Bojjhaªgapabbavaººan±

118. Eva½ cha ajjhattikab±hir±yatanavasena dhamm±nupassana½ vibhajitv± id±ni bojjhaªgavasena vibhajitu½ puna caparanti ±dim±ha. Tattha bojjhaªges³ti bujjhanakasattassa aªgesu. Santanti paµil±bhavasena sa½vijjam±na½. Satisambojjhaªganti satisaªkh±ta½ sambojjhaªga½. Ettha hi sambujjhati ±raddhavipassakato paµµh±ya yog±vacaroti sambodhi, y±ya v± so sati-±dik±ya sattadhammas±maggiy± sambujjhati kilesanidd±to uµµh±ti, sacc±ni v± paµivijjhati, s± dhammas±magg² sambodhi. Tassa sambodhissa, tass± v± sambodhiy± aªganti sambojjhaªga½. Tena vutta½ “satisaªkh±ta½ sambojjhaªgan”ti. Sesasambojjhaªgesupi imin±va nayena vacanattho veditabbo.
Asantanti appaµil±bhavasena avijjam±na½. Yath± ca anuppannass±ti-±d²su pana satisambojjhaªgassa t±va– “atthi, bhikkhave, satisambojjhaªgaµµh±n²y± dhamm±, tattha yonisomanasik±rabahul²k±ro, ayam±h±ro anuppannassa v± satisambojjhaªgassa upp±d±ya, uppannassa v± satisambojjhaªgassa bhiyyobh±v±ya vepull±ya bh±van±ya p±rip³riy± sa½vattat²”ti (sa½. ni. 5.183) eva½ upp±do hoti Tattha satiyeva satisambojjhaªgaµµh±n²y± dhamm±. Yonisomanasik±ro vuttalakkhaºoyeva, ta½ tattha bahula½ pavattayato satisambojjhaªgo uppajjati.
Apica catt±ro dhamm± satisambojjhaªgassa upp±d±ya sa½vattanti satisampajañña½ muµµhassatipuggalaparivajjanat± upaµµhitassatipuggalasevanat± tadadhimuttat±ti. Abhikkant±d²su hi sattasu µh±nesu satisampajaññena bhattanikkhittak±kasadise muµµhassatipuggale parivajjanena tissadattatthera-abhayattherasadise upaµµhitassatipuggale sevanena µh±nanisajj±d²su satisamuµµh±panattha½ ninnapoºapabbh±racittat±ya ca satisambojjhaªgo uppajjati. Eva½ cat³hi k±raºehi uppannassa panassa arahattamaggena bh±van±p±rip³r² hot²ti paj±n±ti.
Dhammavicayasambojjhaªgassa pana– “atthi, bhikkhave, kusal±kusal± dhamm±…pe… kaºhasukkasappaµibh±g± dhamm±, tattha yonisomanasik±rabahul²k±ro, ayam±h±ro anuppannassa v± dhammavicayasambojjhaªgassa upp±d±ya, uppannassa v± dhammavicayasambojjhaªgassa bhiyyobh±v±ya vepull±ya bh±van±ya p±rip³riy± sa½vattat²”ti (sa½. ni. 5.232) eva½ upp±do hoti.
Apica satta dhamm± dhammavicayasambojjhaªgassa upp±d±ya sa½vattanti paripucchakat± vatthuvisadakiriy± indriyasamattapaµip±dan± duppaññapuggalaparivajjan± paññavantapuggalasevan± gambh²rañ±ºacariyapaccavekkhaº± tadadhimuttat±ti. Tattha paripucchakat±ti khandhadh±tu-±yatana-indriyabalabojjhaªgamaggaªgajh±naªgasamathavipassan±na½ atthasannissitaparipucch±bahulat±.
Vatthuvisadakiriy±ti ajjhattikab±hir±na½ vatth³na½ visadabh±vakaraºa½. Yad± hissa kesanakhalom± atid²gh± honti, sar²ra½ v± ussannadosañceva sedamalamakkhitañca, tad± ajjhattika½ vatthu avisada½ hoti aparisuddha½ Yad± pana c²vara½ jiººa½ kiliµµha½ duggandha½ hoti, sen±sana½ v± ukl±pa½, tad± b±hira½ vatthu avisada½ hoti aparisuddha½. Tasm± kes±dicched±panena uddha½virecana-adhovirecan±d²hi sar²rasallahukabh±vakaraºena ucch±dananh±panena ca ajjhattika½ vatthu visada½ k±tabba½.
S³cikammadhovanarajanaparibhaº¹akaraº±d²hi b±hira½ vatthu visada½ k±tabba½. Etasmiñhi ajjhattikab±hire vatthusmi½ avisade uppannesu cittacetasikesu ñ±ºampi aparisuddha½ hoti, aparisuddh±ni d²pakapallakavaµµitel±ni niss±ya uppannad²pasikh±ya obh±so viya. Visade pana ajjhattikab±hire vatthumhi uppannesu cittacetasikesu ñ±ºampi visada½ hoti, parisuddh±ni d²pakapallakavaµµitel±ni niss±ya uppannad²pasikh±ya obh±so viya. Tena vutta½– “vatthuvisadakiriy± dhammavicayasambojjhaªgassa upp±d±ya sa½vattat²”ti.
Indriyasamattapaµip±dan± n±ma saddh±d²na½ indriy±na½ samabh±vakaraºa½. Sace hissa saddhindriya½ balava½ hoti, itar±ni mand±ni. Tato v²riyindriya½ paggahakicca½, satindriya½ upaµµh±nakicca½, sam±dhindriya½ avikkhepakicca½, paññindriya½ dassanakicca½ k±tu½ na sakkoti. Tasm± ta½ dhammasabh±vapaccavekkhaºena v± yath± v± manasikaroto balava½ j±ta½, tath± amanasik±rena h±petabba½. Vakkalittherassa vatthu cettha nidassana½. Sace pana v²riyindriya½ balava½ hoti, atha neva saddhindriya½ adhimokkhakicca½ k±tu½ sakkoti, na itar±ni itarakiccabheda½. Tasm± ta½ passaddh±dibh±van±ya h±petabba½. Tatr±pi soºattherassa vatthu dassetabba½. Eva½ sesesupi ekassa balavabh±ve sati itaresa½ attano kiccesu asamatthat± veditabb±.
Visesato panettha saddh±paññ±na½ sam±dhiv²riy±na½ ca samata½ pasa½santi. Balavasaddho hi mandapañño mudh±pasanno hoti, avatthusmi½ pas²dati. Balavapañño mandasaddho ker±µikapakkha½ bhajati. Bhesajjasamuµµhito viya rogo atekiccho hoti. Cittupp±damatteneva kusala½ hot²ti atidh±vitv± d±n±d²ni akaronto niraye uppajjati. Ubhinna½ samat±ya vatthusmi½yeva pas²dati Balavasam±dhi½ pana mandav²riya½ sam±dhissa kosajjapakkhatt± kosajja½ adhibhavati. Balavav²riya½ mandasam±dhi½ v²riyassa uddhaccapakkhatt± uddhacca½ adhibhavati Sam±dhi pana v²riyena sa½yojito kosajje patitu½ na labhati. V²riya½ sam±dhin± sa½yojita½ uddhacce patitu½ na labhati. Tasm± tadubhaya½ sama½ k±tabba½. Ubhayasamat±ya hi appan± hoti.
Apica sam±dhikammikassa balavat²pi saddh± vaµµati. Eva½ saddahanto okappento appana½ p±puºissati. Sam±dhipaññ±su pana sam±dhikammikassa ekaggat± balavat² vaµµati, evañhi so appana½ p±puº±ti. Vipassan±kammikassa paññ± balavat² vaµµati, evañhi so lakkhaºappaµivedha½ p±puº±ti. Ubhinna½ pana samat±yapi appan± hotiyeva. Sati pana sabbattha balavat² vaµµati. Sati hi citta½ uddhaccapakkhik±na½ saddh±v²riyapaññ±na½ vasena uddhaccap±tato, kosajjapakkhikena ca sam±dhin± kosajjap±tato rakkhati. Tasm± s± loºadh³pana½ viya sabbabyañjanesu sabbakammika-amacco viya ca sabbar±jakiccesu sabbattha icchitabb±. Ten±ha– “sati ca pana sabbatthik± vutt± bhagavat±. Ki½ k±raº±? Cittañhi sati paµisaraºa½, ±rakkhapaccupaµµh±n± ca sati, na ca vin± satiy± cittassa paggahaniggaho hot²”ti.
Duppaññapuggalaparivajjan± n±ma khandh±dibhede anog±¼hapaññ±na½ dummedhapuggal±na½ ±rak±va parivajjana½. Paññavantapuggalasevan± n±ma samapaññ±salakkhaºaparigg±hik±ya udayabbayapaññ±ya samann±gatapuggalasevan±. Gambh²rañ±ºacariyapaccavekkhaº± n±ma gambh²resu khandh±d²su pavatt±ya gambh²rapaññ±ya pabhedapaccavekkhaº±. Tadadhimuttat± n±ma µh±nanisajj±d²su dhammavicayasambojjhaªgasamuµµh±panattha½ ninnapoºapabbh±racittat±. Eva½ uppannassa panassa arahattamaggena bh±van±p±rip³r² hot²ti paj±n±ti.
V²riyasambojjhaªgassa– “atthi, bhikkhave, ±rabbhadh±tu nikkamadh±tu parakkamadh±tu, tattha yoniso manasik±rabahul²k±ro, ayam±h±ro anuppannassa v± v²riyasambojjhaªgassa upp±d±ya, uppannassa v± v²riyasambojjhaªgassa bhiyyobh±v±ya vepull±ya bh±van±ya p±rip³riy± sa½vattat²”ti (sa½. ni. 5.232) eva½ upp±do hoti.
Apica ek±dasa dhamm± v²riyasambojjhaªgassa upp±d±ya sa½vattanti ap±yabhayapaccavekkhaºat± ±nisa½sadass±vit± gamanav²thipaccavekkhaºat± piº¹ap±t±pac±yanat± d±yajjamahattapaccavekkhaºat± satthumahattapaccavekkhaºat± j±timahattapaccavekkhaºat± sabrahmac±rimahattapaccavekkhaºat± kus²tapuggalaparivajjanat± ±raddhav²riyapuggalasevanat± tadadhimuttat±ti.
Tattha nirayesu pañcavidhabandhanakammak±raºato paµµh±ya mah±dukkha½ anubhavanak±lepi, tiracch±nayoniya½ j±lakkhipakum²n±d²hi gahitak±lepi, p±janakaºµak±dippah±ratunnassa pana sakaµav±han±dik±lepi, pettivisaye anek±nipi vassasahass±ni eka½ buddhantarampi khuppip±s±hi ±turitak±lepi, k±lakañjika-asuresu saµµhihattha-as²tihatthappam±ºena aµµhicammamatteneva attabh±vena v±t±tap±didukkh±nubhavanak±lepi na sakk± v²riyasambojjhaªga½ upp±detu½. Ayameva te bhikkhu k±lo v²riyakaraº±y±ti eva½ ap±yabhaya½ paccavekkhantass±pi v²riyasambojjhaªgo uppajjati.
“Na sakk± kus²tena navalokuttaradhamma½ laddhu½, ±raddhav²riyeneva sakk± ayam±nisa½so v²riyass±”ti eva½ ±nisa½sadass±vinopi uppajjati. “Sabbabuddhapaccekabuddhamah±s±vakehi te gatamaggo gantabbo, so ca na sakk± kus²tena gantun”ti eva½ gamanav²thi½ paccavekkhantass±pi uppajjati. “Ye ta½ piº¹ap±t±d²hi upaµµhahanti, ime te manuss± neva ñ±tak±, na d±sakammakar±, n±pi ‘ta½ niss±ya j²viss±m±’ti te paº²t±ni piº¹ap±t±d²ni denti, atha kho attano k±r±na½ mahapphalata½ pacc±s²sam±n± denti, satth±r±pi ‘aya½ ime paccaye paribhuñjitv± k±yada¼h²bahulo sukha½ viharissat²’ti na eva½ sampassat± tuyha½ paccay± anuññ±t±, atha kho ‘aya½ ime paribhuñjam±no samaºadhamma½ katv± vaµµadukkhato muccissat²’ti te paccay± anuññ±t±, so d±ni tva½ kus²to viharanto na ta½ piº¹a½ apac±yissasi, ±raddhav²riyasseva hi piº¹ap±t±pac±yana½ n±ma hot²”ti eva½ piº¹ap±t±pac±yana½ paccavekkhantass±pi uppajjati mah±mittattherassa viya.
Thero kira kassakaleºe n±ma paµivasati. Tassa ca gocarag±me ek± mah±-up±sik± thera½ putta½ katv± paµijaggati. S± ekadivasa½ arañña½ gacchant² dh²tara½ ±ha– “amma asukasmi½ µh±ne pur±ºataº¹ul±, asukasmi½ kh²ra½, asukasmi½ sappi, asukasmi½ ph±ºita½, tava bh±tikassa ayyamittassa ±gatak±le bhatta½ pacitv± kh²rasappiph±ºitehi saddhi½ dehi, tva½ ca bhuñjeyy±si, aha½ pana hiyyo pakka½ p±riv±sikabhatta½ kañjikena bhutt±mh²”ti. Div± ki½ bhuñjissasi amm±ti? S±kapaººa½ pakkhipitv± kaºataº¹ulehi ambilay±gu½ pacitv± µhapehi amm±ti.
Thero c²vara½ p±rupitv± patta½ n²harantova ta½ sadda½ sutv± att±na½ ovadi– “mah±-up±sik± kira kañjiyena p±riv±sikabhatta½ bhuñji, div±pi kaºapaººambilay±gu½ bhuñjissati, tuyha½ atth±ya pana pur±ºataº¹ul±d²ni ±cikkhati, ta½ niss±ya kho panes± neva khetta½ na vatthu½ na bhatta½ na vattha½ pacc±s²sati, tisso pana sampattiyo patthayam±n± deti, tva½ etiss± t± sampattiyo d±tu½ sakkhissasi na sakkhissas²ti, aya½ kho pana piº¹ap±to tay± sar±gena sadosena samohena na sakk± gaºhitunti patta½ thavik±ya pakkhipitv± gaºµhika½ muñcitv± nivattitv± kassakaleºameva gantv± patta½ heµµh±mañce c²vara½ c²varava½se µhapetv± arahatta½ ap±puºitv± na nikkhamiss±m²”ti v²riya½ adhiµµhahitv± nis²di. D²gharatta½ appamatto hutv± nivutthabhikkhu vipassana½ va¹¹hetv± purebhattameva arahatta½ patv± vikasita½ viya paduma½ mah±kh²º±savo sita½ karontova nikkhami. Leºadv±re rukkhamhi adhivatth± devat±–
“Namo te puris±jañña, namo te purisuttama;
yassa te ±sav± kh²º±, dakkhiºeyyosi m±ris±”ti.–