Kammadh±rayasam±sa

Atha kammadh±rayasaññito paµham±tappuriso vuccate.
Kammamiva dvaya½ dh±ret²ti kammadh±rayo. Yath± kamma½ kriyañca payojanañca dvaya½ dh±reti kamme sati tassa dvayassa sambhavato, tath± aya½ sam±so ekassa atthassa dve n±m±ni dh±reti imasmi½ sam±se sati ekatthajotakassa n±madvayassa sambhavatoti [ka. 324; r³. 339; n². 702].
Api ca kattabbanti kamma½, dh±retabbanti dh±riya½, kammañca ta½ dh±riyañc±ti kammadh±riya½, ya½kiñci hitakamma½, kammadh±riyasaddasadisatt± sabbo c±ya½ sam±so kammadh±rayoti vuccati issa atta½ katv±. Yath± hi kammadh±riyasaddo ekassa atthassa dve n±m±ni dh±reti, tath± aya½ sam±sop²ti. So eva uttarapadatthapadh±nat±saªkh±tena tappurisalakkhaºena yuttatt± ‘tappuriso’ti ca vuccati. Bhinnapavattinimitt±na½ dvinna½ pad±na½ visesanavisesitabbabh±vena ekasmi½ atthe pavatti tuly±dhikaraºat± n±ma, tena tuly±dhikaraºalakkhaºena yuttatt± ‘tuly±dhikaraºasam±so’ti ca vuccati. So eva ca visesanapadavasena guºavisesad²panatt± ‘visesanasam±so’ti ca vuccati. Tasmi½ visesanasam±se–
346. Visesanamekatthena [ka. 324; r³. 339; n². 702; ca½. 2.2.18; p±. 2.1.57].
Visesanabh³ta½ sy±dyantapada½ ekatthena visesyabh³tena sy±dyantapadena saddhi½ ekattha½ hoti.
Ettha ca vises²yati dabba½ visiµµha½ kar²yati eten±ti visesana½. Eko attho yass±ti ekattha½, ‘eko’ti sam±no, ‘attho’ti abhidheyyattho, nemittakattho, soyeva dvinna½ pavattinimitt±na½ adhiµµh±naµµhena ‘adhikaraºan’ti ca vuccati. Pavattinimitt±nañca adhiµµh±natte sati pad±nampi adhiµµh±nat± siddh± hoti. Iti ekatthanti tuly±dhikaraºa½, sam±n±dhikaraºanti vutta½ hoti, tena ekatthena. ‘Ekattha½ hot²’ti ekatth²bh³ta½ hot²ti attho.
So ca sam±so navavidho visesanapubbapado, visesanuttarapado, visesanobhayapado, upam±nuttarapado, sambh±van±pubbapado, avadh±raºapubbapado, nanip±tapubbapado, kunip±tapubbapado, p±dipubbapado c±ti.
Tattha visesanapubbapado yath±? Mah±puriso, mah±nad², mahabbhaya½. Ettha ca “s± sen± dissate mah± [j±. 2.22.771], b±r±ºasirajja½ n±ma mah±”ti [j±. aµµha. 1.1.mah±s²lavaj±takavaººan±] p±¼i dissati. Tasm± sam±sepi tiliªge nip±tar³po mah±saddo yujjati. Mah± ca so puriso c±ti mah±puriso, mah± ca s± nad² c±ti mah±nad², mah± ca ta½ bhayañc±ti mahabbhaya½, dvitta½ sa½yoge ca rassatta½. Mah±saddavevacanena mahantasaddenapi v±kya½ dassetu½ yujjati, mahanto puriso mah±puriso, mahant² nad² mah±nad², mahanta½ bhaya½ mahabbhayanti. Ca, tasaddehi ca saddhi½ paripuººa½ katv± dassetu½ yujjati, mahanto ca so puriso c±ti mah±puriso, mahant² ca s± nad² c±ti mah±nad², mahantañca ta½ bhayañc±ti mahabbhayanti. Mahantasaddo v± mah± hoti, ‘µa ntant³nan’ti suttena uttarapade pare ntassa sabbassa atta½, mah±vuttin± d²gho ca.
Ettha ca dv²hi casaddehi dvinna½ pad±na½ sakatthan±n±tta½ d²peti. Ta½saddena sakatthan±n±ttepi sakatth±na½ adhikaraºabh³tassa dabbatthassa ekatta½ d²peti. Imasmi½ by±karaºe visu½ r³pavidh±nakicca½ n±ma natthi, ta½ta½suttavidh±nañca tadanur³pa½ dassitaviggahav±kyañca disv± tassa tassa siddhapadassa atthabyañjanavinicchaye ñ±te r³pavidh±nakicca½ siddha½ hoti, santo ca so puriso c±ti sappuriso, setahatth², n²luppala½, lohitacandana½.
Visadisaliªga, vacan±pi sadd± ekatth± honti, vinayo ca so pariyatti c±ti vinayapariyatti, vinayo ca so piµakañc±ti vinayapiµaka½, avijj± ca s± paccayo c±ti avijj±paccayo, avijj± ca s± n²varaºañc±ti avijj±n²varaºa½. Eva½ itthiratana½, s²lañca ta½ guºo c±ti s²laguºo, s²lañca ta½ patiµµh± c±ti s²lapatiµµh± icc±di.
Tath± v²sati ca s± puris± c±ti v²satipuris±, satañca ta½ puris± c±ti satapuris±, saªkh±r± ca te paccayo c±ti saªkh±rapaccayo, aªg± ca te janapadañc±ti aªgajanapada½, magadh± ca te raµµhañc±ti magadharaµµha½. Eva½ k±siraµµha½ icc±di.
Idha na hoti [r³. 341; n². 681], puººo mant±n²putto, citto gahapati, sakko devar±j±, brahm± sahampati icc±di.
Kvaci niccasam±so, kaºhasappo, lohitam±la½ icc±di.
Visesanuttarapado yath±? S±riputtatthero, buddhaghos±cariyo, ±cariyaguttilo v±, mahosadhapaº¹ito, purisuttamo, purisavaro, purisaviseso icc±di.
Visesanobhayapado yath±? Chinnañca ta½ par³¼hañc±ti chinnapar³¼ha½, s²tañca ta½ uºhañc±ti s²tuºha½, khañjo ca so khujjo c±ti khañjakhujjo. Eva½ andhabadhiro, katañca ta½ akatañc±ti kat±kata½, chidd±vachidda½, chinnabhinna½, sittañca ta½ sammaµµhañc±ti sittasammaµµha½, santassa bh±vo sacca½, akhemaµµhena dukkhañca ta½ avipar²taµµhena saccañc±ti dukkhasacca½ icc±di.
Upam±nuttarapado yath±? S²ho viy±ti s²ho, muni ca so s²ho c±ti munis²ho. Eva½ munipuªgavo, buddhan±go, buddh±dicco, ra½si viy±ti ra½si, saddhammo ca so ra½si c±ti saddhammara½si. Eva½ vinayas±garo, samaºapadumo, samaºapuº¹ar²ko icc±di.
Sambh±van±pubbapado yath±? Hetu hutv± paccayo hetupaccayo. Eva½ ±rammaºapaccayo, manussabh³to, devabh³to, dhammo iti saªkh±to dhammasaªkh±to, dhammasammato, dhammasaññito dhammalakkhito, eva iti saªkh±to saddo evasaddo. Eva½ casaddo, v±saddo, ariyabh³to saªgho ariyasaªgho. Eva½ buddhamuni, paccekamuni icc±di. Ettha ca sambh±van± n±ma s±maññabh³tassa uttarapadatthassa da¼ha½ katv± thoman± sar³pavisesad²pan±, na guºamattad²pan±ti adhipp±yo. Gar³ pana “dhammo iti buddhi dhammabuddhi. Eva½ dhammasaññ±, aniccasaññ±, dh±tusaññ±, m±tusaññ±, p±ºasaññit±, attadiµµhi” icc±d²nipi ettha ±haranti, im±ni pana “saraºa½ iti gato upagato saraºaªgato”ti pada½ viya itilutt±ni paµham±tappurisapad±ni n±ma yujjant²ti [r³. 343; n². 702].
Avadh±raºapubbapado yath±? Guºo eva dhana½ na maºisuvaºº±d²ti guºadhana½. Eva½ saddh±dhana½, s²ladhana½, cakkhu eva dv±ra½ na g±madv±r±d²ti cakkhudv±ra½. Eva½ cakkhuvatthu, cakkhundriya½, cakkh±yatana½, cakkhudh±tu, khandh± eva bh±r± khandhabh±r±. Ettha ca yadi bharitabbaµµhena bh±r± n±ma siyu½, pañcakkhandh± eva bh±r± n±ma siyu½, na s²sabh±ra, a½sabh±r±dayo. Khandh± hi niccabh±r± honti, itare t±vak±lik±, khandham³lik± c±ti. Eva½ atisayatthasambh±vanattha½ khandh± eva bh±r±ti avadh±raºav±kya½ payujjati, na s²sabh±r±d²na½ sabbaso bh±rabh±vapaµikkhipanatthanti. Eva½ sabbattha, avijj± eva mala½ na ka½samal±dikanti avijj±mala½, avijj± eva ±savo na madhv±sav±dikoti avijj±savo. Eva½ taºh±salla½, paññ±sattha½, paññ±loko, paññ±pajjoto, r±gaggi, dosaggi, mohaggi icc±di. Gar³ pana “dhana½ viy±ti dhana½, saddh± eva ariy±na½ dhana½ saddh±dhana½, sattha½ viy±ti sattha½, paññ± eva sattha½ paññ±satthan”ti yojenti, eva½ sati atisayasambh±vanattho na sijjhati [r³. 343; n². 702].
347. Nanip±tapubbapade na-u [ka. 326; r³. 341; n². 707].
ѱnubandho paµisedhamh± aññanak±ra nivattanattho, na-u-icceta½ sy±dyanta½ aññena sy±dyantena saha ekattha½ hoti. Imin± nañe katthasañña½ katv±–
348. Ýa na-ussa [ka. 333; r³. 344; n². 717; ca½. 2.2.20; p±. 2.2.6; “na-u” (bah³su)].
Uttarapade pare na-u-iccetassa µ±nubandho a hot²ti nassa atta½.
Na br±hmaºo abr±hmaºo. Ettha siy±– ki½ vijjam±nassa v±ya½ nisedho, ud±hu avijjam±nassa v±ti, kiñcettha– yadi vijjam±nassa nisedho, eva½ sati loke vijjam±n± sabbe br±hmaº± abr±hmaº± n±ma bhaveyyu½. Tasm± “idha jano na br±hmaºo, tattha jano na br±hmaºo”ti-±din± des±diniyama½ vin± loke vijjam±nassa br±hmaºassa nisedho na yujjati, atha loke avijjam±nassa nisedho, evañca sati ki½ avijjam±nassa nisedhena nisedhan²yasseva avijjam±natt±ti? Vuccate– ta½sadis±di-atthesu tabboh±rassev±ya½ nisedho. Tath± hi br±hmaºasadise abr±hmaºe kesañci br±hmaºasaññ± saºµh±ti, saññ±nur³pañca br±hmaºavoh±ro tasmi½ pavattati, eva½ pavattassa abr±hmaºe br±hmaºavoh±rassa aya½ paµisedho hoti. Yath± ta½? Lokasmi½ b±lajan±na½ micch±saññ±vasena micch±voh±ro pavattatiyeva “r³pa½ att±, vedan± att±” icc±di, tesa½ tassa micch±bh±vakhy±panattha½ paµisedho yojiyati “r³pa½ anatt±, vedan± anatt±” [mah±va. 20] icc±di. Ett±vat± suddhabr±hmaºasaddassapi micch±vasena ta½sadise atthe pavattisambhavo siddho hoti, nak±rassa ca tadatthajotakamattat± siddh± hoti, evañca sati uttarapadatthapadh±nat±saªkh±ta½ tappurisalakkhaºampi idha na virujjhati, tasm± abr±hmaºoti br±hmaºasadisoti vutta½ hoti. Esa nayo tadañña, tabbiruddha, tadabh±vatth±d²su.
Tattha tadaññatthe–
Saªkhat± dhamm± asaªkhat± dhamm± [dha. sa. dukam±tik± 8]. Ettha ca na saªkhat± asaªkhat±, saªkhatadhammehi aññe dhamm±ti attho.
Tabbiruddhe–
Akusalo, kusalapaµipakkho dhammoti attho.
Tadabh±ve–
Na katv± akatv±, karaºena sabbaso vin±ti attho.
Duvidho paµisedho pasajjapaµisedho, payirud±sapaµisedho c±ti.
Tattha attan± yuttapadattha½ pasajja laggetv± paµisedhet²ti pasajjapaµisedho, tadabh±vamattajotako nak±ro, kriy±mattanisedhoti vutta½ hoti. Akatv±, ak±tu½, akaronto, na karoti, na k±tabba½ icc±di.
Pasajjamatte aµµhatv± ta½sadis±dike paritobh±ge uggayha nisedhetabba½ attha½ asati khipati cha¹¹et²ti payirud±so, ta½sadis±dijotako, dabbanisedhoti vutta½ hoti. Abr±hmaºo icc±di. Eva½ asamaºo, asakyaputtiyo, amitto, mittadhammavidhuroti attho.
349. Ana sare [ka. 334; r³. 345; n². 718; ca½. 5.2.119; p±. 6.3.105].
Sare pare na-u-iccetassa ana hoti.
Na ariyo anariyo, ariyadhammavimukhoti attho. Na ±v±so an±v±so, na issaro anissaro. Na ²ti an²ti, ‘²t²’ti upaddavo, na yutto up±yo anup±yo, na ³mi an³mi, na yutt± esan± anesan±, na yutto ok±so anok±so, na atikkamma anatikkamma, an±d±ya, anoloketv± icc±di.
Bahul±dhik±r± ayuttatth±nampi sam±so hoti [ka. 336; r³. 347; n². 689], puna na g±yitabb±ti apunageyy±, g±th±, canda½ na ullokent²ti acandamullokik±ni, mukh±ni, s³riya½ na passant²ti as³riyapass±, r±jakaññ±, saddha½ na bhuñjati s²len±ti asaddhabhoj². Eva½ alavaºabhoj², attha½ na k±ment²ti anatthak±m±. Eva½ ahitak±m±, ok±sa½ na k±res²ti anok±sa½k±retv±. Eva½ animitta½katv±, m³lam³la½ na gacchat²ti am³lam³la½gantv± icc±di.
“Puna g±yitabb±ti punageyy±, na punageyy± apunageyy±. Attha½ k±ment²ti atthak±m±, na atthak±m± anatthak±m±. Atha v± na attho anattho, anattha½ k±ment²ti anatthak±m±” icc±din± v±kye yojite pana yuttasam±s± honti. Gar³ pana “attha½ na k±menti anatthameva k±ment²ti anatthak±m±, hita½ na k±menti ahitameva k±ment²ti ahitak±m±, ph±su½ na k±menti aph±sumeva k±ment²ti aph±suk±m±”ti yojesu½, dv±dhipp±yapada½ n±meta½.
Kunip±tapubbapade niccasam±satt± aññapadena viggaho, khuddak± nad² kunnad², khuddako sombho kusombho, khuddaka½ vana½ kubbana½.
350. Sare kada kussuttaratthe [ka. 335; r³. 346; n². 719].
Sar±dike uttarapade pare uttarapadatthe vattam±nassa kunip±tassa kadi hoti.
Kucchita½ anna½ kadanna½, kucchita½ asana½ kadasana½, kucchito ariyo kadariyo, macchar².
Sareti ki½? Kuputt±, kud±r±, kud±s±.
Uttarattheti ki½? Kucchito oµµho yass±ti ku-oµµho.
351. K±ppatthe [ka. 336; r³. 347; n². 720].
Uttarapade pare uttarapadatthe µhitassa appatthe vattam±nassa kunip±tassa k± hoti v±.
Appaka½ lavaºa½ k±lavaºa½. Eva½ k±puppha½.
P±dipubbapado ca niccasam±sova, pakaµµha½ vacana½ p±vacana½, d²ghatta½, pakaµµha½ hutv± n²ta½ paº²ta½, pamukha½ hutv± dh±na½ padh±na½. Eva½ paµµh±na½, vividh± mati vimati, adhiko devo adhidevo, atireko viseso v± dhammo abhidhammo, sundaro gandho sugandho, kucchito gandho duggandho. Sobhaºa½ kata½ sukata½, kucchita½ kata½ dukkaµa½, vipar²to patho uppatho. Eva½ ummaggo, uddhammo, ubbinayo-icc±di.
Ayampi kammadh±rayasam±so abhidheyyavacano parapadaliªgo ca.

Kammadh±rayasam±so niµµhito.