“Khandh± het³”ti-±dip±¼i tadatthavibh±vin². Tattha janakaµµhena hetu, upatthambhakaµµhena paccayo. Up±d±y±ti up±diyitv±, paµicc±ti attho. “Upp±d±y±”tipi p±µho, uppajjan±y±ti attho. Samuµµh±ti eten±ti samuµµh±na½, khandh±dayo eva. Idha pana samuµµh±nabh±voyeva samuµµh±na-saddena vutto bh±valopatt±, bh±vappadh±natt± ca. ¾dinn± sakasant±ne. Pavattit± saparasant±nesu. Para-saddo abhiºhatthoti vutta½ “punappunan”ti. Pariniµµh±pit±ti “idameva dassana½ sacca½, añña½ pana mogha½ tuccha½ mus±”ti abhinivesassa pariyos±na½ matthaka½ p±pit±ti attho. ¾rammaºavasen±ti aµµhasu diµµhiµµh±nesu khandhe sandh±y±ha. Pavattanavasen±ti avijj±phassasaññ±vitakk±yonisomanasik±re. ¾sevanavasen±ti p±pamittaparatoghose. Yadipi sar³patthavasena vevacana½, saªketatthavasena pana eva½ vattabboti dassetu½ “eva½vidhaparalok±”ti vutta½. Yena kenaci hi visesaneneva vevacana½ s±tthaka½ siy±. Paraloko ca kammavasena abhimukho sampareti gacchati pavattati etth±ti abhisampar±yoti vuccati. “Iti kho ±nanda, kusal±ni s²l±ni anupubbena agg±ya parent²”ti-±d²su (a. ni. 10.2) viya hi cur±digaºavasena para-sadda½ gatiyamicchanti saddavid³, ayamettha aµµhakath±to aparo nayo.
Eva½gatik±ti eva½gaman± eva½niµµh±, evamanuyuñjanena bhijjananassanapariyos±n±ti attho. Gati-saddo cettha “yehi samann±gatassa mah±purisassa dveva gatiyo bhavant²”ti-±d²su (d². ni. 1.258; 2.33, 35; 3.199, 200; ma. ni. 2.384, 397) viya niµµh±nattho. Ida½ vutta½ hoti– ime diµµhisaªkh±t± diµµhiµµh±n± eva½ paramatthato asanta½ att±na½, sassatabh±vañca tasmi½ ajjh±ropetv± gahit±, par±maµµh± ca sam±n± b±lalapan±yeva hutv± y±va paº¹it± na samanuyuñjanti, t±va gacchanti, p±tubhavanti ca, paº¹itehi samanuyuñjiyam±n± pana anavaµµhitavatthuk± avimaddakkham± s³riyuggamane uss±vabind³ viya, khajjopanak± viya ca bhijjanti, vinassanti c±ti.
Tatth±ya½ anuyuñjane saªkhepakath±– yadi hi parehi kappito att± loko v± sassato siy±, tassa nibbik±rat±ya purimar³p±vijahanato kassaci vises±dh±nassa k±tumasakkuºeyyat±ya ahitato nivattanattha½, hite ca paµipajjanattha½ upadeso eva sassatav±dino nippayojano siy±, katha½ v± tena so upadeso pavatt²yati vik±r±bh±vato. Evañca sati parikappitassa attano ajaµ±k±sassa viya d±n±dikiriy±, hi½s±dikiriy± ca na sambhavati, tath± sukhassa, dukkhassa ca anubhavananibandho eva sassatav±dino na yujjati kammabaddh±bh±vato. J±ti-±d²nañca asambhavato vimokkho na bhaveyya, atha pana dhammamatta½ tassa uppajjati ceva vinassati ca, yassa vasen±ya½ kiriy±divoh±roti vadeyya, evampi purimar³p±vijahanena avaµµhitassa attano dhammamattanti na sakk± sambh±vetu½, te v± panassa dhamm± avatth±bh³t±, tasm± tassa uppann± aññe v± siyu½ anaññe v±, yadi aññe, na t±hi avatth±hi tassa uppann±hipi koci viseso atthi, y±hi karoti paµisa½vedeti cavati uppajjati c±ti icchita½, evañca dhammakappan±pi niratthak± siy±, tasm± tadavattho eva yath±vuttadoso, ath±naññe, upp±davin±savant²hi avatth±hi anaññassa attano t±sa½ viya upp±davin±sasabbh±vato kuto bhaveyya niccat±vak±so, t±sampi v± attano viya niccat±pavatti, tasm± bandhavimokkh±na½ asambhavo ev±ti na yujjatiyeva sassatav±do, na cettha koci v±d² dhamm±na½ sassatabh±ve parisudda½ yutti½ vattu½ samattho bhaveyya, yuttirahitañca vacana½ na paº¹it±na½ citta½ ±r±dheti, ten±vocumha “y±va paº¹it± na samanuyuñjanti, t±va gacchanti, p±tubhavanti c±”ti.
Sak±raºa½ sagatikanti ettha saha-saddo vijjam±nattho “salomako sapakkhako”ti-±d²su viya, na pana samav±yattho ca-saddena “tayida½ bhikkhave, tath±gato paj±n±t²”ti vuttassa diµµhigatassa samuccinitatt±, “tañca tath±gato paj±n±t²”ti imin± ca k±raºagat²nameva paj±nanabh±vena vuttatt±. Ida½ vutta½ hoti– tayida½ bhikkhave, k±raºavanta½ gativanta½ diµµhigata½ tath±gato paj±n±ti, na kevalañca tadeva, atha kho tassa k±raºagatisaªkh±ta½ tañca sabbanti. “Tato…pe… paj±n±t²”ti vuttav±kyassa attha½ vuttanayena sa½vaººeti “tato c±”ti-±din±. Sabbaññutaññ±ºassevidha vibhajananti pakaraº±nur³pamattha½ ±ha “sabbaññutaññ±ºañc±”ti, tasmi½ v± vutte tadadhiµµh±nato ±savakkhayañ±ºa½, tadavin±bh±vato v± sabbampi dasabal±diñ±ºa½ gahitamev±tipi tadeva vutta½.
Eva½vidhanti “s²lañc±”ti-±din± eva½vuttappak±ra½. Paj±nantop²ti ettha pi-saddena, api-saddena v± “tañc±”ti vutta ca-saddassa sambh±vanatthabh±va½ dasseti, tena tato diµµigatato uttaritara½ s±rabh³ta½ s²l±diguºavisesampi tath±gato n±bhinivisati, ko pana v±do vaµµ±miseti sambh±veti. “Ahan”ti diµµim±navasena par±masan±k±radassana½. Paj±n±m²ti ettha iti-saddena pak±ratthena, nidassanatthena v±. “Maman”ti taºh±vasena par±masan±k±ra½ dasseti. Taºh±diµµhim±napar±m±savasen±ti taºh±diµµhim±nasaªkh±tapar±m±savasena. Dhammasabh±vamatikkamitv± “aha½ maman”ti parato abh³tato ±masana½ par±m±so, taºh±dayo eva. Na hi ta½ atthi, ya½ khandhesu “ahan”ti v± “maman”ti v± gahetabba½ siy±, apar±masato apar±masantassa assa tath±gatassa nibbuti vidit±ti sambandho. “Apar±masato”ti ceda½ nibbutipavedan±ya (nibbutivedanassa d². ni. µ². 1.36) hetugabbhavisesana½ “Vidit±”ti padamapekkhitv± kattari s±mivacana½. Apar±masato par±m±sarahitapaµipattihetu assa tath±gatassa kattubh³tassa nibbuti asaªkhatadh±tu vidit±, adhigat±ti v± attho. “Apar±masato”ti heda½ hetumhi nissakkavacana½.
“Apar±m±sapaccay±”ti paccattaññeva pavedan±ya k±raºadassana½. Ass±ti katt±ra½ vatv±pi paccattaññev±ti visesadassanattha½ puna kattuvacananti ±ha “sayameva attan±yev±”ti. Saya½, attan±ti v± bh±vanapu½saka½. Nip±tapadañheta½. “Apar±masato”ti vacanato par±m±s±nameva nibbuti idha desit±, ta½desan±ya eva tadaññesampi nibbutiy± sijjhanatoti dasseti “tesa½ par±m±sakiles±nan”ti imin±, par±m±sasaªkh±t±na½ kiles±nanti attho. Apica k±ma½ “apar±masato”ti vacanato par±m±s±nameva nibbuti idha desit±ti viññ±yati, ta½desan±ya pana tadavases±nampi kiles±na½ nibbuti desit± n±ma bhavati pah±nekaµµhat±dibh±vato, tasm± tesampi nibbuti niddh±retv± dassetabb±ti vutta½ “tesa½ par±m±sakiles±nan”ti, taºh±diµµhim±nasaªkh±t±na½ par±m±s±na½, tadaññesañca kiles±nanti attho. Gobal²baddanayo hesa. Nibbut²ti ca nibb±yanabh³t± asaªkhatadh±tu, tañca bhagav± bodhim³leyeva patto, tasm± s± paccattaññeva vidit±ti.
Yath±paµipannen±ti yena paµipannena. Tappaµipatti½ dassetu½ “t±sa½yeva…pe… ±dim±h±”ti anusandhidassana½. Kasm± pana vedan±naññeva kammaµµh±nam±cikkhat²ti ±ha “y±s³”ti-±di, imin± desan±vil±sa½ dasseti. Desan±vil±sappatto hi bhagav± desan±kusalo khandh±yatan±divasena anekavidh±su catusaccadesan±su sambhavant²supi diµµhigatik± vedan±su micch±paµipattiy± diµµhigahana½ pakkhand±ti dassanattha½ tath±pakkhandanam³labh³t± vedan±yeva pariññ±bh³mibh±vena uddharat²ti. Idh±ti imasmi½ v±de. Eva½ etth±tipi. Kammaµµh±nanti catusaccakammaµµh±na½. Ettha hi vedan±gahaºena gahit± pañcup±d±nakkhandh± dukkhasacca½. Vedan±na½ samudayaggahaºena gahito avijj±samudayo samudayasacca½, atthaªgamanissaraºapariy±yehi nirodhasacca½, “yath±bh³ta½ viditv±”ti etena maggasaccanti eva½ catt±ri sacc±ni veditabb±ni. “Yath±bh³ta½ viditv±”ti ida½ vibhajjaby±karaºatthapadanti tadattha½ vibhajja dassetu½ “tatth±”ti-±di vutta½. Visesato hi “avijj±samuday± vedan±samudayo”ti-±dilakkhaº±na½ vasena samuday±d²su attho yath±raha½ vibhajja dassetabbo. Avisesato pana vedan±ya samuday±d²ni vipassan±paññ±ya ±rammaºapaµivedhavasena, maggapaññ±ya asammohapaµivedhavasena j±nitv± paµivijjhitv±ti attho. Paccayasamudayaµµhen±ti “imasmi½ sati ida½ hoti, imassupp±d± ida½ uppajjat²”ti (ma. ni. 1.404; sa½. ni. 2.21; ud±. 1) vuttalakkhaºena avijj±d²na½ paccay±na½ upp±dena ceva maggena asamuggh±µena ca. Y±va hi maggena na samuggh±µ²yati, t±va paccayoti vuccati. Nibbattilakkhaºanti upp±dalakkhaºa½, j±tinti attho. Pañcanna½ lakkhaº±nanti ettha ca catunnampi paccay±na½ upp±dalakkhaºameva aggahetv± paccayalakkhaºampi gahetabba½ samudaya½ paµicca tesa½ yath±raha½ upak±rakatt±. Tath± ceva sa½vaººita½ “maggena asamuggh±µena c±”ti. Paccayanirodhaµµhen±ti “imasmi½ niruddhe ida½ niruddha½ hoti, imassa nirodh± ida½ nirujjhat²”ti (ma. ni. 1.406; ud±. 3; sa½. ni. 2.41) vuttalakkhaºena avijj±d²na½ paccay±na½ nirodhena ceva maggena samuggh±µena ca. Vipariº±malakkhaºanti nirodhalakkhaºa½, bhaªganti attho. Vayanti nirodha½. Yanti yasm± paccayabh±vasaªkh±tahetuto. Vedana½ paµicc±ti purimuppanna½ ±rammaº±dipaccayabh³ta½ vedana½ labhitv±. Sukha½ somanassanti sukhañceva somanassañca. Ayanti purimavedan±ya yath±raha½ pacchimuppann±na½ sukhasomanass±na½ paccayabh±vo. Ass±do n±ma ass±ditabboti katv±.
Aparo nayo– yanti sukha½, somanassañca. Ayanti ca napu½sakaliªgena niddiµµha½ sukhasomanassameva ass±dapadamapekkhitv± pulliªgena niddis²yati, imasmi½ pana vikappe sukhasomanass±na½ upp±doyeva tehi upp±davantehi niddiµµho, sattiy±, sattimato ca abhinnatt±. Na hi sukhasomanassamantarena tesa½ upp±do labbhati. Iti purimavedana½ paµicca sukhasomanassupp±dopi purimavedan±ya ass±do n±ma ass±d²yateti katv± Ayañhettha saªkhepattho– purimamuppanna½ vedana½ ±rabbha somanassuppattiya½ yo purimavedan±ya paccayabh±vasaªkh±to ass±detabb±k±ro, somanassassa v± upp±dasaªkh±to tadass±dan±k±ro, aya½ purimavedan±ya ass±doti. Katha½ pana vedana½ ±rabbha sukha½ uppajjati, nanu phoµµhabb±rammaºanti? Cetasikasukhasseva ±rabbha pavattiyamadhippetatt± n±ya½ doso. ¾rabbha pavattiyañhi visesanameva somanassaggahaºa½ somanassa½ sukhanti yath± “rukkho s²sap±”ti aññapaccayavasena uppattiya½ pana k±yikasukhampi ass±doyeva, yath±l±bhakath± v± es±ti daµµhabba½.
“Y± vedan± anicc±”ti-±din± sattimat± satti nidassit±. Tatr±yamattho– y± vedan± hutv± abh±vaµµhena anicc±, udayabbayapaµip²¼anaµµhena dukkh±, jar±ya, maraºena c±ti dvidh± vipariº±metabbaµµhena vipariº±madhamm±. Tass± eva½bh³t±ya aya½ aniccadukkhavipariº±mabh±vo vedan±ya sabb±yapi-±d²navoti. ¾d²na½ paramak±ruñña½ v±ti pavattati etasm±ti hi ±d²navo. Apica-±d²na½ ativiya kapaºa½ pavattanaµµhena kapaºamanusso ±d²navo, ayampi eva½sabh±voti tath± vuccati. Sattimat± hi satti abhinn± tadavin±bh±vato.
Ettha ca “anicc±”ti imin± saªkh±radukkhat±vasena upekkh±vedan±ya, sabb±su v± vedan±su-±d²navam±ha, “dukkh±”ti imin± dukkhadukkhat±vasenadukkhavedan±ya, “vipariº±madhamm±”ti imin± vipariº±madukkhat±vasena sukhavedan±ya. Avisesena v± t²ºipi pad±ni tissannampi vedan±na½ vasena yojetabb±ni. Chandar±gavinayoti chandasaªkh±tar±gavinayana½ vin±so. “Atthavas± liªgavibhattivipariº±mo”ti vacanato ya½ chandar±gappah±nanti yojetabba½. Pariy±yavacanamevida½ padadvaya½. Yath±bh³ta½ viditv±ti maggassa vuttatt± magganibb±navasena v± yath±kkama½ yojan±pi vaµµati. Vedan±y±ti nissakkavacana½. Nissaraºanti nekkhamma½. Y±va hi vedan±paµibaddha½ chandar±ga½ nappajahati, t±v±ya½ puriso vedan±ya all²noyeva hoti. Yad± pana ta½ chandar±ga½ pajahati, tad±ya½ puriso vedan±ya nissaµo visa½yutto hoti, tasm± chandar±gappah±na½ vedan±ya nissaraºa½ vutta½. Tabbacanena pana vedan±sahaj±tanissay±rammaºabh³t± r³p±r³padhamm± gahit± eva hont²tipi pañcahi up±d±nakkhandhehi nissaraºavacana½ siddhameva. Vedan±s²sena hi desan± ±gat±, tattha pana k±raºa½ heµµh± vuttameva. Lakkhaºah±ravasen±pi ayamattho vibh±vetabbo. Vuttañhi ±yasmat± mah±kacc±nattherena
“Vuttamhi ekadhamme, ye dhamm± ekalakkhaº± keci;
vutt± bhavanti sabbo, so h±ro lakkhaºo n±m±”ti. (Netti. 485).
K±mup±d±nam³lakatt± sesup±d±n±na½ pah²ne ca k±mup±d±ne up±d±nases±bh±vato “vigatachandar±gat±ya anup±d±no”ti vutta½, etena “anup±d±vimutto”ti etassattha½ saªkhepena dasseti. Ida½ vutta½ hoti– vigatachandar±gat±ya anup±d±no, anup±d±natt± ca anup±d±vimuttoti. Tamattha½ vitth±retu½, samatthetu½ v± “yasmin”ti-±di vutta½. Tattha yasmi½ up±d±neti sesup±d±nam³labh³te k±mup±d±ne. Tass±ti k±mup±d±nassa. Anup±diyitv±ti chandar±gavasena an±diyitv±, etena “anup±d±vimutto”ti padassa ya-k±ralopena sam±sabh±va½, by±sabh±va½ v± dasseti.
37. “Ime kho”ti-±di yath±puµµhassa dhammassa vissajjitabh±vena nigamanavacana½, “paj±n±t²”ti vuttapaj±nanameva ca ima-saddena niddiµµhanti dassetu½ “ye te”ti-±dim±ha. Ye te sabbaññutaññ±ºadhamme…pe… apucchi½, yehi sabbaññutaññ±ºadhammehi…pe… vadeyyu½, tañca…pe… paj±n±t²ti eva½ niddiµµh± ime sabbaññutaññ±ºadhamm± gambh²r±…pe… paº¹itavedan²y± c±ti veditabb±ti yojan±. “Evan”ti-±di piº¹atthadassana½. Tattha kiñc±pi “anup±d±vimutto bhikkhave, tath±gato”ti imin± aggamaggaphaluppatti½ dasseti, “vedan±na½, samudayañc±”ti-±din± ca catusaccakammaµµh±na½. Tath±pi yass± dhammadh±tuy± suppaµividdhatt± ima½ diµµhigata½ sak±raºa½ sagatika½ pabhedato vibhajitu½ samattho hoti, tass± padaµµh±nena ceva saddhi½ pubbabh±gapaµipad±ya uppattibh³miy± ca tadeva p±kaµatara½ kattuk±mo dhammar±j± eva½ dasset²ti vutta½ “tadeva niyy±titan”ti, nigamita½ niµµh±pitanti attho Antar±ti pucchitavissajjitadhammadassanavacan±namantar± diµµhiyo vibhatt± tassa paj±nan±k±radassanavasen±ti attho.

Paµhamabh±ºav±ravaººan±ya l²natthappak±san±.