S²lap±ramiya½ pana eva½ paccavekkhitabba½– “idañhi s²la½ n±ma gaªgodak±d²hi visodhetu½ asakkuºeyyassa dosamalassa vikkh±lanajala½, haricandan±d²hi vinetu½ asakkuºeyyassa r±g±dipari¼±hassa vinayana½, mutt±h±ramakuµakuº¹al±d²hi pacurajan±laªk±rehi as±dh±raºo s±dh³namalaªk±raviseso, sabbadis±v±yanako atikittimo [sabbadis±v±yanato akittimo (cariy±. aµµha. pakiººakakath±vaººan±; d². ni. µ². 1.7)] sabbak±l±nur³po ca surabhigandho, khattiyamah±s±l±d²hi, devat±hi ca vandan²y±dibh±v±vahanato paramo vas²karaºamanto, c±tumah±r±jik±didevalok±rohaºasop±napanti, jh±n±bhiññ±na½ adhigam³p±yo, nibb±namah±nagarassa samp±pakamaggo, s±vakabodhipaccekabodhisamm±sambodh²na½ patiµµh±nabh³mi, ya½ ya½ v± panicchita½ patthita½, tassa tassa samijjhan³p±yabh±vato cint±maºikapparukkh±dike ca atiseti. Vuttañheta½ bhagavat± “ijjhati bhikkhave, s²lavato cetopaºidhi visuddhatt±”ti (d². ni. 3.337; sa½. ni. 4.352; a. ni. 8.35). Aparampi vutta½ “±kaªkheyya ce bhikkhave, bhikkhu sabrahmac±r²na½ piyo ca assa½ man±po ca garu ca bh±van²yo c±ti, s²lesvevassa parip³rak±r²”ti-±di (ma. ni. 1.65). Tath± “avippaµis±ratth±ni kho ±nanda kusal±ni s²l±n²”ti, (a. ni. 10.1; 11.1) “pañcime gahapatayo, ±nisa½s± s²lavato s²lasampad±y±”ti-±disutt±nañca (d². ni. 2.150; a. ni. 5.213; ud±. 76; mah±va. 385) vasena s²laguº± paccavekkhitabb±. Tath± aggikkhandhopamasutt±d²na½ (a. ni. 7.72) vasena s²lavirahe ±d²nav±.
Apica p²tisomanassanimittato, att±nuv±dapar±nuv±dadaº¹aduggatibhay±bh±vato, viññ³hi p±sa½sabh±vato, avippaµis±rahetuto, paramasotthiµµh±nato, kulas±pateyy±dhipateyyaj²vitar³paµµh±nabandhumittasampatt²na½ atisayanato ca s²la½ paccavekkhitabba½. S²lavato hi attano s²lasampad±hetu mahanta½ p²tisomanassa½ uppajjati “kata½ vata may± kusala½, kata½ kaly±ºa½, kata½ bh²rutt±ºan”ti.
Tath± s²lavato att± na upavadati, na ca pare viññ³, daº¹aduggatibhay±nañca sambhavoyeva natthi, “s²lav± purisapuggalo kaly±ºadhammo”ti viññ³na½ p±sa½so ca hoti. Tath± s²lavato yv±ya½ “kata½ vata may± p±pa½, kata½ ludda½, kata½ kibbisan”ti duss²lassa vippaµis±ro uppajjati, so na hoti. S²lañca n±meta½ appam±d±dhiµµh±nato, bhogabyasan±diparih±ramukhena mahato atthassa s±dhanato, maªgalabh±vato, parama½ sotthiµµh±na½. Nih²najaccopi s²lav± khattiyamah±s±l±d²na½ p³jan²yo hot²ti kulasampatti½ atiseti s²lasampad±, “ta½ ki½ maññasi mah±r±ja, idha te assa d±so kammakaro”ti-±di (d². ni. 1.183) vakkham±nas±maññasuttavacanañcettha s±dhaka½, cor±d²hi as±dh±raºato, paralok±nugamanato, mahapphalabh±vato, samath±diguº±dhiµµh±nato ca b±hiradhana½ s±pateyya½ atiseti s²la½. Paramassa cittissariyassa adhiµµh±nabh±vato khattiy±d²namissariya½ atiseti s²la½. S²lanimittañhi ta½ta½sattanik±yesu satt±namissariya½, vassasat±did²ghappam±ºato ca j²vitato ek±hampi s²lavato j²vitassa visiµµhat±vacanato, satipi j²vite sikkh±nikkhipanassa maraºat±vacanato ca s²la½ j²vitato visiµµhatara½. Ver²nampi manuññabh±v±vahanato, jar±rogavipatt²hi anabhibhavan²yato ca r³pasampatti½ atiseti s²la½. P±s±dahammiy±diµµh±nappabhede r±jayuvar±jasen±pati-±diµh±navisese ca sukhavises±dhiµµh±nabh±vato atiseti s²la½. Sabh±vasiniddhe santik±vacarepi bandhujane, mittajane ca ekantahitasamp±danato, paralok±nugamanato ca atiseti s²la½. “Na ta½ m±t± pit± kayir±”ti-±di (dha. pa. 43) vacanañcettha s±dhaka½. Tath± hatthi-assarathapattibalak±yehi, mant±gadasotth±napayogehi ca dur±rakkh±naman±th±na½ att±dh²nato, anapar±dh²nato, mah±visayato ca ±rakkhabh±vena s²lameva visiµµhatara½. Tenev±ha “dhammo have rakkhati dhammac±rin”ti-±di (therag±. 303; j±. 1.10.102). Evamanekaguºasamann±gata½ s²lanti paccavekkhantassa aparipuºº± ceva s²lasampad± p±rip³ri½ gacchati, aparisuddh± ca p±risuddhi½.
Sace panassa d²gharatta½ paricayena s²lapaµipakkhadhamm± dos±dayo antarantar± uppajjeyyu½, tena bodhisattapaµiññena eva½ paµisañcikkhitabba½ “nanu tay± bodh±ya paºidh±na½ kata½, s²lavekallena ca na sakk± na ca sukar± lokiy±pi sampattiyo p±puºitu½, pageva lokuttar±”ti. Sabbasampatt²namaggabh³t±ya samm±sambodhiy± adhiµµh±nabh³tena s²lena paramukka½sagatena bhavitabba½, tasm± “kik²va aº¹an”ti-±din± (d². ni. aµµha. 1.7; visuddhi. 1.19) vuttanayena sammadeva s²la½ rakkhantena suµµhu tay± pesalena bhavitabba½.
Apica tay± dhammadesan±ya y±nattaye satt±namavat±raºaparip±can±ni k±tabb±ni, s²lavekallassa ca vacana½ na paccetabba½ hoti, asapp±y±h±ravic±rassa viya vejjassa tikicchana½, tasm± “kath±ha½ saddheyyo hutv± satt±namavat±raºaparip±can±ni kareyyan”ti sabh±vaparisuddhas²lena bhavitabba½. Kiñca jh±n±diguºavisesayogena me satt±namupak±rakaraºasamatthat±, paññ±p±ram²-±diparip³raºañca jh±n±dayo guº± ca s²lap±risuddhi½ vin± na sambhavant²ti sammadeva s²la½ sodhetabba½.
Tath± “samb±dho ghar±v±so rajopatho”ti-±din± (d². ni. 1.111; ma. ni. 1.291, 371; 2.10; 3.13, 218; sa½. ni. 2.154; 5.1002; a. ni. 10.99; netti. 94) ghar±v±se, “aµµhikaªkal³pam± k±m±”ti-±din± (ma. ni. 1.234; 2.42; p±ci. 417; c³¼ani. 147) “m±t±pi puttena vivadat²”ti-±din± (ma. ni. 1.168) ca k±mesu, “seyyath±pi puriso iºa½ ±d±ya kammante payojeyy±”ti-±din± (ma. ni. 1.426) k±macchand±d²su ±d²navadassanapubbaªgam±, vuttavipariy±yena “abbhok±so pabbajj±”ti-±din± (d². ni. 1.191, 398; ma. ni. 1.291, 371; 2.10; 3.13, 218; sa½. ni. 1.291; sa½. ni. 5.1002; a. ni. 10.99; netti. 98) pabbajj±d²su ±nisa½s±paµisaªkh±vasena nekkhammap±ramiya½ paccavekkhaº± k±tabb±. Ayamettha saªkhepo, vitth±ro pana dukkhakkhandha-±sivisopamasutt±di (ma. ni. 1.163, 175; sa½. ni. 4.238) vasena veditabbo.
Tath± “paññ±ya vin± d±n±dayo dhamm± na visujjhanti, yath±saka½ by±p±rasamatth± ca na hont²”ti paññ±ya guº± manasi k±tabb±. Yatheva hi j²vitena vin± sar²rayanta½ na sobhati, na ca attano kiriy±su paµipattisamattha½ hoti. Yath± ca cakkh±d²ni indriy±ni viññ±ºena vin± yath±saka½ visayesu kicca½ k±tu½ nappahonti, eva½ saddh±d²ni indriy±ni paññ±ya vin± sakakiccapaµipattiyamasamatth±n²ti paricc±g±dipaµipattiya½ paññ± padh±nak±raºa½. Umm²litapaññ±cakkhuk± hi mah±satt± bodhisatt± attano aªgapaccaªg±nipi datv± anattukka½sak±, aparavambhak± ca honti, bhesajjarukkh± viya vikapparahit± k±lattayepi somanassaj±t±. Paññ±vasena hi up±yakosallayogato paricc±go parahitapavattiy± d±nap±ramibh±va½ upeti. Attatthañhi d±na½ muddhasadisa½ [vuddhisadisa½ (d². ni. µ². 1.7)] hoti.
Tath± paññ±ya abh±vena taºh±disa½kiles±viyogato s²lassa visuddhiyeva na sambhavati, kuto sabbaññuguº±dhiµµh±nabh±vo. Paññav± eva ca ghar±v±se k±maguºesu sa½s±re ca ±d²nava½, pabbajj±ya jh±nasam±pattiya½ nibb±ne ca ±nisa½sa½ suµµhu sallakkhento pabbajitv± jh±nasam±pattiyo nibbattetv± nibb±naninno, pare ca tattha patiµµhapeti.
V²riyañca paññ±rahita½ yathicchitamattha½ na s±dheti dur±rambhabh±vato. An±rambhoyeva hi dur±rambhato seyyo, paññ±sahitena pana v²riyena na kiñci duradhigama½ up±yapaµipattito. Tath± paññav± eva par±pak±r±d²namadhiv±sakaj±tiyo hoti, na duppañño. Paññ±virahitassa ca parehi upan²t± apak±r± khantiy± paµipakkhameva anubr³henti. Paññavato pana te khantisampattiy± anubr³hanavasena ass± thirabh±v±ya sa½vattanti. Paññav± eva t²ºipi sacc±ni tesa½ k±raº±ni paµipakkhe ca yath±bh³ta½ j±nitv± paresa½ avisa½v±dako hoti. Tath± paññ±balena att±namupatthambhetv± dhitisampad±ya sabbap±ram²su acalasam±d±n±dhiµµh±no hoti. Paññav± eva ca piyamajjhattaverivibh±gamakatv± sabbattha hit³pasa½h±rakusalo hoti. Tath± paññ±vasena l±bh±l±bh±dilokadhammasannip±te nibbik±rat±ya majjhatto hoti. Eva½ sabb±sa½ p±ram²na½ paññ±va p±risuddhihet³ti paññ±guº± paccavekkhitabb±.
Apica paññ±ya vin± na dassanasampatti, antarena ca diµµhisampada½ na s²lasampad±, s²ladiµµhisampad±rahitassa ca na sam±dhisampad±, asam±hitena ca na sakk± attahitamattampi s±dhetu½, pageva ukka½sagata½ parahitanti. “Nanu tay± parahit±ya paµipannena sakkacca½ paññ±p±risuddhiy± ±yogo karaº²yo”ti bodhisattena att± ovaditabbo. Paññ±nubh±vena hi mah±satto caturadhiµµh±n±dhiµµhito cat³hi saªgahavatth³hi loka½ anuggaºhanto satte niyy±namagge avat±reti, indriy±ni ca nesa½ parip±ceti. Tath± paññ±balena khandh±yatan±d²su pavicayabahulo pavattinivattiyo y±th±vato parij±nanto d±n±dayo guºavisese nibbedhabh±giyabh±va½ nayanto bodhisattasikkh±ya parip³rak±r² hot²ti evam±din± anek±k±ravok±re paññ±guºe vavatthapetv± paññ±p±ram² anubr³hetabb±.
Tath± dissam±nap±r±nipi lokiy±ni kamm±ni nih²nav²riyena p±puºitumasakkuºeyy±ni, agaºitakhedena pana ±raddhav²riyena duradhigama½ n±ma natthi. Nih²nav²riyo hi “sa½s±ramahoghato sabbasatte sant±ress±m²”ti ±rabhitumeva na sakkuºoti. Majjhimo pana ±rabhitv±na antar±vos±nam±pajjati. Ukkaµµhav²riyo pana attasukhanirapekkho ±rabhitv± p±ramadhigacchat²ti v²riyasampatti paccavekkhitabb±.
Apica “yassa attano eva sa½s±rapaªkato samuddharaºattham±rambho, tass±pi v²riyassa sithilabh±vena manorath±na½ matthakappatti na sakk± sambh±vetu½, pageva sadevakassa lokassa samuddharaºattha½ kat±bhin²h±ren±”ti ca “r±g±d²na½ dosagaº±na½ mattamah±n±g±namiva dunniv±raºabh±vato, tannid±n±nañca kammasam±d±n±na½ ukkhitt±sikavadhakasadisabh±vato, tannimitt±nañca duggat²na½ sabbad± vivaµamukhabh±vato, tattha niyojak±nañca p±pamitt±na½ sad± sannihitabh±vato, tadov±dak±rit±ya ca vasalassa puthujjanabh±vassa sati sambhave yutta½ sayameva sa½s±radukkhato nissaritun”ti ca “micch±vitakk± v²riy±nubh±vena d³r² bhavant²”ti ca “yadi pana sambodhi½ att±dh²nena v²riyena sakk± samadhigantu½, kimettha dukkaran”ti ca evam±din± nayena v²riyaguº± paccavekkhitabb±.
Tath± “khanti n±m±ya½ niravasesaguºapaµipakkhassa kodhassa vidhamanato guºasamp±dane s±dh³na½ appaµihatam±yudha½, par±bhibhavane samatth±namalaªk±ro, samaºabr±hmaº±na½ balasampad±, kodhaggivinayan± udakadh±r±, kaly±ºakittisaddassa sañj±tideso, p±papuggal±na½ vac²visav³pasamakaro mant±gado, sa½vare µhit±na½ param± dh²rapakati, gambh²r±sayat±ya s±garo, dosamah±s±garassa vel±, ap±yadv±rassa pidh±nakav±µa½ devabrahmalok±na½ ±rohaºasop±na½, sabbaguº±namadhiv±sabh³mi, uttam± k±yavac²manovisuddh²”ti manasi k±tabba½. Apica “ete satt± khantisampattiy± abh±vato idhaloke tapanti, paraloke ca tapan²yadhamm±nuyogato”ti ca “yadipi par±pak±ranimitta½ dukkha½ uppajjati, tassa pana dukkhassa khettabh³to attabh±vo, b²jabh³tañca kamma½ may±va abhisaªkhatan”ti ca “tassa ca dukkhassa ±ºaºyakaraºametan”ti ca “apak±rake asati katha½ mayha½ khantisampad± sambhavat²”ti ca “yadip±ya½ etarahi apak±rako aya½ n±ma pubbe anena mayha½ upak±ro kato”ti ca “apak±ro eva v± khantinimittat±ya upak±ro”ti ca “sabbepime satt± mayha½ puttasadis±, puttakat±par±dhesu ca ko kujjhissat²”ti ca “yena kodhabh³t±vesena aya½ mayha½ aparajjhati, sv±ya½ kodhabh³t±veso may± vinetabbo”ti ca “yena apak±rena ida½ mayha½ dukkha½ uppanna½, tassa ahampi nimittan”ti ca “yehi dhammehi apak±ro kato, yattha ca kato, sabbepi te tasmi½yeva khaºe niruddh±, kassid±ni kena kopo k±tabbo”ti ca “anattat±ya sabbadhamm±na½ ko kassa aparajjhat²”ti ca paccavekkhantena khantisampad± br³hetabb±.