Kam±divinicchayakath±vaººan±

504. Etanti eva½ at²t±divibh±ge vitth±rakath±mukha½. ѱºabhedatthanti n±nappak±ra½ ñ±ºappabhedattha½. Kamatoti desan±kkamato, yena k±raºen±ya½ desan±kkamo kato, tatoti attho. Visesatoti bhedato, khandhup±d±nakkhandhavibh±gatoti attho. An³n±dhikatoti pañcabh±vato. Upam±toti upam±hi upametabbato. Daµµhabbato dvidh±ti dv²hi ±k±rehi ñ±ºena passitabbato. Passantassatthasiddhitoti yath± passantassa yath±dhippetatthanipphattito. Vibh±vin±ti paññavat±.
Uppattikkamoti yath±paccaya½ uppajjant±na½ uppajjanapaµip±µi. “Dassanenapah±tabb±”ti-±din± (dha. sa. tikam±tik± 8, 9) paµhama½ pah±tabb± paµhama½ vutt±, dutiya½ pah±tabb± dutiya½ vutt±ti aya½ pah±nakkamo. S²lavisuddhi½ paµipajja cittavisuddhi paµipajjitabb±, tath± tato par±p²ti ±ha “s²lavisuddhi…pe… paµipattikkamo”ti, anupubbapaº²t± bh³miyo anupubbena vavatthit±ti aya½ bh³mikkamo. “Catt±ro satipaµµh±n±”ti-±diko (vibha. 355) ekakkhaºepi satipaµµh±n±disambhavato desan±kkamo ca. D±nakath±dayo anupubbukka½sato kathit±, uppatti-±divavatth±n±bh±vato pana d±n±d²na½ idha desan±kkamavacana½. Uppatti-±divavatth±nahetukat±ya hi “paµhama½ kalala½ hot²”ti-±dik± (sa½. ni. 1.235; kath±. 692) desan±pi sam±n± uppatti-±dikamabh±veneva vutt±. Yath±vuttavavatth±n±bh±vena pana anekesa½ vacan±na½ sahapavattiy± asambhavato yena kenaci pubb±pariyena desetabbat±ya tena tena adhipp±yena desan±mattasseva kamo desan±kkamo daµµhabbo. Pubb±pariyavavatth±nen±ti paµhama½ r³pakkhandho, tato vedan±kkhandhoti eva½ pubb±pariyavavatth±nena anuppattito. Appah±tabbatoti khandhesu ekacc±na½ pah±tabbat±va natthi, kuto pah±nakkamo. Sati hi sabbesa½ pah±tabbat±ya pah±nakkamena nesa½ desan± siy±. Appaµipajjan²yatoti samm±paµipattivasena na paµipajjitabbato. “Catubh³mipariy±pannatt±”ti imin± vedan±d²na½ aniyatabh³mikata½ dasseti. Niyatabh³mik±nañhi bh³mikkamo sambhaveyya.
Abheden±ti r³p±d²na½ bheda½ vibh±ga½ akatv± ekajjha½ piº¹aggahaºena. Attag±hapatitanti attag±hasaªkh±te diµµhoghe nipatita½. Sam³haghanavinibbhogadassanen±ti r³pato ar³pa½ vivecento r³p±r³pasam³he ghanavinibbhujjanadassanena. Cakkhu-±d²nampi visayabh³tanti ekadesena samud±yabh³ta½ r³pakkhandha½ vadati. Y± ettha iµµha½, aniµµhañca r³pa½ sa½vedeti, aya½ vedan±kkhandhoti iµµh±niµµhar³pasa½vedanika½ vedana½ deses²ti sambandho. Eva½ sabbattha. Iµµhamajjhatta-aniµµhamajjhatt±nampi iµµh±niµµhasabh±vatt± iµµh±niµµhaggahaºeneva gahaºa½ daµµhabba½. Evanti yath±vuttanayena. Saññ±ya gahit±k±re visaye abhisaªkh±rappavatt²ti ±ha “saññ±vasena abhisaªkh±rake”ti. Yath± viññ±ºassa sampayuttadhamm±na½ nissayabh±vo p±kaµo, na tath± vedan±d²nanti ±ha “vedan±d²na½ nissayan”ti. “Manopubbaªgam± dhamm± (dha. pa. 1-2), citt±nuparivattino dhamm± (dha. sa. dukam±tik± 62), chadv±r±dhipati r±j±”ti (dha. pa. aµµha. 2.181 erakapatthan±gar±javatthu) vacanato viññ±ºa½ adhipati.
505. R³pakkhandhe “s±sava½ up±d±niyan”ti vacana½ an±sav±na½ dhamm±na½ sabbh±vato r³pakkhandhassa ta½sabh±vat±nivattanattha½, na an±savar³panivattanattha½.
An±sav±va khandhesu vutt±ti ettha aµµh±nappayutto eva-saddo, an±sav± khandhesveva vutt±ti attho. Idha pana visuddhimagge sabbepete khandh±pi up±d±nakkhandh±pi.
506. Sabbasaªkhat±na½ sabh±gena ekajjha½ saªgaho sabbasaªkhatasabh±gekasaªgaho. Sabh±gasabh±vena hi saªgayham±n± sabbasaªkhat± pañcakkhandh± honti. Tattha ruppan±dis±maññena sam±nakoµµh±s± sabh±g±ti veditabb±. Tesu saªkhat±bhisaªkharaºakicca½ ±y³hanaras±ya cetan±ya balavanti s± “saªkh±rakkhandho”ti vutt±. Aññe ca ruppan±divisesalakkhaºarahit± phass±dayo saªkhat±bhisaªkharaºas±maññen±ti daµµhabb±, phusan±dayo pana sabh±v± visu½ khandhasaddavacan²y± na hont²ti dhammasabh±vaññun± tath±gatena phassakkhandh±dayo na vutt±ti veditabb±. “Ye hi keci, bhikkhave, samaº± v± br±hmaº± v± sassatav±d± sassata½ att±nañca lokañca paññapenti, sabbe te ime eva pañcup±d±nakkhandhe niss±ya paµicca, etesa½ v± aññataran”ti evam±disutt±nañca vasena attattaniyag±hassa etapparamat± daµµhabb±. Etena ca vakkham±nasuttavasena ca khandhe eva niss±ya paritt±rammaº±divasena na vattabb± ca diµµhi uppajjati khandhanibb±navajjassa sabh±vadhammassa abh±vatoti vutta½ hoti. R³panti ruppanasabh±va½ dhammaj±tam±ha. Vedananti-±d²supi eseva nayo. “S²lakkhandho sam±dhikkhandho”ti-±di (d². ni. 3.355) vacanato aññesañca khandhasaddavacan²y±na½ s²lakkhandh±d²na½ sabbh±vato na pañcev±ti codana½ nivattetum±ha “aññesa½ tadavarodhato”ti.
507. Pavattiµµh±nabh³ta½ vasanaµµh±na½ viya hot²ti vutta½ “niv±saµµh±nato”ti. Dukkhadukkhavipariº±madukkhasaªkh±radukkhat±vasena vedan±ya ±b±dhakatta½ daµµhabba½. R±g±disampayuttassa vipariº±m±didukkhassa itthipuris±di-±k±rag±hik± ta½ta½saªkappam³labh³t± saññ± samuµµh±na½. Pitt±di viya rogassa ±sannak±raºa½ samuµµh±na½. Utubhojanavisamat±visamaparih±r±di viya m³lak±raºa½ nid±na½. Cittassa aªgabh³t± cetasik±ti viññ±ºa½ gil±n³pama½ vutta½. Kuµµharogavato siniyhana½ tassa bhiyyobh±v±ya viya b±lassa puññ±bhisaªkh±r±divasena pavatti vedan±dukkh±vah± asapp±yasevanasadis². Vedanatt±y±ti vedan±sabh±vattha½, vedanattal±bh±y±ti attho. K±raºaµµh±nat±ya, bhojan±dh±rat±ya ca c±rak³pama½, bh±jan³pamañca r³pa½. Subhasaññ±divasena vedan±k±raºassa hetubh±vato, vedan±bhojanassa ch±d±panato ca apar±dh³pam±, byañjan³pam± ca saññ±. Vedan±hetuto k±raºak±rak³pamo, parivesak³pamo ca saªkh±rakkhandho. Bhattak±ro eva yebhuyyena parivisat²ti parivesakaggahaºa½. Vedan±ya vib±dhitabbato, anuggahetabbato ca apar±dhik³pama½, bhuñjak³pamañca viññ±ºa½ vutta½.
508. “Pañca vadhak± paccatthik± ukkhitt±sik±ti kho, bhikkhave, pañcanneta½ up±d±nakkhandh±na½ adhivacanan”ti ±s²vis³pame (sa½. ni. 4.238) vadhak±ti vutt±, “bh±roti kho, bhikkhave, pañcanneta½ up±d±nakkhandh±na½ adhivacanan”ti bh±rasutte (sa½. ni. 3.22) bh±r±ti, “at²tamp±ha½ addh±na½ evameva r³pena khajji½, seyyath±pi etarahi paccuppannena r³pena khajj±mi. Ahañceva kho pana an±gata½ r³pa½ abhinandeyya½, an±gatamp±ha½ addh±na½ evameva r³pena khajjeyya½, seyyath±pi…pe… khajj±m²”ti-±din± (sa½. ni. 3.79) khajjan²yapariy±ye kh±dak±ti, “so anicca½ r³pa½ ‘anicca½ r³pan’ti yath±bh³ta½ nappaj±n±t²”ti-±din± (sa½. ni. 3.85) yamakasutte anicc±dik±ti. Yadipi “idha pana sabbepete ekajjha½ katv± khandh±ti adhippet±”ti vutta½, b±hullena pana up±d±nakkhandh±na½ tadantogadh±na½ daµµhabbat± veditabb±. Vipassan±ya bh³mivic±ro hesoti.
Pheºapiº¹o viy±ti-±d²su r³p±d²na½ eva½ pheºapiº¹±disadisat± daµµhabb±, yath± pheºapiº¹o niss±ro paridubbalo agayhupago; gahitopi kiñci attha½ na s±dheti, chidd±vachiddo anekasandhisaªghaµito bah³na½ p±ºak±na½ ±v±so anupubb³pacito sabb±vatthanip±t² avassa½bhed², eva½ r³pampi niccas±r±divirahato niss±ra½ pheggu viya, sukhabhañjan²yato dubbala½, niccanti v± dhuvanti v± ahanti v± mamanti v± na gahetabba½, gahitampi tath± na hoti, bahuchidda½ as²tisatasandhisaªghaµita½ anekakimikul±v±sa½ kalal±divasena anupubb³pacita½ kalalak±lato paµµh±ya sabb±supi avatth±su vinassati, avassameva ca bhijjati. Aµµhakath±ya½ (sa½. ni. aµµha. 2.3.95; vibha. aµµha. 26 kam±divinicchayakath±) pana parimaddan±sahanameva upam³pameyyasambandho vutto.
Yath± pubbu¼o niss±ro paridubbalo agayhupago, gahitopi na kiñci attha½ s±dheti, na ciraµµhitiko, tath± vedan±pi. Yath± ca pubbu¼o, udakatala½, udakabindu½, udakajallika½ saªka¹¹hitv± puµa½ katv± gahaºav±tañc±ti catt±ri k±raº±ni paµicca j±yati, eva½ vedan±pi vatthu½, ±rammaºa½, kilesajalla½, phassasaªghaµµanañc±ti catt±ri k±raº±ni paµicca uppajjati. Yath± hi udakatale bindunip±tajanito v±to udakajallikasaªkh±ta½ udakalasika½ saªka¹¹hitv± puµa½ katv± pubbu¼a½ n±ma karoti, eva½ vatthumhi ±rammaº±p±thagamanajanito phasso anupacchinna½ kilesajalla½ sahak±r²paccayabh±vena saªka¹¹hitv± vedana½ n±ma karoti. Idañca kilesehi m³lak±raºabh³tehi, ±rammaºass±danabh³tehi ca nibbatta½ vaµµagata½ vedana½ sandh±ya vutta½. Ukkaµµhaparicchedena v± catt±ro paccay± vutt±, ³nehipi pana uppajjateva. Idha muhuttaramaº²yat± upamopameyyasambandho vutto.
Yath± pana mar²cik± as±r± agayhupag±. Na hi ta½ gahetv± p±tu½ v± nh±yitu½ v± bh±jana½ v± p³retu½ sakk±, eva½ saññ±pi as±r± agayhupag±. Yath± ca mar²cik± vipphandam±n± sañj±t³miveg± viya kh±yant² mah±jana½ vippalambeti, eva½ saññ±pi “n²la½ p²ta½ d²gha½ rassan”ti-±din± ±rammaºe pavattam±n± sabh±vamatte aµµhatv± “subha½ sukha½ niccan”ti-±dimicch±g±hassa k±raºabh±vena loka½ vippalambeti.
Yath± kadalikkhandho as±ro agayhupago. Na hi ta½ gahetv± gop±nas²-±d²na½ atth±ya upanetu½ sakk±, upan²tampi tath± na hoti, bahuvaµµisamodh±no ca hoti, eva½ saªkh±rakkhandhopi as±ro agayhupago. Na hi ta½ nicc±divasena gahetu½ sakk±, gahitampi tath± na hoti, bahudhammasamodh±no ca. Aññadeva hi phassassa lakkhaºa½, añña½ cetan±d²na½, te pana sabbe samodh±netv± saªkh±rakkhandhoti vuccati.
Yath± ca m±y± as±r± agayhupag±. Na hi ta½ gahetv± kiñci attha½ kicca½ s±dhetu½ sakk±, ittar± lahupaccupaµµh±n± amaºi-±dimeva maºi-±dir³pena dassent² mah±jana½ vañceti, eva½ viññ±ºampi as±ra½ ittara½ lahupaccupaµµh±na½, teneva cittena ±gacchanta½ viya, gacchanta½ viya, µhita½ viya, nisinna½ viya ca katv± g±h±peti, aññadeva citta½ ±gamane, añña½ gaman±d²s³ti. Eva½ viññ±ºa½ m±y±sadisa½.
Pañcapi up±d±nakkhandh± asubh±disabh±v± eva sa½kiles±sucivatthubh±v±ditoti asubh±dito daµµhabb± eva, tath±pi katthaci koci viseso sukhaggahaº²yo hot²ti ±ha “visesato c±”ti-±di. Tattha catt±ro satipaµµh±n± catuvipall±sappah±nakar±ti tesa½ gocarabh±vena r³pakkhandh±d²su asubh±dibh±vena daµµhabbat± vutt±.
509. Khandhehi na vihaññati parividitasabh±vatt±. Vipassakopi tesa½ vipattiya½ na dukkham±pajjati, kh²º±savesu pana vattabbameva natthi. Te hi ±yatimpi khandhehi na b±dh²yant²ti.
Kaba¼²k±r±h±ra½ parij±n±t²ti “±h±rasamuday± r³pasamudayo”ti (sa½. ni. 3.56,57) vacanato ajjhattikar³pe chandar±ga½ pajahanto tassa samudayabh³te kaba¼²k±r±h±repi chandar±ga½ pajahat²ti attho. Aya½ pah±napariññ±. Ajjhattikar³pa½ pana pariggaºhanto tassa paccayabh³ta½ kaba¼²k±r±h±ra½ pariggaºh±t²ti ñ±tapariññ±. Tassa ca udayabbay±nupass² hot²ti t²raºapariññ± ca yojetabb±. Eva½ pariññattaye sijjhante ime vipall±s±dayo vidham²yanti ev±ti ±ha “asubhe subhanti vipall±sa½ pajahat²”ti-±di. Tattha k±mar±gabh³ta½ abhijjha½ sandh±y±ha “abhijjh±k±yaganthan”ti. Asubh±nupassan±ya hi k±mar±gappah±na½ hoti k±mar±gamukhena v± sabbalobhappah±na½ vadati. Na up±diyati na gaºhati na upp±deti.
“Phassapaccay± vedan±”ti (ma. ni. 3.126; sa½. ni. 2.39; mah±va. 1; ud±. 1; netti. 24) vuttatt± “vedan±ya chandar±ga½ pajahanto tass± paccayabh³te phass±h±repi chandar±ga½ pajahat²”ti-±din± ±h±raparij±nane vuttanayena phassaparij±nana½ yojetabba½. Vedan±ya dukkhato dassanena tattha sukhanti vipall±sa½ pajahati. Sukhatthameva bhavapatthan± hot²ti vedan±ya taºha½ pajahanto bhavogha½ uttarati. Tato eva bhavayogena visa½yujjati. Bhav±savena ca an±savo hoti, sabbavedana½ dukkhato passanto attano parena apubba½ dukkha½ upp±dita½, sukha½ v± vin±sita½ na cinteti, tato “anattha½ me acar²”ti-±di (dha. sa. 1237; vibha. 909) ±gh±tavatthuppah±nato by±p±dak±yagantha½ bhindati. “Sukhabahule sugatibhave suddh²”ti aggahetv± gos²lagovat±d²hi suddhi½ par±masanto sukhapatthan±vaseneva par±masat²ti vedan±ya taºha½ pajahantopi s²labbatup±d±na½ na up±diyati.
Manosañcetan± saªkh±rakkhandho, saññ± pana ta½sampayutt±ti saññ±saªkh±re anattato passanto manosañcetan±ya chandar±ga½ pajahati, tañca pariggaºh±ti, t²reti c±ti “sañña½ saªkh±re…pe… parij±n±t²”ti vutta½. Saññ±saªkh±re anatt±ti passanto attadiµµhim³lakatt± sabbadiµµh²na½ attadiµµhi½ viya sabbadiµµhiyopi vidhamat²ti dassento “diµµhogha½ uttarati…pe… attav±dup±d±na½ na up±diyat²”ti ±ha.
Viññ±ºa½ aniccato passanto anicc±nupassan±mukhena tissopi anupassan± ussukkanto t²hipi pariññ±hi viññ±º±h±ra½ parij±n±ti. Visesato panettha anicce niccanti vipall±sa½ pajahati. Tattha niccagg±hab±hullato avijj±ya viññ±ºe ghanagahaºa½ hot²ti ghanavinibbhoga½ katv± ta½ aniccato passanto avijjogha½ uttarati. Tato eva avijj±yogena visa½yutto avijj±savena an±savo ca hoti. Mohabaleneva s²labbatapar±masana½ hot²ti ta½ pajahanto “s²labbatapar±m±sak±yagantha½ bhindati.
“Yañca kho ida½, bhikkhave, vuccati citta½ itipi, mano itipi, viññ±ºa½ itipi, tatr±ssutav± puthujjano n±la½ nibbinditu½, n±la½ virajjitu½, n±la½ vimuccitu½. Ta½ kissa hetu? D²gharatta½ heta½, bhikkhave, assutavato puthujjanassa ajjhosita½ mam±yita½ par±maµµha½ ‘eta½ mama, esohamasmi, eso me att±”’ti-±di (sa½. ni. 2.62)–
Vacanato yath± viññ±ºa½ niccato passanto diµµhup±d±na½ up±diyati, eva½ ta½ aniccato passanto diµµhup±d±na½ na up±diyat²ti.
Eva½ mah±nisa½santi vuttappak±rena vipall±s±disakalasa½kilesavidhamanup±yabh±vato eva½ vipuludaya½. Vadhak±divasen±ti ukkhitt±sikavadhak±divasena. Passeyy±ti ñ±ºadassanena paccakkhato passeyya.

Khandhaniddesavaººan± niµµhit±.

Iti cuddasamaparicchedavaººan±.