10. Subhasuttavaººan±

Subham±ºavakavatthuvaººan±

444. Eva½ poµµhap±dasutta½ sa½vaººetv± id±ni subhasutta½ sa½vaººento yath±nupubba½ sa½vaººanok±sassa pattabh±va½ vibh±vetu½, poµµhap±dasuttass±nantara½ saªg²tassa suttassa subhasuttabh±va½ v± pak±setu½ “eva½ me suta½…pe… s±vatthiyanti subhasuttan”ti ±ha. Anun±sikalopena “acira parinibbute”ti vuttanti dasseti “acira½ parinibbute”ti imin± yath± poµµhap±dasutte “app±µih²raka ta½ bh±sita½ sampajjat²”ti, acira½ parinibbutassa ass±ti v± aciraparinibbuto yath± “acirapakkanto, m±saj±to”ti. Atthamatta½ pana dassetu½ eva½ vutta½. Aciraparinibbuteti ca satthu parinibbutabh±vassa cirak±lat±paµikkhepena ±sannat±matta½ dassita½, k±laparicchedo pana na dassitoti ta½ dassento “parinibb±nato”ti-±dim±ha. Vis±khapuººamito uddha½ y±va jeµµhapuººam², t±va k±la½ sandh±ya “m±samatte”ti vutta½. Mattasaddena pana tassa k±lassa kiñci asampuººata½ joteti. Tudisaññito g±mo niv±so etass±ti todeyyo. Ta½ panesa yasm± soºadaº¹o (d². ni. 1.300) viya campa½, k³µadanto (d². ni. 1.323) viya ca kh±ºumata½ ajjh±vasati, tasm± vutta½ “tassa adhipatitt±”ti, issarabh±vatoti attho. Ayampi hi rañño pasenadikosalassa purohitabr±hmaºo. Puttampi ±h±ti subha½ m±ºavampi ovadanto ±ha.
Añjan±nanti akkhi-añjanatth±ya gha½sita-añjan±na½. Vammik±nanti kimisam±haµavammik±na½ sañcaya½ disv±ti sambandho. Madh³nanti makkhikamadh³na½. Sam±h±ranti makarandasannicaya½. Paº¹ito gharam±vaseti yasm± appatarappatarepi gayham±ne bhog± kh²yanti, appatarappatarepi ca sañciyam±ne va¹¹hanti, tasm± yath±vuttamupamattaya½ paññ±ya disv± viññuj±tiko kiñcipi vayamakatv± ±yameva upp±dento gharevase ghar±v±samanutiµµheyy±ti lobh±desitapaµipatti½ upadisati.
Ad±nameva sikkh±petv± sikkh±panahetu lobh±bhibh³tat±ya tasmi½yeva ghare sunakho hutv± nibbatti. Lobhavasikassa hi duggati p±µikaªkh± “janavasabho n±ma yakkho hutv± nibbatt²”ti (d². ni. aµµha. 1.150) ettha vuttanayena attho veditabbo. Pubbaparicayena ativiya piy±yati. Vuttañhi “pubbeva sanniv±sen±”ti-±di (j±. 1.2.174). Nikkhanteti kenacideva karaº²yena bahi niggate. Subha½ m±ºava½ anuggaºhituk±mo ekakova bhagav± piº¹±ya p±visi. Bhukk±ranti “bhu bh³”ti sunakhasaddakaraºa½. “Bho bho”ti br±hmaºasamud±c±rena paribhavitv± paribhavanahetu. “Bhov±di n±ma so hoti, sace hoti sakiñcano”ti (dha. pa. 396; su. ni. 625) hi vutta½. Nanu ca heµµh± “ad±nameva sikkh±petv± sunakho hutv± nibbatto”ti ±ha, kasm± panettha “pubbepi ma½ ‘bho bho’ti paribhavitv± sunakho j±to”ti vadat²ti? Tath± nibbattiy± tadubhayas±dh±raºaphalatt±. ¾nisa½saphalañhi s±dh±raºakammenapi j±ta½, na vip±kaphala½ viya ekakammenev±ti daµµhabba½. Av²ci½ gamissasi katok±sassa kammassa paµib±hitumasakkuºeyyabh±vato. “J±n±ti ma½ samaºo gotamo”ti vippaµis±r² hutv±. Uddhanantareti cullikantare. Nanti sunakha½.
Ta½ pavattinti bhagavat± yath±vuttak±raºa½. Br±hmaºac±rittassa aparih±pitata½ sandh±ya, tath± pitara½ ukka½sento “brahmaloke nibbatto”ti ±ha. Mukh±ru¼hanti saya½paµibh±navasena mukham±ru¼ha½. Ta½ pavatti½ pucch²ti “sutameta½ bho gotama mayha½ pit± sunakho hutv± nibbatto”ti tumhehi vutta½, “kimida½ sacca½ v± asacca½ v±”ti pucchi. Tatheva vatv±ti yath± pubbe sunakhassa vutta½, tatheva vatv±. Avisa½v±danatthanti sacc±panattha½, “todeyyabr±hmaºo sunakho hutv± nibbatto”ti vacanassa avisa½v±danena attano avisa½v±dibh±vadassanatthanti vutta½ hoti. Appodakanti appakena udakena samp±dita½. Madhup±y±santi s±durasa½, madhuyojita½ v± p±y±sa½. Tath± ak±si, yath± bhagavat± vutta½. “Sabba½ dasses²ti buddh±nubh±vena so sunakho ta½ sabba½ netv± dassesi, na j±tissarat±ya. Bhagavanta½ disv± bhukkaraºa½ pana purimaj±tisiddhav±san±vasen±”ti (d². ni. µ². 1.444) eva½ ±cariyena vutta½. Uparipaºº±sake pana c³¼akammavibhaªgasuttaµµhakath±ya½ “sunakho ‘ñ±tomhi imin±’ti roditv± ‘hu½ hun’ti karonto dhananidh±naµµh±na½ gantv± p±dena pathavi½ khaºitv± sañña½ ad±s²”ti (ma. ni. aµµha. 3.289) j±tissar±k±ram±ha, v²ma½sitv± gahetabba½.
“Bhavapaµicchanna½ n±ma evar³pa½ sunakhapaµisandhi-antara½ p±kaµa½ samaºassa gotamassa, addh± esa sabbaññ³”ti bhagavati pasannacitto. Aªgavijj±p±µhako kiresa. Tenassa etadahosi “ima½ dhammapaºº±k±ra½ katv± samaºa½ gotama½ pañha½ pucchiss±m²”ti, tato so cuddasa pañhe abhisaªkharitv± bhagavanta½ pucchi. Tena vutta½ “cuddasa pañhe pucchitv±”ti. Tattha cuddasa pañheti “dissanti hi bho gotama manuss± app±yuk±, dissanti d²gh±yuk±. Dissanti bavh±b±dh±, app±b±dh±. Dubbaºº±, vaººavanto. Appesakkh±, mahesakkh±. Appabhog±, mah±bhog±. N²cakul²n±, ucc±kul²n±. Dissanti duppaññ±, dissanti paññavanto. Ko nu kho bho gotama hetu ko paccayo, yena manuss±na½yeva sata½ manussabh³t±na½ dissanti h²napaº²tat±”ti (ma. ni. 3.289) ime c³¼akammavibhaªgasutte ±gate cuddasa pañhe. “Kammassak± m±ºava satt± kammad±y±d±”ti-±din± (ma. ni. 3.289) saªkhepato, vitth±rato ca vissajjanapariyos±ne bhagavanta½ saraºa½ gato. Aªgasubhat±ya “subho” tissa n±ma½. M±ºavoti pana mahallakak±lepi taruºavoh±rena na½ voharati. Attano bhogag±matoti tudig±mato ±gantv± taªkhaºika½ vasati. Teneva p±¼iya½ “kenacideva karaº²yen±”ti vutta½.
445. “Ek± ca me kaªkh± atth²”ti imin± upari pucchiyam±nassa pañhassa pageva tena abhisaªkhatabh±va½ dasseti. M±ºavakanti khuddakam±ºava½ “ekaputtako, (ma. ni. 2.296, 353; p±r±. 26) piyaputtako”ti-±d²su viya ka-saddassa khuddakatthe pavattanato. Visabh±gavedan±ti dukkhavedan±. S± hi kusalakammanibbatte attabh±ve uppajjanakasukhavedan±paµipakkhabh±vato “visabh±gavedan±”ti ca k±ya½ g±¼h± hutv± b±dhanato p²¼anato “±b±dho”ti ca vuccati. K²dis± pana s±ti ±ha “y± ekadese”ti-±di. Ekadese uppajjitv±ti sar²rekadese uµµhahitv±pi aparivattibh±vakaraºato ayapaµµena ±bandhitv± viya gaºh±ti, imin± balavarogo ±b±dho n±m±ti dasseti. Kicchaj²vitakaroti asukhaj²vit±vaho, imin± dubbalo appamattako rogo ±taªko n±m±ti dasseti. Uµµh±nanti sayananisajj±dito uµµhahana½, tena yath± tath± apar±para½ sar²rassa parivattana½ vadati. Garukanti bh±riya½ akiccasiddhika½. Gil±nasseva k±ye bala½ na hot²ti sambandho. Lahuµµh±nena cettha gelaññ±bh±vo pucchito. Heµµh± cat³hi padehi aph±suvih±r±bh±va½ pucchitv±pi id±ni puna ph±suvih±rabh±va½ pucchati, tena saviseso ettha ph±suvih±ro pucchitoti viññ±yati. Asatipi hi atisayatthajotane sadde atth±pattito atisayattho labbhateva yath± “abhir³passa kaññ± d±tabb±”ti. Ten±ha “gamanaµµh±n±”ti-±di. Purima½ ±º±panavacana½, ida½ pana pucchitabb±k±radassananti ayamimesa½ visesoti dasseti “athass±”ti-±din±.
447. K±lo n±ma upasaªkamanassa yuttapattak±lo, samayo n±ma tasseva paccayas±magg², atthato panesa tajja½ sar²rabalañceva tappaccayaparissay±bh±vo ca. Up±d±na½ n±ma ñ±ºena tesa½ gahaºa½ sallakkhaºanti ±ha “paññ±y±”ti-±di. “Sve gamanak±lo bhavissat²”ti imin± k±la½, “k±ye”ti-±din± samayañca sar³pato dasseti. Pharissat²ti pharaºavasena µhassati.
448. Cetiyaraµµheti cetiraµµhe. Ya-k±rena hi pada½ va¹¹hetv± eva½ vutta½. “Cetiraµµhato añña½ visu½yeveka½ raµµhan”tipi vadanti. “Yasm± maraºa½ n±ma t±dis±na½ dasabal±na½ rogavaseneva hoti, tasm± yena rogena ta½ j±ta½, tassa sar³papucch±, k±raºapucch±, maraºahetukacittasant±papucch±, tassa ca sant±passa sabbalokas±dh±raºat±, tath± maraºassa ca appaµikaraºat±”ti evam±din± maraºapaµisaññutta½ sammodan²ya½ katha½ kathes²ti dassetu½ “bho ±nand±”ti-±di vutta½. “Ko n±m±”ti-±din± hi roga½ pucchati, “ki½ bhagav± paribhuñj²”ti imin± k±raºa½, “apic±”ti-±din± cittasant±pa½, “satth± n±m±”ti-±din± tassa sabbalokas±dh±raºata½, “ek± d±n²”ti-±din± maraºassa appaµikaraºata½ dasset²ti daµµhabba½. Mah±j±n²ti mah±h±ni. Yatr±ti yena k±raºena parinibbuto, tena ko d±ni añño maraº± muccissat²ti-±din± yojetabba½. Id±n²ti ca attano manasik±ra½ pati voh±ramattena vutta½. Lajjissat²ti lajj± viya bhavissati, vijjissat²ti attho P²tabhesajj±nur³pa½ ±h±rabhojana½ por±º±ciººanti ±ha “p²ta…pe… datv±”ti.
Hutv±ti p±µhaseso santik±vacarabh±vassa visesanato. M±ro p±pim± viya na randhagaves², uttaram±ºavo viya ca na v²ma½san±dhipp±yo, api tu khalu upaµµh±ko hutv± santik±vacaroti hi viseseti. Na randhagaves²ti na chiddagaves². Yesu dhammes³ti vimokkhup±yesu niyy±nikadhammesu. Dharant²ti adhun± tiµµhanti, pavattant²ti attho.
449. Atthato payuttat±ya saddapayogassa saddapabandhalakkhaº±ni t²ºi piµak±ni tadatthabh³tehi s²l±d²hi t²hi dhammakkhandhehi saªgayhant²ti vutta½ “t²ºi piµak±ni t²hi khandhehi saªgahetv±”ti. Saªkhittena kathitanti “tiººa½ kho m±ºava khandh±nan”ti eva½ gaºanato, s±maññato ca saªkhepeneva kathita½. “Katamesa½ tiººan”ti aya½ adiµµhajotan±pucch±yeva, na kathetukamyat±pucch±. M±ºavasseva hi aya½ pucch±, na therass±ti ±ha “m±ºavo”ti-±di. Aññattha pana ²disesu µh±nesu kathetukamyat±pucch±yeva dissati, na adiµµhajotan±pucch±. Idha pana aµµhakath±ya½ eva½ vutta½, tadeta½ aµµhakath±pam±ºato paccetabba½. Tad± pavattam±nañhi paccakkha½ katv± aµµhakathampi saªgaham±ropi½su. Kathetukamyat±pucch±bh±ve panassa therasseva vacanat± siy±.