Bhabbapuggaloti upanissay±disampattiy± tasmi½ attabh±ve visuddhapuggalo. ¾di½ katv±ti imin± dhovanagha½san±d²hi pariyodapana½ ±dimanta½ katv± vadati. Suddhaµµh±na½ yattha v± na rajena okir²yati. Daº¹akamma½ katv±ti “ettak± udak±, v±luk± v± ±netabb±”ti daº¹akamma½ katv±. Ettha µhitass±ti parisuddhe s²le µhitassa. Samm±vattapaµipattis²lehi s²lavisuddhi dassit±. Vattapaµipattiy±pi hi aªgaº±na½ vikkhambhana½ siy±. Tath± hiss± sa½kiliµµhaka½sap±tiy± parisuddhapariyod±tabh±vo upam±bh±vena vutto. Pantasen±sanav±so kilesavikkhambhana½ kiles±na½ tadaªganiv±raºa½. Sot±pattiphal±dhigamo…pe… arahattasacchikiriy±ti sattasupi µh±nesu “parisuddhapariyod±tabh±vo viy±”ti pada½ ±netv± sambandhitabba½. Pabbajitassa hi visuddhi n±ma heµµhimantena s²lavisuddhiy± v± siy± kammaµµh±n±nuyogavasena vivekav±sena jh±nass±dhigamena v± vipassan±bh±van±ya v± s±maññaphal±dhigamena v±ti.
R±gaµµh±niyanti r±guppattihetubh³ta½. Visabh±g±rammaºa½ sandh±ya vadati “iµµh±rammaºan”ti. Tasminti iµµh±rammaºe. Vipannassat²ti muµµhassati. Ta½ nimittanti subhanimitta½. ¾vajjissat²ti ayoniso ±vajjissati. Sayameva aññena avomisso. Kusalav±rapacchindanameva cettha anuddha½sana½ daµµhabba½. Sesanti “s±ªgaºo sa½kiliµµhacitto”ti-±di. Vuttanay±nus±ren±ti paµhamav±re vuttanay±nus±rena. Sabbanti m±tugh±t±di-±nantariyakaraºapariyos±na½ sabba½ upam±sa½sandanavacana½.
Ativirah±bh±vatoti satisammos±bh±vato, upaµµhitassati bh±vatoti attho. Sesanti “so ar±go”ti-±di. “Dhovanagha½sanasaºhach±rik±parimajjan±d²h²”ti-±din± dutiyav±r±nus±rena. “Ko nu kho”ti-±di pucch±vasena ±gata½, ida½ nigamanavasen±ti ayameva viseso.
60. Aªgaºanti tattha tattha n±mato eva vibh±vita½, na pana sabh±vato, pabhedato v±ti sabh±v±dito vibh±vana½ sandh±y±ha “n±nappak±rato p±kaµa½ k±r±petuk±men±”ti. Icch±ya avacar±nanti icch±vasena avacaraº±na½. Otiºº±nanti cittasant±na½ anupaviµµh±na½. Te pana tattha paccayavasena nibbattatt± pavatt± n±ma hont²ti ±ha “pavatt±nan”ti. N±nappak±r±nanti visayabhedena pavatti-±k±rabhedena ca n±n±vidh±na½. Yenak±raºena. Na kevala½ l±bhatthikat± eva, atha kho puññavantat± sakkatagarukat± ca ettha k±raºabh±vena gahetabb±ti dassento “pakatiy±pi c±”ti-±dim±ha. Tena l±bhatthikopi na yo koci eva½ citta½ upp±deti puññav± sambh±van²yoti dasseti. Ther± avajjapaµicch±danabhayena majjhim±na½ ±rocenti, tath± majjhim± navak±na½, navak± pana attano navakabh±vena vigh±s±d±d²na½ ±rocenti “passatha tumh±ka½ therassa kamman”ti. Vigh±s±d±dayo n±ma “²disassa santike ov±dattha½ tumhe ±gat±”ti bhikkhun²na½ ±rocenti. Na ca ma½ bhikkh³ j±neyyunti na ca vata ma½ bhikkh³ j±neyyu½, aho vata ma½ bhikkh³ na j±neyyunti yojan±. Ýh±na½ kho panetanti ettha kho-saddo avadh±raºattho, pana-saddo vacan±laªk±roti ±ha “atthiyev±”ti. Pubbe icchupp±dav±ravaººan±ya vuttanayena. Iti-saddo idha ±sannak±raºatthoti ta½ dassento “imin± k±raºen±”ti ±ha Idañca kopa-appaccay±nameva gahaºa½. T±dis±nanti kopa-appaccay±dhibh³t±nanti adhipp±yo.
Anurahoti anur³pe rahasi. Evameva hi attha½ dassetu½ “vih±rapaccante”ti-±di vutta½. Purimasadisamev±ti “l±bhatthiko h²”ti-±din± vuttena purimena yojan±nayena sadisameva.
Codan±ya paµipuggalabh±vo, codan± ca ±pattiy±ti cuditakena codakassa sam±nabh±vo ±patti-±pannat±y±ti ±ha “sam±noti s±pattiko”ti. Sappaµipuggalenevassa codanicch±ya k±raºa½ vibh±vetu½ “ayan”ti-±di vutta½. Na c±ya½ s±pattikat±ya eva sam±nata½ icchati, atha kho aññath±p²ti dassento “apic±”ti-±dim±ha. Aññena v± paµipuggalena sappaµipuggalo. Ayañhi “sappaµipuggalova ma½ codeyy±”ti icchati “ev±ha½ tassa paµipuggalehi saddhi½ ekajjh±sayo hutv± tassa upari kiñci vattu½ k±tu½ v± labhiss±m²”ti maññam±no Imasmi½ pana pakkhe no appaµipuggaloti natthi etassa paµipuggaloti appaµipuggaloti evamattho veditabbo.
“Aho vat±”ti ida½ pada½ dissat²ti sambandho, imassa puggalassa icch±c±re µhitatt± bhikkh³na½ dhamma½ deseyy±ti vacanato “tañca kho anumatipucch±y±”ti vutta½. Na hesa “sacca½ kira tva½ bhikkh³”ti-±din± kiñci v²tikkama½ uddissa bhagavat± pucchitabbata½ icchati. No magga½ v± phala½ v± vipassana½ v± antara½ katv±ti maggabh±vana½ v± phalasacchikiriya½ v± sikh±ppattavipassan±nuyoga½ v± nirodhasam±pajjana½ v± jh±nasam±pajjanameva v± antara½ k±raºa½ katv± bhagavat± att±na½ paµipucchitabba½ no icchati. Nicca½ aniccanti-±din± anumatiggahaºavasena pucchitabba½ icchati, utt±nameva katv± pucchitabba½ icchat²ti attho. Upaharante passat²ti sambandho. Abhabbaµµh±nabhikkhut±ya niharissanti s±sanato.
Ta½ sampattinti pariv±rasampattiñceva bhikkh³hi kariyam±na½ sakk±ragaruk±rasampattiñca. Gahetv± paribhuñjanti may± sa½vibh±ge kariyam±ne. Sayameva paññ±yat²ti sayameva gantv± bhikkh³na½ purato att±na½ dasseti, purato vasanta½ pana bhikkhu purakkhatv± gacchantiyev±ti adhipp±yo.
Dakkhiºodakanti aggato upan²yam±na½ dakkhiºodaka½. Yato eva-k±ro, tato aññattha niyamo icchito. Avadh±raºattha½ v± eva-k±raggahaºanti katv± ahameva labheyyanti aha½ labheyyamev±ti evameta½ avadh±raºa½ daµµhabbanti adhipp±yen±ha “ahameva labheyyanti icch± n±timah±s±vajj±”ti, aññath± yath±rutavasena avadh±raºe gayham±ne “na aññe labheyyun”ti ayamevettha attho siy±ti. P±s±diko hot²ti ida½ tassa agg±san±dipacc±s²san±ya k±raºadassana½.
Anumodananti maªgal±maªgalesu anumodan±vasena pavattetabbadhammakatha½. Khaº¹±numodananti anumodanekadesa½. “Pubbe anumoditapubbo anumodat³”ti avatv± therena vuttamatteyeva.
T±disesu µh±nes³ti t±disesu pesal±na½ bahussut±na½ vasanaµµh±nesu. Sabbampi rati½ pavattanato sabbarattik±ni. Vinicchayakusal±nanti anekavihitesu kaªkhaµµh±niyesu kaªkh±vinayan±ya ta½ ta½ pañh±na½ vinicchaye kusal±na½ chek±na½. Tesu tesu dhammakathikesu ajjhiµµhesu v±rena dhamma½ kathentesu “aya½ byatto”ti dhammajjhesakena ajjhiµµhatt± ok±sa½ alabham±no.
Sakkaccañca kareyyunti bhikkh³ ya½ mama abhiv±danapaccuµµh±nañjalikammas±m²cikamm±di½ karonti. Ta½ ±dareneva kareyyu½, yañca me parikkh±raj±ta½ paµiy±denti, tampi sundara½ sammadeva abhisaªkhata½ kareyyunti attho. Bh±riyanti p±s±ºacchatta½ viya garuk±tabba½. Eta½ vidhinti eta½ “sakkareyyun”ti-±din± vuttasakk±r±dividhi½. Ten±ti tena k±raºena, b±husacc±diguºavisesavato eva sakk±r±d²na½ arahatt±ti attho. Evar³panti ²disa½ “piyo gar³”ti-±din± (a. ni. 7.37) vuttappak±ra½. Eva½ kareyyunti eva½ “sakkareyyun”ti-±din± vuttappak±ra½ sakk±r±di½ kareyyu½. Esa nayoti yoya½ bhikkhuv±re vuttavidhi, eseva nayo. Ito paresu bhikkhun²v±r±d²su v±resu.
Ahameva l±bh² assanti etth±pi heµµh± vuttanayeneva avadh±raºa½ gahetabba½. Piº¹ap±tassa paº²tat± upasecan±divasen±ti ±ha “sappitelamadhusakkhar±dip³rit±nan”ti Mañcap²µh±d²nanti nidassanamatta½ utusapp±y±na½ niv±t±na½ phassitatal±na½ pihitadv±rakav±¼av±tap±n±d²nampi paº²tasen±sanabh±vato. ¾di-saddena v± tesampi gahaºa½ daµµhabba½. Sabbatth±p²ti sabbesu tesu cat³supi paccayav±resu.
61. K±yakamma½ disv±ti ida½ na k±yakamma½ cakkhuviññeyya½, k±yakammun± pana saha pavatta½ oµµhaparipphandana½ bh±kuµikaraºa½ k±yaªg±didassana½ k±yakammadassana½ viya hot²ti katv± vutta½. Vac²kamma½ sutv±ti etth±pi eseva nayo, tasm± k±yavik±rajanak± dhamm± “dissant²”ti vutt±, vac²vik±rajanak± “s³yant²”ti. Tato eva ca te paccakkhak±le sammukhak±le dissanti n±ma. Tirokkhak±le asammukhak±le s³yanti n±ma. Anur³pato gahaºa½ anuggaho. ¾raññikattanti tassa bhikkhuno dhutaguºatt±nur³pato gaºh±ti. Ten±ha “±raññikatta½ anuggaºh±t²”ti. Araññe niv±so ass±ti ±raññiko. Panta½ pariyanta½ d³ratara½ sen±sana½ ass±ti pantasen±sano. Ta½ pana atthamattena dassentena “pantasen±sane vasat²”ti vutta½. Bhikkh±saªkh±t±na½ piº¹±na½ p±to piº¹±p±to, ta½ piº¹ap±ta½ uñchati gavesat²ti piº¹ap±tiko. Piº¹±ya patitu½ caritu½ vatametass±ti v± piº¹ap±ti, so eva piº¹ap±tiko. D±nato avakhaº¹anato apeta½ apad±na½, saha apad±nena sapad±na½, anavakhaº¹ana½. Anughara½ caraºas²lo sapad±nac±r². Unnatabh±vena pa½suk³la½ viya pa½suk³la½, pa½su viya v± kucchitabh±va½ ulati gacchat²ti pa½suk³la½, tassa dh±raºa½ idha pa½suk³la½, ta½ s²lamass±ti pa½suk³liko.
T²hi k±raºehi l³kha½ veditabba½ agghaphassavaººaparih±nito apa½suk³lampi, ko pana v±do pa½suk³lanti adhipp±yo. Th³lad²ghasuttaken±ti th³lena olambam±nena d²ghasuttakena. Vaººen±ti ettha phassenapi parih±yat²ti vattabba½. Tañhi tattha kharaphassampi hotiyev±ti. Kasm± pana p±¼iya½ ±raññik±diggahaºena catt±rova dhutaguº± vutt±ti? Padh±natt±, taggahaºeneva ca ito paresampi sukhaparibhogat±ya gahaºasambhavato. Yo hi ±raññiko pantasen±sano, tassa abbhok±sika-rukkham³lika-nesajjika-yath±santhatika-sos±nikaªg±ni suparip³r±ni. Yo ca piº¹ap±tiko sapad±nac±r² ca, tassa pattapiº¹ikakhalupacch±bhattika-ek±sanikaªg±ni. Yo pana pa½suk³liko, tassa tec²varikaªga½ supariharamev±ti. Padh±natt± hi bhagavat±pi “kad±ha½ nanda½ passeyya½, ±rañña½ pa½suk³likan”ti-±din± (sa½. ni. 2.242; netti. 100) tattha tattha ±raññik±dayo eva gayhanti. Ettak±ti p±¼iya½ ±gat±na½ paricchijja gahaºameta½, na ettak± sabbepi ekassa eka½sato sambhavanti, n±pi ettak±yeva p±padhamm± pah±tabb±. Na hi makkhapa¼±s±d²na½ appah²nabh±vepi sabrahmac±r² neva sakkaronti…pe… na p³jent²ti.
Tamatthanti “yassa kassac²”ti-±din± vuttamattha½. Upam±ya p±kaµa½ karontoti anvayato byatirekato ca ud±haraºena vibh±vento. Ahikuºap±d²na½ atipaµik³lajigucchan²yat± ativiya duggandhat±ya. S± ca ah²na½ tikhiºakopat±ya, kukkuramanuss±na½ odanakumm±s³pacayat±ya sar²rassa hot²ti vadanti. Imesanti ahi-±d²na½. Va¹¹hetv±ti upar³pari khipanena racita½ katv±. Ta½ pana va¹¹hita½ tena ca bh±jana½ p³rita½ hot²ti ±ha “va¹¹hetv± parip³retv±”ti. Janassa dassanayogya½ dassan²ya½ jañña½, ta½ paramaparisuddha½ manoharañca hot²ti ±ha “cokkhacokkhan”ti. Abhinavaniviµµh± mah±m±t± vadhuk±. S± pana puttal±bhayogyata½ up±d±ya maªgalavacanena “jan²”ti vuccati, tass± niyyam±na½ paºº±k±ra½ janiy± harat²ti jañña½. Ubhayatth±ti atthadvaye. Punaruttanti ±me¹itavacanam±ha. Na man±pa½ etass±ti aman±po, tassa bh±vo aman±pat±, tath±pavatto cittupp±doti ±ha “aman±pa½ idanti…pe… adhivacanan”ti. Buddhavesatt± liªgassa parisuddhaka½sap±tisadisak±. Kuºaparacana½ viya icch±vacarehi sant±nassa bharitabh±vo. So pana tesa½ appah²nat±y±ti ±ha “icch±vacar±na½ appah±nan”ti.
62. “Tena g±mantavih±ra½ anuggaºh±t²”ti vattabbe “±raññikattan”ti pana potthake likhita½. Na hi sukkapakkhe p±¼iya½ ±raññikaggahaºa½ atthi, sati ca icch±vacarappah±ne g±mantavih±ro ekantena na paµikkhipitabbo, icchitabbova t±dis±na½ uttarimanussadhammapaµicch±danato Tath± hi vakkhati “appicchat±samuµµh±neh²”ti-±di. S±livarabhattaracana½ viya icch±vacarappah±na½ manuññabh±vato tittihetuto ca.
63. Ma½ tanti ca upayogavacana½ paµi-saddayogena, attho pana sampad±namev±ti ±ha “mayha½ tuyhan”ti ca. “Samaye”ti bhummatthe “samayan”ti upayogavacana½. Gijjhak³µapaº¹ava-isigilivebh±ravepullapabbat±na½ vasena samantato giriparikkhepena. R±jagaheti sam²patthe bhummavacananti ±ha “ta½ niss±ya vihar±m²”ti.
Pur±ºay±nak±raputtoti pur±ºe pabbajitato pubbe y±nak±raputto tath±paññ±to. Jimhanti gomuttakuµila½. Ten±ha “sappagatamaggasadisan”ti. Soti paº¹uputto. Itaroti samiti. Cintitaµµh±namev±ti cintitacintitaµµh±nameva tacchati, tañca kho na tassa citt±nus±rena, atha kho attano sutt±nus±rena tacchanto y±nak±raputto. Cittanti attano cittena mama citta½ j±nitv± viya.
“Na saddh±ya pabbajito”ti imin±va kammaphalasaddh±ya abh±vo nesa½ pak±sitoti ±ha “assaddh±ti buddhadhammasaªghesu saddh±virahit±”ti. Pabbajit±na½ j²vik± attho etesanti j²vikatth±. Ten±ha “iºabhay±d²h²”ti-±di. Ker±µika½ vuccati s±µheyya½. Saµh±na½ guºav±ºijak±na½ kamma½ s±µheyyanti ±ha “s±µheyyañh²”ti-±di. Tucchasabh±vena m±no na¼o viy±ti na¼o, m±nasaªkh±to uggato na¼o etesanti unna¼±. Ten±ha “uµµhitatuccham±n±”ti. Lahukat±ya v± capal±. Pharusavacanat±ya kharavacan±. Tiracch±nakath±bahulat±ya niratthakavacanapal±pino. Asa½vutakammadv±r±ti ida½ kammadv±r±d²na½ asa½vutabh±vo uppattidv±r±na½ asa½vutat±ya eva hot²ti katv± vutta½. Atha v± chasu indriyes³ti nimitte bhumma½, chasu indriyesu nimittabh³tesu asa½vutakammadv±r±ti attho. Y± matt±ti bhojane ayuttapariyesana-ayuttapaµiggahaºa-ayuttaparibhoge vajjetv± yuttapariyesana-yuttapaµiggahaºa-yuttaparibhogasaªkh±t± y± matt± appamattehi j±nitabb±. Ten±ha “yuttat±”ti. J±gareti rattindiva½ ±varaºiyehi dhammehi cittaparisodhanasaªkh±te j±gare. Tesa½ j±garit±ya adhis²lasikkh±ya g±ravarahit±na½ itarasikkh±su patiµµh± eva natth²ti dassento “sikkh±padesu bahulag±rav± na hont²”ti vatv± tameva g±rav±bh±va½ sar³pena vibh±vento “±pattiv²tikkamabahul±”ti ±ha.
Pakatiy±pi siddh±ya ratanattayasaddh±ya kammaphalasaddh±ya ca saddh±. Pivanti maññe yath± ta½ dravabh³ta½ amata½ laddh±. Ghasanti maññe yath± ta½ bahalapiº¹ikasudh±bhojana½ laddh±. Attamanav±ca½ nicch±rent± “s±dhu s±dh³”ti. Tameva pana s±dhuk±ra½ hadaye µhapetv± abbhanumodant±. Ettha ca attamanav±c±nicch±raºa½ pivanasadisa½ katv± vutta½ bahiddh±bh±vato, manas± abbhanumodana½ pana abbhantarabh±vato ghasanasadisa½ vutta½. Saªkh±danajjhoharaºañhi ghasananti. Rassañca ekavacana½ hot²ti ±ha “rasse sati s±riputtassa upari hot²”ti. D²ghañca bahuvacana½ hot²ti ±ha “d²ghe sati sabrahmac±r²nan”ti. “Upari hot²”ti ±netv± sambandho. ¾lasiyabyasan±d²h²ti ±lasiyena v± ñ±tibyasan±d²hi v±. “Mah±n±g±ti vuccant²”ti vatv± tattha k±raºa½ vibh±vento “tatr±”ti-±dim±ha. Tattha “na gacchant²ti n±g±, na ±gacchant²ti n±g±, na ±gu½ karont²ti n±g±”ti yo vividho vacanattho icchito, ta½ vic±retv± dassetu½ “chand±d²h²”ti-±di vutta½, ta½ pana ñeyy±vabodh±ya vacanato appamattak±raºa½.
Sayameva ±gu½ na karoti sabbath± maggena pah²na-±gutt±. So k±mayog±dike sabbasa½yoge dasavidhasa½yojanappabhed±ni ca sabbabandhan±ni visajja jahitv± sabbattha yakkh±d²su, sabbesu v± bhavesu kenaci saªgena na sajjati t²hi ca vimutt²hi vimutto, tato eva iµµh±d²su t±dibh±vappattiy± t±di, so vuttalakkhaºena tathatt± ta½sabh±vatt± n±go pavuccateti attho veditabbo. Ten±ha “evamettha attho veditabbo”ti. Aññehi kh²º±savan±gehi aggas±vakatt± guºavisesayogato pujjatar± ca p±sa½satar± ca. Sama½ anumodisunti aññamaññassa subh±sitato sampaµicchanena samappavattamodat±ya sama½ sadisa½ abbhanumodi½su. Ta½ pana samanumodana½ “tatth±”ti-±din± p±¼ivaseneva dasseti.

Sammutiparamatthadesan±kath±vaººan± niµµhit±.

Anaªgaºasuttavaººan±ya l²natthappak±san± samatt±.