Pah±tabbadhammapah±nakath±

829. Ye yena pah±tabb± dhamm±, tesa½ pah±nañc±ti imesu pana cat³su ñ±ºesu ye dhamm± yena ñ±ºena pah±tabb±, tesa½ pah±nañca j±nitabba½. Et±ni hi yath±yoga½ sa½yojanakilesamicchattalokadhammamacchariyavipall±sagantha-agati-±sava-oghayogan²varaºapar±m±sa-up±d±na-anusayamala-akusalakammapathacittupp±dasaªkh±t±na½ dhamm±na½ pah±nakar±ni.
Tattha sa½yojan±n²ti khandhehi khandh±na½ phalena kammassa dukkhena v± satt±na½ sa½yojakatt± r³par±g±dayo dasa dhamm± vuccanti. Y±vañhi te, t±va etesa½ anuparamoti. Tatr±pi r³par±go ar³par±go m±no uddhacca½ avijj±ti ime pañca uddha½nibbattanakakhandh±disa½yojakatt± uddha½bh±giyasa½yojan±ni n±ma. Sakk±yadiµµhi vicikicch± s²labbatapar±m±so k±mar±go paµighoti ime pañca adhonibbattanakakhandh±disa½yojakatt± adhobh±giyasa½yojan±ni n±ma.
Kiles±ti saya½ sa½kiliµµhatt± sampayuttadhamm±nañca sa½kilesikatt± lobho doso moho m±no diµµhi vicikicch± thina½ uddhacca½ ahirika½ anottappanti ime dasa dhamm±.
Micchatt±ti micch±pavattanato micch±diµµhi micch±saªkappo micch±v±c± micch±kammanto micch±-±j²vo micch±v±y±mo micch±sati micch±sam±dh²ti ime aµµha dhamm±. Micch±vimuttimicch±ñ±ºehi v± saddhi½ dasa.
Lokadhamm±ti lokappavattiy± sati anuparamadhammakatt± l±bho al±bho yaso ayaso sukha½ dukkha½ nind± pasa½s±ti ime aµµha. Idha pana k±raºopac±rena l±bh±divatthukassa anunayassa al±bh±divatthukassa paµighassa ceta½ lokadhammaggahaºena gahaºa½ katanti veditabba½.
Macchariy±n²ti ±v±samacchariya½ kulamacchariya½ l±bhamacchariya½ dhammamacchariya½ vaººamacchariyanti im±su ±v±s±d²su aññesa½ s±dh±raºabh±va½ asahan±k±rena pavatt±ni pañca macchariy±ni.
Vipall±s±ti aniccadukkha-anatta-asubhesuyeva vatth³su “nicca½ sukha½ att± subhan”ti eva½ pavatto saññ±vipall±so cittavipall±so diµµhivipall±soti ime tayo.
Ganth±ti n±mak±yassa ceva r³pak±yassa ca ganthanato abhijjh±dayo catt±ro. Tath± hi te abhijjh± k±yagantho, by±p±do k±yagantho, s²labbatapar±m±so k±yagantho, ida½sacc±bhiniveso k±yagantho icceva vutt±.
Agat²ti chandadosamohabhayehi akattabbakaraºassa, kattabb±karaºassa ca adhivacana½. Tañhi ariyehi agantabbatt± agat²ti vuccati.
¾sav±ti ±rammaºavasena ±gotrabhuto, ±bhavaggato ca savan±, asa½vutehi v± dv±rehi ghaµachiddehi udaka½ viya savanato niccapaggharaºaµµhena sa½s±radukkhassa v± savanato k±mar±gabhavar±gamicch±diµµhi-avijj±nameta½ adhivacana½.
Bhavas±gare ±ka¹¹hanaµµhena duruttaraºaµµhena ca ogh±tipi, ±rammaºaviyogassa ceva dukkhaviyogassa ca appad±nato yog±tipi tesaññeva adhivacana½.
N²varaº±n²ti cittassa ±varaºan²varaºapaµicch±danaµµhena k±macchand±dayo pañca.
Par±m±soti tassa tassa dhammassa sabh±va½ atikkamma parato abh³ta½ sabh±va½ ±masan±k±rena pavattanato micch±diµµhiy± eta½ adhivacana½.
Up±d±n±n²ti sabb±k±rena paµiccasamupp±daniddese vutt±ni k±mup±d±n±d²ni catt±ri.
Anusay±ti th±magataµµhena k±mar±g±nusayo, paµigha, m±na, diµµhi, vicikicch±, bhavar±ga, avijj±nusayoti eva½ vutt± k±mar±g±dayo satta Te hi th±magatatt± punappuna½ k±mar±g±d²na½ uppattihetubh±vena anusentiyev±ti anusay±.
Mal±ti telañjanakalala½ viya sayañca asuddhatt±, aññesañca asuddhabh±vakaraºato lobhadosamoh± tayo.
Akusalakammapath±ti akusalakammabh±vena ceva duggat²nañca pathabh±vena p±º±tip±to adinn±d±na½ k±mesumicch±c±ro mus±v±do pisuºav±c± pharusav±c± samphappal±po abhijjh± by±p±do micch±diµµh²ti ime dasa.
Akusalacittupp±d±ti lobham³l± aµµha dosam³l± dve moham³l± dveti ime dv±dasa.
830. Iti etesa½ sa½yojan±d²na½ dhamm±na½ et±ni yath±yoga½ pah±nakar±ni. Katha½? Sa½yojanesu t±va sakk±yadiµµhi vicikicch± s²labbatapar±m±so ap±yagaman²y± ca k±mar±gapaµigh±ti ete pañca dhamm± paµhamañ±ºavajjh±, ses± k±mar±gapaµigh± o¼±rik± dutiyañ±ºavajjh±, sukhum± tatiyañ±ºavajjh±, r³par±g±dayo pañcapi catutthañ±ºavajjh± eva. Paratopi ca yattha yattha evasaddena niyama½ na kariss±ma. Tattha tattha ya½ ya½ “upariñ±ºavajjho”ti vakkh±ma, so so purimañ±ºehi hat±p±yagaman²y±dibh±vova hutv± upariñ±ºavajjho hot²ti veditabbo.
Kilesesu diµµhivicikicch± paµhamañ±ºavajjh±, doso tatiyañ±ºavajjho, lobhamoham±nathina-uddhacca-ahirika-anottapp±ni catutthañ±ºavajjh±ni.
Micchattesu micch±diµµhi mus±v±do micch±kammanto micch±-±j²voti ime paµhamañ±ºavajjh±, micch±saªkappo pisuºav±c± pharusav±c±ti ime tatiyañ±ºavajjh±, cetan±yeva cettha v±c±ti veditabb±. Samphappal±pamicch±v±y±masatisam±dhivimuttiñ±º±ni catutthañ±ºavajjh±ni.
Lokadhammesu paµigho tatiyañ±ºavajjho, anunayo catutthañ±ºavajjho, yase ca pasa½s±ya ca anunayo catutthañ±ºavajjhoti eke. Macchariy±ni paµhamañ±ºavajjh±neva.
Vipall±sesu anicce nicca½, anattani att±ti ca saññ±cittadiµµhivipall±s±, dukkhe sukha½, asubhe subhanti diµµhivipall±so c±ti ime paµhamañ±ºavajjh±, asubhe subhanti saññ±cittavipall±s± tatiyañ±ºavajjh±, dukkhe sukhanti saññ±cittavipall±s± catutthañ±ºavajjh±.
Ganthesu s²labbatapar±masa-ida½sacc±bhinivesak±yaganth± paµhamañ±ºavajjh±, by±p±dak±yagantho tatiyañ±ºavajjho, itaro catutthañ±ºavajjho.
Agati paµhamañ±ºavajjh±va.
¾savesu diµµh±savo paµhamañ±ºavajjho, k±m±savo tatiyañ±ºavajjho, itare dve catutthañ±ºavajjh±. Oghayogesupi eseva nayo.
N²varaºesu vicikicch±n²varaºa½ paµhamañ±ºavajjha½, k±macchando by±p±do kukkuccanti t²ºi tatiyañ±ºavajjh±ni, thinamiddha-uddhacc±ni catutthañ±ºavajjh±ni.
Par±m±so paµhamañ±ºavajjhova.
Up±d±nesu sabbesampi lokiyadhamm±na½ vatthuk±mavasena k±m±ti ±gatatt± r³p±r³par±gopi k±mup±d±ne patati, tasm± ta½ catutthañ±ºavajjha½, ses±ni paµhamañ±ºavajjh±ni.
Anusayesu diµµhivicikicch±nusay± paµhamañ±ºavajjh±va, k±mar±gapaµigh±nusay± tatiyañ±ºavajjh±, m±nabhavar±g±vijj±nusay± catutthañ±ºavajjh±.
Malesu dosamala½ tatiyañ±ºavajjha½, itar±ni catutthañ±ºavajjh±ni.
Akusalakammapathesu p±º±tip±to adinn±d±na½ micch±c±ro mus±v±do micch±diµµh²ti ime paµhamañ±ºavajjh± pisuºav±c± pharusav±c± by±p±doti tayo tatiyañ±ºavajjh±, samphappal±p±bhijjh± catutthañ±ºavajjh±.
Akusalacittupp±desu catt±ro diµµhigatasampayutt± vicikicch±sampayutto c±ti pañca paµhamañ±ºavajjh±va, dve paµighasampayutt± tatiyañ±ºavajjh±, ses± catutthañ±ºavajjh±ti.
Yañca yena vajjha½, ta½ tena pah±tabba½ n±ma. Tena vutta½ “iti etesa½ sa½yojan±d²na½ dhamm±na½ et±ni yath±yoga½ pah±nakar±n²”ti.
831. Ki½ panet±ni ete dhamme at²t±n±gate pajahanti ud±hu paccuppanneti. Ki½ panettha yadi t±va at²t±n±gate, aphalo v±y±mo ±pajjati. Kasm±? Pah±tabb±na½ natthit±ya. Atha paccuppanne, tath±pi aphalo, v±y±mena saddhi½ pah±tabb±na½ atthit±ya, sa½kilesik± ca maggabh±van± ±pajjati, vippayuttat± v± kiles±na½, na ca paccuppannakileso cittavippayutto n±ma atth²ti. N±ya½ ±veºik± codan±. P±¼iya½yeva hi “sv±ya½ kilese pajahati, at²te kilese pajahati, an±gate kilese pajahati, paccuppanne kilese pajahat²”ti vatv±, puna “hañci at²te kilese pajahati, tenahi kh²ºa½ khepeti, niruddha½ nirodheti, vigata½ vigameti, atthaªgata½ atthaªgameti. At²ta½ ya½ natthi, ta½ pajahat²”ti (paµi. ma. 3.21) ca vatv±, “na at²te kilese pajahat²”ti paµikkhitta½.
Tath± “hañci an±gate kilese pajahati, tenahi aj±ta½ pajahati, anibbatta½ pajahati, anuppanna½ pajahati, ap±tubh³ta½ pajahati. An±gata½ ya½ natthi, ta½ pajahat²”ti ca vatv±, “na an±gate kilese pajahat²”ti paµikkhitta½.
Tath± “hañci paccuppanne kilese pajahati, tenahi ratto r±ga½ pajahati. Duµµho dosa½, m³¼ho moha½, vinibaddho m±na½, par±maµµho diµµhi½, vikkhepagato uddhacca½, aniµµhaªgato vicikiccha½, th±magato anusaya½ pajahati. Kaºhasukk± dhamm± yuganaddh±va vattanti. Sa½kilesik± maggabh±van± hot²”ti ca vatv±, “na at²te kilese pajahati, na an±gate, na paccuppanne kilese pajahat²”ti sabba½ paµikkhipitv±, “tenahi natthi maggabh±van±, natthi phalasacchikiriy± natthi kilesappah±na½, natthi dhamm±bhisamayo”ti pañh±pariyos±ne “na hi natthi maggabh±van±…pe… natthi dhamm±bhisamayo”ti paµij±nitv± “yath± katha½ viy±”ti vutte ida½ vutta½–
“Seyyath±pi taruºo rukkho aj±taphalo, tamena½ puriso m³le chindeyya, ye tassa rukkhassa aj±taphal±, te aj±t±yeva na j±yanti, anibbatt±yeva na nibbattanti, anuppann±yeva na uppajjanti, ap±tubh³t±yeva na p±tubhavanti, evameva upp±do hetu upp±do paccayo kiles±na½ nibbattiy±ti upp±de ±d²nava½ disv± anupp±de citta½ pakkhandati, anupp±de cittassa pakkhandatt± ye ±y³hanapaccay± kiles± nibbatteyyu½, te aj±t±yeva na j±yanti…pe… ap±tubh³t±yeva na p±tubhavanti, eva½ hetunirodh± dukkhanirodho. Pavatta½ hetu…pe… nimitta½ hetu…pe… ±y³han± hetu…pe… an±y³hane cittassa pakkhandatt± ye ±y³hanapaccay± kiles± nibbatteyyu½, te aj±t±yeva…pe… ap±tubh³t±yeva na p±tubhavanti, eva½ hetunirodh± dukkhanirodho. Eva½ atthi maggabh±van±, atthi phalasacchikiriy±, atthi kilesappah±na½, atthi dhamm±bhisamayo”ti (paµi. ma. 3.21).
832. Etena ki½ d²pita½ hoti? Bh³miladdh±na½ kiles±na½ pah±na½ d²pita½ hoti. Bh³miladdh± pana ki½ at²t±n±gat± ud±hu paccuppann±ti. Bh³miladdhuppann± eva n±ma te.
833. Uppanna½ hi vattam±nabh³t±pagatok±sakatabh³miladdhavasena anekappabheda½. Tattha sabbampi upp±dajar±bhaªgasamaªgisaªkh±ta½ vattam±nuppanna½ n±ma. ¾rammaºarasa½ anubhavitv± niruddha½ anubh³t±pagatasaªkh±ta½ kusal±kusala½ upp±d±dittaya½ anuppatv± niruddha½ bh³t±pagatasaªkh±ta½ sesasaªkhatañca bh³t±pagatuppanna½ n±ma. “Y±nissa t±ni pubbekat±ni kamm±n²”ti (ma. ni. 3.248) evam±din± nayena vutta½ kamma½ at²tampi sam±na½ añña½ vip±ka½ paµib±hitv± attano vip±kassok±sa½ katv± µhitatt± tath± katok±sañca vip±ka½ anuppannampi sam±na½ eva½ kate ok±se ekantena uppajjanato ok±sakatuppanna½ n±ma. T±su t±su bh³m²su asam³hata½ akusala½ bh³miladdhuppanna½ n±ma.
834. Ettha ca bh³miy± bh³miladdhassa ca n±natta½ veditabba½. Bh³m²ti hi vipassan±ya ±rammaºabh³t± tebh³mak± pañcakkhandh±. Bh³miladdha½ n±ma tesu khandhesu uppattiraha½ kilesaj±ta½. Tenahi s± bh³mi laddh± n±ma hot²ti tasm± bh³miladdhanti vuccati, s± ca kho na ±rammaºavasena. ¾rammaºavasena hi sabbepi at²t±n±gate pariññ±tepi ca kh²º±sav±na½ khandhe ±rabbha kiles± uppajjanti mah±kacc±na-uppalavaºº±d²na½ khandhe ±rabbha soreyyaseµµhi nandam±ºavak±d²na½ viya. Yadi ca ta½ bh³miladdha½ n±ma siy±, tassa appaheyyato na koci bhavam³la½ pajaheyya. Vatthuvasena pana bh³miladdha½ veditabba½. Yattha yattha hi vipassan±ya apariññ±t± khandh± uppajjanti, tattha tattha upp±dato pabhuti tesu vaµµam³la½ kilesaj±ta½ anuseti. Ta½ appah²naµµhena bh³miladdhanti veditabba½.
835. Tattha ca yassa yesu khandhesu appah²naµµhena anusayit± kiles±, tassa te eva khandh± tesa½ kiles±na½ vatthu, na aññesa½ santak± khandh±. At²takkhandhesu ca appah²n±nusayit±na½ kiles±na½ at²takkhandh±va vatthu, na itare. Esa nayo an±gat±d²su. Tath± k±m±vacarakkhandhesu appah²n±nusayit±na½ kiles±na½ k±m±vacarakkhandh±va vatthu, na itare. Esa nayo r³p±r³p±vacaresu. Sot±pann±d²su pana yassa yassa ariyapuggalassa khandhesu ta½ ta½ vaµµam³la½ kilesaj±ta½ tena tena maggena pah²na½, tassa tassa te te khandh± pah²n±na½ tesa½ tesa½ vaµµam³lakiles±na½ avatthuto bh³m²ti saªkha½ na labhanti. Puthujjanassa sabbasova vaµµam³lakiles±na½ appah²natt± ya½kiñci kariyam±na½ kamma½ kusala½ akusala½ v± hoti. Iccassa kammakilesapaccay± vaµµa½ vaµµati. Tasseta½ vaµµam³la½ r³pakkhandheyeva, na vedan±kkhandh±d²su. Viññ±ºakkhandheyeva v±, na r³pakkhandh±d²s³ti na vattabba½. Kasm±? Avisesena pañcasupi khandhesu anusayitatt±.
836. Katha½? Pathav²ras±di viya rukkhe. Yath± hi mah±rukkhe pathav²tala½ adhiµµh±ya pathav²rasañca ±porasañca niss±ya tappaccay± m³lakhandhas±khapas±khapallavapal±sapupphaphalehi va¹¹hitv± nabha½ p³retv± y±va kapp±vas±n± b²japarampar±ya rukkhapaveºi½ sant±nayam±ne µhite ta½ pathav²ras±di m³leyeva, na khandh±d²su…pe… phaleyeva v±, na m³l±d²s³ti na vattabba½. Kasm±? Avisesena sabbesu m³l±d²su anugatatt±ti.
Yath± pana tasseva rukkhassa pupphaphal±d²su nibbinno koci puriso cat³su dis±su maº¹³kakaºµaka½ n±ma visakaºµaka½ ±koµeyya, atha so rukkho tena visasamphassena phuµµho pathav²rasa-±poras±na½ pariy±diººatt± appasavanadhammata½ ±gamma puna sant±na½ nibbattetu½ na sakkuºeyya, evameva khandhapavattiya½ nibbinno kulaputto tassa purisassa cat³su dis±su rukkhe visayojana½ viya attano sant±ne catumaggabh±vana½ ±rabhati. Athassa so khandhasant±no tena catumaggavisasamphassena sabbaso vaµµam³lakakiles±na½ pariy±diººatt± kiriyabh±vamatta-upagatak±yakamm±disabbakammappabhedo hutv± ±yati½ punabbhav±nabhinibbattanadhammata½ ±gamma bhavantarasant±na½ nibbattetu½ na sakkoti. Kevala½ carimaviññ±ºanirodhena nirindhano viya j±tavedo anup±d±no parinibb±yati, eva½ bh³miy± bh³miladdhassa ca n±natta½ veditabba½.
837. Apica aparampi samud±c±ra-±rammaº±dhiggahita-avikkhambhita-asam³hatavasena catubbidha½ uppanna½. Tattha vattam±nuppannameva samud±c±ruppanna½. Cakkh±d²na½ pana ±p±thagate ±rammaºe pubbabh±ge anuppajjam±nampi kilesaj±ta½ ±rammaºassa adhiggahitatt± eva aparabh±ge ekantena uppattito ±rammaº±dhiggahituppannanti vuccati, kaly±ºig±me piº¹±ya carato mah±tissattherassa visabh±gar³padassanena uppannakilesaj±ta½ viya. Samathavipassan±na½ aññataravasena avikkhambhita½ kilesaj±ta½ cittasantatiman±r³¼hampi uppattiniv±rakassa hetuno abh±v± avikkhambhituppanna½ n±ma. Samathavipassan±vasena pana vikkhambhitampi ariyamaggena asam³hatatt± uppattidhammata½ anat²tat±ya asam³hatuppannanti vuccati, ±k±sena gacchantassa aµµhasam±pattil±bhino therassa kusumitarukkhe upavane pupph±ni uccinantassa madhurena sarena g±yato m±tug±massa g²tasavanena uppannakilesaj±ta½ viya. Tividhampi ceta½ ±rammaº±dhiggahit±vikkhambhita-asam³hatuppanna½ bh³miladdheneva saªgaha½ gacchat²ti veditabba½. 838. Iccetasmi½ vuttappabhede uppanne yadeta½ vattam±nabh³t±pagatok±sakatasamud±c±rasaªkh±ta½ catubbidha½ uppanna½, ta½ amaggavajjhatt± kenacipi ñ±ºena pah±tabba½ na hoti. Ya½ paneta½ bh³miladdh±rammaº±dhiggahita-avikkhambhita-asam³hatasaªkh±ta½ uppanna½, tassa ta½ uppannabh±va½ vin±sayam±na½ yasm± ta½ ta½ lokiyalokuttarañ±ºa½ uppajjati, tasm± ta½ sabbampi pah±tabba½ hot²ti. Evamettha ye yena pah±tabb± dhamm±, tesa½ pah±nañca j±nitabba½.