5. R±hulov±dasuttavaººan±

416. Vimutti½ parip±cent²ti kiles±na½ paµippassaddhivimuttibh³ta½ arahatta½ sabbaso p±centi s±dhenti nibb±pent²ti vimuttiparip±can²y±. Dhamm±ti k±raºadhamm±. Ten±ha– “visuddhik±raºavasen±”ti, arahattasaªkh±t±ya visuddhiy± samp±danavasen±ti attho. Saddhindriy±dayo visujjham±n± maggapaµip±µiy±va sabbaso assaddhiy±d²hi citta½ vimocent± aggaphalavimutti½ samp±denti. Tesa½ pana visuddhi b±laparivajjanena paº¹itapayirup±sanena pas±d±vahadhammapaccavekkhaº±ya ca hoti. Tato idha pannarasa dhamm± adhippet±ti dassento, “vuttañhetan”ti-±dim±ha.
Tattha assaddhe puggaleti saddh±rahite puggale. Te hi niss±ya na kad±ci saddh± sambhavati, tesa½ pana diµµh±nugati-±pajjanena aññadatthu asaddhiyameva va¹¹hati, tasm± te paµibhayamaggo viya d³rato vajjetabb±. Assaddhiyanti ca saddh±ya paµipakkhabh³t± asaddheyyavatthusmi½ adhimuccan±k±rena pavatt± sa½kilesadhamm± veditabb±. Saddhe puggaleti saddh±sampanne puggale. Te hi niss±ya saddheyyavatthusmi½ anuppann± uppajjati, uppann± bhiyyobh±va½ vepulla½ ±pajjati. Saddheyyavatth³ti ca buddh±d²ni ratan±ni kammakammaphal±ni ca. Sevatoti labbham±na½ saddh±sampada½ upp±detu½ va¹¹hetuñca nisevato. Sesapad±ni tasseva vevacan±ni. Atha v± sevato upasaªkamato. Bhajato tesa½ paµipattiya½ bhatti½ kubbato. Payirup±satoti tesa½ ov±d±nus±sanikaraºavasena upaµµhahato. Pas±dan²yasuttant± n±ma buddh±diguºapaµisa½yutt± pas±d±vah± sampas±dan²yasutt±dayo. Te hi paccavekkhato buddh±d²su anuppann± pasann± upajjati, uppann± bhiyyobh±va½ vepulla½ ±pajjati. Imehi t²h±k±reh²ti imehi yath±vuttehi t²hi k±raºehi. Paµipakkhad³r²bh±vato pacceka½ s³pah±rato ca ±sevana½ bh±vana½ labhanti. Saddhindriya½ visujjhati maggaphal±vahabh±vena acchati visuddhi½ p±puº±ti. Imin± nayena sesapadesupi attho veditabbo.
Aya½ pana viseso– kus²teti alase samm±paµipattiya½ nikkhittadhure. ¾raddhav²riyeti paggahitav²riye samm±paµipanne. Sammappadh±neti anuppann±na½ akusal±na½ anupp±dan±divasena pavatte catt±ro up±yappadh±ne. Paccavekkhato paµipatti½ avekkhato. Te hi paccavekkhato l²na½ abhibhavitv± sammadeva ±rambhadh±tu-±di anuppann±na½ vidhin± satisampad±ya upp±d±ya bhiyyobh±v±ya sa½vattati. Asam±hite bhantamigabhantagoºasappaµibh±ge vibbhantacitte. Sam±hite upac±rasam±dhin± appan±sam±dhin± ca sammadeva sam±hitacitte. Jh±navimokkheti savitakkasavic±r±dijh±n±ni paµham±divimokkhe ca. Tesañhi paccavekkhaº± upar³pari accantameva sam±dh±n±ya sa½vattati. Duppaññeti nippaññe, ariyadhammassa uggahaparipucch±savanasammasan±bh±vena sabbaso paññ±rahite ca. Paññavanteti vipassan±paññ±ya ceva maggapaññ±ya ca samann±gate. Gambh²rañ±ºacariyanti gambh²ra½ khandh±yatanadh±tusaccapaµiccasamupp±d±dibheda½ ñ±ºassa caritabbaµµh±na½, yattha v± gambh²rañ±ºassa cariya½ pavattati. Tattha hi paccavekkhaº± sammoha½ vidhamati, anuppann±ya paññ±ya upp±d±ya bhiyyobh±v±ya sa½vattati. Suttantakkhandheti suttasam³he.
Pubbe saddhindriy±d²na½ visuddhik±raº±ni, “vimuttiparip±can²y± dhamm±”ti vutt±n²ti idha saddh±dike aññe ca dhamme dassento, “aparep²”ti-±dim±ha. Tattha saddh±d²na½ vimuttiparip±can²yat± dassit± eva, aniccasaññ±d²na½ pana vimuttiparip±can²yat±ya vattabbameva natthi vipassan±bh±vato. Ten±ha– “ime pañca nibbedhabh±giy± saññ±”ti. Kaly±ºamittat±dayoti kaly±ºamittat± s²lasa½varo abhisallekhakath± v²riy±rambho nibbedhik± paññ± ime kaly±ºamittat±dayo pañca dhamm±. Ayamettha saªkhepo, vitth±ro pana “meghiyasuttasa½vaººan±ya½” (ud±. aµµha. 31) vuttanayena veditabbo. Loka½ volokentass±ti buddhaveneyyasattaloka½ buddhacakkhun± visesato olokentassa.
419. ¾yasmato r±hulassa indriy±na½ paripakkatt± saddhi½ paµµhapitapatthan± devat± udikkham±n± tiµµhanti,– “kad± nu kho uttari ±sav±na½ khaye vinessat²”ti. Yad± pana satth± eva½ parivitakkesi, t±vadeva sam±najjh±sayat±ya sabbak±la½ taªkhaºa½ ±gamentiyo t± devat±yo ta½ samav±ya½ disv± ekasmi½ andhavanasmi½yeva sannipatit±. Up±lissa gahapatino d²ghanakhaparibb±jakassa catusaccadhammesu dassanakiccena pavatto sot±pattimaggoti tesu suttesu (paµi. ma. aµµha. 2.2.30) paµhamamaggo “dhammacakkhun”ti vutto, tassa dassanatthassa s±tisayatt±, brahm±yuno pana phalañ±º±ni heµµhim±ni t²ºi s±tisay±n²ti brahm±yusutte(ma. ni. 2.383 ±dayo) t²ºi phal±ni “dhammacakkhun”ti vutt±ni. Ida½ panettha ±yasmato r±hulassa maggañ±ºa½ phalañ±ºañca dassanattho s±tisayo, t±hi ca devat±hi ya½ ñ±ºa½ adhigata½, ta½ s±tisayamev±ti vutta½– “imasmi½ sutte catt±ro magg±, catt±ri ca phal±ni dhammacakkhunti veditabb±n²”ti. Ki½ pana s±vak±na½ sacc±bhisamayañ±ºe atthi koci visesoti? ¾ma atthi. So ca kho pubbabh±ge vuµµh±nag±minivipassan±ya pavattiy±k±ravisesena labheyya k±ci visesamatt±. Sv±yamattho abhidhamme “no ca kho yath± diµµhippattass±”ti saddh±vimuttato diµµhippattassa kilesappah±na½ pati visesakittanena d²petabbo. Ki½ pana ±yasm± r±hulo viya t± devat± sabb± ekacitt± pageva catt±ri phal±ni adhigaºhi½s³ti? Noti dassento “tattha h²”ti-±dim±ha. Kittak± pana t± devat±ti ±ha “t±sañca pan±”ti-±di.

R±hulov±dasuttavaººan±ya l²natthappak±san± samatt±.