7. J±liyasuttavaŗŗan±

Dve pabbajitavatthuvaŗŗan±

378. Eva½ me suta½…pe… kosambiyanti j±liyasutta½. Tatr±ya½ apubbapadavaŗŗan±. Ghosit±r±meti ghositena seµµhin± kate ±r±me. Pubbe kira allakapparaµµha½ n±ma ahosi. Tato kot³haliko n±ma daliddo ch±takabhayena saputtad±ro avantiraµµha½ gacchanto putta½ vahitu½ asakkonto cha¹¹etv± agam±si, m±t± nivattitv± ta½ gahetv± gat±, te eka½ gop±lakag±ma½ pavisi½su. Gop±lakena ca tad± bahup±y±so paµiyatto hoti, te tato p±y±sa½ labhitv± bhuńji½su. Atha so puriso balavap±y±sa½ bhutto j²r±petu½ asakkonto rattibh±ge k±la½ katv± tattheva sunakhiy± kucchismi½ paµisandhi½ gahetv± kukkuro j±to, so gop±lakassa piyo ahosi. Gop±lako ca paccekabuddha½ upaµµhahati. Paccekabuddhopi bhattakiccapariyos±ne kukkurassa ekeka½ piŗ¹a½ deti, so paccekabuddhe sineha½ upp±detv± gop±lakena saddhi½ paŗŗas±lampi gacchati. Gop±lake asannihite bhattavel±ya½ sayameva gantv± k±l±rocanattha½ paŗŗas±ladv±re bhussati, antar±maggepi caŗ¹amige disv± bhussitv± pal±peti. So paccekabuddhe mudukena cittena k±la½katv± devaloke nibbatti Tatrassa ghosakadevaputto tveva n±ma½ ahosi. So devalokato cavitv± kosambiya½ ekassa kulassa ghare nibbatti. Ta½ aputtako seµµhi tassa m±t±pit³na½ dhana½ datv± putta½ katv± aggahesi. Atha attano putte j±te sattakkhattu½ gh±t±petu½ upakkami. So puńńavantat±ya sattasupi µh±nesu maraŗa½ appatv± avas±ne ek±ya seµµhidh²t±ya veyyattiyena laddhaj²vito aparabh±ge pitu-accayena seµµhiµµh±na½ patv± ghosakaseµµhi n±ma j±to. Ańńepi kosambiya½ kukkuµaseµµhi p±v±riyaseµµh²ti dve seµµhino atthi, imin± saddhi½ tayo ahesu½.
Tena ca samayena himavantato pańcasatat±pas± sar²rasantappanattha½ antarantar±kosambi½ ±gacchanti tesa½ ete tayo seµµh² attano attano uyy±nesu paŗŗakuµiyo katv± upaµµh±na½ karonti. Athekadivasa½ te t±pas± himavantato ±gacchant± mah±kant±re tasit± kilant± eka½ mahanta½ vaµarukkha½ patv± tattha adhivatth±ya devat±ya santik± saŖgaha½ pacc±sisant± nis²di½su. Devat± sabb±laŖk±ravibh³sita½ hattha½ pas±retv± tesa½ p±n²yap±nak±d²ni datv± kilamatha½ paµivinodesi, ete devat±y±nubh±vena vimhit± pucchi½su– “ki½ nu kho, devate, kamma½ katv± tay± aya½ sampatti laddh±”ti? Devat± ±ha– “loke buddho n±ma bhagav± uppanno, so etarahi s±vatthiya½ viharati, an±thapiŗ¹iko gahapati ta½ upaµµhahati. So uposathadivasesu attano bhatak±na½ pakatibhattavetanameva datv± uposatha½ k±r±pesi. Ath±ha½ ekadivasa½ majjhanhike p±tar±satth±ya ±gato kańci bhatakakamma½ akaronta½ disv±– ‘ajja manuss± kasm± kamma½ na karont²’ti pucchi½. Tassa me tamattha½ ±rocesu½. Ath±ha½ etadavoca½– ‘id±ni upa¹¹hadivaso gato, sakk± nu kho upa¹¹huposatha½ k±tun’ti. Tato seµµhissa paµivedetv± “sakk± k±tun”ti ±ha. Sv±ha½ upa¹¹hadivasa½ upa¹¹huposatha½ sam±diyitv± tadaheva k±la½ katv± ima½ sampatti½ paµilabhin”ti.
Atha te t±pas± “buddho kira uppanno”ti sańj±tap²tip±mojj± tatova s±vatthi½ gantuk±m± hutv±pi– “bahuk±r± no upaµµh±kaseµµhino tesampi imamattham±rocess±m±”ti kosambi½ gantv± seµµh²hi katasakk±rabahum±n± “tadaheva maya½ gacch±m±”ti ±ha½su. “Ki½, bhante, turit±ttha, nanu tumhe pubbe catt±ro pańca m±se vasitv± gacchath±”ti ca vutte ta½ pavatti½ ±rocesu½. “Tena hi, bhante, saheva gacch±m±”ti ca vutte “gacch±ma maya½, tumhe saŗika½ ±gacchath±”ti s±vatthi½ gantv± bhagavato santike pabbajitv± arahatta½ p±puŗi½su. Tepi seµµhino pańcasatapańcasatasakaµapariv±r± s±vatthi½ gantv± d±n±d²ni datv± kosambi½ ±gamanatth±ya bhagavanta½ y±citv± pacc±gamma tayo vih±re k±resu½. Tesu kukkuµaseµµhin± kato kukkuµ±r±mo n±ma, p±v±riyaseµµhin± kato p±v±rikambavana½ n±ma, ghositaseµµhin± kato ghosit±r±mo n±ma ahosi. Ta½ sandh±ya vutta½– “kosambiya½ viharati ghosit±r±me”ti.
Muŗ¹iyoti ida½ tassa n±ma½. J±liyoti idampi itarassa n±mameva. Yasm± panassa upajjh±yo d±rumayena pattena piŗ¹±ya carati, tasm± d±rupattikantev±s²ti vuccati. Etadavocunti up±rambh±dhipp±yena v±da½ ±ropetuk±m± hutv± etadavocu½. Iti kira nesa½ ahosi, sace samaŗo gotamo “ta½ j²va½ ta½ sar²ran”ti vakkhati, athassa maya½ eta½ v±da½ ±ropess±ma– “bho gotama, tumh±ka½ laddhiy± idheva satto bhijjati, tena vo v±do ucchedav±do hot²”ti. Sace pana “ańńa½ j²va½ ańńa½ sar²ran”ti vakkhati, athasseta½ v±da½ ±ropess±ma “tumh±ka½ v±de r³pa½ bhijjati, na satto bhijjati. Tena vo v±de satto sassato ±pajjat²”ti. Atha bhagav± “ime v±d±ropanatth±ya pańha½ pucchanti, mama s±sane ime dve ante anupagamma majjhim± paµipad± atth²ti na j±nanti, handa nesa½ pańha½ avissajjetv± tass±yeva paµipad±ya ±vibh±vattha½ dhamma½ desem²”ti cintetv± “tena h±vuso”ti-±dim±ha.
379-380. Tattha kalla½ nu kho tasseta½ vacan±y±ti tasseta½ saddh±pabbajitassa tividha½ s²la½ parip³retv± paµhamajjh±na½ pattassa yutta½ nu kho eta½ vattunti attho. Ta½ sutv± paribb±jak± puthujjano n±ma yasm± nibbicikiccho na hoti, tasm± kad±ci eva½ vadeyy±ti mańńam±n±– “kalla½ tasseta½ vacan±y±”ti ±ha½su. Atha ca pan±ha½ na vad±m²ti aha½ etameva½ j±n±mi, no ca eva½ vad±mi, atha kho kasiŗaparikamma½ katv± bh±ventassa pańń±balena uppanna½ mahaggatacittametanti sańńa½ µhapesi½. Na kalla½ tassetanti ida½ te paribb±jak±– “yasm± kh²ŗ±savo vigatasammoho tiŗŗavicikiccho, tasm± na yutta½ tasseta½ vattun”ti mańńam±n± vadanti. Sesamettha utt±natthamev±ti.

Iti sumaŖgalavil±siniy± d²ghanik±yaµµhakath±ya½

J±liyasuttavaŗŗan± niµµhit±.