Samińjite pas±riteti pabb±na½ samińjanapas±raŗe. Tattha cittavaseneva samińjanapas±raŗa½ akatv± hatthap±d±na½ samińjanapas±raŗapaccay± atth±nattha½ pariggahetv± atthapariggahaŗa½ s±tthakasampajańńa½. Tattha hatthap±de aticira½ samińjetv± pas±retv± eva v± µhitassa khaŗe khaŗe vedan± uppajjanti, citta½ ekagga½ na labhati, kammaµµh±na½ paripatati, visesa½ n±dhigacchati. K±le samińjentassa k±le pas±rentassa pana t± vedan± na uppajjanti, citta½ ekagga½ hoti, kammaµµh±na½ ph±ti½ gacchati, visesamadhigacchat²ti eva½ atth±natthapariggahaŗa½ veditabba½.
Atthe pana satipi sapp±y±sapp±ya½ pariggaŗhitv± sapp±yapariggahaŗa½ sapp±yasampajańńa½. Tatr±ya½ nayo– mah±cetiyaŖgaŗe kira daharabhikkh³ sajjh±ya½ gaŗhanti. Tesa½ piµµhipasse daharabhikkhuniyo dhamma½ suŗanti. Tatreko daharo hattha½ pas±rento k±yasa½sagga½ patv± teneva k±raŗena gih² j±to. Aparopi bhikkhu p±da½ pas±rento aggimhi pas±resi, aµµhi½ ±hacca p±do jh±yi. Aparo vammike pas±resi, so ±s²visena daµµho. Aparo c²varakuµidaŗ¹ake pas±resi, ta½ maŗisappo ¹a½si. Tasm± evar³pe asapp±ye apas±retv± sapp±ye pas±retabba½. Idamettha sapp±yasampajańńa½.
Gocarasampajańńa½ pana mah±theravatthun± d²petabba½– mah±thero kira div±µµh±ne nisinno antev±sikehi saddhi½ kathayam±no sahas± hattha½ samińjetv± puna yath±µh±ne µhapetv± saŗika½ samińjesi. Ta½ antev±sik± pucchi½su “kasm± bhante sahas± hattha½ samińjetv± puna yath±µh±ne µhapetv± saŗika½ samińjayitth±”ti. Yato paµµh±y±ha½, ±vuso, kammaµµh±na½ manasik±tu½ ±raddho, na me kammaµµh±na½ muńcitv± hattho samińjitapubbo, id±ni pana tumhehi saddhi½ kathayam±nena kammaµµh±na½ muńcitv± samińjito, tasm± puna yath±µh±ne µhapetv± samińjesinti. S±dhu, bhante, bhikkhun± n±ma evar³pena bhavitabbanti. Evametth±pi kammaµµh±n±vijahanameva gocarasampajańńanti veditabba½.
Abbhantare att± n±ma koci samińjento v± pas±rento v± natthi. Vuttappak±racittakiriyav±yodh±tuvipph±rena pana suttaka¹¹hanavasena d±ruyantassa hatthap±dala¼ana½ viya samińjanapas±raŗa½ hot²ti eva½ parij±nana½ panettha asammohasampajańńanti veditabba½.
SaŖgh±µipattac²varadh±raŗeti ettha saŖgh±µic²var±na½ niv±sanap±rupanavasena pattassa bhikkh±paµiggahaŗ±divasena paribhogo dh±raŗa½ n±ma. Tattha saŖgh±µic²varadh±raŗe t±va niv±setv± p±rupitv± ca piŗ¹±ya carato ±misal±bho “s²tassa paµigh±t±y±”ti-±din± nayena bhagavat± vuttappak±royeva ca attho attho n±ma. Tassa vasena s±tthakasampajańńa½ veditabba½.
Uŗhapakatikassa pana dubbalassa ca c²vara½ sukhuma½ sapp±ya½. S²t±lukassa ghana½ dupaµµa½. Vipar²ta½ asapp±ya½. Yassa kassaci jiŗŗa½ asapp±yameva. Agga¼±did±ne hissa ta½ palibodhakara½ hoti. Tath± paµµuŗŗaduk³l±dibheda½ lobhan²yac²vara½. T±disańhi arańńe ekakassa niv±santar±yakara½ j²vitantar±yakara½ v±pi hoti. Nippariy±yena pana ya½ nimittakamm±dimicch±j²vavasena uppanna½, yańcassa sevam±nassa akusal± dhamm± abhiva¹¹hanti, kusal± dhamm± parih±yanti, ta½ asapp±ya½. Vipar²ta½ sapp±ya½ Tassa vasenettha sapp±yasampajańńa½, kammaµµh±n±vijahanavaseneva ca gocarasampajańńa½ veditabba½.
Abbhantare att± n±ma koci c²vara½ p±rupanto natthi. Vuttappak±racittakiriyav±yodh±tuvipph±reneva pana c²varap±rupana½ hoti. Tattha c²varampi acetana½, k±yopi acetano. C²vara½ na j±n±ti “may± k±yo p±ruto”ti. K±yopi na j±n±ti “aha½ c²varena p±ruto”ti, dh±tuyova dh±tusam³ha½ paµicch±denti paµapilotik±ya potthakar³papaµicch±dane viya. Tasm± neva sundara½ c²vara½ labhitv± somanassa½ k±tabba½, na asundara½ labhitv± domanassa½. N±gavammikacetiyarukkh±d²su hi keci m±l±gandhadh³mavatth±d²hi sakk±ra½ karonti, keci g³thamuttakaddamadaŗ¹asatthappah±r±d²hi asakk±ra½, na te n±gavammikarukkh±dayo somanassa½ v± domanassa½ v± karonti; evameva neva sundara½ c²vara½ labhitv± somanassa½ k±tabba½, na asundara½ labhitv± domanassanti eva½ pavattapaµisaŖkh±navasena panettha asammohasampajańńa½ veditabba½.
Pattadh±raŗepi patta½ sahas±va aggahetv± ima½ gahetv± piŗ¹±ya caram±no bhikkha½ labhiss±m²ti eva½ pattagahaŗapaccay± paµilabhitabba-atthavasena s±tthakasampajańńa½ veditabba½.
Kisadubbalasar²rassa pana garu patto asapp±yo. Yassa kassaci catupańcagaŗ¹ik±hato dubbisodhan²yo asapp±yova. Duddhotapatto hi na vaµµati, ta½ dhovantasseva cassa palibodho hoti. Maŗivaŗŗapatto pana lobhan²yo c²vare vuttanayeneva asapp±yo. Nimittakamm±divasena laddho pana yańcassa sevam±nassa akusal± dhamm± abhiva¹¹hanti, kusal± dhamm± parih±yanti, aya½ ekanta-asapp±yova. Vipar²to sapp±yo. Tassa vasenettha sapp±yasampajańńa½, kammaµµh±n±vijahanavaseneva ca gocarasampajańńa½ veditabba½.
Abbhantare att± n±ma koci patta½ gaŗhanto natthi. Vuttappak±racittakiriyav±yodh±tuvipph±reneva pana pattaggahaŗa½ n±ma hoti. Tattha pattopi acetano, hatth±pi acetan±. Patto na j±n±ti “aha½ hatthehi gahito”ti. Hatth±pi na j±nanti “patto amhehi gahito”ti. Dh±tuyova dh±tusam³ha½ gaŗhanti saŗ¹±sena aggivaŗŗapattaggahaŗe viy±ti eva½ pavattapaµisaŖkh±navasenettha asammohasampajańńa½ veditabba½.
Apica yath± chinnahatthap±de vaŗamukhehi paggharitapubbalohitakimikule n²lamakkhikasamparikiŗŗe an±thas±l±ya½ nipanne an±thamanusse disv± day±luk± puris± tesa½ vaŗapaµµaco¼ak±ni ceva kap±l±d²hi ca bhesajj±ni upan±menti. Tattha co¼ak±nipi kesańci saŗh±ni, kesańci th³l±ni p±puŗanti. Bhesajjakap±lak±nipi kesańci susaŗµh±n±ni, kesańci dussaŗµh±n±ni p±puŗanti, na te tattha suman± v± dumman± v± honti. Vaŗappaµicch±danamatteneva hi co¼akena bhesajjapaµiggahaŗamatteneva ca kap±lakena tesamattho, evameva yo bhikkhu vaŗaco¼aka½ viya c²vara½, bhesajjakap±laka½ viya patta½, kap±le bhesajjamiva ca patte laddha½ bhikkha½ sallakkheti. Aya½ saŖgh±µipattac²varadh±raŗe asammohasampajańńena uttamasampaj±nak±r²ti veditabbo.
Asit±d²su asiteti piŗ¹ap±tabhojane. P²teti y±gu-±dip±ne. Kh±yiteti piµµhakhajjak±dikh±dane. S±yiteti madhuph±ŗit±dis±yane. Tattha “neva dav±y±”ti-±din± nayena vutto aµµhavidhopi attho attho n±ma. Tassa vasena s±tthakasampajańńa½ veditabba½. L³khapaŗ²tatittamadhur±d²su pana yena bhojanena yassa aph±su hoti, ta½ tassa asapp±ya½. Ya½ pana nimittakamm±divasena paµiladdha½, yańcassa bhuńjato akusal± dhamm± abhiva¹¹hanti, kusal± dhamm± parih±yanti, ta½ ekanta-asapp±yameva. Vipar²ta½ sapp±ya½. Tassa vasenettha sapp±yasampajańńa½, kammaµµh±n±vijahanavaseneva ca gocarasampajańńa½ veditabba½.
Abbhantare att± n±ma koci bhuńjako natthi, vuttappak±racittakiriyav±yodh±tuvipph±ravaseneva pana pattapaµiggahaŗa½ n±ma hoti. Cittakiriyav±yodh±tuvipph±reneva hatthassa patte ot±raŗa½ n±ma hoti. Cittakiriyav±yodh±tuvipph±reneva ±lopakaraŗa½ ±lopa-uddharaŗa½ mukhavivaraŗańca hoti. Na koci kuńcik±ya yantakena ca hanukaµµh²ni vivarati, cittakiriyav±yodh±tuvipph±reneva ±lopassa mukhe µhapana½, uparidant±na½ musalakiccas±dhana½, heµµh±dant±na½ udukkhalakiccas±dhana½, jivh±ya hatthakiccas±dhanańca hoti.
Iti ta½ tattha aggajivh±ya tanukakhe¼o m³lajivh±ya bahalakhe¼o makkheti. Ta½ heµµh±danta-udukkhale jivh±hatthaparivattita½ khe¼a-udakatemita½ uparidantamusalasańcuŗŗita½ koci kaµacchun± v± dabbiy± v± antopavesento n±ma natthi, v±yodh±tuy±va pavisati. Paviµµha½ paviµµha½ koci pal±lasanthara½ katv± dh±rento n±ma natthi, v±yodh±tuvaseneva tiµµhati. Żhita½ µhita½ koci uddhana½ katv± aggi½ j±letv± pacanto n±ma natthi, tejodh±tuy±va paccati. Pakka½ pakka½ koci daŗ¹ena v± yaµµhiy± v± bahi n²h±rako n±ma natthi, v±yodh±tuyeva n²harati.
Iti v±yodh±tu atiharati ca v²tiharati ca dh±reti ca parivatteti ca sańcuŗŗeti visoseti ca n²harati ca. Pathav²dh±tu dh±reti ca parivatteti ca sańcuŗŗeti ca visoseti ca. ¾podh±tu sineheti ca allattańca anup±leti. Tejodh±tu antopaviµµha½ parip±ceti. ¾k±sadh±tu ańjaso hoti. Vińń±ŗadh±tu tattha tattha samm±payogamanv±ya ±bhujat²ti eva½pavattapaµisaŖkh±navasenettha asammohasampajańńa½ veditabba½.
Apica gamanato pariyesanato paribhogato ±sayato nidh±nato aparipakkato paripakkato phalato nissandato sammakkhaŗatoti eva½ dasavidhapaµik³labh±vapaccavekkhaŗatopettha asammohasampajańńa½ veditabba½. Vitth±rakath± panettha visuddhimagge ±h±rapaµik³lasańń±niddesato gahetabb±.
Ucc±rapass±vakammeti ucc±rassa ca pass±vassa ca karaŗe. Tattha pattak±le ucc±rapass±va½ akarontassa sakalasar²rato sed± muccanti, akkh²ni bhamanti, citta½ na ekagga½ hoti, ańńe ca rog± uppajjanti. Karontassa pana sabba½ ta½ na hot²ti ayamettha attho. Tassa vasena s±tthakasampajańńa½ veditabba½. Aµµh±ne ucc±rapass±va½ karontassa pana ±patti hoti, ayaso va¹¹hati, j²vitantar±yo hoti. Patir³pe µh±ne karontassa sabba½ ta½ na hot²ti idamettha sapp±ya½. Tassa vasena sapp±yasampajańńa½, kammaµµh±n±vijahanavaseneva ca gocarasampajańńa½ veditabba½.
Abbhantare att± n±ma koci ucc±rapass±va½ karonto natthi. Cittakiriyav±yodh±tuvipph±reneva pana ucc±rapass±vakamma½ hoti. Yath± pana pakke gaŗ¹e gaŗ¹abhedena pubbalohita½ ak±mat±ya nikkhamati, yath± ca atibharit± udakabh±jan± udaka½ ak±mat±ya nikkhamati, eva½ pakk±sayamuttavatth²su sannicit± ucc±rapass±v± v±yuvegasamupp²¼it± ak±mat±yapi nikkhamanti. So pan±ya½ eva½ nikkhamanto ucc±rapass±vo neva tassa bhikkhuno attano hoti, na parassa. Kevala½ sar²ranissandova hoti. Yath± ki½? Yath± udakakumbhato pur±ŗa-udaka½ cha¹¹entassa neva ta½ attano hoti, na paresa½. Kevala½ paµijagganamattameva hoti. Eva½pavattapaµisaŖkh±navasenettha asammohasampajańńa½ veditabba½.
Gat±d²su gateti gamane. Żhiteti µh±ne. Nisinneti nisajj±ya. Sutteti sayane. J±gariteti j±garaŗe. Bh±siteti kathane. Tuŗh²bh±veti akathane. “Gacchanto v± gacch±m²ti paj±n±ti, µhito v± µhitomh²ti paj±n±ti, nisinno v± nisinnomh²ti paj±n±ti, say±no v± say±nomh²ti paj±n±t²”ti imasmińhi µh±ne addh±na-iriy±path± kathit±. “Abhikkante paµikkante ±lokite vilokite samińjite pas±rite”ti imasmi½ majjhim±. “Gate µhite nisinne sutte j±garite”ti idha pana khuddakacuŗŗika-iriy±path± kathit±. Tasm± etesupi vuttanayeneva sampaj±nak±rit± veditabb±.
Tipiµakamah±s²vatthero pan±ha– yo cira½ gantv± v± caŖkamitv± v± aparabh±ge µhito iti paµisańcikkhati “caŖkamanak±le pavatt± r³p±r³padhamm± ettheva niruddh±”ti, aya½ gate sampaj±nak±r² n±ma. Yo sajjh±ya½ v± karonto pańha½ v± vissajjento kammaµµh±na½ v± manasikaronto cira½ µhatv± aparabh±ge nisinno iti paµisańcikkhati “µhitak±le pavatt± r³p±r³padhamm± ettheva niruddh±”ti, aya½ µhite sampaj±nak±r² n±ma. Yo sajjh±y±dikaraŗavaseneva cira½ nis²ditv± aparabh±ge nipanno iti paµisańcikkhati “nisinnak±le pavatt± r³p±r³padhamm± ettheva niruddh±”ti, aya½ nisinne sampaj±nak±r² n±ma. Yo pana nipannako sajjh±ya½ v± karonto kammaµµh±na½ v± manasikaronto nidda½ okkamitv± aparabh±ge vuµµh±ya iti paµisańcikkhati “sayanak±le pavatt± r³p±r³padhamm± ettheva niruddh±”ti, aya½ sutte j±garite ca sampaj±nak±r² n±ma. Kiriyamayacitt±nańhi appavatta½ sutta½ n±ma, pavatta½ j±garita½ n±m±ti. Yo pana bh±sam±no “aya½ saddo n±ma oµµhe ca paµicca dante ca jivhańca t±luńca paµicca cittassa tadanur³pa½ payoga½ paµicca j±yat²”ti sato sampaj±no bh±sati, cira½ v± pana k±la½ sajjh±ya½ v± katv± dhamma½ v± kathetv± kammaµµh±na½ v± parivattetv± pańha½ v± vissajjetv± aparabh±ge tuŗh²bh³to iti paµisańcikkhati “bh±sitak±le uppann± r³p±r³padhamm± ettheva niruddh±”ti, aya½ bh±site sampaj±nak±r² n±ma. Yo tuŗh²bh³to cira½ dhamma½ v± kammaµµh±na½ v± manasikatv± aparabh±ge iti paµisańcikkhati “tuŗh²bh³tak±le pavatt± r³p±r³padhamm± ettheva niruddh±, up±d±r³papavattiy± sati bh±sati n±ma, asati tuŗh² bhavati n±m±”ti, aya½ tuŗh²bh±ve sampaj±nak±r² n±m±ti.
Tayida½ mah±s²vattherena vutta½ asammohadhura½ imasmi½ satipaµµh±nasutte adhippeta½. S±mańńaphale pana sabbampi catubbidha½ sampajańńa½ labbhati. Tasm± visesato ettha asammohasampajańńasseva vasena sampaj±nak±rit± veditabb±. Sampaj±nak±r² sampaj±nak±r²ti ca sabbapadesu satisampayuttasseva sampajańńassa vasenattho veditabbo. VibhaŖgappakaraŗe pana, “sato sampaj±no abhikkamati, sato sampaj±no paµikkamat²”ti (vibha. 523) evamet±ni pad±ni vibhatt±neva.
Iti ajjhatta½ v±ti eva½ catusampajańńapariggahaŗena attano v± k±ye, parassa v± k±ye, k±lena v± attano, k±lena v± parassa k±ye k±y±nupass² viharati. Idha samudayavayadhamm±nupass²ti-±d²su r³pakkhandhasseva samudayo ca vayo ca n²haritabbo. Sesa½ vuttasadisameva.
Idha catusampajańńaparigg±hik± sati dukkhasacca½, tass± samuµµh±pik± purimataŗh± samudayasacca½, ubhinna½ appavatti nirodhasacca½, vuttappak±ro ariyamaggo maggasacca½. Eva½ catusaccavasena ussakkitv± nibbuti½ p±puŗ±t²ti idamekassa catusampajańńaparigg±hakassa bhikkhuno vasena y±va arahatt± niyy±namukhanti.

Catusampajańńapabbavaŗŗan± niµµhit±.