Dhutaªgapakiººakakath±vaººan±

37. Sekkhaputhujjan±na½ vasena siy± kusal±ni, kh²º±sav±na½ vasena siy± aby±kat±ni Tattha sekkhaputhujjan± paµipattip³raºattha½, kh²º±sav± ph±suvih±rattha½ dhutaªg±ni pariharanti. Akusalampi dhutaªganti akusalacitten±pi dhutaªgasevan± atth²ti adhipp±yo. Ta½ na yutta½, yena akusalacittena pabbajitassa ±raññikatta½, ta½ dhutaªga½ n±ma na hoti. Kasm±? Lakkhaº±bh±vato. Ya½ hida½ kiles±na½ dhunanato dhutassa puggalassa, ñ±ºassa, cetan±ya v± aªgatta½, na ta½ akusaladhammesu sambhavati. Tasm± araññav±s±dimattena ±raññik±dayo t±va hontu, ±raññikaªg±d²ni pana na hont²ti imamattha½ dassetu½ “na mayan”ti-±di vutta½. Tattha im±n²ti dhutaªg±ni. Vutta½ heµµh± vacanatthaniddese. Na ca akusalena koci dhuto n±ma hoti, kiles±na½ dhunanaµµhen±ti adhipp±yo. Yassa bhikkhuno et±ni sam±d±n±ni aªg±ni, etena paµhamen±pi atthavikappena “natthi akusala½ dhutaªgan”ti dasseti. Na ca akusala½ kiñci dhun±t²ti akusala½ kiñci p±pa½ na ca dhun±ti eva appaµipakkhato. Yesa½ sam±d±n±na½ ta½ akusala½ ñ±ºa½ viya aªganti katv± t±ni dhutaªg±n²ti vucceyyu½. Imin± dutiyen±pi atthavikappena “natthi akusala½ dhutaªgan”ti dasseti. N±pi akusalanti-±di tatiya-atthavikappavasena yojan±. Tasm±ti-±di vuttassevatthassa nigamana½.
Yesanti abhayagiriv±sike sandh±y±ha. Te hi dhutaªga½ n±ma paññatt²ti vadanti. Tath± sati tassa paramatthato avijjam±natt± kiles±na½ dhunanaµµhopi na siy±, sam±d±tabbat± c±ti tesa½ vacana½ p±¼iy± virujjhat²ti dassetu½ “kusalattikavinimuttan”ti-±di vutta½. Tasm±ti yasm± paññattipakkhe ete dos± dunniv±r±, tasm± ta½ tesa½ vacana½ na gahetabba½, vuttanayo cetan±pakkhoyeva gahetabboti attho. Yasm± ete dhutaguº± kusalattike paµhamatatiyapadasaªgahit±, tasm± siy± sukh±ya vedan±ya sampayutt±, siy± adukkhamasukh±ya vedan±ya sampayutt±, siy± vip±kadhammadhamm±, siy± nevavip±kanavip±kadhammadhamm±, siy± anup±dinnup±d±niy±, siy± asa½kiliµµhasa½kilesik±ti eva½ sesatikadukapadehipi nesa½ yath±raha½ saªgaho vibh±vetabbo.
K±ma½ sabbopi arah± dhutakileso, idha pana dhutaªgasevan±mukhena kilese vidhunitv± µhito kh²º±savo “dhutakileso puggalo”ti adhippeto. Tath± sabbopi ariyamaggo nippariy±yena kilesadhunano dhammo, visesato aggamaggo. Pariy±yena pana vipassan±ñ±º±di. Heµµhimaparicchedena dhutaªgacetan±sampayuttañ±ºa½ daµµhabba½. Eva½ dhuta½ dassetv± dhutav±de dassetabbe yasm± dhutav±dabhedena dhuto viya dhutabhedena dhutav±dopi duvidho, tasm± tesa½, tadubhayapaµikkhepassa ca vasena catukkamettha sambhavat²ti ta½ dassetu½ “atthi dhuto”ti-±di vutta½.
Tayidanti nip±to, tassa “so ayan”ti attho. Dhutadhamm± n±m±ti dhutaªgasevan±ya paµipakkhabh³t±na½ p±padhamm±na½ dhunanavasena pavattiy± “dhuto”ti laddhan±m±ya dhutaªgacetan±ya upak±rak± dhamm±ti katv± dhutadhamm± n±ma. Asampattasampattesu paccayesu alubbhan±k±rena pavattanato appicchat± santuµµhit± ca atthato alobho. Paccayagedh±dihetuk±na½ lolat±d²na½ sa½kiles±na½ sammadeva likhanato chedanato gaºasaªgaºik±dibhedato sa½saggato cittassa vivecanato sallekhat± pavivekat± ca alobho amohoti imesu dv²su dhammesu anupatanti tadantogadh± tappariy±pann± honti, tadubhayasseva pavattivisesabh±vato. Imehi kusaladhammehi atth² idamatth², yena ñ±ºena pabbajitena n±ma pa½suk³likaªg±d²su patiµµhitena bhavitabbanti yath±nusiµµha½ dhutaguºe sam±diyati ceva pariharati ca, ta½ ñ±ºa½ idamatthit±. Ten±ha “idamatthit± ñ±ºamev±”ti. Paµikkhepavatth³s³ti gahapatic²var±d²su tehi tehi dhutaªgehi paµikkhipitabbavatth³su. Lobhanti taºha½. Tesveva v±ti paµikkhepavatth³su eva. ¾d²navapaµicch±dakanti ±rakkhadukkhapar±dh²navutticorabhay±di-±d²navapaµicch±daka½. Anuññ±t±nanti satth±r± nicchandar±gaparibhogavasena anuññ±t±na½ sukhasamphassa-attharaºap±vuraº±d²na½. Paµisevanamukhen±ti paµisevanadv±rena, tena lesen±ti attho. Atisallekhamukhen±ti ativiya sallekhapaµipattimukhena, ukkaµµhassa vattanak±nampi paµikkhipanavasen±ti attho.
Sukhumakaraºasannissayo r±go dukkh±ya paµipattiy± patiµµha½ na labhat²ti ±ha “dukkh±paµipadañca niss±ya r±go v³pasammat²”ti. Sallekho n±ma sampaj±nassa hoti, satisampajaññe moho apatiµµhova appam±dasambhavatoti vutta½ “sallekha½ niss±ya appamattassa moho pah²yat²”ti. Etth±ti etesu dhutaªgesu. Tatth±ti araññarukkham³lesu.
S²saªg±n²ti s²sabh³t±ni aªg±ni, paresampi kesañci n±nantarikat±ya, sukarat±ya ca saªgaºhanato uttamaªg±n²ti attho. Asambhinnaªg±n²ti kehici sambhedarahit±ni, visu½yeva aªg±n²ti vutta½ hoti. Kammaµµh±na½ va¹¹hati r±gacaritassa mohacaritassa dosacaritass±pi, ta½ ekacca½ dhutaªga½ sevantass±ti adhipp±yo. H±yati kammaµµh±na½ sukum±rabh±venal³khapaµipatti½ asahantassa. Va¹¹hateva mah±purisaj±tikass±ti adhipp±yo. Na va¹¹hati kammaµµh±na½ upanissayarahitassa. Ekameva hi dhutaªga½ yath± kilesadhunanaµµhena, eva½ cetan±sabh±vatt±. Ten±ha “sam±d±nacetan±”ti.
Teras±pi dhutaªg±ni sam±d±ya pariharant±na½ puggal±na½ vasena “dv±catt±l²sa hont²”ti vatv± bhikkh³na½ terasannampi pariharaºassa ekajjha½yeva sambhava½ dassetu½ “sace h²”ti-±di vutta½. Tattha “ekappah±rena sabbadhutaªg±ni paribhuñjitu½ sakkot²”ti vutta½. Katha½ abbhok±se viharantassa rukkham³likaªga½? “Channa½ paµikkhip±mi, rukkham³likaªga½ sam±diy±m²”ti (visuddhi. 1.32) vacanato channe aruºa½ uµµh±pitamatte dhutaªga½ bhijjati, na abbhok±se, tasm± bhedahetuno abh±vena tampi arogameva. Tath± sen±sanaloluppassa abh±vena yath±santhatikaªganti daµµhabba½. ¾raññikaªga½ gaºamh± oh²yanasikkh±padena (p±ci. 691-692) paµikkhitta½, khalupacch±bhattikaªga½ anatirittabhojanasikkh±padena (p±ci. 238-240). Pav±rit±ya hi bhikkhuniy± atiritta½ katv± bhuñjitu½ na labbhati. Kappiye ca vatthusmi½ lolat±pah±n±ya dhutaªgasam±d±na½, na akappiye, sikkh±padeneva paµikkhittatt±. Aµµheva honti bhikkhuniy± sa½kaccikac²var±d²hi saddhi½ pañcapi tic²varasaªkhameva gacchant²ti katv±. Yath±vuttes³ti bhikkh³na½ vuttesu terasasu tic²var±dhiµµh±navinayakamm±bh±vato µhapetv± tec²varikaªga½ dv±dasa s±maºer±na½. Satt±ti bhikkhun²na½ vuttesu aµµhasu eka½ pah±ya satta tic²var±dhiµµh±navinayakamm±bh±vato. “Ýhapetv± tec²varikaªgan”ti hi ima½ anuvattam±nameva katv± “satta sikkham±nas±maºer²nan”ti vutta½. Patir³p±n²ti up±sakabh±vassa anucchavik±ni.

Dhutaªganiddesavaººan± niµµhit±.

Iti dutiyaparicchedavaººan±.