205. K±la½ karot²ti na vij±tabh±vapaccay±, ±yuparikkhayeneva. Bodhisattena vasitaµµh±nańhi cetiyakuµisadisa½ hoti ańńesa½ aparibhoga½, na ca sakk± bodhisattam±tara½ apanetv± ańńa½ aggamahesiµµh±ne µhapetunti tattaka½yeva bodhisattam±tu ±yuppam±ŗa½ hoti, tasm± tad± k±la½ karoti. Katarasmi½ pana vaye k±la½ karot²ti? Majjhimavaye. Paµhamavayasmińhi satt±na½ attabh±ve chandar±go balav± hoti, tena tad± sańj±tagabbh± itth² ta½ gabbha½ anurakkhitu½ na sakkonti, gabbho bahv±b±dho hoti. Majjhimavayassa pana dve koµµh±se atikkamma tatiyakoµµh±se vatthu½ visada½ hoti, visade vatthumhi nibbatt± d±rak± arog± honti. Tasm± bodhisattam±t±pi paµhamavaye sampatti½ anubhavitv± majjhimavayassa tatiyakoµµh±se vij±yitv± k±la½ karoti.
Nava v± dasa v±ti ettha v±-saddena vikappanavasena satta v± aµµha v± ek±dasa v± dv±dasa v±ti evam±d²nampi saŖgaho veditabbo. Tattha sattam±saj±to j²vati, s²tuŗhakkhamo pana na hoti. Aµµham±saj±to na j²vati, ses± j²vanti.
Żhit±v±ti µhit±va hutv±. Mah±m±y±pi dev² upavijańń± ń±tikulaghara½ gamiss±m²ti rańńo ±rocesi. R±j± kapilavatthuto devadahanagarag±mimagga½ alaŖk±r±petv± devi½ suvaŗŗasivik±ya nis²d±pesi. Sakalanagarav±sino saky± pariv±retv± gandham±l±d²hi p³jayam±n± devi½ gahetv± p±yi½su. S± devadahanagarassa avid³re lumbinis±lavanuyy±na½ disv± uyy±navicaraŗatth±ya citta½ upp±detv± rańńo sańńa½ ad±si. R±j± uyy±na½ paµijagg±petv± ±rakkha½ sa½vidah±pesi. Deviy± uyy±na½ paviµµhamatt±ya k±yadubbalya½ ahosi, athass± maŖgalas±lam³le sir²sayana½ pańń±petv± s±ŗiy± parikkhipi½su. S± antos±ŗi½ pavisitv± s±las±kha½ hatthena gahetv± aµµh±si. Athass± t±vadeva gabbhavuµµh±na½ ahosi.
Dev± na½ paµhama½ paµiggaŗhant²ti kh²ŗ±sav± suddh±v±sabrahm±no paµiggaŗhanti. Katha½? S³tivesa½ gaŗhitv±ti eke. Ta½ pana paµikkhipitv± ida½ vutta½– tad± bodhisattam±t± suvaŗŗakhacita½ vattha½ niv±setv± macchakkhisadisa½ duk³lapaµa½ y±va p±dant±va p±rupitv± aµµh±si. Athass± sallahuka½ gabbhavuµµh±na½ ahosi dhammakaraŗato udakanikkhamanasadisa½. Atha te pakatibrahmaveseneva upasaŖkamitv± paµhama½ suvaŗŗaj±lena paµiggahesu½. Tesa½ hatthato manuss± duk³lacumbaµakena paµiggahesu½. Tena vutta½– “dev± na½ paµhama½ paµiggaŗhanti pacch± manuss±”ti.
206. Catt±ro na½ devaputt±ti catt±ro mah±r±j±no. Paµiggahetv±ti ajinappaveŗiy± paµiggahetv±. Mahesakkhoti mah±tejo mah±yaso lakkhaŗasampannoti attho.
Visadova nikkhamat²ti yath± ańńe satt± yonimagge laggant± bhaggavibhagg± nikkhamanti, na eva½ nikkhamati, alaggo hutv± nikkhamat²ti attho. Uden±ti udakena. Kenaci asucin±ti yath± ańńe satt± kammajav±tehi uddha½p±d± adhosir± yonimagge pakkhitt± sataporisanarakapap±ta½ patant± viya t±¼acchiddena nikka¹¹hiyam±n± hatth² viya mah±dukkha½ anubhavant± n±n±-asucimakkhit±va nikkhamanti, na eva½ bodhisatto. Bodhisattańhi kammajav±t± uddha½p±da½ adhosira½ k±tu½ na sakkonti. So dhamm±sanato otaranto dhammakathiko viya nisseŗito otaranto puriso viya ca dve hatthe ca p±de ca pas±retv± µhitakova m±tukucchisambhavena kenaci asucin± amakkhitova nikkhamati.
Udakassa dh±r±ti udakavaµµiyo. T±su s²t± suvaŗŗakaµ±he patati, uŗh± rajatakaµ±he. Idańca pathav²tale kenaci asucin± asammissa½ tesa½ p±n²yaparibhojan²ya-udakańceva ańńehi as±dh±raŗa½ k²¼ana-udakańca dassetu½ vutta½. Ańńassa pana suvaŗŗarajataghaµehi ±hariyam±na-udakassa ceva ha½savaµµak±dipokkharaŗigatassa ca udakassa paricchedo natthi.
207. Sampatij±toti muhuttaj±to. P±¼iya½ pana m±tukucchito nikkhantamatto viya dassito, na pana eva½ daµµhabba½. Nikkhantamattańhi ta½ paµhama½ brahm±no suvaŗŗaj±lena paµiggaŗhi½su, tesa½ hatthato catt±ro mah±r±j±no maŖgalasammat±ya sukhasamphass±ya ajinappaveŗiy±, tesa½ hatthato manuss± duk³lacumbaµakena, manuss±na½ hatthato muccitv± pathaviya½ patiµµhito.
Setamhi chatte anudh±riyam±neti dibbasetacchatte anudh±riyam±ne. Ettha ca chattassa pariv±r±ni khagg±d²ni pańca r±jakakudhabhaŗ¹±nipi ±gat±neva. P±¼iya½ pana r±jagamane r±j± viya chattameva vutta½. Tesu chattameva pańń±yati, na chattagg±hak±. Tath± khagga-t±lavaŗµa-morahatthaka-v±¼ab²jani-uŗh²samatt±yeva pańń±yanti, na tesa½ g±hak±. Sabb±ni kira t±ni adissam±nar³p± devat± gaŗhi½su. Vuttampi ceta½–
“Anekas±khańca sahassamaŗ¹ala½,
chatta½ mar³ dh±rayumantalikkhe;
suvaŗŗadaŗ¹± vipatanti c±mar±,
na dissare c±marachattag±hak±”ti. (Su. ni. 693).
Sabb± ca dis±ti ida½ sattapadav²tih±r³pari µhitassa viya sabbadis±nuvilokana½ vutta½, na kho paneva½ daµµhabba½. Mah±satto hi manuss±na½ hatthato muccitv± puratthimadisa½ olokesi, anekacakkav±¼asahass±ni ekaŖgaŗ±ni ahesu½. Tattha devamanuss± gandham±l±d²hi p³jayam±n±– “mah±purisa idha tumhehi sadisopi natthi, kuto uttaritaro”ti ±ha½su. Eva½ catasso dis±, catasso anudis±, heµµh±, upar²ti dasapi dis± anuviloketv± attan± sadisa½ adisv± aya½ uttar± dis±ti sattapadav²tih±rena agam±s²ti evamettha attho daµµhabbo. ¾sabhinti uttama½. Aggoti guŗehi sabbapaµhamo. Itar±ni dve pad±ni etasseva vevacan±ni. Ayamantim± j±ti, natthi d±ni punabbhavoti padadvayena imasmi½ attabh±ve pattabba½ arahatta½ by±k±si.
Ettha ca samehi p±dehi pathaviya½ patiµµh±na½ catu-iddhip±dapaµil±bhassa pubbanimitta½, uttar±bhimukhabh±vo mah±jana½ ajjhottharitv± abhibhavitv± gamanassa pubbanimitta½ sattapadagamana½ sattabojjhaŖgaratanapaµil±bhassa pubbanimitta½, dibbasetacchattadh±raŗa½ vimutticchattapaµil±bhassa pubbanimitta½, pańcar±jakakudhabhaŗ¹±ni pańcahi vimutt²hi vimuccanassa pubbanimitta½, dis±nuvilokana½ an±varaŗań±ŗapaµil±bhassa pubbanimitta½, ±sabh²v±c±bh±sana½ appaµivattiyadhammacakkappavattanassa pubbanimitta½. “Ayamantim± j±t²”ti s²han±do anup±dises±ya nibb±nadh±tuy± parinibb±nassa pubbanimittanti veditabba½. Ime v±r± p±¼iya½ ±gat±, sambahulav±ro pana ±gato, ±haritv± d²petabbo.
Mah±purisassa hi j±tadivase dasasahassilokadh±tu kampi. Dasasahassilokadh±tumhi devat± ekacakkav±¼e sannipati½su. Paµhama½ dev± paµiggahi½su, pacch± manuss±. Tantibaddh± v²ŗ± cammabaddh± bheriyo ca kenaci av±dit± sayameva vajji½su, manuss±na½ andubandhan±d²ni khaŗ¹±khaŗ¹a½ bhijji½su. Sabbarog± ambilena dhotatambamala½ viya vigacchi½su, jaccandh± r³p±ni passi½su. Jaccabadhir± sadda½ suŗi½su, p²µhasapp² javanasampann± ahesu½, j±tija¼±nampi e¼am³g±na½ sati patiµµh±si, videse pakkhandan±v± supaµµana½ p±puŗi½su, ±k±saµµhakabh³maµµhakaratan±ni sakatejobh±sit±ni ahesu½, verino mettacitta½ paµilabhi½su, av²cimhi aggi nibb±yi. Lokantare ±loko udap±di, nad²su jala½ na pavatti, mah±samuddesu madhurasadisa½ udaka½ ahosi, v±to na v±yi, ±k±sapabbatarukkhagat± sakuŗ± bhassitv± pathav²gat± ahesu½, cando atiroci, s³riyo na uŗho na s²talo nimmalo utusampanno ahosi, devat± attano attano vim±nadv±re µhatv± apphoµanase¼anacelukkhep±d²hi mah±k²¼a½ k²¼i½su, c±tudd²pikamah±megho vassi, mah±jana½ neva khud± na pip±s± p²¼esi, dv±rakav±µ±ni sayameva vivari½su, pupph³pagaphal³pag± rukkh± pupphaphal±ni gaŗhi½su, dasasahassilokadh±tu ekaddhajam±l± ahos²ti.
Tatr±pissa dasasahassilokadh±tukampo sabbańńutań±ŗapaµil±bhassa pubbanimitta½, devat±na½ ekacakkav±¼e sannip±to dhammacakkappavattanak±le ekappah±rena sannipatitv± dhammapaµiggaŗhanassa pubbanimitta½, paµhama½ devat±na½ paµiggahaŗa½ catunna½ r³p±vacarajjh±n±na½ paµil±bhassa pubbanimitta½. Pacch± manuss±na½ paµiggahaŗa½ catunna½ ar³pajjh±n±na½ paµil±bhassa pubbanimitta½, tantibaddhav²ŗ±na½ saya½ vajjana½ anupubbavih±rapaµil±bhassa pubbanimitta½, cammabaddhabher²na½ vajjana½ mahatiy± dhammabheriy± anuss±vanassa pubbanimitta½, andubandhan±d²na½ chedo asmim±nasamucchedassa pubbanimitta½, sabbarogavigamo sabbakilesavigamassa pubbanimitta½, jaccandh±na½ r³padassana½ dibbacakkhupaµil±bhassa pubbanimitta½, jaccabadhir±na½ saddassavana½ dibbasotadh±tupaµil±bhassa pubbanimitta½ p²µhasapp²na½ javanasampad± catu-iddhip±d±dhigamassa pubbanimitta½, ja¼±na½ satipatiµµh±na½ catusatipaµµh±napaµil±bhassa pubbanimitta½, videsapakkhandan±v±na½ supaµµanasamp±puŗana½ catupaµisambhid±dhigamassa pubbanimitta½, ratan±na½ sakatejobh±sitatta½ ya½ lokassa dhammobh±sa½ dassessati tassa pubbanimitta½.
Ver²na½ mettacittapaµil±bho catubrahmavih±rapaµil±bhassa pubbanimitta½, av²cimhi agginibb±na½ ek±dasa-agginibb±nassa pubbanimitta½, lokantar±loko avijjandhak±ra½ vidhamitv± ń±ŗ±lokadassanassa pubbanimitta½, mah±samuddassa madhurat± nibb±narasena ekarasabh±vassa pubbanimitta½, v±tassa av±yana½ dv±saµµhidiµµhigatabhindanassa pubbanimitta½, sakuŗ±na½ pathav²gamana½ mah±janassa ov±da½ sutv± p±ŗehi saraŗagamanassa pubbanimitta½, candassa ativirocana½ bahujanakantat±ya pubbanimitta½, s³riyassa uŗhas²tavivajjana-utusukhat± k±yikacetasikasukhuppattiy± pubbanimitta½, devat±na½ vim±nadv±resu apphoµan±d²hi k²¼ana½ buddhabh±va½ patv± ud±na½ ud±nassa pubbanimitta½, c±tudd²pikamah±meghavassana½ mahato dhammameghavassanassa pubbanimitta½, khud±p²¼anassa abh±vo k±yagat±sati-amatapaµil±bhassa pubbanimitta½, pip±s±p²¼anassa abh±vo vimuttisukhena sukhitabh±vassa pubbanimitta½, dv±rakav±µ±na½ sayameva vivaraŗa½ aµµhaŖgikamaggadv±ravivaraŗassa pubbanimitta½, rukkh±na½ pupphaphalagahaŗa½ vimuttipupphehi pupphitassa ca s±mańńaphalabh±rabharitabh±vassa ca pubbanimitta½, dasasahassilokadh±tuy± ekaddhajam±lat± ariyaddhajam±l±m±lit±ya pubbanimittanti veditabba½. Aya½ sambahulav±ro n±ma.
Ettha pańhe pucchanti– “yad± mah±puriso pathaviya½ patiµµhahitv± uttar±bhimukho gantv± ±sabhi½ v±ca½ bh±sati, tad± ki½ pathaviy± gato ud±hu ±k±sena? Dissam±no gato, ud±hu adissam±no? Acelako gato, ud±hu alaŖkatappaµiyatto? Daharo hutv± gato, ud±hu mahallako? Pacch±pi ki½ t±disova ahosi, ud±hu puna b±lad±rako”ti? Aya½ pana pańho heµµh± lohap±s±de saŖghasannip±te tipiµakac³¼±bhayattherena vissajjitova. Thero kirettha niyati pubbekatakamma-issaranimm±nav±davasena ta½ ta½ bahu½ vatv± avas±ne eva½ by±k±si– “mah±puriso pathaviya½ gato, mah±janassa pana ±k±se gacchanto viya ahosi. Dissam±no gato, mah±janassa pana adissam±no viya ahosi. Acelako gato, mah±janassa pana alaŖkatappaµiyattova upaµµh±si. Daharova gato, mah±janassa pana so¼asavassuddesiko viya ahosi. Pacch± pana b±lad±rakova ahosi, na t±diso”ti. Eva½ vutte paris± cassa “buddhena viya hutv± bho therena pańho kathito”ti attaman± ahosi. Lokantarikav±ro vuttanayo eva.
Vidit±ti p±kaµ± hutv±. Yath± hi s±vak± nah±namukhadhovanakh±danapivan±dik±le anok±sagate at²tasaŖkh±re nippadese sammasitu½ na sakkonti, ok±sapattayeva sammasanti, na eva½ buddh±. Buddh± hi sattadivasabbhantare vavatthitasaŖkh±re ±dito paµµh±ya sammasitv± tilakkhaŗa½ ±ropetv±va vissajjenti, tesa½ avipassitadhammo n±ma natthi, tasm± “vidit±”ti ±ha. Sesa½ sabbattha utt±namev±ti.

Papańcas³daniy± majjhimanik±yaµµhakath±ya

Acchariya-abbhutasuttavaŗŗan± niµµhit±.