Brahmalok³pagamavaººan±

269. Gahapatissa v±ti kasm± ±ha? Tesa½ kira soºaseµµhiputt±d²na½ viya mahat² sampatti hoti, soºassa kira seµµhiputtassa ek± bhattap±ti dve satasahass±ni agghati. Iti tesa½ t±disa½ bhatta½ bhutt±na½ muhutta½ bhattasammado bhattamucch± bhattakilamatho hoti.
271. Ya½ tena samayena ajjh±vas±m²ti yattha vas±mi, ta½ eka½yeva nagara½ hoti, avasesesu puttadh²t±dayo ceva d±samanuss± ca vasi½su. P±s±dak³µ±g±resupi eseva nayo. Pallaªk±d²supi eka½yeva pallaªka½ paribhuñjati, ses± putt±d²na½ paribhog± honti. Itth²supi ek±va paccupaµµh±ti, ses± pariv±ramatt± honti, paridah±m²ti ekameva dussayuga½ niv±semi, ses±ni pariv±retv± vicarant±na½ as²tisahass±dhik±na½ so¼asanna½ purisasatasahass±na½ honti. Bhuñj±m²ti paramappam±ºena n±¼ikodanamatta½ bhuñj±mi, sesa½ pariv±retv± vicarant±na½ catt±l²sasahass±dhik±na½ aµµhanna½ purisasatasahass±na½ hot²ti dasseti. Ekath±lip±ko hi dasanna½ jan±na½ pahoti.
Et±ni pana catur±s²ti nagarasahass±ni ceva p±s±dasahass±ni ca k³µ±g±rasahass±ni ca ekiss±yeva paººas±l±ya nissandena nibbatt±ni. Catur±s²ti pallaªkasahass±ni nipajjanatth±ya dinnamañcakassa nissandena nibbatt±ni. Catur±s²ti hatthisahass±ni assasahass±ni rathasahass±ni nis²danatth±ya dinnap²µhassa nissandena nibbatt±ni. Catur±s²ti maºisahass±ni ekad²passa nissandena nibbatt±ni. Catur±s²ti pokkharaº²sahass±ni ekapokkharaºiy± nissandena nibbatt±ni. Catur±s²ti itthisahass±ni puttasahass±ni gahapatisahass±ni paribhogabh±janapattath±laka dhamakaraºa pariss±vana ±rakaºµaka pipphalaka nakhacchedana kuñcikakaººamalaharaº² p±dakathalika up±hana chatta kattarayaµµhid±nassa nissandena nibbatt±ni. Catur±s²ti dhenusahass±ni gorasad±nassa nissandena nibbatt±ni. Catur±s²ti vatthakoµisahass±ni niv±sanap±rupanad±nassa nissandena nibbatt±ni Catur±s²ti th±lip±kasahass±ni bhojanad±nassa nissandena nibbatt±n²ti veditabb±ni.
272. Eva½ bhagav± mah±sudassanassa sampatti½ ±dito paµµh±ya vitth±rena kathetv± sabba½ ta½ d±rak±na½ pa½sv±g±rak²¼ana½ viya dassento parinibb±namañcake nipannova pass±nand±ti-±dim±ha. Tattha vipariºat±ti pakativijahanena nibbutapad²po viya apaññattikabh±va½ gat±. Eva½ anicc± kho, ±nanda, saªkh±r±ti eva½ hutv± abh±vaµµhena anicc±.
Ett±vat± bhagav± yath± n±ma puriso satahatthubbedhe campakarukkhe nisseºi½ bandhitv± abhiruhitv± campakapuppha½ ±d±ya nisseºi½ muñcanto otareyya, evameva nisseºi½ bandhanto viya anekavassakoµisatasahassubbedha½ mah±sudassanasampatti½ ±ruyha sampattimatthake µhita½ aniccalakkhaºa½ ±d±ya nisseºi½ muñcanto viya otiººo. Teneva pubbe vasabhar±j± d²ghabh±ºakatther±na½ lohap±s±dassa p±c²napasse ambalaµµhik±ya½ ima½ sutta½ sajjh±yant±na½ sutv±– “ki½, bho, mayha½ ayyakena ettha vutta½, attano kh±ditap²taµµh±ne sampattimeva kathet²”ti cintento– “eva½ anicc± kho, ±nanda, saªkh±r±”ti vuttak±le “ima½, bho, disv± pañcahi cakkh³hi cakkhumat± eva½ vuttan”ti v±mahattha½ samiñjitv± dakkhiºahatthena apphoµetv±– “s±dhu s±dh³”ti tuµµhahadayo s±dhuk±ra½ ad±si.
Eva½ addhuv±ti eva½ udakapupphu¼±dayo viya dhuvabh±vavirahit±. Eva½ anass±sik±ti eva½ supinake p²tap±n²ya½ viya anulittacandana½ viya ca ass±savirahit±.
Sar²ra½ nikkhipeyy±ti sar²ra½ cha¹¹eyya. Id±ni aññassa sar²rassa nikkhepo v± paµijaggana½ v± natthi kilesapah²natt±, ±nanda, tath±gatass±ti vadati. Ida½ pana vatv± puna thera½ ±mantesi, cakkavattino ±nubh±vo n±ma rañño pabbajitassa sattame divase antaradh±yati. Mah±sudassanassa pana k±laªkiriyato sattameva divase sattaratanap±k±r± sattaratanat±l± catur±s²ti pokkharaº²sahass±ni dhammap±s±do dhammapokkharaº² cakkaratananti sabbameta½ antaradh±y²ti. Hatthi-±d²su pana aya½ dhammat± kh²º±yuk± saheva k±laªkaronti. ¾yusese sati hatthiratana½ uposathakula½ gacchati, assaratana½ val±hakakula½, maºiratana½ vepullapabbatameva gacchati. Itthiratanassa ±nubh±vo antaradh±yati. Gahapatiratanassa cakkhu p±katikameva hoti. Pariº±yakaratanassa veyyattiya½ nassati.
Idamavoca bhagav±ti ida½ p±¼iya½ ±ru¼hañca an±ru¼hañca sabba½ bhagav± avoca. Sesa½ utt±natthamev±ti.

Iti sumaªgalavil±siniy± d²ghanik±yaµµhakath±ya½

Mah±sudassanasuttavaººan± niµµhit±.