8. Siªg±lasuttavaººan±

Nid±navaººan±

242. Eva½ me sutanti siªg±lasutta½. Tatr±yamanutt±napadavaººan±– ve¼uvane kalandakaniv±peti ve¼uvananti tassa uyy±nassa n±ma½. Ta½ kira ve¼³hi parikkhitta½ ahosi aµµh±rasahatthena ca p±k±rena gopuraµµ±lakayutta½ n²lobh±sa½ manorama½, tena ve¼uvananti vuccati. Kalandak±nañcettha niv±pa½ ada½su, tena kalandakaniv±poti vuccati.
Pubbe kira aññataro r±j± tattha uyy±nak²¼anattha½ ±gato sur±madena matto div± nidda½ okkami. Parijanopissa “sutto r±j±”ti pupphaphal±d²hi palobhiyam±no ito cito ca pakk±mi. Atha sur±gandhena aññatarasm± susirarukkh± kaºhasappo nikkhamitv± rañño abhimukho ±gacchati, ta½ disv± rukkhadevat± “rañño j²vita½ damm²”ti k±¼akavesena ±gantv± kaººam³le saddamak±si. R±j± paµibujjhi. Kaºhasappo nivatto. So ta½ disv± “im±ya k±¼ak±ya mama j²vita½ dinnan”ti k±¼ak±na½ tattha niv±pa½ paµµhapesi, abhayaghosañca ghos±pesi. Tasm± ta½ tato pabhuti “kalandakaniv±po”ti saªkhya½ gata½. Kalandak±ti hi k±¼ak±na½ eta½ n±ma½.
Tena kho pana samayen±ti yasmi½ samaye bhagav± r±jagaha½ gocarag±ma½ katv± ve¼uvane kalandakaniv±pe viharati, tena samayena. Siªg±lako gahapatiputtoti siªg±lakoti tassa n±ma½. Gahapatiputtoti gahapatissa putto gahapatiputto. Tassa kira pit± gahapatimah±s±lo, nidahitv± µhapit± cassa gehe catt±l²sa dhanakoµiyo atthi. So bhagavati niµµhaªgato up±sako sot±panno, bhariy±pissa sot±pann±yeva. Putto panassa assaddho appasanno. Atha na½ m±t±pitaro abhikkhaºa½ eva½ ovadanti– “t±ta satth±ra½ upasaªkama, dhammasen±pati½ mah±moggall±na½ mah±kassapa½ as²timah±s±vake upasaªkam±”ti. So evam±ha– “natthi mama tumh±ka½ samaº±na½ upasaªkamanakicca½, samaº±na½ santika½ gantv± vanditabba½ hoti, onamitv± vandantassa piµµhi rujjati, j±ºuk±ni khar±ni honti, bh³miya½ nis²ditabba½ hoti, tattha nisinnassa vatth±ni kilissanti j²ranti, sam²pe nisinnak±lato paµµh±ya kath±sall±po hoti, tasmi½ sati viss±so uppajjati, tato nimantetv± c²varapiº¹ap±t±d²ni d±tabb±ni honti. Eva½ sante attho parih±yati, natthi mayha½ tumh±ka½ samaº±na½ upasaªkamanakiccan”ti. Iti na½ y±vaj²va½ ovadant±pi m±t±pitaro s±sane upanetu½ n±sakkhi½su.
Athassa pit± maraºamañce nipanno “mama puttassa ov±da½ d±tu½ vaµµat²”ti cintetv± puna cintesi– “dis± t±ta namass±h²”ti evamassa ov±da½ dass±mi, so attha½ aj±nanto dis± namassissati, atha na½ satth± v± s±vak± v± passitv± “ki½ karos²”ti pucchissanti. Tato “mayha½ pit± dis± namassana½ karoh²ti ma½ ovad²”ti vakkhati. Athassa te “na tuyha½ pit± et± dis± namass±peti, im± pana dis± namass±pet²”ti dhamma½ desessanti. So buddhas±sane guºa½ ñatv± “puññakamma½ karissat²”ti. Atha na½ ±mant±petv± “t±ta, p±tova uµµh±ya cha dis± namasseyy±s²”ti ±ha. Maraºamañce nipannassa kath± n±ma y±vaj²va½ anussaraº²y± hoti. Tasm± so gahapatiputto ta½ pituvacana½ anussaranto tath± ak±si. Tasm± “k±lasseva uµµh±ya r±jagah± nikkhamitv±”ti-±di vutta½.
243. Puthudis±ti bahudis±. Id±ni t± dassento puratthima½ disanti-±dim±ha. P±vis²ti na t±va paviµµho, pavisiss±m²ti nikkhantatt± pana antar±magge vattam±nopi eva½ vuccati. Addas± kho bhagav±ti na id±neva addasa, pacc³sasamayepi buddhacakkhun± loka½ volokento eta½ dis± namassam±na½ disv± “ajja aha½ siªg±lassa gahapatiputtassa gihivinaya½ siªg±lasuttanta½ kathess±mi, mah±janassa s± kath± saphal± bhavissati, gantabba½ may± etth±”ti. Tasm± p±tova nikkhamitv± r±jagaha½ piº¹±ya p±visi, pavisanto ca na½ tatheva addasa. Tena vutta½– “addas± kho bhagav±”ti. Etadavoc±ti so kira avid³re µhitampi satth±ra½ na passati, dis±yeva namassati. Atha½ na½ bhagav± s³riyarasmisamphassena vikasam±na½ mah±paduma½ viya mukha½ vivaritv± “ki½ nu kho tva½, gahapatiputt±”ti-±dika½ etadavoca.