12. Dakkhiº±vibhaªgasuttavaººan±

376. Eva½ me sutanti dakkhiº±vibhaªgasutta½. Tattha mah±paj±pati gotam²ti gotam²ti gotta½. N±makaraºadivase panass± laddhasakk±r± br±hmaº± lakkhaºasampatti½ disv±– “sace aya½ dh²tara½ labhissati, cakkavattirañño aggamahes² bhavissati. Sace putta½ labhissati, cakkavattir±j± bhavissat²ti ubhayath±pi mahat²yevass± paj± bhavissat²”ti by±kari½su. Athass± mah±paj±pat²ti n±ma½ aka½su. Idha pana gottena saddhi½ sa½sanditv± mah±paj±patigotam²ti vutta½. Navanti ahata½. S±ma½ v±yitanti na sahattheneva v±yita½, ekadivasa½ pana dh±tigaºaparivut± sippik±na½ v±yanaµµh±na½ ±gantv± vemakoµi½ gahetv± v±yan±k±ra½ ak±si. Ta½ sandh±yeta½ vutta½.
Kad± pana gotamiy± bhagavato dussayuga½ d±tu½ citta½ uppannanti. Abhisambodhi½ patv± paµhamagamanena kapilapura½ ±gatak±le. Tad± hi piº¹±ya paviµµha½ satth±ra½ gahetv± suddhodanamah±r±j± saka½ nivesana½ pavesesi, atha bhagavato r³pasobhagga½ disv± mah±paj±patigotam² cintesi– “sobhati vata me puttassa attabh±vo”ti. Athass± balavasomanassa½ uppajji. Tato cintesi– “mama puttassa ek³nati½sa vass±ni ag±ramajjhe vasantassa antamaso mocaphalamattampi may± dinnakameva ahosi, id±nipissa c²varas±µaka½ dass±m²”ti. “Imasmi½ kho pana r±jagehe bah³ni mahaggh±ni vatth±ni atthi, t±ni ma½ na tosenti, sahatth± katameva ma½ toseti, sahatth± katv± dass±m²”ti citta½ upp±desi.
Athantar±paº± kapp±sa½ ±har±petv± sahattheneva pisitv± pothetv± sukhumasutta½ kantitv± antovatthusmi½yeva s±la½ k±r±petv± sippike pakkos±petv± sippik±na½ attano paribhogakh±dan²yabhojan²yameva datv± v±y±pesi, k±l±nuk±lañca dh±tigaºaparivut± gantv± vemakoµi½ aggahesi. Niµµhitak±le sippik±na½ mah±sakk±ra½ katv± dussayuga½ gandhasamugge pakkhipitv± v±sa½ g±h±petv±– “mayha½ puttassa c²varas±µaka½ gahetv± gamiss±m²”ti rañño ±rocesi R±j± magga½ paµiy±d±pesi, v²thiyo sammajjitv± puººaghaµe µhapetv± dhajapaµ±k± uss±petv± r±jagharadv±rato paµµh±ya y±va nigrodh±r±m± magga½ paµiy±d±petv± pupph±bhikiººa½ aka½su. Mah±paj±patipi sabb±laªk±ra½ alaªkaritv± dh±tigaºaparivut± samugga½ s²se µhapetv± bhagavato santika½ gantv± ida½ me, bhante, nava½ dussayuganti-±dim±ha.
Dutiyampi khoti “saªghe gotami deh²”ti vutte– “pahomaha½, bhante, dussakoµµh±g±rato bhikkhusatass±pi bhikkhusahassass±pi bhikkhusatasahassass±pi c²varaduss±ni d±tu½, ida½ pana me bhagavanta½ uddissa s±ma½ kanta½ s±ma½ v±yita½, ta½ me, bhante, bhagav± paµiggaºh±t³”ti nimantayam±n± ±ha. Eva½ y±vatatiya½ y±ci, bhagav±pi paµikkhipiyeva.
Kasm± pana bhagav± attano diyyam±na½ bhikkhusaªghassa d±pet²ti? M±tari anukamp±ya. Eva½ kirassa ahosi– “imiss± ma½ ±rabbha pubbacetan± muñcacetan± paracetan±ti tisso cetan± uppann±, bhikkhusaªghampiss± ±rabbha uppajjantu, evamass± cha cetan± ekato hutv± d²gharatta½ hit±ya sukh±ya pavattissant²”ti. Vitaº¹av±d² pan±ha– “saªghe dinna½ mahapphalanti tasm± eva½ vuttan”ti. So vattabbo– “ki½ tva½ satthu dinnato saªghe dinna½ mahapphalatara½ vadas²”ti ±ma vad±m²ti. Sutta½ ±har±ti. Saªghe gotami dehi, saªghe te dinne ahañceva p³jito bhaviss±mi saªgho c±ti. Ki½ panassa suttassa ayameva atthoti ¾ma ayamev±ti. Yadi eva½ “tena h±nanda, vigh±s±d±na½ p³va½ deh²”ti ca (p±ci. 269) “tena hi tva, kacc±na, vigh±s±d±na½ gu¼a½ deh²”ti (mah±va. 284) ca vacanato vigh±s±d±na½ dinna½ mahapphalatarañca bhaveyya. Evampi hi “satth± attano diyyam±na½ d±pet²”ti. R±jar±jamah±matt±dayopi attano ±gata½ paºº±k±ra½ hatthigopak±d²na½ d±penti, te r±j±d²hi mahantatar± bhaveyyu½. Tasm± m± eva½ gaºha–
“Nayimasmi½ loke parasmi½ v± pana,
buddhena seµµho sadiso v± vijjati;
yam±huneyy±namaggata½ gato,
puññatthik±na½ vipulaphalesinan”ti.–
Vacanato hi satth±r± uttaritaro dakkhiºeyyo n±ma natthi. Evamass± cha cetan± ekato hutv± d²gharatta½ hit±ya sukh±ya bhavissant²ti sandh±ya y±vatatiya½ paµib±hitv± saªghassa d±pesi.
Pacchim±ya janat±ya saªghe citt²k±rajananattha½ c±pi evam±ha. Eva½ kirassa ahosi– “aha½ na ciraµµhitiko, mayha½ pana s±sana½ bhikkhusaªghe patiµµhahissati, pacchim± janat± saªghe citt²k±ra½ janet³”ti y±vatatiya½ paµib±hitv± saªghassa d±pesi. Evañhi sati– “satth± attano diyyam±nampi saªghassa d±pesi, saªgho n±ma dakkhiºeyyo”ti pacchim± janat± saªghe citt²k±ra½ upp±detv± catt±ro paccaye d±tabbe maññissati, saªgho cat³hi paccayehi akilamanto buddhavacana½ uggahetv± samaºadhamma½ karissati. Eva½ mama s±sana½ pañca vassasahass±ni µhassat²ti. “Paµiggaºh±tu, bhante, bhagav±”ti vacanatopi ceta½ veditabba½ “satth±r± uttaritaro dakkhiºeyyo n±ma natth²”ti. Na hi ±nandattherassa mah±paj±patiy± ±gh±to v± vera½ v± atthi. Na thero– “tass± dakkhiº± m± mahapphal± ahos²”ti icchati. Paº¹ito hi thero bahussuto sekkhapaµisambhid±patto so satthu dinnassa mahapphalabh±ve sampassam±nova paµiggaºh±tu, bhante, bhagav±ti gahaºattha½ y±ci.
Puna vitaº¹av±d² ±ha– “saªghe te dinne ahañceva p³jito bhaviss±mi saªgho c±”ti vacanato satth± saªghapariy±panno v±ti. So vattabbo– “j±n±si pana tva½ kati saraº±ni, kati aveccappas±d±”ti j±nanto t²º²ti vakkhati, tato vattabbo– tava laddhiy± satthu saªghapariy±pannatt± dveyeva honti. Eva½ sante ca– “anuj±n±mi, bhikkhave, imehi t²hi saraºagamanehi pabbajja½ upasampadan”ti (mah±va. 34) eva½ anuññ±t± pabbajj±pi upasampad±pi na ruhati. Tato tva½ neva pabbajito asi, na gihi. Samm±sambuddhe ca gandhakuµiya½ nisinne bhikkh³ uposathampi pav±raºampi saªghakamm±nipi karonti, t±ni satthu saªghapariy±pannatt± kupp±ni bhaveyyu½, na ca honti. Tasm± na vattabbameta½ “satth± saªghapariy±panno”ti.
377. ¾p±dik±ti sa½va¹¹hik±, tumh±ka½ hatthap±desu hatthap±dakicca½ as±dhentesu hatthe ca p±de ca va¹¹hetv± paµijaggik±ti attho. Posik±ti divasassa dve tayo v±re nh±petv± bhojetv± p±yetv± tumhe posesi. Thañña½ p±yes²ti nandakum±ro kira bodhisattato katip±heneva daharo, tasmi½ j±te mah±paj±pati attano putta½ dh±t²na½ datv± saya½ bodhisattassa dh±tikicca½ s±dhayam±n± attano thañña½ p±yesi. Ta½ sandh±ya thero evam±ha. Iti mah±paj±patiy± bah³pak±rata½ kathetv± id±ni tath±gatassa bah³pak±rata½ dassento bhagav±pi, bhanteti-±dim±ha. Tattha bhagavanta½, bhante, ±gamm±ti bhagavanta½ paµicca niss±ya sandh±ya.
378. Atha bhagav± dv²su upak±resu atirekatara½ anumodanto evametanti-±dim±ha. Tattha ya½ h±nanda, puggalo puggala½ ±gamm±ti ya½ ±cariyapuggala½ antev±sikapuggalo ±gamma. Imass±nanda, puggalassa imin± puggalen±ti imassa ±cariyapuggalassa imin± antev±sikapuggalena. Na suppaµik±ra½ vad±m²ti pacc³pak±ra½ na sukara½ vad±mi, abhiv±dan±d²su ±cariya½ disv± abhiv±danakaraºa½ abhiv±dana½ n±ma. Yasmi½ v± dis±bh±ge ±cariyo vasati, iriy±pathe v± kappento tadabhimukho vanditv± gacchati, vanditv± nis²dati, vanditv± nipajjati, ±cariya½ pana d³ratova disv± paccuµµh±ya paccuggamanakaraºa½ paccuµµh±na½ n±ma. ¾cariya½ pana disv± añjali½ paggayha s²se µhapetv± ±cariya½ namassati, yasmi½ v± dis±bh±ge so vasati, tadabhimukhopi tatheva namassati, gacchantopi µhitopi nisinnopi añjali½ paggayha namassatiyev±ti ida½ añjalikamma½ n±ma. Anucchavikakammassa pana karaºa½ s±m²cikamma½ n±ma. C²var±d²su c²vara½ dento na ya½ v± ta½ v± deti, mahaggha½ satam³likampi pañcasatam³likampi sahassam³likampi detiyeva Piº¹ap±t±d²supi eseva nayo. Ki½ bahun±, cat³hi paº²tapaccayehi cakkav±¼antara½ p³retv± sinerupabbatena k³µa½ gahetv± dentopi ±cariyassa anucchavika½ kiriya½ k±tu½ na sakkotiyeva.
379. Cuddasa kho panim±ti kasm± ±rabhi? Ida½ sutta½ p±µipuggalika½ dakkhiºa½ ±rabbha samuµµhita½. ¾nandattheropi “paµiggaºh±tu, bhante, bhagav±”ti p±µipuggalikadakkhiºa½yeva sam±dapeti, cuddasasu ca µh±nesu dinnad±na½ p±µipuggalika½ n±ma hot²ti dassetu½ ima½ desana½ ±rabhi. Aya½ paµham±ti aya½ dakkhiº± guºavasenapi paµham± jeµµhakavasenapi. Ayañhi paµham± agg± jeµµhik±, imiss± dakkhiº±ya pam±ºa½ n±ma natthi. Dutiyatatiy±pi paramadakkhiº±yeva, ses± paramadakkhiºabh±va½ na p±puºanti. B±hirake k±mesu v²tar±geti kammav±dikiriyav±dimhi lokiyapañc±bhiññe. Puthujjanas²lavanteti puthujjanas²lav± n±ma gos²ladh±tuko hoti, asaµho am±y±v² para½ ap²¼etv± dhammena samena kasiy± v± vaºijj±ya v± j²vika½ kappet±. Puthujjanaduss²leti puthujjanaduss²l± n±ma kevaµµamacchabandh±dayo para½ p²¼±ya j²vika½ kappet±.
Id±ni p±µipuggalikadakkhiº±ya vip±ka½ paricchindanto tatr±nand±ti-±dim±ha. Tattha tiracch±nagateti ya½ guºavasena upak±ravasena posanattha½ dinna½, ida½ na gahita½. Yampi ±lopa-a¹¹ha-±lopamatta½ dinna½, tampi na gahita½. Ya½ pana sunakhas³karakukkuµak±k±d²su yassa kassaci sampattassa phala½ paµikaªkhitv± y±vadattha½ dinna½, ida½ sandh±ya vutta½ “tiracch±nagate d±na½ datv±”ti. Sataguº±ti sat±nisa½s±. P±µikaªkhitabb±ti icchitabb±. Ida½ vutta½ hoti– aya½ dakkhiº± ±yusata½ vaººasata½ sukhasata½ balasata½ paµibh±nasatanti pañca ±nisa½sasat±ni deti, attabh±vasate ±yu½ deti, vaººa½, sukha½, bala½, paµibh±na½ deti, nipparitasa½ karoti. Bhavasatepi vutte ayameva attho. Imin± up±yena sabbattha nayo netabbo.
Sot±pattiphalasacchikiriy±ya paµipanneti ettha heµµhimakoµiy± tisaraºa½ gato up±sakopi sot±pattiphalasacchikiriy±ya paµipanno n±ma, tasmi½ dinnad±nampi asaªkhyeyya½ appameyya½. Pañcas²le patiµµhitassa tato uttari mahapphala½, dasas²le patiµµhitassa tato uttari, tadahupabbajitassa s±maºerassa tato uttari, upasampannabhikkhuno tato uttari, upasampannasseva vattasampannassa tato uttari, vipassakassa tato uttari, ±raddhavipassakassa tato uttari, uttamakoµiy± pana maggasamaªg² sot±pattiphalasacchikiriy±ya paµipanno n±ma. Etassa dinnad±na½ tato uttari mahapphalameva.
Ki½ pana maggasamaªgissa sakk± d±na½ d±tunti? ¾ma sakk±. ¾raddhavipassako hi pattac²varam±d±ya g±ma½ piº¹±ya pavisati, tassa gehadv±re µhitassa hatthato patta½ gahetv± kh±dan²yabhojan²ya½ pakkhipanti. Tasmi½ khaºe bhikkhuno maggavuµµh±na½ hoti, ida½ d±na½ maggasamaªgino dinna½ n±ma hoti. Atha v± panesa ±sanas±l±ya nisinno hoti, manuss± gantv± patte kh±dan²yabhojan²ya½ µhapenti, tasmi½ khaºe tassa maggavuµµh±na½ hoti, idampi d±na½ maggasamaªgino dinna½ n±ma. Atha v± panassa vih±re v± ±sanas±l±ya v± nisinnassa up±sak± patta½ ±d±ya attano ghara½ gantv± kh±dan²yabhojan²ya½ pakkhipanti, tasmi½ khaºe tassa maggavuµµh±na½ hoti, idampi d±na½ maggasamaªgino dinna½ n±ma. Tattha soº¹iya½ udakassa viya sot±pattiphalasacchikiriy±ya paµipanne dinnad±nassa asaªkhyeyyat± veditabb±. T±su t±su mah±nad²su mah±samudde ca udakassa viya sot±pann±d²su dinnad±nassa uttaritaravasena asaªkhyeyyat± veditabb±. Pathaviy± khayamaº¹alamatte padese pa½su½ ±di½ katv± y±va mah±pathaviy± pa½suno appameyyat±yapi ayamattho d²petabbo.
380. Satta kho panim±ti kasm± ±rabhi? “Saªghe gotami dehi, saªghe te dinne ahañceva p³jito bhaviss±mi saªgho c±”ti hi vutta½, tattha sattasu µh±nesu dinnad±na½ saªghe dinna½ n±ma hot²ti dassetu½ ima½ desana½ ±rabhi. Tattha buddhappamukhe ubhatosaªgheti ekato bhikkhusaªgho, ekato bhikkhunisaªgho, satth± majjhe nisinno hot²ti aya½ buddhappamukho ubhatosaªgho n±ma. Aya½ paµham±ti im±ya dakkhiº±ya samappam±º± dakkhiº± n±ma natthi. Dutiyadakkhiº±dayo pana eta½ paramadakkhiºa½ na p±puºanti.
Ki½ pana tath±gate parinibbute buddhappamukhassa ubhatosaªghassa d±na½ d±tu½ sakk±ti? Sakk±. Katha½? Ubhatosaªghassa hi pamukhe sadh±tuka½ paµima½ ±sane µhapetv± ±dh±raka½ µhapetv± dakkhiºodaka½ ±di½ katv± sabba½ satthu paµhama½ datv± ubhatosaªghassa d±tabba½, eva½ buddhappamukhassa ubhatosaªghassa d±na½ dinna½ n±ma hoti. Tattha ya½ satthu dinna½, ta½ ki½ k±tabbanti? Yo satth±ra½ paµijaggati vattasampanno bhikkhu, tassa d±tabba½. Pitusantakañhi puttassa p±puº±ti, bhikkhusaªghassa d±tumpi vaµµati, sappitel±ni pana gahetv± d²p± jalitabb±, s±µaka½ gahetv± paµ±k± ±ropetabb±ti. Bhikkhusaªgheti aparicchinnakamah±bhikkhusaªghe. Bhikkhunisaªghepi eseva nayo.
Gotrabhunoti gottamattakameva anubhavam±n±, n±mamattasamaº±ti attho. K±s±vakaºµh±ti k±s±vakaºµhan±mak±. Te kira eka½ k±s±vakhaº¹a½ hatthe v± g²v±ya v± bandhitv± vicarissanti Gharadv±ra½ pana tesa½ puttabhariy± kasivaºijj±dikamm±ni ca p±katik±neva bhavissanti. Tesu duss²lesu saªgha½ uddissa d±na½ dassant²ti ettha duss²lasaªghanti na vutta½. Saªgho hi duss²lo n±ma natthi. Duss²l± pana up±sak± tesu duss²lesu bhikkhusaªgha½ uddissa saªghassa dem±ti d±na½ dassanti. Iti bhagavat± buddhappamukhe saªghe dinnadakkhiº±pi guºasaªkh±ya asaªkhyeyy±ti vutta½. K±s±vakaºµhasaªghe dinnadakkhiº±pi guºasaªkh±yeva asaªkhyeyy±ti vutt±. Saªghagat± dakkhiº± hi saªghe citt²k±ra½ k±tu½ sakkontassa hoti, saªghe pana citt²k±ro dukkaro hoti.
Yo hi saªghagata½ dakkhiºa½ dass±m²ti deyyadhamma½ paµiy±detv± vih±ra½ gantv±,– “bhante, saªgha½ uddissa eka½ thera½ deth±”ti vadati, atha saªghato s±maºera½ labhitv± “s±maºero me laddho”ti aññathatta½ ±pajjati, tassa dakkhiº± saªghagat± na hoti. Mah±thera½ labhitv±pi “mah±thero me laddho”ti somanassa½ upp±dentass±pi na hotiyeva. Yo pana s±maºera½ v± upasampanna½ v± dahara½ v± thera½ v± b±la½ v± paº¹ita½ v± ya½kiñci saªghato labhitv± nibbematiko hutv± saªghassa dem²ti saªghe citt²k±ra½ k±tu½ sakkoti, tassa dakkhiº± saªghagat± n±ma hoti. Parasamuddav±sino kira eva½ karonti.
Tattha hi eko vih±ras±mi kuµumbiko “saªghagata½ dakkhiºa½ dass±m²”ti saªghato uddisitv± eka½ bhikkhu½ deth±ti y±ci. So eka½ duss²labhikkhu½ labhitv± nisinnaµµh±na½ opuñj±petv± ±sana½ paññ±petv± upari vit±na½ bandhitv± gandhadh³mapupphehi p³jetv± p±de dhovitv± telena makkhetv± buddhassa nipaccak±ra½ karonto viya saªghe citt²k±rena deyyadhamma½ ad±si. So bhikkhu pacch±bhatta½ vih±rajagganatth±ya kud±laka½ deth±ti gharadv±ra½ ±gato, up±sako nisinnova kud±la½ p±dena khipitv± “gaºh±”ti ad±si. Tamena½ manuss± ±ha½su– “tumhehi p±tova etassa katasakk±ro vattu½ na sakk±, id±ni upac±ramattakampi natthi, ki½ n±metan”ti. Up±sako– “saªghassa so ayy± citt²k±ro, na etass±”ti ±ha. K±s±vakaºµhasaªghassa dinnadakkhiºa½ pana ko sodhet²ti? S±riputtamoggall±n±dayo as²ti mah±ther± sodhent²ti. Apica ther± ciraparinibbut±, there ±di½ katv± y±vajja dharam±n± kh²º±sav± sodhentiyeva.
Na tvev±ha½ ±nanda, kenaci pariy±yena saªghagat±ya dakkhiº±y±ti ettha atthi buddhappamukho saªgho, atthi etarahi saªgho, atthi an±gate k±s±vakaºµhasaªgho. Buddhappamukho saªgho etarahi saªghena na upanetabbo, etarahi saªgho an±gate k±s±vakaºµhasaªghena saddhi½ na upanetabbo. Tena teneva samayena kathetabba½. Saªghato uddisitv± gahitasamaºaputhujjano hi p±µipuggaliko sot±panno, saªghe citt²k±ra½ k±tu½ sakkontassa puthujjanasamaºe dinna½ mahapphalatara½. Uddisitv± gahito sot±panno p±µipuggaliko sakad±g±m²ti-±d²supi eseva nayo. Saªghe citt²k±ra½ k±tu½ sakkontassa hi kh²º±save dinnad±nato uddisitv± gahite duss²lepi dinna½ mahapphalatarameva Ya½ pana vutta½ “s²lavato kho, mah±r±ja, dinna½ mahapphala½, no tath± duss²le”ti, ta½ ima½ naya½ pah±ya “catasso kho im±nanda, dakkhiº± visuddhiyo”ti imasmi½ catukke daµµhabba½.
381. D±yakato visujjhat²ti mahapphalabh±vena visujjhati, mahapphal± hot²ti attho. Kaly±ºadhammoti sucidhammo, na p±padhammo. D±yakato visujjhat²ti cettha vessantaramah±r±j± kathetabbo. So hi j³jakabr±hmaºassa d±rake datv± pathavi½ kampesi.
Paµigg±hakato visujjhat²ti ettha kaly±º²nad²mukhadv±rav±sikevaµµo kathetabbo. So kira d²ghasomattherassa tikkhattumpi piº¹ap±ta½ datv± maraºamañce nipanno “ayyassa ma½ d²ghasomattherassa dinnapiº¹ap±to uddharat²”ti ±ha.
Neva d±yakatoti ettha va¹¹ham±nav±siluddako kathetabbo. So kira petadakkhiºa½ dento ekassa duss²lasseva tayo v±re ad±si, tatiyav±re “amanusso duss²lo ma½ vilumpat²”ti viravi, ekassa s²lavantabhikkhuno datv± p±pitak±leyevassa p±puºi.
D±yakato ceva visujjhat²ti ettha asadisad±na½ kathetabba½.
S± dakkhiº± d±yakato visujjhat²ti ettha yath± n±ma cheko kassako as±rampi khetta½ labhitv± samaye kasitv± pa½su½ apanetv± s±rab²j±ni patiµµhapetv± rattindiva½ ±rakkhe pam±da½ an±pajjanto aññassa s±rakhettato adhikatara½ dhañña½ labhati, eva½ s²lav± duss²lassa datv±pi phala½ mahanta½ adhigacchat²ti. Imin± up±yena sabbapadesu visujjhana½ veditabba½.
V²tar±go v²tar±ges³ti ettha v²tar±go n±ma an±g±m², arah± pana ekantav²tar±gova, tasm± arahat± arahato dinnad±nameva agga½. Kasm±? Bhav±layassa bhavapatthan±ya abh±vato. Nanu kh²º±savo d±naphala½ na saddahat²ti? D±naphala½ saddahant± kh²º±savasadis± na honti. Kh²º±savena katakamma½ pana nicchandar±gatt± kusala½ v± akusala½ v± na hoti, kiriyaµµh±ne tiµµhati, tenevassa d±na½ agga½ hot²ti vadanti.
Ki½ pana samm±sambuddhena s±riputtattherassa dinna½ mahapphala½, ud±hu s±riputtattherena samm±sambuddhassa dinnanti. Samm±sambuddhena s±riputtattherassa dinna½ mahapphalanti vadanti. Samm±sambuddhañhi µhapetv± añño d±nassa vip±ka½ j±nitu½ samattho n±ma natthi. D±nañhi cat³hi sampad±hi d±tu½ sakkontassa tasmi½yeva attabh±ve vip±ka½ deti. Tatrim± sampad±– deyyadhammassa dhammena samena para½ ap²¼etv± uppannat±, pubbacetan±divasena cetan±ya mahattat±, kh²º±savabh±vena guº±tirekat±, ta½divasa½ nirodhato vuµµhitabh±vena vatthusampannat±ti.

Papañcas³daniy± majjhimanik±yaµµhakath±ya

Dakkhiº±vibhaªgasuttavaººan± niµµhit±.

Catutthavaggavaººan± niµµhit±.