S²lakkhandho

450. “Katamo pana so, bho ±nanda, ariyo s²lakkhandho, yassa so bhava½ gotamo vaººav±d² ahosi, yattha ca ima½ janata½ sam±dapesi nivesesi patiµµh±pes²”ti?
“Idha, m±ºava, tath±gato loke uppajjati araha½ samm±sambuddho vijj±caraºasampanno sugato lokavid³ anuttaro purisadammas±rathi satth± devamanuss±na½ buddho bhagav±. So ima½ loka½ sadevaka½ sam±raka½ sabrahmaka½ sassamaºabr±hmaºi½ paja½ sadevamanussa½ saya½ abhiññ± sacchikatv± pavedeti. So dhamma½ deseti ±dikaly±ºa½ majjhekaly±ºa½ pariyos±nakaly±ºa½ s±ttha½ sabyañjana½ kevalaparipuººa½ parisuddha½ brahmacariya½ pak±seti. Ta½ dhamma½ suº±ti gahapati v± gahapatiputto v± aññatarasmi½ v± kule pacc±j±to. So ta½ dhamma½ sutv± tath±gate saddha½ paµilabhati. So tena saddh±paµil±bhena samann±gato iti paµisañcikkhati– ‘samb±dho ghar±v±so rajopatho, abbhok±so pabbajj±, nayida½ sukara½ ag±ra½ ajjh±vasat± ekantaparipuººa½ ekantaparisuddha½ saªkhalikhita½ brahmacariya½ caritu½. Ya½n³n±ha½ kesamassu½ oh±retv± k±s±y±ni vatth±ni acch±detv± ag±rasm± anag±riya½ pabbajeyyan’ti. So aparena samayena appa½ v± bhogakkhandha½ pah±ya mahanta½ v± bhogakkhandha½ pah±ya appa½ v± ñ±tiparivaµµa½ pah±ya mahanta½ v± ñ±tiparivaµµa½ pah±ya kesamassu½ oh±retv± k±s±y±ni vatth±ni acch±detv± ag±rasm± anag±riya½ pabbajati. So eva½ pabbajito sam±no p±timokkhasa½varasa½vuto viharati, ±c±ragocarasampanno, anumattesu vajjesu bhayadass±v², sam±d±ya sikkhati sikkh±padesu, k±yakammavac²kammena samann±gato kusalena, parisuddh±j²vo, s²lasampanno, indriyesu guttadv±ro, satisampajaññena samann±gato, santuµµho.
451. “Kathañca, m±ºava, bhikkhu s²lasampanno hoti? Idha, m±ºava, bhikkhu p±º±tip±ta½ pah±ya p±º±tip±t± paµivirato hoti, nihitadaº¹o nihitasattho lajj² day±panno, sabbap±ºabh³tahit±nukamp² viharati. Yampi, m±ºava, bhikkhu p±º±tip±ta½ pah±ya p±º±tip±t± paµivirato hoti, nihitadaº¹o nihitasattho lajj² day±panno, sabbap±ºabh³tahit±nukamp² viharati; idampissa hoti s²lasmi½. (Yath± 194 y±va 210 anucchedesu eva½ vitth±retabba½).
“Yath± v± paneke bhonto samaºabr±hmaº± saddh±deyy±ni bhojan±ni bhuñjitv± te evar³p±ya tiracch±navijj±ya micch±j²vena j²vita½ kappenti, seyyathida½– santikamma½ paºidhikamma½ bh³takamma½ bh³rikamma½ vassakamma½ vossakamma½ vatthukamma½ vatthuparikamma½ ±camana½ nh±pana½ juhana½ vamana½ virecana½ uddha½virecana½ adhovirecana½ s²savirecana½ kaººatela½ nettatappana½ natthukamma½ añjana½ paccañjana½ s±l±kiya½ sallakattiya½ d±rakatikicch± m³labhesajj±na½ anuppad±na½ osadh²na½ paµimokkho iti v± iti evar³p±ya tiracch±navijj±ya micch±j²v± paµivirato hoti. Yampi, m±ºava, bhikkhu yath± v± paneke bhonto samaºabr±hmaº± saddh±deyy±ni bhojan±ni bhuñjitv± te evar³p±ya tiracch±navijj±ya micch±j²vena j²vita½ kappenti, seyyathida½, santikamma½ paºidhikamma½…pe… osadh²na½ paµimokkho iti v± iti evar³p±ya tiracch±navijj±ya micch±j²v± paµivirato hoti. Idampissa hoti s²lasmi½.
452. “Sa kho so [aya½ kho so (ka.)], m±ºava, bhikkhu eva½ s²lasampanno na kutoci bhaya½ samanupassati, yadida½ s²lasa½varato. Seyyath±pi, m±ºava, r±j± khattiyo muddh±vasitto nihatapacc±mitto na kutoci bhaya½ samanupassati, yadida½ paccatthikato. Evameva kho, m±ºava, bhikkhu eva½ s²lasampanno na kutoci bhaya½ samanupassati, yadida½ s²lasa½varato. So imin± ariyena s²lakkhandhena samann±gato ajjhatta½ anavajjasukha½ paµisa½vedeti. Eva½ kho, m±ºava, bhikkhu s²lasampanno hoti.
453. “Aya½ kho so, m±ºava, ariyo s²lakkhandho yassa so bhagav± vaººav±d² ahosi, yattha ca ima½ janata½ sam±dapesi nivesesi patiµµh±pesi. Atthi cevettha uttarikaraº²yan”ti.
“Acchariya½, bho ±nanda, abbhuta½, bho ±nanda! So c±ya½, bho ±nanda, ariyo s²lakkhandho paripuººo, no aparipuººo. Eva½ paripuººa½ c±ha½, bho, ±nanda, ariya½ s²lakkhandha½ ito bahiddh± aññesu samaºabr±hmaºesu na samanupass±mi. Eva½ paripuººañca, bho ±nanda, ariya½ s²lakkhandha½ ito bahiddh± aññe samaºabr±hmaº± attani samanupasseyyu½, te t±vatakeneva attaman± assu– ‘alamett±vat±, katamett±vat±, anuppatto no s±maññattho, natthi no kiñci uttarikaraº²yan’ti. Atha ca pana bhava½ ±nando evam±ha– ‘atthi cevettha uttarikaraº²ya”n’ti [imassa anantara½ s². p². potthakesu “paµhamabh±ºav±ra½”ti p±µho dissati].