Ekacatt±l²satima pariccheda

Dvir±jako

1. Mah±n±ganarindassa bh±gineyyo subh±giyo;
so aggabodhir±j±si, aggabodhigat±sayo.
2. Tejena b±hu½ sommena, canda½ sampuººamaº¹ala½;
sumerumacalantena, gambhirena mahodadhi½.
3. Vasundhar± pakampena, m±ruta½ sampavuttiy±;
buddhiy±maramant±ra½, suddhiy± saradambara½.
4. K±mabhogena devinda, matthena ca narissara½;
dhammena suddhav±seµµha½, vikkamena mig±dhipa½.
5. R±jadhammehi rajjehi, cakkavattinarissara½;
vessantarañca d±nena, anugantv± jane suto.
6. M±tula½ upar±javhe, bh±tara½ yuvar±jake;
bh±gineyyañca malaya-r±jaµh±ne µhapesi so.
7. Ýh±nantare yath±yoga½-seµµh±macce µhapesi ca;
jana½ saªgahavatth³h², r±jadhammehi caggahi.
8. Desa½ sayogga½ p±d±si, yuvar±jassa dakkhiºa½;
vasa½ tattha sir²va¹¹ha-m±nav±pi½ sag±hayi.
9. Katv± girivih±rañca, saªghika½ tassa d±payi;
khett±na½ dvisata½ saªgha-bhogatth±ya mah±mati.
10. Ad± malayar±jassa, d±µh±n±ma½ sadh²tara½;
pariveºa½ s²risaªgha-bodhin±mañca k±rayi.
11. Mah±sivassa k±resi, pariveºa½ san±maka½;
pariv±ro’pi tass±si, eva½ puññapar±yano.
12. Katv± s±dhupac±rena, por±ºa½ saªgaha½ vidhi½;
antar±ya½ visodhetu½, jiººañca paµisaªkhari.
13. Kavayo tassa rajjamhi, s²ha¼±ya niruttiy±;
k±veyye bahuke’k±su½, vicitranay±s±lino.
14. Vih±re dakkhiºe k±si, p±s±da½ sumanohara½;
ak± navahi vassehi, dipe kaºµakasodhana½.
15. Kurundan±ma½ k±retv±, vih±ra½ sabbasaªghika½;
v±pi½ tann±maka½ n±¼i-ker±r±ma½ tiyojana½.
16. Mah±sivavhaye ceva, sassa½ k±rayitu½ ad±;
l±bhasakk±rasamm±na-m±r±mikasata½ tad±.
17. Vih±ra½ ta½ sam²pamhi, katv± ambilapassava½;
g±ma½ tann±maka½ c±d±, theriy±na½ tapass²na½.
18. Uttaravallivih±rassa, ratana½ d²ghavaººita½;
datv± g±ma½ patiµµhesi, satthubimba½ sil±maya½.
19. Ke¼iv±te ca k±resi, sumana½ n±ma pabbata½;
mah±telavaµa½bodhi-ghare p±s±ºavedika½.
20. K±retv± lohap±s±da½, p±s±damahane ad±;
chatti½s±na½ sahass±na½, bhikkh³na½ so tic²vara½.
21. G±ma½ datv± niyojesi, ±rakkha½ dh²tu n±maka½;
hatthikucchivih±repi, p±s±da½ k±si buddhim±.
22. D±µh± sivassa µhatv±na, ov±de s±dhu bhikkhuno;
sam±caranto dhammena, sakkacca½ tamupaµµhahi.
23. M³gasen±pati½ c±k±, vih±ra½ so vis±laka½;
g±ma½ lajjikametassa, d±sa bhog±ya’d±si ca.
24. Mah±n±gassa puññattha½, rañño ta½n±maka½ ak±;
mah±therassa tañc±’d±, r±j± tepiµakassa so.
25. Attano sadis±nañca, yog²na½ vigat±layo;
bhikkh³na½ catusaµµh²na½, vih±ra½ ta½ tad± ad±.
26. Katv± tasseva mah±-pariveºaniv±sino;
bhinnorud²pa½ datv±na, vaµµak±k±rapiµµhito.
27. Dakkhiºag²rida¼havhe, mah±n±ge ca pabbate;
k±¼av±p±dike c±’k±, vih±re posath±laye.
28. Vih±re abhaye’k±si, mah±pokkharaºi½ tath±;
cetiyapabbate c±k±, n±gasoº¹i½ thirodika½.
29. Mahindataµav±viñca, k±r±petv±na s±dhuka½;
etiss± mariy±d±ya, thera½ netu½ niyojayi.
30. Mah±mahinda theramhi, ta½µh±nasamup±gato;
taracch± eva netunti, katikañceva k±rayi.
31. Chatta½ soººañca k±resi, nik±yesupi t²su so;
satt±µµhanava v±resu, mahaggharatanehi ca.
32. Mah±t³pe catubb²sa-bh±ra½ chatta½ suvaººaya½;
tattha tattha ca p³jesi, mahaggha½ ratanuttama½.
33. D±µh±dh±tughara½ katv±, vicitraratanujjala½;
k±si hemakaraº¹añca, lohan±vañca p±¼iya½.
34. Maºimekhalan±mañca, bandh±pesi sabandhana½;
mah±m±tiñca gaºhesi, maºih²rakav±piya½.
35. Tad± eko mah±thero, jotip±lakan±mako;
par±jesi viv±dena, d²pe vetullav±dino.
36. D±µh±pabhutin±mo’tha, ±dip±do’tilajjito;
hatthamukkhippi ta½ hantu½, gaº¹o sañj±yi ta½khaºe.
37. R±j± tasmi½ pas²ditv±, vih±reyeva v±sayi;
m±nena ta½ an±gamma, d±µh±pabh³mato kira.
38. Datv± mah±dip±datta½, bh±gineyyaggabodhino;
rakkhitu½ ta½ niyojesi, thera½ sopi tam±cari.
39. N²lagehapariccheda½, katv± tasseva so ad±;
katveva½ bahudh± puñña½, catutti½se same mato.
40. Aggabodhi tato ±si, r±j± pubbassa r±jino;
mahallakatt±na½ khudda-n±mena parid²payu½.
41. So d²pa½ parip±lesi, pubbac±rittakovido;
ak±si ca mahesi½ so, m±tuladh²tumattano.
42. Saªghabhadda½ asigg±ha½, k±si bandhu½ mahesiy±;
yath±rahamad± ceva, µh±nantaraman±layo.
43. Katv± ve¼uvana½ r±j±, s±gal²na½ niyojay²;
jamburantaragallañca, k±si m±tikapiµµhika½.
44. Rañño tasse’va rajjamhi, k±liªgesu mah²pati;
satt±na½ maraºa½ yuddhe, disv± sa½viggam±naso.
45. Ima½ d²pamup±gamma, pabbajj± katanicchayo;
jotip±lamhi pabbaji, r±j± sakk±si ta½ cira½.
46. Padh±naµh±na½ tassa’k±, vih±re mattapabbate;
tass±macco mahes² ca, tathev±’gamma pabbaju½.
47. Rañño mahes² sutv±na, tassa pabbajjamuttama½;
sakkacca½ tamupaµµh±si, ratanavhañca k±rayi.
48. Ad± r±j± amaccassa, p±c²nakaº¹ar±jiya½;
vettav±savih±rañca, so’d± saªghassa ta½ yati.
49. R±jattheremate r±j±, socitv± parideviya;
padh±naµh±na½ k±resi, c³¼agallavih±rake.
50. Pala½nagaragañceva, tassa µh±nañhi k±rayi;
eva½ tadattha½ puññ±ni, bah³ni’pi mah²pati.
51. Jotip±lita theramhi, t³p±r±mamhi cetiya½;
vandam±ne pabhijjitv±, bh±go ta½ purato pati.
52. Pakkositv±na r±j±na½, thero dassesi dukkhito;
r±j± disv±va sa½viggo, kamma½ paµµhapi ta½khaºe.
53. Dakkhiºakkhakadh±tu½ so, lohap±s±dakucchiya½;
s±rakkha½ µhapayitv±na, rattindivamap³jayi.
54. Navakamme cir±yante, th³p±r±mamhi devat±;
supina½ tassa dassesu½, rattim±r±mik± viya.
55. Sace r±j± papañceti, k±tu½ dh±tughara½ maya½;
dh±tu½ gahetv± gacch±ma, yatthatatth±’ti ta½khaºe.
56. R±j± pabuddho sa½viggo, na cireneva k±rayi;
kamma½ dh±tugharesabba½, cittakamm±disaññutta½.
57. Catasso paµim±yo ca, pallaªke ca sil±maye;
hemacchatta½ sil±danta-kamma½ gehamhi sabbaso.
58. Mah±macc±dayo’ka½su karaº¹±na½ sata½ nava;
dev±na½piyatissassa, kammañca nikhila½ nava½.
59. Sabbuss±hena k±retv±, mah±p³ja½ yath±raha½;
±netv± lohap±s±d±, dh±tu½ sabb±darena so.
60. Jotip±la½ mah±thera½, sasaªgha½ pariv±riya;
parih±rena va¹¹hesi, dh±tu½ dh±tukaraº¹ake.
61. Dh±tugehassa p±d±si, laªk±d²pa½ sahattan±;
l±bhagg±ma-mad± tass±, rakkhak±na½ mahesiy±.
62. N±gad²pamhi gehañca, r±j±yatanadh±tuy±;
uººalomagharañceva, chattam±malacetiye.
63. Tattha g±ma½ vih±rassa, y±gud±n±ya’d±si ca;
vih±rassa’bhayass±’d±, g±mamaªgaºas±laka½.
64. N±ma½ katv±na so’k±si, attano ca mahesiy±;
d±µhaggabodhim±v±sa½, vih±re atayuttare.
65. Dev² kap±lan±ga½ s±, vih±ra½ s±dhuk±riya;
tasse’v±d± vih±rassa, sampannacatupaccaya½.
66. Geha½ jetavane k±si, r±j± r±jatacumbaµa½;
udap±na½ maº±pesi, sova bodhigharantike.
67. Gaªg±taµa½ val±hassa½, v±pi½ giritaµañcak±;
mah±p±¼i½pi va¹¹hesi, bhatan±vañca k±rayi.
68. Bhikkh³n²na½ mahes² ca, bhattava½sa½ sam±disi;
eva½ puññ±ni katv± so, diva½’g± dasame same.
69. Eva½ puññarat± nar±dhipatayo sampannabhog± gamu½;
maccusseva vasa½ tatohi matim± samm± bhavass²disa½;
passanto niyama½ vih±ya vidhin± sabba½ bhave saªgati½;
nibb±n±bhimukho careyya dhitim± pabbajjamajjh³pago.

Sujanappas±dasa½vegatth±ya kate mah±va½se

Dvir±jako n±ma

Ekacatt±l²satimo paricchedo.