Vivaµµakath±divaººan±

145. Diµµhigatik±dhiµµh±nanti diµµhigatik±na½ micch±g±hadassanavasena adhiµµh±nabh³ta½, diµµhigatikavasena puggal±dhiµµh±nanti vutta½ hoti. Puggal±dhiµµh±nadhammadesan± hes±. Yuttayogabhikkhu-adhiµµh±nanti yuttayog±na½ bhikkh³namadhiµµh±nabh³ta½, bhikkhuvasena puggal±dhiµµh±nanti vutta½ hoti. Vivaµµanti vaµµato vigata½. “Yeh²”ti-±din± diµµhigatik±na½ micch±dassanassa k±raºabh³t±ya vedan±ya paccayabh³ta½ heµµh± vuttameva phass±yatanamidha gahita½ desan±kusalena bhagavat±ti dasseti. Vedan±kammaµµh±neti “vedan±na½ samudayan”ti-±dika½ ima½ p±¼i½ sandh±ya vutta½. Kiñcimattameva visesoti ±ha “yath± pan±”ti-±di. Nti “phassasamuday±, phassanirodh±”ti vutta½ k±raºa½. “¾h±rasamuday±”ti-±d²su kaba¼²k±ro ±h±ro veditabbo. So hi “kaba¼²k±ro ±h±ro imassa k±yassa ±h±rapaccayena paccayo”ti (paµµh±. 429) paµµh±ne vacanato kammasamuµµh±n±nampi cakkh±d²na½ upatthambhakapaccayo hotiyeva. “N±mar³pasamuday±”ti-±d²su vedan±dikkhandhattayameva n±ma½. Nanu ca “n±mar³papaccay± sa¼±yatanan”ti vacanato sabbesu chasu phass±yatanesu “n±mar³pasamuday± n±mar³panirodh±” icceva vattabba½, atha kasm± cakkh±yatan±d²su “±h±rasamuday± ±h±ranirodh±”ti vuttanti? Saccameta½ avisesena, idha pana evampi cakkh±d²su sambhavat²ti visesato dassetu½ tath± vuttanti daµµhabba½.
Uttaritaraj±naneneva diµµhigatassa j±nanampi siddhanti katv± p±¼iyaman±gatepi “diµµhiñca j±n±t²”ti vutta½. S²lasam±dhipaññ±yo lokiyalokuttaramissak±, vimutti pana ida heµµhim± phalasam±pattiyo “y±va arahatt±”ti aggaphalassa visu½ vacanato. Paccakkh±num±nena cettha paj±nan±, tenev±ha “bahussuto ganthadharo bhikkhu j±n±t²”ti-±di, yath±l±bha½ v± yojetabba½. Desan± pan±ti ettha pana-saddo aruciyattho, tenima½ d²peti– yadipi an±g±mi-±dayo yath±bh³ta½ paj±nanti, tath±pi arahato ukka½sagativij±nanavasena desan± arahattanik³µena niµµh±pit±ti. Suvaººageho viya ratanamayakaººik±ya desan± arahattakaººik±ya niµµh±pit±ti attho. Ettha ca “yato kho…pe… paj±n±t²”ti etena dhammassa niyy±nikabh±vena saddhi½ saªghassa suppaµipatti½ dasseti, teneva aµµhakath±ya½ “ko eva½ j±n±t²ti? Kh²º±savo j±n±ti, y±va ±raddhavipassako j±n±t²”ti paripuººa½ katv± bhikkhusaªgho dassito, tena yadeta½ heµµh± vutta½ “bhikkhusaªghavasen±pi d²petun”ti (d². ni. aµµha. 1.8), ta½ yath±rutavaseneva d²pita½ hot²ti daµµhabba½.
146. “Desan±j±lavimutto diµµigatiko n±ma natth²”ti dassana½ desan±ya kevalaparipuººata½ ñ±petunti veditabba½. Anto j±lass±ti antoj±la½, dabbapavesanavasena antoj±le akat±pi tannissitav±dappavesanavasena kat±ti antoj±l²kat±, anto j±lassa tiµµhant²ti v± antoj±l±, dabbavasena anantoj±l±pi tannissitav±davasena antoj±l± kat±ti antoj±l²kat±. Abh³tatabbh±ve kar±sabh³yoge vik±rav±cakato ²paccayo, antasarassa v± ²k±r±desoti saddavid³ yath± “dhaval²k±ro, kaba¼²k±ro”ti (sa½. ni. 1.181), imamattha½ dassetu½ “imass±”ti-±di vutta½. Nissit± avasit±va hutv± ummujjam±n± ummujjant²ti attho. M±na-saddo cettha bh±venabh±valakkhaºattho appah²nena ummujjanabh±vena puna ummujjanabh±vassa lakkhitatt±, tath± “os²dant±”ti-±d²supi anta-saddo. Ummujjaneneva avuttass±pi nimujjanassa gahaºanti dasseti “os²dant±”ti-±din±. Tattha ap±y³papattivasena adho os²dana½, sampattibhavavasena uddhamuggamana½. Tath± parittabh³mimahaggatabh³mivasena, diµµhiy± ol²nat±tidh±vanavasena, pubbant±nudiµµhi-aparant±nudiµµhivasena ca yath±kkama½ yojetabba½. Pariy±pann±ti antogadh±. Tabbh±vo ca tad±baddhen±ti vutta½ “etena ±baddh±”ti. “Na hetth±”ti-±din± yath±vuttap±¼iy± ±pannattha½ dasseti.
Id±ni upam±sa½sandanam±ha “kevaµµo viy±”ti-±din±. Ke udake vaµµati paricarat²ti kevaµµo, macchabandho. K±ma½ kevaµµantev±s²pi p±¼iya½ vutto, so pana tadanugatikov±ti tath± vutta½. Dasasahassilokadh±t³ti j±tikkhetta½ sandh±y±ha tattheva paµivedhasambhavato, aññesañca taggahaºeneva gahitatt±. Aññatth±pi hi diµµhigatik± ettha pariy±pann± antoj±l²kat±va. O¼±rik±ti p±kaµabh±vena th³l±. Tass±ti parittodakassa.
147. “Sabbadiµµh²na½ saªgahitatt±”ti etena v±dasaªgahaºena puggalasaªgahoti dasseti. Attano…pe… dassentoti desan±kusalat±ya yath±vuttesu diµµhigatik±na½ ummujjananimujjanaµµh±nabh³tesu katthacipi bhav±d²su attano anavarodhabh±va½ dassento. Nayant²ti satte icchitaµµh±nam±vahanti, ta½ pana tath±-±ka¹¹hanavasen±ti ±ha “g²v±y±”ti-±di. “Nettisadisat±y±”ti imin± sadisavoh±ra½, upam±taddhita½ v± dasseti. “S± h²”ti-±di sadisat±vibh±van±. G²v±y±ti ettha mah±jan±nanti sambandh²niddeso net²ti etth±pi kammabh±vena sambajjhitabbo n²-saddassa dvikammikatt±, ±khy±tapayoge ca bahula½ s±mivacanassa kattukammatthajotakatt±. Ass±ti anena bhagavat±, s± bhavanetti ucchinn±ti sambandho. Puna appaµisandhikabh±v±ti s±matthiyattham±ha. J²vitapariy±d±ne vutteyeva hi puna appaµisandhikabh±vo vutto n±ma tasseva adassanassa padh±nak±raºatt±. “Na dakkhant²”ti ettha an±gatavacanavasena padasiddhi “yatra hi n±ma s±vako evar³pa½ ñassati v± dakkhati v± sakkhi½ v± karissat²”ti-±d²su (p±r±. 228; sa½. ni. 2.202) viy±ti dasseti “na dakkhissant²”ti imin±. Ki½ vutta½ hot²ti ±ha “apaººattikabh±va½ gamissant²”ti. Apaººattikabh±vanti ca dharam±nakapaººattiy± eva apaººattikabh±va½, at²tapaººattiy± pana tath±gatapaººatti y±va s±sanantaradh±n±, tato uddhampi aññabuddhupp±desu pavattati eva yath± adhun± vipassi-±d²na½. Tath± hi vakkhati “voh±ramattameva bhavissat²”ti (d². ni. aµµha. 1.147) paññ±ya cettha paºº±desoti neruttik±.
K±yoti attabh±vo, yo r³p±r³padhammasam³ho. Evañhissa ambarukkhasadisat±, tadavayav±nañca r³pakkhandhacakkh±yatanacakkhudh±t±d²na½ ambapakkasadisat± yujjati. Tanti k±ya½. Pañcapakkadv±dasapakka-aµµh±rasapakkaparim±º±ti pañcapakkaparim±º± ek±, dv±dasapakkaparim±º± ek±, aµµh±rasapakkaparim±º± ek±ti tividh± pakkambaphalapiº¹² viya. Piº¹o etass±ti piº¹², thavako. Tadanvay±n²ti vaºµ±nugat±ni, ten±ha “ta½yeva vaºµa½ anugat±n²”ti.
Maº¹³kakaºµakavisasamphassanti visavantassa bhekavisesassa kaºµakena, tadaññena ca visena samphassa½, maº¹³kakaºµake vijjam±nassa visassa samphassa½ v±. Sakaºµako jalac±r² satto idha maº¹³ko n±ma, yo “p±s±ºakacchapo”ti voharanti, tassa naªguµµhe aggakoµiya½ µhito kaºµakotipi vadanti. Eka½ visamacchakaºµakantipi eke. Kir±ti anussavanatthe nip±to. Ettha ca vaºµacchede vaºµ³panibandh±na½ ambapakk±na½ ambarukkhato vicchedo viya bhavanetticchede tadupanibandh±na½ khandh±d²na½ sant±nato vicchedoti ett±vat±va p±¼iyam±gata½ opamma½, tadavasesa½ pana atthato laddhamev±ti daµµhabba½.
148. Buddhabalanti buddh±na½ ñ±ºabala½. Kathitasuttassa n±m±ti ettha n±ma-saddo sambh±vane nip±to, tena “evampi n±ma kathitasuttass±”ti vuttanayena suttassa guºa½ sambh±veti. Hand±ti vossaggatthe. Tena hi adhun±va gaºh±pess±mi. Na papañca½ kariss±m²ti vossagga½ karoti.
Dhammapariy±yeti dhammadesan±saªkh±t±ya p±¼iy±. Idhatthoti diµµhadhammahita½. Paratthoti sampar±yahita½, tadubhayattho v±. Bh±sitatthopi yujjati “dhammaj±lan”ti ettha tantidhammassa gahitatt±. Ih±ti idha s±sane. Nanti nip±tamatta½ “na na½ suto samaºo gotamo”ti-±d²su viya. Nti dhamm±ti p±¼idhamm±. Sabbena sabba½ saªgaºhanato atthasaªkh±ta½ j±lametth±ti atthaj±la½. Tath± dhammaj±la½ brahmaj±la½ diµµhij±lanti etth±pi. Saªg±ma½ vijin±ti eten±ti saªg±mavijayo, saªg±mo cettha pañcahi m±rehi sam±gamana½ abhiyujjhananti ±ha “devaputtam±ramp²”ti-±di. Atthasampattiy± hi atthaj±la½. Byañjanasampattiy±, s²l±di-anavajjadhammaniddesato ca dhammaj±la½. Seµµhaµµhena brahmabh³t±na½ maggaphalanibb±n±na½ vibhattatt± brahmaj±la½. Diµµivivecanamukhena suññat±pak±sanena samm±diµµhiy± vibhattatt± diµµhij±la½. Titthiyav±danimmaddanup±yatt± anuttaro saªg±mavijayoti evampettha atthayojan± veditabb±.
Nid±n±vas±natoti “atha bhagav± anuppatto”ti vacanasaªkh±tanid±napariyos±nato. Mariy±d±vadhivacanañheta½. Apica nid±n±vas±natoti nid±napariyos±ne vuttatt± nid±n±vas±nabh³tato “mama½ v± bhikkhave, pare avaººa½ bh±seyyun”ti-±di (d². ni. 1.5, 6) vacanato. ¾bhividhi-avadhivacanañheta½. Idañca “avoc±”ti kiriy±sambandhanena vutta½. “Nid±nena ±dikaly±ºan”ti vacanato pana nid±nampi nigamana½ viya suttapariy±pannameva. Alabbha…pe… gambh²ranti sabbaññutaññ±ºassa visesana½.
149. Yath± anattaman± attano anatthacarat±ya paraman± veriman± n±ma honti, yath±ha dhammar±j± dhammapade, ud±ne ca–
“Diso disa½ ya½ ta½ kayir±, ver² v± pana verina½;
micch±paºihita½ citta½, p±piyo na½ tato kare”ti. (Dha. pa. 42; ud±. 33).
Na evamime anattaman±, ime pana attano atthacarat±ya attaman± n±ma hont²ti ±ha “sakaman±”ti. Sakamanat± ca p²tiy± gahitacittatt±ti dasseti “buddhagat±y±”ti-±din±.
Aya½ pana aµµhakath±to aparo nayo– attaman±ti samattaman±, im±ya desan±ya paripuººamanasaªkapp±ti attho. Desan±vil±so desan±ya vijambhana½, tañca desan±kiccanipph±daka½ sabbaññutaññ±ºameva. Karav²kassa rutamiva mañjumadhurassaro yass±ti karav²karutamañj³, tena. Amat±bhisekasadisen±ti k±yacittadarathav³pasamaka½ sabbasambh±r±bhisaªkhata½ udaka½ d²gh±yukat±sa½vattanato amata½ n±ma. Ten±bhisekasadisena. Brahmuno saro viya aµµhaªgasamann±gato saro yass±tibrahmassaro, tena. Abhinandat²ti taºh±yati, ten±ha “taºh±yampi ±gato”ti. Anekatthatt± dh±t³na½ abhinandant²ti upagacchanti sevant²ti atthoti ±ha “upagamanep²”ti.
Tath± abhinandant²ti sampaµicchant²ti attham±ha “sampaµicchanep²”ti. Abhinanditv±ti vuttoyevattho “anumoditv±”ti imin± pak±sitoti sandh±ya “anumodanep²”ti vutta½.
Imamevattha½ g±th±bandhavasena dassetu½ “subh±sitan”ti-±dim±ha. Tattha saddato subh±sita½, atthato sulapita½. S²lappak±sanena v± subh±sita½, suññat±pak±sanena sulapita½. Diµµhivibhajanena v± subh±sita½, tannibbedhakasabbaññutaññ±ºavibhajanena sulapita½. Eva½ avaººavaººanisedhan±d²hipi idha dassitappak±rehi yojetabba½. T±dinoti iµµh±niµµhesu samapekkhan±d²hi pañcahi k±raºehi t±dibh³tassa. Imassa padassa vitth±ro “iµµh±niµµhe t±d², catt±v²ti t±d², vant±v²ti t±d²”ti-±din± (mah±ni. 38) mah±niddese vutto, so upari aµµhakath±yampi ±vibhavissati. Kiñc±pi “katamañca ta½ bhikkhave”ti-±din± (d². ni. 1.7) tattha tattha pavatt±ya kathetukamyat±pucch±ya vissajjanavasena vuttatt± ida½ sutta½ veyy±karaºa½ n±ma bhavati. By±karaºameva hi veyy±karaºa½, tath±pi pucch±vissajjan±vasena pavatta½ sutta½ sag±thaka½ ce, geyya½ n±ma bhavati. Nigg±thaka½, ce aªgantaraheturahitañca, veyy±karaºa½ n±ma. Iti pucch±vissajjan±vasena pavattass±pi geyyas±dh±raºato, aªgantaraheturahitassa ca nigg±thakabh±vasseva anaññas±dh±raºato pucch±vissajjanabh±vamanapekkhitv± nigg±thakabh±vameva veyy±karaºahetut±ya dassento “nigg±thakatt± hi ida½ veyy±karaºan”ti ±ha.
Kasm±ti codana½ sodheti “bhaññam±neti hi vuttan”ti imin±. Ubhayasambandhapadañheta½ heµµh±, upari ca sambajjhanato. Ida½ vutta½ hoti– “bhaññam±ne”ti vattam±nak±lavasena vuttatt± na kevala½ suttapariyos±neyeva, atha kho dv±saµµhiy± µh±nesu akampitth±ti veditabb±ti. Yadeva½ sakalepi imasmi½ sutte bhaññam±ne akampitth±ti atthoyeva sambhavati, na pana tassa tassa diµµhigatassa pariyos±ne pariyos±neti atthoti? N±yamanuyogo katthacipi na pavisati sambhavamatteneva anuyuñjanato, aya½ pana attho na sambhavamatteneva vutto, atha kho desan±k±le kampan±k±reneva ±cariyaparampar±bhatena. Teneva hi ±k±ren±yamattho saªg²tim±ru¼ho, tath±ru¼hanayeneva ca saªgahak±rena vuttoti niµµhamettha gantabba½, itarath± atakk±vacarassa imassatthassa takkapariy±hatakathana½ anupapanna½ siy±ti. Evam²disesu. “Dh±tukkhobhen±”ti-±d²su attho mah±parinibb±nasuttavaººan±ya (d². ni. aµµha. 2.171) gahetabbo.
Aparesup²ti ettha pi-saddena p±ramipavicayana½ sampiº¹eti. Vuttañhi buddhava½se
“Ime dhamme sammasato, sabh±vasarasalakkhaºe;
dhammatejena vasudh±, dasasahass² pakampath±”ti. (Bu. va½. 166).
Tath± s±sanapatiµµh±nantaradh±n±dayopi. Tattha s±sanapatiµµh±ne t±va bhagavato ve¼uvanapaµiggahaºe, mah±mahindattherassa mah±meghavanapaµiggahaºe, mah±-ariµµhattherassa vinayapiµakasajjh±yaneti evam±d²su s±sanassa m³l±ni otiºº±n²ti p²tivasa½ gat± naccant± viya aya½ mah±pathav² kampittha. S±sanantaradh±ne pana “aho ²disassa saddhammassa antaradh±nan”ti domanassappatt± viya yath± ta½ kassapassa bhagavato s±sanantaradh±ne. Vuttañhetamapad±ne
“Tad±ya½ pathav² sabb±, acal± s± cal±cal±;
s±garo ca sasokova, vinad² karuºa½ giran”ti. (Apa. 2.54.131).
Bodhimaº¹³pasaªkamaneti vis±kh±puººamadivase paµhama½ bodhimaº¹³pasaªkamane. Pa½suk³laggahaºeti puººa½ n±ma d±si½ p±rupitv± ±makasus±ne cha¹¹itassa s±ºamayapa½suk³lassa tumbamatte p±ºe vidhunitv± mah±-ariyava½se µhatv± gahaºe. Pa½suk³ladhovaneti tasseva pa½suk³lassa dhovane. K±¼ak±r±masutta½ (a. ni. 4.24) aªguttar±game catukkanip±te. Gotamakasuttampi (a. ni. 3.176) tattheva tikanip±te. V²riyabalen±ti mah±bhinikkhamane cakkavattisiriparicc±gahetubh³tav²riyappabh±vena. Bodhimaº¹³pasaªkamane
“K±ma½ taco ca nh±ru ca, aµµhi ca avasissatu;
upasussatu nissesa½, sar²re ma½salohitan”ti. (Ma. ni. 2.184; sa½. ni. 2.22, 237; a. ni. 2.5; 8.13; mah±ni. 196; avid³renid±nakath±).

Vuttacaturaªgasamann±gatav²riy±nubh±ven±ti yath±rahamattho veditabbo. Acchariyaveg±bhihat±ti vimhay±vahakiriy±nubh±vaghaµµit±. Pa½suk³ladhovane bhagavato puññatejen±ti vadanti. Pa½suk³laggahaºe yath± acchariyaveg±bhihat±ti yutta½ viya dissati, ta½ pana kad±ci pavattatt± “ak±lakampanen±”ti vutta½. Vessantaraj±take (j±. 2.22.1655) pana p±ram²p³raºapuññatejena anekakkhattu½ kampitatt± ak±lakampana½ n±ma bhavati. Sakkhinidassane kathetabbassa atthass±nur³pato sakkhi viya bhavat²ti vutta½ “sakkhibh±ven±”ti yath± ta½ m±ravijayak±le (j±. aµµha. 1.avid³renid±nakath±). S±dhuk±rad±nen±ti pakaraº±nur³pavasena vutta½ yath± ta½ dhammacakkappavattanasaªg²tik±l±d²su (sa½. ni. 5.1081; mah±va. 13; paµi. ma. 3.301).

“Na kevalan”ti-±din± anekatthapathav²kampanadassanamukhena imassa suttassa mah±nubh±vat±yeva dassit±. Tattha jotivaneti nandavane. Tañhi s±sanassa ñ±º±lokasaªkh±t±ya jotiy± p±tubh³taµµh±natt± jotivananti vuccat²ti vinayasa½vaººan±ya½ vutta½. Dhammanti anamataggasutt±didhamma½. P±c²na-ambalaµµhikaµµh±nanti p±c²nadis±bh±ge taruºambarukkhena lakkhitaµµh±na½.
Evanti bhagavat± desitak±l±d²su pathav²kampanamatidisati. Anekasoti anekadh±. Sayambhun± desitassa brahmaj±lassa yassa suttaseµµhass±ti yojan±. Idh±ti imasmi½ s±sane. Yonisoti micch±diµµhippah±nasamm±diµµhisam±d±n±din± ñ±yena up±yena paµipajjant³ti attho. Aya½ t±vettha aµµhakath±ya l²natthavibh±van±.