an±gat±ni chatti½sa, paccuppann±ni chatti½s±ti evampi aµµhasata½ taºh±vicarit±ni honti. Puna saªgahe kariyam±ne r³p±d²su ±rammaºesu cha¼eva taºh±k±y± tissoyeva k±mataºh±dayo hont²ti. Eva½–
“Niddesatthena niddesa, vitth±r± vitth±rassa ca;
puna saªgahato taºh±, viññ±tabb± vibh±vin±”ti.
Vedan±niddese vedan±k±y±ti vedan±sam³h±. Cakkhusamphassaj± vedan±…pe… manosamphassaj±vedan±ti eta½ “cakkhusamphassaj±vedan± atthi kusal±, atthi akusal±, atthi aby±kat±”ti eva½ vibhaªge (vibha. 34) ±gatatt± cakkhudv±r±d²su pavatt±na½ kusal±kusal±by±katavedan±na½ “s±riputto mant±ºiputto”ti evam±d²su m±tito n±ma½ viya m±tisadisato vatthuto n±ma½. Vacanattho panettha– cakkhusamphassahetu j±t± vedan± cakkhusamphassaj± vedan±ti. Eseva nayo sabbattha. Aya½ t±vettha sabbasaªg±hik± kath±. Vip±kavasena pana cakkhudv±re dve cakkhuviññ±º±ni, dve manodh±tuyo, tisso manoviññ±ºadh±tuyoti et±hi sampayuttavasena vedan± veditabb±. Eseva nayo sotadv±r±d²su. Manodv±re manoviññ±ºadh±tusampayutt±va.
Phassaniddese cakkhusamphassoti cakkhumhi samphasso. Esa nayo sabbattha. Cakkhusamphasso…pe… k±yasamphassoti ett±vat± ca kusal±kusalavip±k± pañcavatthuk± dasa phass± vutt± honti. Manosamphassoti imin± sesab±v²satilokiyavip±kamanasampayutt± phass±.
Sa¼±yatananiddese cakkh±yatananti-±d²su ya½ vattabba½, ta½ visuddhimagge khandhaniddese ceva ±yatananiddese ca vuttameva.
N±mar³paniddese namanalakkhaºa½ n±ma½. Ruppanalakkhaºa½ r³pa½. Vibhajane panassa vedan±ti vedan±kkhandho, saññ±ti saññ±kkhandho, cetan± phasso manasik±roti saªkh±rakkhandho veditabbo. K±mañca aññepi saªkh±rakkhandhasaªgahit± dhamm± santi, ime pana tayo sabbadubbalesupi cittesu santi, tasm± etesa½yeva vasenettha saªkh±rakkhandho dassito. Catt±ro ca mah±bh³t±ti ettha catt±roti gaºanaparicchedo. Mah±bh³t±ti pathav²-±patejav±y±nameta½ adhivacana½. Yena pana k±raºena t±ni mah±bh³t±n²ti vuccanti, yo cettha añño vinicchayanayo, so sabbo visuddhimagge r³pakkhandhaniddese vutto. Catunnañca mah±bh³t±na½ up±d±y±ti ettha pana catunnanti upayogatthe s±mivacana½, catt±ri mah±bh³t±n²ti vutta½ hoti. Up±d±y±ti up±diyitv±, gahetv±ti attho. Niss±y±tipi eke. “Vattam±nan”ti ayañcettha p±µhaseso. Sam³hatthe v± eta½ s±mivacana½, catunna½ mah±bh³t±na½ sam³ha½ up±d±ya vattam±na½ r³panti ettha attho veditabbo. Eva½ sabbath±pi y±ni ca catt±ri pathav²-±d²ni mah±bh³t±ni, yañca catunna½ mah±bh³t±na½ up±d±ya vattam±na½ cakkh±yatan±dibhedena abhidhammap±¼iyameva vutta½ tev²satividha½ r³pa½, ta½ sabbampi r³panti veditabba½.
Viññ±ºaniddese cakkhuviññ±ºanti cakkhumhi viññ±ºa½, cakkhuto v± j±ta½ viññ±ºanti cakkhuviññ±ºa½. Eva½ sotagh±najivh±k±yaviññ±º±ni. Itara½ pana manoyeva viññ±ºanti manoviññ±ºa½. Dvipañcaviññ±ºavajjitatebh³makavip±kacittasseta½ adhivacana½.
Saªkh±raniddese abhisaªkharaºalakkhaºo saªkh±ro. Vibhajane panassa k±yasaªkh±roti k±yato pavattasaªkh±ro. K±yadv±re copanavasena pavatt±na½ k±m±vacarakusalato aµµhanna½, akusalato dv±dasannanti v²satiy± k±yasañcetan±nameta½ adhivacana½. Vac²saªkh±roti vacanato pavattasaªkh±ro, vac²dv±re vacanabhedavasena pavatt±na½ v²satiy± eva vac²sañcetan±nameta½ adhivacana½. Cittasaªkh±roti cittato pavattasaªkh±ro, k±yavac²dv±re copana½ akatv± raho nis²ditv± cintentassa pavatt±na½ lokiyakusal±kusalavasena ek³nati½samanosañcetan±nameta½ adhivacana½.
Avijj±niddese dukkhe aññ±ºanti dukkhasacce aññ±ºa½, mohasseta½ adhivacana½. Esa nayo dukkhasamudaye aññ±ºanti-±d²su. Tattha cat³hi k±raºehi dukkhe aññ±ºa½ veditabba½ antogadhato vatthuto ±rammaºato paµicch±danato ca. Tath± hi ta½ dukkhasaccapariy±pannatt± dukkhe antogadha½, dukkhasaccañcassa nissayapaccayabh±vena vatthu, ±rammaºapaccayabh±vena ±rammaºa½, dukkhasacca½ eta½ paµicch±deti tassa y±th±valakkhaºapaµivedhaniv±raºena ñ±ºappavattiy± cettha appad±nena.
Dukkhasamudaye aññ±ºa½ t²hi k±raºehi veditabba½ vatthuto ±rammaºato paµicch±danato ca. Nirodhe paµipad±ya ca aññ±ºa½ ekeneva k±raºena veditabba½ paµicch±danato. Nirodhapaµipad±nañhi paµicch±dakameva aññ±ºa½ tesa½ y±th±valakkhaºapaµivedhaniv±raºena tesu ca ñ±ºappavattiy± appad±nena. Na pana ta½ tattha antogadha½ tasmi½ saccadvaye apariy±pannatt±, na tassa ta½ saccadvaya½ vatthu asahaj±tatt±, n±rammaºa½, tad±rabbha appavattanato. Pacchimañhi saccadvaya½ gambh²ratt± duddasa½, na tattha andhabh³ta½ aññ±ºa½ pavattati. Purima½ pana vacan²yattena sabh±valakkhaºassa duddasatt± gambh²ra½, tattha vipall±sag±havasena pavattati.
Apica “dukkhe”ti ett±vat± saªgahato vatthuto ±rammaºato kiccato ca avijj± d²pit±. “Dukkhasamudaye”ti ett±vat± vatthuto ±rammaºato kiccato ca. “Dukkhanirodhe dukkhanirodhag±miniy± paµipad±y±”ti ett±vat± kiccato. Avisesato pana “aññ±ºan”ti etena sabh±vato niddiµµh±ti ñ±tabb±.
Iti kho, bhikkhaveti eva½ kho, bhikkhave. Nirodho hot²ti anupp±do hoti. Apicettha sabbeheva tehi nirodhapadehi nibb±na½ desita½. Nibb±nañhi ±gamma te te dhamm± nirujjhanti, tasm± ta½ tesa½ tesa½ nirodhoti vuccati. Iti bhagav± imasmi½ sutte dv±dasahi padehi vaµµavivaµµa½ desento arahattanik³µeneva desana½ niµµhapesi. Desan±pariyos±ne vuttanayeneva pañcasat± bhikkh³ arahatte patiµµhahi½s³ti.

Vibhaªgasutta½ dutiya½.