3. Eva½ saªkhepeneva sabbadhammaguºehi saddhamma½ abhitthavitv± id±ni ariyasaªgha½ thometu½ “sugatass±”ti-±dim±ha. Tattha sugatass±ti sambandhaniddeso, tassa “putt±nan”ti etena sambandho. Oras±nanti puttavisesana½. M±rasenamathan±nanti orasaputtabh±ve k±raºaniddeso. Tena kilesappah±nameva bhagavato orasaputtabh±ve k±raºa½ anuj±n±t²ti dasseti. Aµµhannanti gaºanaparicchedaniddeso. Tena satipi tesa½ sattavisesabh±vena anekasahassasaªkh±bh±ve ima½ gaºanapariccheda½ n±tivattant²ti dasseti maggaµµhaphalaµµhabh±v±n±tivattanato. Sam³hanti samud±yaniddeso. Ariyasaªghanti guºavisiµµhasaªgh±µabh±vaniddeso. Tena asabhipi ariyapuggal±na½ k±yas±maggiya½ ariyasaªghabh±va½ dasseti diµµhis²las±maññena sa½hatabh±vato.
Tattha urasi bhav± j±t± sa½vaddh± ca oras±. Yath± hi satt±na½ orasaputt± attaj±tat±ya pitu santakassa d±yajjassa visesena bh±gino honti, evameva tepi ariyapuggal± samm±sambuddhassa dhammassavanante ariy±ya j±tiy± j±tat±ya bhagavato santakassa vimuttisukhassa ariyadhammaratanassa ca ekantabh±ginoti oras± viya oras±. Atha v± bhagavato dhammadesan±nubh±vena ariyabh³mi½ okkamam±n± okkant± ca ariyas±vak± bhagavato urena v±y±majanit±bhij±tit±ya nippariy±yena “orasaputt±”ti vattabbata½ arahanti. S±vakehi pavattiyam±n±pi hi dhammadesan± “bhagavato dhammadesan±”icceva vuccati ta½m³likatt± lakkhaº±divises±bh±vato ca.
Yadipi ariyas±vak±na½ ariyamagg±dhigamasamaye bhagavato viya tadantar±ya karaºattha½ devaputtam±ro, m±rav±hin² v± na ekantena apas±deti, tehi pana apas±detabbat±ya k±raºe vimathite tepi vimathit± eva n±ma hont²ti ±ha– “m±rasenamathan±nan”ti. Imasmi½ panatthe “m±ram±rasenamathan±nan”ti vattabbe “m±rasenamathan±nan”ti ekadesasar³pekaseso katoti daµµhabba½. Atha v± khandh±bhisaªkh±ram±r±na½ viya devaputtam±rassapi guºam±raºe sah±yabh±v³pagamanato kilesabalak±yo “sen±”ti vuccati. Yath±ha “k±m± te paµham± sen±”ti-±di (su. ni. 438; mah±ni. 28, 68, 149). S± ca tehi diya¹¹hasahassabhed± anantabhed± v± kilesav±hin² satidhammavicayav²riyasamath±diguºapaharaºehi odhiso vimathit± vihat± viddhast± c±ti m±rasenamathan±, ariyas±vak±. Etena tesa½ bhagavato anuj±taputtata½ dasseti.
¾rakatt± kilesehi, anaye na iriyanato, aye ca iriyanato ariy± niruttinayena. Atha v± sadevakena lokena “saraºan”ti araº²yato upagantabbato upagat±nañca tadatthasiddhito ariy±, ariy±na½ saªghoti ariyasaªgho, ariyo ca so saªgho c±ti v± ariyasaªgho, ta½ ariyasaªgha½. Bhagavato aparabh±ge buddhadhammaratan±nampi samadhigamo saªgharatan±dh²noti ariyasaªghassa bah³pak±rata½ dassetu½ idheva “siras± vande”ti vuttanti daµµhabba½.
Ettha ca “sugatassa oras±na½ putt±nan”ti etena ariyasaªghassa pabhavasampada½ dasseti, “m±rasenamathan±nan”ti etena pah±nasampada½ sakalasa½kilesappah±nad²panato. “Aµµhannampi sam³han”ti etena ñ±ºasampada½ maggaµµhaphalaµµhabh±vad²panato. “Ariyasaªghan”ti etena pabh±vasampada½ dasseti sabbasaªgh±na½ aggabh±vad²panato. Atha v± “sugatassa oras±na½ putt±nan”ti ariyasaªghassa visuddhanissayabh±vad²pana½, “m±rasenamathan±nan”ti samm±-ujuñ±yas±m²cippaµipannabh±vad²pana½, “aµµhannampi sam³han”ti ±huneyy±dibh±vad²pana½, “ariyasaªghan”ti anuttarapuññakkhettabh±vad²pana½. Tath± “sugatassa oras±na½ putt±nan”ti etena ariyasaªghassa lokuttarasaraºagamanasabbh±va½ d²peti. Lokuttarasaraºagamanena hi te bhagavato orasaputt± j±t±. “M±rasenamathan±nan”ti etena abhin²h±rasampad±siddha½ pubbabh±ge samm±paµipatti½ dasseti. Kat±bhin²h±r± hi samm±paµipann± m±ra½ m±raparisa½ v± abhivijinanti. “Aµµhannampi sam³han”ti etena paµividdhastavipakkhe sekkh±sekkhadhamme dasseti puggal±dhiµµh±nena maggaphaladhamm±na½ pak±sitatt±. “Ariyasaªghan”ti aggadakkhiºeyyabh±va½ dasseti. Saraºagamanañca s±vak±na½ sabbaguº±na½ ±di, sapubbabh±gapaµipad± sekkh± s²lakkhandh±dayo majjhe, asekkh± s²lakkhandh±dayo pariyos±nanti ±dimajjhapariyos±nakaly±º± saªkhepato sabbe ariyasaªghaguº± pak±sit± honti.
4. Eva½ g±th±ttayena saªkhepato sakalaguºasa½kittanamukhena ratanattayassa paº±ma½ katv± id±ni ta½nipaccak±ra½ yath±dhippete payojane pariº±mento “iti me”ti-±dim±ha. Tattha ratijananaµµhena ratana½, buddhadhammasaªgh±. Tesañhi “itipi so bhagav±”ti-±din± yath±bh³taguºe ±vajjentassa amat±dhigamahetubh³ta½ anappaka½ p²tip±mojja½ uppajjati. Yath±ha–
“Yasmi½ mah±n±ma, samaye ariyas±vako tath±gata½ anussarati, nevassa tasmi½ samaye r±gapariyuµµhita½ citta½ hoti, na dosa…pe… na mohapariyuµµhita½ citta½ hoti…pe… ujugatacitto kho mah±n±ma, ariyas±vako labhati atthaveda½, labhati dhammaveda½, labhati dhamm³pasa½hita½ p±mojja½, pamuditassa p²ti j±yat²”ti-±di (a. ni. 6.10; 11.11).
Citt²kat±dibh±vo v± ratanaµµho. Vuttañheta½–
“Citt²kata½ mahagghañca, atula½ dullabhadassana½;
anomasattaparibhoga½, ratana½ tena vuccat²”ti. (D². ni. aµµha. 2.33; sa½. ni. aµµha. 3.5.223; khu. p±. aµµha. 6.3; su. ni. aµµha. 1.226; mah±ni. aµµha. 50).
Cittikatabh±v±dayo ca anaññas±dh±raº± buddh±d²su eva labbhant²ti.
Vandan±va vandan±maya½ yath± “d±namaya½ s²lamayan”ti (d². ni. 3.305; itivu. 60). Vandan± cettha k±yav±c±cittehi tiººa½ ratan±na½ guºaninnat±, thoman± v±. Pujjabhavaphalanibbattanato puñña½, attano sant±na½ pun±t²ti v±. Suvihatantar±yoti suµµhu vihatantar±yo. Etena attano pas±dasampattiy± ratanattayassa ca khettabh±vasampattiy± ta½ puñña½ atthappak±sanassa upagh±taka-upaddav±na½ vihanane samatthanti dasseti. Hutv±ti pubbak±lakiriy±. Tassa “attha½ pak±sayiss±m²”ti etena sambandho. Tass±ti ya½ ratanattayavandan±maya½ puñña½, tassa. ¾nubh±ven±ti balena.
5. Eva½ ratanattayassa nipaccak±re payojana½ dassetv± id±ni yass± dhammadesan±ya attha½ sa½vaººetuk±mo, tass± t±va guº±bhitthavanavasena upaññ±panattha½ “majjhimapam±ºasuttaªkitass±”ti-±di vutta½. Tattha majjhimapam±ºasuttaªkitass±ti n±tid²ghan±tikhuddakapam±ºehi suttantehi lakkhitassa. Yath± hi d²gh±game d²ghapam±º±ni sutt±ni, yath± ca sa½yuttaªguttar±gamesu dv²su khuddakapam±º±ni, na eva½ idha. Idha pana pam±ºato majjhim±ni sutt±ni. Tena vutta½ “majjhimapam±ºasuttaªkitass±ti n±tid²ghan±tikhuddakapam±ºehi suttantehi lakkhitassati attho”ti. Etena “majjhimo”ti aya½ imassa atth±nugatasamaññ±ti dasseti. Nanu ca sutt±ni eva ±gamo, kassa pana suttehi aªkananti? Saccameta½ paramatthato, sutt±ni pana up±d±ya paññatto ±gamo. Yatheva hi atthabyañjanasamud±ye “suttan”ti voh±ro, eva½ suttasamud±ye aya½ “±gamo”ti voh±ro. Idh±ti imasmi½ s±sane. ¾gamissanti ettha, etena etasm± v± attatthaparatth±dayoti ±gamo, ±dikaly±º±diguºasampattiy± uttamaµµhena ta½ta½abhipatthitasamiddhihetut±ya paº¹itehi varitabbato varo, ±gamo ca so varo c±ti ±gamavaro. ¾gamasammatehi v± varoti ±gamavaro, majjhimo ca so ±gamavaro c±ti majjhim±gamavaro, tassa.
Buddh±na½ anubuddh±na½ buddh±nubuddh±, buddh±na½ saccapaµivedha½ anugamma paµividdhasacc± aggas±vak±dayo ariy±. Tehi atthasa½vaººan±guºasa½vaººan±na½ vasena sa½vaººitassa. Atha v± buddh± ca anubuddh± ca buddh±nubuddh±ti yojetabba½. Samm±sambuddheneva hi vinayasutt±bhidhamm±na½ pakiººakadesan±divasena yo paµhama½ attho vibhatto, so eva pacch± tassa tassa sa½vaººan±vasena saªg²tik±rehi saªgaha½ ±ropitoti. Parav±damathanass±ti aññatitthiy±na½ v±danimmathanassa, tesa½ diµµhigatabhañjanass±ti attho. Ayañhi ±gamo m³lapariy±yasuttasabb±savasutt±d²su diµµhigatik±na½ diµµhigatadosavibh±vanato saccakasutta½ (ma. ni. 1.353) up±lisutt±d²su (ma. ni. 2.56) saccak±d²na½ micch±v±danimmathanad²panato visesato “parav±damathano”ti thomitoti. Sa½vaººan±su c±ya½ ±cariyassa pakati, y± ta½ta½sa½vaººan±su ±dito tassa tassa sa½vaººetabbassa dhammassa visesaguºakittanena thoman±. Tath± hi sumaªgalavil±sin²s±ratthapak±sin²manorathap³raº²su aµµhas±lin²-±d²su ca yath±kkama½ “saddh±vahaguºassa, ñ±ºappabhedajananassa, dhammakathikapuªgav±na½ vicittapaµibh±najananassa, tassa gambh²rañ±ºehi og±¼hassa abhiºhaso n±n±nayavicittassa abhidhammass±”ti-±din± thoman± kat±.
6. Attho kath²yati et±y±ti atthakath±, s± eva aµµhakath± ttha-k±rassa µµha-k±ra½ katv± yath± “dukkhassa p²¼anaµµho”ti (paµi. ma. 1.17; 2.8) ±ditoti-±dimhi paµhamasaªg²tiya½. Cha¼abhiññat±ya paramena cittissariyabh±vena samann±gatatt± jh±n±d²su pañcavidhavasit±sabbh±vato ca vasino, ther± mah±kassap±dayo. Tesa½ satehi pañcahi. Y±ti y± aµµhakath±. Saªg²t±ti attha½ pak±setu½ yuttaµµh±ne “aya½ etassa attho, aya½ etassa attho”ti saªgahetv± vutt±. Anusaªg²t± ca yasatther±d²hi pacch±pi dutiyatatiyasaªg²t²su. Imin± attano sa½vaººan±ya ±gamanasuddhi½ dasseti.
7. S²hassa l±nato gahaºato s²ha¼o, s²hakum±ro. Ta½va½saj±tat±ya tambapaººid²pe khattiy±na½, tesa½ niv±sat±ya tambapaººid²passa ca s²ha¼abh±vo veditabbo. ¾bhat±ti jambud²pato ±n²t±. Ath±ti pacch±. Aparabh±ge hi nik±yantaraladdh²hi asaªkarattha½ s²ha¼abh±s±ya aµµhakath± µhapit±ti. Tena m³laµµhakath± sabbas±dh±raº± na hot²ti ida½ atthappak±sana½ ekantena karaº²yanti dasseti. Tenev±ha “d²pav±s²namatth±y±”ti. Tattha d²pav±s²nanti jambud²pav±s²na½, s²ha¼ad²pav±s²na½ v± atth±ya s²ha¼abh±s±ya µhapit±ti yojan±.
8. Apanetv±n±ti kañcukasadisa½ s²ha¼abh±sa½ apanetv±. Tatoti aµµhakath±to. Ahanti att±na½ niddisati, manorama½ bh±santi m±gadhabh±sa½. S± hi sabh±vaniruttibh³t± paº¹it±na½ mana½ ramayat²ti. Tenev±ha “tantinay±nucchavikan”ti, p±¼igatiy± anulomika½ p±¼ibh±s±y±nuvidh±yininti attho. Vigatadosanti asabh±vaniruttibh±santararahita½.
9. Samaya½ avilomentoti siddhanta½ avirodhento. Etena atthados±bh±vam±ha. Aviruddhatt± eva hi therav±d±pi idha pak±s²yissanti. Therava½sad²p±nanti thirehi s²lakkhandh±d²hi samann±gatatt± ther±, mah±kassap±dayo. Tehi ±gat± ±cariyaparampar± therava½so, tappariy±pann± hutv± ±gam±dhigamasampannatt± paññ±pajjotena tassa samujjalanato therava½sad²p±, mah±vih±rav±sino, tesa½. Vividhehi ±k±rehi nicch²yat²ti vinicchayo, gaºµhiµµh±nesu kh²lamaddan±k±rena pavatt± vimaticchedan² kath±. Suµµhu nipuºo saºho vinicchayo etesanti sunipuºavinicchay±. Atha v± vinicchinot²ti vinicchayo, yath±vuttatthavisaya½ ñ±ºa½. Suµµhu nipuºo cheko vinicchayo etesanti yojetabba½. Etena mah±kassap±ditheraparampar±bhato, tato eva ca avipar²to saºho sukhumo mah±vih±rav±s²na½ vinicchayoti tassa pam±ºabh³tata½ dasseti.
10. Sujanassa ti ca-saddo sampiº¹anattho. Tena “na kevala½ jambud²pav±s²nameva atth±ya, atha kho s±dhujanatosanatthañc±”ti dasseti. Tena ca “tambapaººid²pav±s²nampi atth±y±”ti ayamattho siddho hoti uggahaº±disukarat±ya tesampi bahuk±ratt±. Ciraµµhitatthanti ciraµµhiti-attha½, cirak±laµµhitiy±ti attho. Idañhi atthappak±sana½ avipar²tapadabyañjanasunikkhepassa atthasunayassa ca up±yabh±vato saddhammassa ciraµµhitiy± sa½vattati. Vuttañheta½ bhagavat± “dveme, bhikkhave, dhamm± saddhammassa µhitiy± asammos±ya anantaradh±n±ya sa½vattanti. Katame dve? Sunnikkhittañca padabyañjana½ attho ca sun²to”ti (a. ni. 2.20).
11. Ya½ atthavaººana½ kattuk±mo, tass± mahatta½ pariharitu½ “s²lakath±”ti-±di vutta½. Tenev±ha “na ta½ idha vic±rayiss±m²”ti. Atha v± ya½ aµµhakatha½ kattuk±mo, tadekadesabh±vena visuddhimaggo gahetabboti kathik±na½ upadesa½ karonto tattha vic±ritadhamme uddesavasena dasseti “s²lakath±”ti-±din±. Tattha s²lakath±ti c±rittav±ritt±divasena s²lassa vitth±rakath±. Dhutadhamm±ti piº¹ap±tikaªg±dayo terasa kilesadhunanakadhamm±. Kammaµµh±n±ni sabb±n²ti p±¼iya½ ±gat±ni aµµhati½sa, aµµhakath±ya½ dveti niravases±ni yogakammassa bh±van±ya pavattiµµh±n±ni. Cariy±vidh±nasahitoti r±gacarit±d²na½ sabh±v±dividh±nena sahito. Jh±n±ni catt±ri r³p±vacarajjh±n±ni, sam±pattiyo catasso ar³pasam±pattiyo. Aµµhapi v± paµiladdhamatt±ni jh±n±ni, sam±pajjanavas²bh±vappattiy± sam±pattiyo. Jh±n±ni v± r³p±r³p±vacarajjh±n±ni, sam±pattiyo phalasam±pattinirodhasam±pattiyo.
12. Lokiyalokuttarabhed± cha abhiññ±yo sabb± abhiññ±yo. ѱºavibhaªg±d²su (vibha. 751) ±gatanayena ekavidh±din± paññ±ya sa½kaletv± sampiº¹etv± nicchayo paññ±saªkalananicchayo.
13. Paccayadhamm±na½ het±d²na½ paccayuppannadhamm±na½ hetupaccay±dibh±vo paccay±k±ro, tassa desan± paccay±k±radesan±, paµiccasamupp±dakath±ti attho. S± pana nik±yantaraladdhisaªkararahitat±ya suµµhu parisuddh±, ghanavinibbhogassa sudukkarat±ya nipuº± saºhasukhum±, ekattanay±disahit± ca tattha vic±rit±ti ±ha “suparisuddhanipuºanay±”ti. Paµisambhid±d²su ±gatanaya½ avissajjetv±va vic±ritatt± avimuttatantimagg±.
14. Iti pana sabbanti iti-saddo parisam±pane, pana-saddo vacan±laªk±re, eta½ sabbanti attho. Idh±ti imiss± aµµhakath±ya. Na ta½ vic±rayiss±mi punaruttibh±vatoti adhipp±yo.
15. Id±ni tasseva avic±raºassa ekantak±raºa½ niddh±rento “majjhe visuddhimaggo”ti-±dim±ha. Tattha “majjhe µhatv±”ti etena majjhaµµhabh±vad²panena visesato catunna½ ±gam±na½ s±dh±raºaµµhakath± visuddhimaggo, na sumaªgalavil±sin²±dayo viya as±dh±raºaµµhakath±ti dasseti. “Visesato”ti ca ida½ vinay±bhidhamm±nampi visuddhimaggo yath±raha½ atthavaººan± hoti ev±ti katv± vutta½.
16. Iccev±ti iti eva. Tamp²ti visuddhimaggampi. Et±y±ti papañcas³daniy±. Ettha ca “s²ha¼ad²pa½ ±bhat±”ti-±din± aµµhakath±karaºassa nimitta½ dasseti, “d²pav±s²namatth±ya, sujanassa ca tuµµhattha½, ciraµµhitatthañca dhammass±”ti etena payojana½, “majjhim±gamavarassa attha½ pak±sayiss±m²”ti etena piº¹attha½, “apanetv±na tatoha½ s²ha¼abh±san”ti-±din±, “s²lakath±”ti-±din± ca karaºappak±ra½. S²lakath±d²na½ avic±raºampi hi idha karaºappak±ro ev±ti.

Ganth±rambhakath±vaººan± niµµhit±.