5. M±radh²tusutta½

161. Atha kho m±ro p±pim± bhagavato santike im± nibbejan²y± g±th±yo abh±sitv± tamh± µh±n± apakkamma bhagavato avid³re pathaviya½ pallaªkena nis²di tuºh²bh³to maªkubh³to pattakkhandho adhomukho pajjh±yanto appaµibh±no kaµµhena bh³mi½ vilikhanto. Atha kho taºh± ca arati ca rag± ca m±radh²taro yena m±ro p±pim± tenupasaªkami½su; upasaªkamitv± m±ra½ p±pimanta½ g±th±ya ajjhabh±si½su–
“Ken±si dummano t±ta, purisa½ ka½ nu socasi;
maya½ ta½ r±gap±sena, ±raññamiva kuñjara½;
bandhitv± ±nayiss±ma, vasago te bhavissat²”ti.
“Araha½ sugato loke, na r±gena suv±nayo;
m±radheyya½ atikkanto, tasm± soc±maha½ bhusan”ti.
Atha kho taºh± ca arati ca rag± ca m±radh²taro yena bhagav± tenupasaªkami½su; upasaªkamitv± bhagavanta½ etadavocu½– “p±de te, samaºa, paric±rem±”ti. Atha kho bhagav± na manas±k±si, yath± ta½ anuttare upadhisaªkhaye vimutto.
Atha kho taºh± ca arati ca rag± ca m±radh²taro ekamanta½ apakkamma eva½ samacintesu½– “ucc±vac± kho puris±na½ adhipp±y±. Ya½n³na maya½ ekasata½ ekasata½ kum±rivaººasata½ abhinimmineyy±m±”ti. Atha kho taºh± ca arati ca rag± ca m±radh²taro ekasata½ ekasata½ kum±rivaººasata½ abhinimminitv± yena bhagav± tenupasaªkami½su; upasaªkamitv± bhagavanta½ etadavocu½– “p±de te, samaºa, paric±rem±”ti. Tampi bhagav± na manas±k±si, yath± ta½ anuttare upadhisaªkhaye vimutto.
Atha kho taºh± ca arati ca rag± ca m±radh²taro ekamanta½ apakkamma eva½ samacintesu½– “ucc±vac± kho puris±na½ adhipp±y± Ya½n³na maya½ ekasata½ ekasata½ avij±tavaººasata½ abhinimmineyy±m±”ti. Atha kho taºh± ca arati ca rag± ca m±radh²taro ekasata½ ekasata½ avij±tavaººasata½ abhinimminitv± yena bhagav± tenupasaªkami½su; upasaªkamitv± bhagavanta½ etadavocu½– “p±de te, samaºa, paric±rem±”ti. Tampi bhagav± na manas±k±si, yath± ta½ anuttare upadhisaªkhaye vimutto.
Atha kho taºh± ca…pe… ya½n³na maya½ ekasata½ ekasata½ saki½ vij±tavaººasata½ abhinimmineyy±m±ti. Atha kho taºh± ca…pe… saki½ vij±tavaººasata½ abhinimminitv± yena bhagav± tenupasaªkami½su; upasaªkamitv± bhagavanta½ etadavocu½– “p±de te, samaºa, paric±rem±”ti. Tampi bhagav± na manas±k±si, yath± ta½ anuttare upadhisaªkhaye vimutto.
Atha kho taºh± ca…pe… ya½n³na maya½ ekasata½ ekasata½ duvij±tavaººasata½ abhinimmineyy±m±ti. Atha kho taºh± ca…pe… duvij±tavaººasata½ abhinimminitv± yena bhagav±…pe… yath± ta½ anuttare upadhisaªkhaye vimutto. Atha kho taºh± ca…pe… majjhimitthivaººasata½ abhinimmineyy±m±ti. Atha kho taºh± ca…pe… majjhimitthivaººasata½ abhinimminitv±…pe… anuttare upadhisaªkhaye vimutto.
Atha kho taºh± ca…pe… mahitthivaººasata½ abhinimmineyy±m±ti Atha kho taºh± ca…pe… mahitthivaººasata½ abhinimminitv± yena bhagav±…pe… anuttare upadhisaªkhaye vimutto. Atha kho taºh± ca arati ca rag± ca m±radh²taro ekamanta½ apakkamma etadavocu½– sacca½ kira no pit± avoca–
“Araha½ sugato loke, na r±gena suv±nayo;
m±radheyya½ atikkanto, tasm± soc±maha½ bhusan”ti.
“Yañhi maya½ samaºa½ v± br±hmaºa½ v± av²tar±ga½ imin± upakkamena upakkameyy±ma hadaya½ v±ssa phaleyya, uºha½ lohita½ v± mukhato uggaccheyya, umm±da½ v± p±puºeyya cittakkhepa½ v±. Seyyath± v± pana na¼o harito luto ussussati visussati mil±yati; evameva ussusseyya visusseyya mil±yeyy±”ti.
Atha kho taºh± ca arati ca rag± ca m±radh²taro yena bhagav± tenupasaªkami½su; upasaªkamitv± ekamanta½ aµµha½su. Ekamanta½ µhit± kho taºh± m±radh²t± bhagavanta½ g±th±ya ajjhabh±si–
“Sok±vatiººo nu vanamhi jh±yasi,
vitta½ nu j²no uda patthay±no;
±gu½ nu g±masmimak±si kiñci,
kasm± janena na karosi sakkhi½;
sakkh² na sampajjati kenaci te”ti.
“Atthassa patti½ hadayassa santi½,
jetv±na sena½ piyas±tar³pa½;
ekoha½ [ek±ha½ (sy±. ka½. p². ka.)] jh±ya½ sukhamanubodhi½,
tasm± janena na karomi sakkhi½;
sakkh² na sampajjati kenaci me”ti.
Atha kho arati [arati ca (ka.)] m±radh²t± bhagavanta½ g±th±ya ajjhabh±si–
“Katha½ vih±r²bahulodha bhikkhu,
pañcoghatiººo atar²dha chaµµha½;
katha½ jh±yi½ [katha½ jh±ya½ (sy±. ka½. p².), kathajjh±ya½ (ka.)] bahula½ k±masaññ±,
parib±hir± honti aladdha yo tan”ti.
“Passaddhak±yo suvimuttacitto,
asaªkhar±no satim± anoko;
aññ±ya dhamma½ avitakkajh±y²,
na kuppati na sarati na thino [na kuppat² nassarat² na th²no (s².)].
“Eva½vih±r²bahulodha bhikkhu,
pañcoghatiººo atar²dha chaµµha½;
eva½ jh±yi½ bahula½ k±masaññ±,
parib±hir± honti aladdha yo tan”ti.
Atha kho rag± [rag±ca (ka.)] m±radh²t± bhagavato santike g±th±ya ajjhabh±si–
“Acchejja taºha½ gaºasaªghac±r²,
addh± carissanti [tarissanti (s².)] bah³ ca saddh±;
bahu½ vat±ya½ janata½ anoko,
acchejja nessati maccur±jassa p±ran”ti.
“Nayanti ve mah±v²r±, saddhammena tath±gat±;
dhammena nayam±n±na½, k± us³y± vij±natan”ti.
Atha kho taºh± ca arati ca rag± ca m±radh²taro yena m±ro p±pim± tenupasaªkami½su. Addas± kho m±ro p±pim± taºhañca aratiñca ragañca m±radh²taro d³ratova ±gacchantiyo. Disv±na g±th±hi ajjhabh±si–
“B±l± kumudan±¼ehi, pabbata½ abhimatthatha [abhimanthatha (s².)];
giri½ nakhena khanatha, ayo dantehi kh±datha.
“Sela½va siras³hacca [sirasi ³hacca (s².), sirasi ohacca (sy±. ka½.)], p±t±le g±dhamesatha;
kh±ºu½va uras±sajja, nibbijj±petha gotam±”ti.
“Daddallam±n± ±gañchu½, taºh± ca arat² rag±;
t± tattha panud² satth±, t³la½ bhaµµha½va m±luto”ti.

Tatiyo vaggo.

Tassudd±na½–
Sambahul± samiddhi ca, godhika½ sattavass±ni;
dh²tara½ desita½ buddha, seµµhena ima½ m±rapañcakanti.

M±rasa½yutta½ samatta½.