2. Alagadd³pamasuttavaŗŗan±

234. B±dhayi½s³ti (s±rattha. µ². p±cittiya 3.417) hani½su. Ta½ta½sampattiy± vibandhanavasena sattasant±nassa antare vemajjhe eti ±gacchat²ti antar±yo, diµµhadhammik±di-anattho, anatikkamanaµµhena tasmi½ antar±ye niyutt±, antar±ya½ v± phala½ arahanti, antar±yassa v± karaŗas²l±ti antar±yik±. Ten±ha “antar±ya½ karont²ti antar±yik±”ti. ¾nantariyadhamm±ti ±nantariyasabh±vacetan±dhamm±. Tatr±ya½ vacanattho– cuti-anantaraphala½ anantara½ n±ma, tasmi½ anantare niyutt±, tannibbattanena anantarakaraŗas²l±, anantarapayojan±ti v± ±nantarik±, te eva ±nantariy±ti vutt±. Kamm±ni eva antar±yik±ti kammantar±yik±. Mokkhasseva antar±ya½ karoti, na saggassa micch±c±ralakkhaŗ±bh±vato. Na hi bhikkhuniy± dhammarakkhitabh±vo atthi. P±katikabhikkhun²vasena ceta½ vutta½, ariy±ya pana pavatta½ ap±yasa½vattaniyameva. Nandam±ŗavako cettha nidassana½. Ubhinna½ sam±nacchandat±vasena v± asaggantar±yikat±, mokkhantar±yikat± pana mokkhatthapaµipattiy± vid³sanato, abhibhavitv± pana pavattiya½ saggantar±yikat±pi na sakk± niv±retunti. Ahetukadiµµhi-akiriyadiµµhinatthikadiµµhiyova niyatabh±va½ patt± niyatamicch±diµµhidhamm±. Paµisandhidhamm±ti paµisandhicittupp±dam±ha. Paŗ¹ak±diggahaŗańcettha nidassanamatta½ sabb±yapi ahetukapaµisandhiy± vip±kantar±yikabh±vato. Y± hi ariye upavadati, s± cetan± ariy³pav±dadhamm±. Tato paranti kham±panato upari. Ya½ panettha vattabba½, ta½ mah±s²han±dassa l²natthapak±sane vuttameva. Y±va bhikkhubh±va½ paµij±n±ti p±r±jika½ ±panno. Na vuµµh±ti sesa½ garuk±patti½. Na deseti lahuk±patti½.
Aya½ bhikkhu ariµµho. Rasena rasa½ sa½sanditv±ti anavajjena paccayaparibhuńjanarasena s±vajja½ k±maguŗaparibhogarasa½ sam±netv±. Upanento viy±ti bandhana½ upanento viya. “Ghaµento viy±”tipi p±µho. Upasa½haranto viy±ti sadisata½ upasa½haranto viya ekantas±vajje anavajjabh±vapakkhepena. P±pakanti l±makaµµhena duggatisamp±panaµµhena ca p±paka½. Setukaraŗavasena mah±samudda½ bandhantena viya. Sabbańńutańń±ŗena “s±vajjan”ti diµµha½ “anavajjan”ti gahaŗena tena paµivirujjhanto. Ekantato anantar±yikanti gahaŗena ves±rajjań±ŗa½ paµib±hanto. K±makaŗµakehi ariyamaggasamm±paµipatti na upakkilissat²ti vadanto “ariyamagge kh±ŗukaŗµak±d²ni pakkhipanto”ti vutto. Paµhamap±r±jikasikkh±padasaŖkh±te, “abrahmacariya½ pah±y±”ti (d². ni. 1.8, 194) ±didesan±saŖkh±te ca ±ŗ±cakke.
Puccham±n± samanuyuńjanti n±ma. Pucch± hi anuyogoti. Ten±dhigat±ya laddhiy± anuvajjanattha½ paccanubh±sanena puna paµij±n±pana½ patiµµh±pana½, ta½ panassa ±d±ya sam±d±pana½ viya hot²ti ±ha “samanug±hanti n±m±”ti. Tass± pana laddhiy± anuyuńjit±ya vuccam±nampi k±raŗa½ k±raŗapatir³pakamev±ti tassa pucchana½ samanubh±sana½. Anudahanaµµhena anup±yapaµipattiy± sampati ±yatińca anudahanaµµhena. Mah±bhit±panaµµhena anavaµµhitasabh±vat±ya. Ittarapaccupaµµh±naµµhena muhuttaramaŗ²yat±ya. T±vak±likaµµhena parehi abhibhavan²yat±ya. SabbaŖgapaccaŖgapalibhańjanaµµhena chedanabhedan±di-adhikaraŗabh±vena. Uggh±µasadisat±ya adhikuµµanaµµhena. Avaŗe vaŗa½ upp±detv± anto anupavisanasabh±vat±ya vinivijjhanaµµhena. Diµµhadhammikasampar±yika-anatthanimittat±ya s±saŖkasappaµibhayaµµhena. Diµµhith±men±ti tass± diµµhiy± th±magatabh±vena. Diµµhipar±m±sen±ti diµµhisaŖkh±tapar±masanena. Diµµhiyeva hi dhammasabh±va½ atikkamitv± parato ±masanena par±m±so. Abhiniviss±ti taŗh±bhinivesapubbaŖgamena diµµh±bhinivesena “idamevettha tathan”ti abhinivisitv±. Yasm± hi abhinivesana½ tattha abhiniviµµha½ n±ma hoti.Tasm± ±ha “adhiµµhahitv±”ti.
235. Natth²ti vattuk±mop²ti attano laddhi½ niguhetuk±mat±ya avaj±nituk±mopi. Sampaµicchati paµij±n±ti. Dve kath±ti visa½v±danakatha½ sandh±ya vadati. Abh³takath± hi pubbe pavatt± bh³takath±ya vasena dve kath±ti vuccati.
236. Kassa kho n±m±ti imin± satth± “na mama tuyha½ t±disassa atth±ya dhammadesan± n±ma bh³tapubb±”ti dasseti. Ten±ha “khattiyassa v±”ti-±di.
ѱŗamay± usm± etassa atth²ti usm², tath±r³pehi paccayehi anusm²kato tasmi½ attabh±ve paµivedhagabbho-api usm²katoti vikatabh±vato pańń±b²jamassa imasmi½ dhammavinaye api nu atth²ti bhagav± bhikkh³ pucchati. Te paµikkhipant± vadanti µh±nagatena duccaritena ń±ŗupahatabh±va½ sampassant±. Nittejabh³toti nitteja½ bh³to tejoh±nippatto. Tato eva bhikkh³nampi sammukh± oloketu½ asamatthat±ya pattakkhandho adhomukho. Sahadhammika½ kińci vattu½ avisahanato appaµibh±no. Sampatt³paganti sampatti-±vaha½. Paµippassambhentoti paµisedhento.
237. Antar±yakaraladdhiy± sabh±vavibh±vanena parisa½ sodheti. Niss±reti n²harati avisuddhadiµµhit±ya. Kassaci buddh±nubh±va½ aj±nantassa. Tassa hi eva½ bhaveyya “sahas± kathitan”ti. Na hi kad±ci buddh±na½ sahas± kiriy± n±ma atthi. Ass±ti “kassac²”ti vuttabhikkhussa. Sutv±pi tuŗh²bh±va½ ±pajjeyy±ti ath±pi siy±ti sambandho. Ta½ sabbanti “sace h²”ti-±din± vutta½ sabba½ parikappana½. Na karissant²ti paris±ya laddhi½ sodhet²ti sambandho. Laddhi½ pak±sentoti mah±s±vajjat±vasena pak±sento. Sańń±vitakkeh²ti subhanimitt±nubyańjanagg±h±divasena pavattehi sańń±vitakkehi. Ten±ha “kilesak±masampayutteh²”ti. Methunasam±c±ranti ida½ adhik±ravasena vutta½. Tadańńampi pana– “apica kho m±tug±massa ucch±dana½ parimaddana½ nah±pana½ samb±hana½ s±diyat²”ti-±din± (a. ni. 7.50) ±gata½ visabh±gavatthuvisaya½ ±misaparibhoga½. “Ańńatreva k±mehi ańńatra k±masańń±hi ańńatra k±mavitakkehi sam±carissat²”ti neta½ µh±na½ vijjati.
238. Yoniso paccavekkhaŗena natthi ettha chandar±goti nicchandar±go, ta½ nicchandar±ga½. Kad±ci uposathikabh±vena sam±dinnas²l±pi honti kad±ci noti anibaddhas²l±na½ gahaµµh±na½. S²lasam±d±nabh±vato antar±yakara½. Vatthuk±m±na½ sacchandar±gaparibhogańca. Apaccavekkhaŗena bhikkh³na½ ±varaŗakara½. Paccay±na½ sacchandar±gaparibhogańca. Aya½ ariµµho duggahit±ya pariyattiy± vasena amhe ceva abbh±cikkhati, att±nańca khanati, bahuńca apuńńa½ pasavat²ti eva½ sańń± m± hont³ti duggahit±ya pariyattiy± dosa½ dassento ±ha. Uggaŗhant²ti sajjh±yanti ceva v±cuggata½ karont± dh±renti c±ti attho.
Suttanti-±din± navappabhedampi pariyattidhamma½ pariy±diyati. Katha½ sutta½ navappabheda½? Sag±thakańhi sutta½ geyya½, nigg±thaka½ sutta½ veyy±karaŗa½, tadubhayavinimuttańca sutta½ ud±n±divisesasańń±virahita½ natthi, ya½ suttaŖga½ siy±, maŖgalasutt±d²nańca suttaŖgasaŖgaho na siy± g±th±bh±vato dhammapad±d²na½ viya, geyyaŖgasaŖgaho v± siy± sag±thakatt± sag±th±vaggassa viya, tath± ubhatovibhaŖg±d²su sag±thakappades±nanti? Vuccate–
Suttanti s±mańńavidhi, visesavidhayo pare;
sanimitt± nir³¼hatt±, sahat±ńńena nańńato. (D². ni. µ². 1.nid±nakath±vaŗŗan±; a. ni. µ². 2.4.6; s±rattha. µ². 1.b±hiranid±nakath±).
Sabbassapi hi buddhavacanassa suttanti aya½ s±mańńavidhi. Tenev±ha ±yasm± mah±kacc±no nettiya½ (netti. 1.saŖgahav±ra) “navavidhasuttantapariyeµµh²”ti. “Ettaka½ tassa bhagavato sutt±gata½ suttapariy±panna½ (p±ci. 655, 1242), sakav±de pańca suttasat±n²”ti (dha. sa. aµµha. nid±nakath±; kath±. aµµha. nid±nakath±) evam±di ca etassa atthassa s±dhaka½. Tadekadesesu pana geyy±dayo visesavidhayo tena tena nimittena patiµµhit±. Tath± hi geyyassa sag±thakatta½ tabbh±vanimitta½. Lokepi hi sasiloka½ sag±thaka½ v± cuŗŗiyagantha½ “geyyan”ti vadanti. G±th±virahe pana sati puccha½ katv± vissajjanabh±vo veyy±karaŗassa tabbh±vanimitta½. Pucch±vissajjanańhi “by±karaŗan”ti vuccati, by±karaŗameva veyy±karaŗa½.
Eva½ sante sag±thak±d²nampi puccha½ katv± vissajjanavasena pavatt±na½ veyy±karaŗabh±vo ±pajjat²ti? N±pajjati geyy±disańń±na½ anok±sabh±vato, “g±th±virahe sat²”ti visesitatt± ca. Tath± hi dhammapad±d²su kevala½ g±th±bandhesu, sag±thakattepi somanassań±ŗamayikag±th±yuttesu, “vuttańhetan”ti (itivu. 1) ±divacanasambandhesu, abbhutadhammapaµisa½yuttesu ca suttavisesesu yath±kkama½ g±th±-ud±na-itivuttaka-abbhutadhamma-sańń± patiµµhit±, tath± satipi g±th±bandhabh±ve bhagavato at²t±su j±t²su cariy±nubh±vappak±sakesu j±takasańń±, satipi pańhavissajjanabh±ve sag±thakatte ca kesuci suttantesu vedassa labh±panato vedallasańń± patiµµhit±ti eva½ tena tena sag±thakatt±din± nimittena tesu tesu suttavisesesu geyy±disańń± patiµµhit±ti visesavidhayo suttaŖgato pare geyy±dayo. Ya½ panettha geyyaŖg±dinimittarahita½, ta½ suttaŖga½ visesasańń±parih±rena s±mańńasańń±ya pavattanatoti. Nanu ca sag±thaka½ sutta½ geyya½, nigg±thaka½ sutta½ veyy±karaŗanti suttaŖga½ na sambhavat²ti codan± tadavatth± ev±ti? Na tadavatth± sodhitatt±. Sodhitańhi pubbe “g±th±virahe sati pucch±vissajjanabh±vo veyy±karaŗassa tabbh±vanimittan”ti.
Yańca vutta½ “g±th±bh±vato maŖgalasutt±d²na½ suttaŖgasaŖgaho na siy±”ti (khu. p±. 5.1; su. ni. 261), ta½ na, niru¼hatt±. Niru¼ho hi maŖgalasutt±d²na½ suttabh±vo. Na hi t±ni dhammapadabuddhava½s±dayo viya g±th±bh±vena pańń±t±ni, kintu suttabh±veneva. Teneva hi aµµhakath±ya½ “suttan±makan”ti n±maggahaŗa½ kata½. Ya½ pana vutta½ “sag±thakatt± geyyaŖgasaŖgaho siy±”ti tadapi natthi, yasm± sahat±ńńena. Saha g±th±h²ti hi sag±thaka½, sahabh±vo ca n±ma atthato ańńena hoti, na ca maŖgalasutt±d²su g±th±vinimutto koci suttapadeso atthi, yo “saha g±th±h²”ti vucceyya, na ca samud±yo n±ma koci atthi. Yadapi vutta½ “ubhatovibhaŖg±d²su sag±thakappades±na½ geyyaŖgasaŖgaho siy±”ti, tadapi na ańńato. Ańń± eva hi t± g±th± j±tak±dipariy±pannatt±, ato na t±hi ubhatovibhaŖg±d²na½ geyyaŖgabh±voti. Eva½ sutt±d²na½ aŖg±na½ ańńamańńasaŖkar±bh±vo veditabbo.
Atthatthanti atthabh³ta½ yath±bh³ta½ attha½. Anatthampi keci vipall±savasena “attho”ti gaŗhant²ti “atthatthan”ti visesetv± vutta½. K±raŗatthanti k±raŗabh³ta½ attha½, s²la½ sam±dhissa k±raŗa½, sam±dhi vipassan±y±ti eva½ tassa tassa k±raŗabh³ta½ attha½. Ten±ha “imasmi½ µh±ne s²lan”ti-±di. Teneta½ dasseti– imasmi½ µh±ne s²la½ kathita½, tańca y±vadeva sam±dhattha½, sam±dhi vipassanattho, vipassan± maggatth±, maggo phalattho, vaµµa½ kathita½ y±vadeva vivaµµ±dhigamatthanti j±nitu½ na sakkont²ti. Eva½ p±¼iya½ “atthan”ti imin± bh±sitatthapayojanatth±na½ gahitat± veditabb±. Na pariggaŗhant²ti na vic±renti, nijjh±napańń±kkham± na honti, nijjh±yitv± pańń±ya rocetv± gahetabb± na hont²ti adhipp±yo. Iti eva½ et±ya pariyattiy± v±dappamokkh±nisa½s± attano upari parehi ±ropitav±dassa niggahassa mokkhapayojan± hutv± dhamma½ pariy±puŗanti. V±dappamokkho v± nind±pamokkho. Yassa c±ti yassa ca s²l±dip³raŗena pattabbassa, maggassa v± tadadhigamena pattabbassa, phalassa v± tadadhigamena pattabbassa, anup±d±vimokkhassa v± atth±ya. Dhamma½ pariy±puŗanti, ń±yena pariy±puŗant²ti adhipp±yo. N±nubhonti na vindanti. Tesa½ te dhamm± duggahit± up±rambham±nadappamakkhapa¼±s±dihetubh±vena d²gharatta½ ahit±ya dukkh±ya sa½vattanti.